مع احترامى ل الجين2 ولكن !!

[Abdo_Eldesokey]

طب ما عندك يا باشا التويوتا كورولا الشكل القديم ... ما هي بردوا عفشتها بتفك بسرعة ومحتاجة تتربط دوريا ً ... هل ده يعيب العربية في حاجة ؟؟

لأ يعيب الطرق في المقام الأول ... لأن دي عربيات للمدن والي عندنا في مصر ملوش أي علاقة بالمدن

وممكن طبعا ً يكون عيب السواق نفسه ... لأن العربية مغرية في الجري والشد فبالتالي مع الطرق المكسرة العفشة لازم تفكك على طول

[tutankhamoun]

أيه ده هو تربيط العفشة في الجين 2 بس ؟؟؟؟
يا أستاذ بطوط أي عربية في الوجود ( أي عربية في الدنيا ) لازم يربطوا عفشة خصوصا في الدول اللي الطرق فيها تتساوى مع الحرير زي طرق مصر المحروسة .

بالنسبة للأصوات ....أي عربية هاتمشي في طرق مصر لازم تطلع أصوات .... مع وجود أصوات بسيطة في الجين 2 نتيجة لطريقة تركيب مُعينة لبعض الأشياء و أغلب الأصوات البسيطة دي لها حل .

و بعدين موضوع الأصوات ده بيفرق من شخص للتاني
فيه ناس ودنها حساسة قوي و دي هاتتعب مع أي عربية إلا بقى لو راح أشترى عربية ب 200 ألف جنيه أو على الأقل 150 ألف .

و فيه ناس مش حساسة قوي و مش بتحس بأي حاجة في العربية ( أقصد الحاجات البسيطة )

بالنسبة للجين 2 على وجه الخصوص .
العربية فيها مميزات و عيوب
من أهم مميزاتها .... الثبات و قوة الصاج و الكماليات و السعر بالاضافة لقوة تحمل العربية

عيوب العربية الأساسية هي عيوب تقفيل بسيطة في الغالب
يبقى لو أنت ناوي تتغاضى عن عيوب التقفيل في مقابل الحصول على
ثبات العربيات الغالية .
موتور محترم .
كماليات كتيرة .
عوامل أمان .
سعر كويس .
شكل رياضي و جميل .
يبقى كل حاجة تبقى تمام و زي الفل

مش ناوي تتغاضى عن عيوب التقفيل البسيطة ( إذا وجدت ) خصوصا أن موديلات 2009 تقفيلها أفضل .
يبقى مينفعش تشتري جين 2 أو أي عربية مش مستريحلها .

لو عندك أستعداد تشتري الجين 2 .... و تتمتع بمميزاتها و تتغاضى عن عيوب التقفيل يبقى هاترتاح نفسيا .
معندكش أرتياح نفسي .... هات أي حاجة تانية تكون مريحاك نفسيا . بس صدقني مش هاتلاقي حاجة في السعر ده بنفس امكانيات الجين 2 .

[khpopo]

كلام مهم

بص يااستاذى العربية رياضية يعنى لازم يكون قى نوع من الخشونة ودة طبيعى :10D5C8~1107: بس مش معناة ان بتهابد لا بالعكس تحس فيها التماسك مش تراخى وللعلم مش بتحس انها محتاجة تربيط حتى لو ممفككة على عكس اليابانى والكورى لما بيفك متعرفش لا تمش ولا تسافر بيها الا لما تربطها تمام
نيجى للمشاكل الى بتظهر وهى فردية وليست عامة عشانا الى هانقولة دلوقتى
عربية مغرية للجرى تفتكر اى حد هايركبها هيعمل اية انة هايجرب وهايجرب ويفضل يدوس وطبعا الشعور بالمتعة بياخدة وبذلك العربية بتتعرض لاسوء المعاملات وذلك لطبيعة الشوارع الجميلة بتاعتنا وغالبا مش بتعدى على خير من غير بهدلة للعربية :k36: يبقى عرفت لية الجين2 فيها اصوات
من : قوتها +المعاملة فى القيادة +شوارع وطبيعة قاسية+عدم صيانة=نتيجة واضحة زى الشمس
امال هما مركبين شداد فى الماتور لية ؟
التوكيل بيعمل الى علية لكن الضغط كتير ودة من الى قلنا علية ومع ذلك مش بيتاخرعلى اد مايقدر ربنا يكفينا الشر ويسترها معانا روح شوف كم العربيات المخبوطة فى التوكيل هاتعرف العربية دة بيتعمل فيها اية لانها مغرية وممتعة جدااا ومجهزة لكدة لكن مع طبيعة عادية سوية ومحترمة ومتابعة
جين2 الجميلة معادلة جديدة من العربيات بس لو نبطل نقلق منها ونعاملها زى ما بنعامل اى عربية نعرفها من زمان كلة هايبقى تمام
ربنا يوفق

[abou_ruqi]

يا جماعة باختصار شديد
مشاكل العفشة دي عيب في البلد مش عيب في العربية !

هو ده رصف تمشي عليه عربيات ؟ المفروض نشيل الكاوتش ونربط الجنوط بجنزير زي المدرعة فهد !

[akramesg]

يا جماعة باختصار شديد
مشاكل العفشة دي عيب في البلد مش عيب في العربية !

هو ده رصف تمشي عليه عربيات ؟ المفروض نشيل الكاوتش ونربط الجنوط بجنزير زي المدرعة فهد !

لو همر نزلت بشتيـــــــل اهونلها لو داس عليها فيـــــل

[batoot556]

كلام مطمئن يعنى يا اهل الخبرة يا احلى اعضاء لو بقارن ما بين الجين2 وال frv و نيو اكسنت احسن اختيار اية

[abou_ruqi]

كلام مطمئن يعنى يا اهل الخبرة يا احلى اعضاء لو بقارن ما بين الجين2 وال frv و نيو اكسنت احسن اختيار اية

جين2 بدون أي تردد ولو للحظة قيمة فلوسها فيها

أما الحاجات التانية دي بتدفع فلوس كتيرة قوي وبتاخد في الأخر عربية عادية جداً ما تستهلش نص الرقم ده

[KingMu]

كلام مطمئن يعنى يا اهل الخبرة يا احلى اعضاء لو بقارن ما بين الجين2 وال frv و نيو اكسنت احسن اختيار اية

الfrv شكلها هتبقى عربيه حلوة بس لسه معداش عليها كتير فى السوق فمحدش يقدر يديلك راى فيها
النيو اكسنت زى ما الاح قالك عربيه عاديه بمعنى الكلمه
كل حاجة فيها عاديه ومفهاش اى حاجه تخطفك لا شكلها ولا سواقتها حتى الفيرنا بتجرى احسن منها
الجين عربيه ممتعه جدا وبرضه الحلو ما يكملش بس انا شايف انها احسن اختيار

[the_civil_333]

يبني دي سنفنية
شوية تزيق وتخبيط
اية يعني
احنا في مصر
اخي الكريم
اثبتت دراسة جغرافية اجرتها احد الهيات العاملة
بستخدام اقمار صناعية
ان مصر عبارة عن مطب كبيير
وعلي هذا المطب بعض المطبات الكبيرة بردو
وان الحفر والمدقات والابار والحتت المكسرة ما هي الا
محاولة من الخكومة الا الرجوع الي الوضع الاصلي
لشكل الارض
بص
انا هبسطهالك
جين 2 عربية نشفة قوي
مساعد زي الطوبة وانت ماشي بالراحة
تحس ان المطب تحت الكرسي
مش زي النسر عربية نعمة
بس انا مثلا بمشي بالعربية في حتت ما يعلم بيها الا ربنا
والاسفلت دا بيبقي امنية بالنسبالي
صراحة لولا المساعد الناشف كانت العربية راحت
المساعد الناشف بيخلي العربية تترج
عشان كدا بتحتاج تتربط علي طول
خد مطب جامد علي سرعة بالجين وانت تعرف الفرق

[M.almaghraby]

go eAST

GO w\EST


GeN 2 iS tHE bEst

[jollyboy]

مان اشترى العربيه واتوكل على الله انا معايا جين 2009 اوتوماتيك وعامل بيها 9000 كيلو ولا عمرى سمعت صوت ولا فى اى شكوى والحمد لله العربيه زى الفل ومش هتندم وتحس انك راكب عربيه مش اقل من 130000 جنيه

[mohamedowais]

اولا متشكر لردك وزوقك بس بردة كان فية صوت ولو بسيط ما هو دة لية واشمعنى الجين بس اللى كدة وبعدين يا باشا انا معاك ان العربية فيها كماليات تحفة بس العفشة مهمة ولو فى ناس غير حضرتك راحوا الصيانة وربطوا العفشة بعد الف كيلو امال بعد 60000 حيعملوا اية
وربنا يحميهالك ويوفقك بيها

انا معايا جين 2 2007 صث و عامل لحد دلوقتي بيها 60000
و مفيش اي مشكله الحمد لله في العفشه
و العربيه الحمد لله تمام
خللي بالك برضه ان امكانيات العربيه مقارنة بالسعر مش قليله خالص فاكيد في حاجات مش هتبقى 100 100
انت مش راكب بي ام يعني

[wessampacha]

i think i am the only old owner here, as my car built in 09-2006 and i do not have any problems, well i have some but it's regular in any car

[m.3abdel3al]

مخالفة القاعدة 6 من قواعد المنتدى

إدارة المنتدى - 3

[m.3abdel3al]

مخالفة القاعدة 6ب من قواعد المنتدى

إدارة المنتدى - 3