اجيب ايه ؟

[khpopo]

بس حاليا وصلت لاختيار صعب

فياريت تفيدونى

تريوس بلاتنيوم مانويل 118 الف
ماتريا فل اوبشن اوتو 109 الف

ياريت تفيدونى بسرعه عشان ان شاء الله هخلص فيها الاسبوع ده

ارجو المساعده

محير جداا كدة بس متهيالى ماتريا فل اوتو استخيرربنا وشوف العربتين وانت مرتاح لاية
ربنا يوفق

[eslam_wega]

صدقنى انت مش عارف انت عايز اية
والدليل انك بتختار بين عربيتين كل واحد من فئة مختلفة
فشوف انت عايز اية سيدان ولا هتشباك ولا جيب زى التيروس ولا كوبية ولا اية بالظبط ؟

[M.almaghraby]

صدقنى انت مش عارف انت عايز اية
والدليل انك بتختار بين عربيتين كل واحد من فئة مختلفة
فشوف انت عايز اية سيدان ولا هتشباك ولا جيب زى التيروس ولا كوبية ولا اية بالظبط ؟

kalam sa7 100%

[KHALED AYMAN]

شوف يا يا باشا ...
حاول تحدد الفئه الى انت عايزها بالظبط و اختار فيها ...
او حدد فئه سعريه يعنى مثلا عربيه ب 100 الف ...
مش شرط سيدان او هاتش اك او كوبيه (لو مش هتفرق معاك)...
انما لو هتختار بين الماتيريا و التريوس يبقى ماتيريا ليه؟؟
عربيه هتبقى فول اوبشن ..
و اوتو يعنى راحه ...
و نفس شركه التريوس بس كماليات اعلى ...
اه التريوس عاليه بس الماتيريا حلوه برده (الا لو محتاج عربيه حاليه ضحى بالاوبشن و هات التريوس )....
بص من الاخر ..
صلى استخاره و هات الى ترتاحله ...
لان فى الاخر انت الى هتركبها مش احنا ...
ولا ايه ؟؟

[kloda]

السلام عليكم
بُص يا باشا
العربيات اللي أنت بتقارن بيها دي أغلبها عربيات كويسة و هانطلع الصيني من الموضوع و لو أني مُعجب بالتيجو و لكنها صيني و 2000 سي سي إلا إذا الموضوع ده مش فارق معاك .

أنت بتتكلم عن اعادة البيع و قطع الغيار
أحسنهم في النقطتين دول هي البروتون جين 2 نتيجة لأنتشارها بالمقارنة مع بقية السيارات و يمكن يدخل معاها البولو في موضوع قطع الغيار و ليس اعادة البيع .

طبعا الأخوة قبلي نصحوك و أقترحوا عليك حاجات

بس أهم حاجة في قرار شراء العربية هو الأرتياح النفسي ليها
يعني مينعش أروح أشتري عربية مُعينة مثلا علشان خاطر اللي هايشتري مني بعد كدا ( بس قرار زي كدا له عوامل كتيرة في التفكير )

يعني برضه لازم الخسارة تكون موضوعة في الأعتبار لو هناك تفكير في اعادة البيع .

أما بالنسبة للعربيات موضع المقارنة
أحسنهم البروتون جين 2 طبقا لشروطك أنت

بس أنا لو منك .... هاجيب العربية اللي عاجباني على طول من غير وجع دماغ
يعني البيجو أختيار ممتاز و لكن يعيبها التوكيل السئ و البطيء
لو العربية عاجباك ... أسأل عليها كويس و شوف دورة قطع الغيار و أخبار التوكيل بالتفصيل من أصحاب البيجو الجديد .

إنما لو الجين 2 عاجباك .
أنزل على طول هاتها و هي سيارة ممتازة و بتتميز بالثبات الرهيب الرهيب و الإتزان الفظيع على الطريق
و فيها عوامل أمان و فيها كماليات كثيرة و صاجها قوي و رياضية في المقام الأول
و ثمنها معقول قوي قوي .

ربنا يوفقك للي فيه الخير .

و الله توت باشا بجد جاب من الاخر و ربنا يوفقك للي فية الخير