سوائل لاهل الخبرة

[empiror21]

الحمد لله جبت الجين 2 بفضل المنتدى الرائع و لي سوائل اولا العربيه بتجيب 100 على rpm 3 مش اقل ؟؟ طبيعي و لا لأ السرعه القصوى كام على اول 1000كم علشان احافظ على العربيه اخيرا العربيه اكتر من رائعه الحمد لله و شكرا
----------
تم تصحيح العنوان
إ م -6

[ahmedsiyam]

لا موش طبيعى بس انت لسه فى التليين و مع الوقت عداد لفات الموتور هايقل معاك

بالنسبة للسرعة ماتزودش على الـ 100 كلم

[saidbakr]

انا عندي وجهة نظر بخصوص موضوع التليين و سرعة العربية و كيفية المشي بيها، و جهة نظري بتتلخص في كلمة بسيطة، اديها طول ما هي قابلة.

ده يعني ايه؟ إنك من غير حرق و قرص على العربية، طول ما انت لاقيها بتسحب معاك فاديها المراد ودوس، بس برضوا لازم تدوس بحنية حتى و لو وصلت 150 او 180 دي موش مشكلة.

بس فيه ملحوظة تانية، و دي موش خاصة بس للعربيات اللي بتلين، و لكن طبعا في التليين اولى، لما تكون ماشي على طريق سريع مفتوح، اتجنب دايما انك تخليك ماشي على سرعة ثابتة فترات ومنية كبيرة، يعني من حين إلى آخر تبقى تشد شوية، او تكن شوية.

[tutankhamoun]

الحمد للاله جبت الجين 2 بفضل المنتدى الرائع و لي سوائل اولا العربيه بتجيب 100 على rpm 3 مش اقل ؟؟ طبيعي و لا لأ السرعه القصوى كام على اول 1000كم علشان احافظ على العربيه اخيرا العربيه اكتر من رائعه الحمد لله و شكرا

أنت أوتوماتيك و لا مانوال ؟؟؟
و 100 على الغيار الكام ؟؟؟

لو مانوال .... و الغيار الخامس .... يبقى مفيش مشكلة هي كل الجين 2 كدا في المانوال و دي صورة العداد على كذا سرعة :
أول صورة ... سرعة 80 على الغيار الرابع


الصورة التانية
سرعة 90 على الغيار الخامس و للآسف معنديش صورة لسرعة 100 و لكن عند سرعة 100 بيكون عداد اللفات عند 2900 لفة



في الأوتوماتيك معرفش و الناس اللي معاها أوتوماتيك يقدروا يفيدوا أكتر خصوصا أن الأستاذ أحمد صيام قال مش طبيعي يبقى في الأوتوماتيك المفروض يكون أقل .


بالنسبة للتليين
يجب أتباع كتيب التشغيل في هذا الموضوع
و كتيب التشغيل بيقول ما تزودش عن 100 في أول 1000 كم و بالكتير 110 كم - س على الغيار الخامس و عدد لفات الموتور ما يزدش عن 3000 لفة .

الطريقة المفضلة في التليين
عدم السير على سرعة ثابتة و غيار ثابت لمسافة طويلة
يعني تمشي عشرة كم ... على سرعة 80 إلى 90 على الغيار الخامس و بعدين تقل للغيار الرابع و تثبت السرعة ما بين 70 إلى 80 و هكذا دواليك .
في الغيار الأول يجب تشبيعه حتى عدد لفات 3000 لفة و لا تقوم بالتغيير قبل ذلك . ( ما تقلقش من صوت الموتور ) و الثاني نفس الموضوع .
فيه شرط كمان .... أنك ما تحرقش على الغيارات أو تحاول تجيب سرعة بسرعة أو وقت قصير ... سيب العربية تأخد وقتها في التغيير و الوصول للسرعة المرغوبة .

أفضل سرعة لتوفير البنزين في العربية هي سرعة 90 على الغيار الخامس و سرعة 75 - 80 على الغيار الرابع .

و مبروك العربية

[khpopo]

مبروووووووووووك جين2 الجميلة ربنا يديك خيرها ويكفيك شرها وزى مقال الاخ توت فى التلين
ربنا يوفق

[ahmedsiyam]

انا عندي وجهة نظر بخصوص موضوع التليين و سرعة العربية و كيفية المشي بيها، و جهة نظري بتتلخص في كلمة بسيطة، اديها طول ما هي قابلة.

ده يعني ايه؟ إنك من غير حرق و قرص على العربية، طول ما انت لاقيها بتسحب معاك فاديها المراد ودوس، بس برضوا لازم تدوس بحنية حتى و لو وصلت 150 او 180 دي موش مشكلة.

الاخ الفاضل سعيد بكر

انا عندى ليك سؤال
انت ليينت كام عربية زيرو قبل بكده بنفسك ؟
لان صاحب الموضوع بيسال اهل الخبرة و اشك بصراحة فى ان عربية زيرو يتعمل فيها كده و تعمر معاك

ثانيا يا باشا كتيب التعليمات بتاع العربية اللى انا امتلكها و قراته كلمة كلمة قبل ماعمل بالعربية اى حاجة بيقول ان المفروض تجنب السرعات العالية فى اول 1000 كلم

انا باوجه نظر حضرتك بس ان ردك ممكن الراجل ياخد بيه و فى الاخر هو اللى هايضر لانه بصراحة رد عارى تماما من الصحة

بس فيه ملحوظة تانية، و دي موش خاصة بس للعربيات اللي بتلين، و لكن طبعا في التليين اولى، لما تكون ماشي على طريق سريع مفتوح، اتجنب دايما انك تخليك ماشي على سرعة ثابتة فترات ومنية كبيرة، يعني من حين إلى آخر تبقى تشد شوية، او تكن شوية.

الملحوظة دى انا موافقك عليها

[eslam_wega]

بعد ازنك يا جماعة عندى سوال
بعد ما العربية تلين ومثلا باقت عاملة 5000 كليو
لو حد بيحب الجرى ممكن يقرص على الغيار لغايت 7 و 8 rbm
عادى ولا فيها مشكلة ؟

[ahmad alshaaer]

لا طبعا اخرك في القرص 6500 لفه
ولو العربيه اوتوماتيك هي مهما هتقرص على الغيار وتكبس بنزين على الاخر الفتيس هيغير لوحده عند الار بي ام 6500 واللي هي قبل منطقة الخطر الحمراء ولكن لو اديتها الغيار التالت وانت على سرعات عاليه قبل ال 160 كلم هتلاقي الاربي ام لسه ماجاش طبعا على ال 6500 ولكن لو طولت بعد ال 160 كلم على الغيار التالت هتلاقي الموتور بيفصل معاك اول ماتبدأ تدخل على المنطقه الحمرا
يعني بمعنى اصح الفتيس في الاوتوماتيك هو بيبقى عارف انت عاوز تعمل ايه وبيساعدك عليه
وعلى فكره طبيعي انك وانت ماشي على 100 كلم تلاقي الاربي ام بالظبط 2800 وعلى ال110 على 3000
وبالنسبه للتليين الرجاله قالولك الااااخر مااقدرش اقول حاجه بعد كده ولكن اضيف انك ماتتاخرش في تغيير الزيت عن ال 1000 كلم لان الزيت ده بيبقى مليان رايش
والف مبروك

[eslam_wega]

طيب وبالنسبة للمانويل عادى لو جابت 7 او 8 Rbm ولا ايه ؟

[Dr Ahmed]

الحمد للاله جبت الجين 2 بفضل المنتدى الرائع و لي سوائل اولا العربيه بتجيب 100 على rpm 3 مش اقل ؟؟ طبيعي و لا لأ السرعه القصوى كام على اول 1000كم علشان احافظ على العربيه اخيرا العربيه اكتر من رائعه الحمد لله و شكرا

ياريت حضرتك تاخد بالك من صحة اللغة لإنها بجد محتاجة بعض العناية منك

[tutankhamoun]

طيب وبالنسبة للمانويل عادى لو جابت 7 او 8 Rbm ولا ايه ؟

الغيار زي ما الأستاذ تويتي قال
أخره 6500 و الكمبيوتر هايفصل الغيار قبل دخول المنطقة الحمراء
و بعدين هو أنت عايز تعمل 8000 لفة ليه ؟؟ هو حضرتك داخل سباق ؟

على فكرة أقصى قدرة بتطلع من العربية عند 6000 و بيبدأ منحنى القوة الحصانية يقل لو عليت بسرعة الموتور لأكتر من 6000
يعني الدوس فوق 6000 ملوش أي لزمة و كل ده حمل على الموتور و استهلاك بنزين بدون اي داعي

[tutankhamoun]

الاخ الفاضل سعيد بكر

انا عندى ليك سؤال
انت ليينت كام عربية زيرو قبل بكده بنفسك ؟
لان صاحب الموضوع بيسال اهل الخبرة و اشك بصراحة فى ان عربية زيرو يتعمل فيها كده و تعمر معاك

ثانيا يا باشا كتيب التعليمات بتاع العربية اللى انا امتلكها و قراته كلمة كلمة قبل ماعمل بالعربية اى حاجة بيقول ان المفروض تجنب السرعات العالية فى اول 1000 كلم

انا باوجه نظر حضرتك بس ان ردك ممكن الراجل ياخد بيه و فى الاخر هو اللى هايضر لانه بصراحة رد عارى تماما من الصحة



الملحوظة دى انا موافقك عليها

+111111111
طبعا كلام الأستاذ أحمد صيام تمام و ياريت فعلا يا جماعة اللي يدي أي نصيحة خصوصا لما تكون متعلقة بموتور العربية يكون مجرب علشان ده موتور .... مش برنامج كمبيوتر هانجرب فيه و لو باظ نعمل غيره .
لأن على كلام الأستاذ سعيد بكر .... الراجل لو جاب بالعربية 180 في التليين ( و مخالف لتعليمات كتيب التشغيل ) ..... يبقى لو سمحتوا غنولي أغنية بودعك أخر وداع للأخ محمد فؤاد .

شكرا للأستاذ أحمد صيام .

[eslam_wega]

الغيار زي ما الأستاذ تويتي قال
أخره 6500 و الكمبيوتر هايفصل الغيار قبل دخول المنطقة الحمراء
و بعدين هو أنت عايز تعمل 8000 لفة ليه ؟؟ هو حضرتك داخل سباق ؟

على فكرة أقصى قدرة بتطلع من العربية عند 6000 و بيبدأ منحنى القوة الحصانية يقل لو عليت بسرعة الموتور لأكتر من 6000
يعني الدوس فوق 6000 ملوش أي لزمة و كل ده حمل على الموتور و استهلاك بنزين بدون اي داعي

فعلا ان بكون داخل سباق
شكرا ليك بجد استفدت منك

[saidbakr]

الاخ الفاضل سعيد بكر

انا عندى ليك سؤال
انت ليينت كام عربية زيرو قبل بكده بنفسك ؟
لان صاحب الموضوع بيسال اهل الخبرة و اشك بصراحة فى ان عربية زيرو يتعمل فيها كده و تعمر معاك

ثانيا يا باشا كتيب التعليمات بتاع العربية اللى انا امتلكها و قراته كلمة كلمة قبل ماعمل بالعربية اى حاجة بيقول ان المفروض تجنب السرعات العالية فى اول 1000 كلم

انا باوجه نظر حضرتك بس ان ردك ممكن الراجل ياخد بيه و فى الاخر هو اللى هايضر لانه بصراحة رد عارى تماما من الصحة



الملحوظة دى انا موافقك عليها

عزيزي الفاضل،

العربية الشاهين اللي معايا حالياً انا اللي ملينها بنفسي، و كان ساعتها عندي 20 سنة بالتمام و الكمال (للصراحة انا و ابويا) و حتى اننا روحنا بيها مركز الصيانة بتاع غمرة و ده كان قبل ما تكمل الألف كيلو، علشان كان في صدا في سقف العربية، المهم كان فيه واحد هناك (طبعا انا لايمكن افتكر اسمه دلوقتي) بس كان شكله راجل خبرة، سألته ينفع ادي العربية الخامس دلوقتي، قالي شوف : اديها اللي انت عاوزه، بس ما تقرصشي عليها، يعني طول ما هي قابلة معاك من غير قرص خليك ماشي.

جايز في الوقت ده كانت الأمور ماشية تمام لأني ايامها كنت بحط فيها بنزين 80 و عن تجربتي البنزين 80 بيخنق العربية شوية، و لكن تقريبا بعد سنة او اتنين يعني 99 ما عدت احطلها غير 90 لأنه بيحسسني بفرق كبير في السحب.