محتاج لمعرض يقسط جين2 بأقل فائده على 5 سنين

[ahmed_h_g]

طلب بسيط من أعضاء المنتدى محتاج ضرورى لمعرض يقسط جين2 على 5 سنوات أو 3 سنوات بأقل فائده وبمقدم حوالى 45000 جنيه مقدم ويا ريت لو حد عارف الأسعار دلوقتى كام وهترخص ولا لأ ؟ يعنى أستعجل وأدفع مقدم ولا أصبر فتره . ياريت تفيدونى بسرعه .

[kloda]

المقدامات كلها دلوقتي من 25% و انت طالع و 45000 دة نسبة كويسة جدا جدايعني حتقسط بصورة البطاقة و الفايدة 9.5 او 9.8 ممكن تلاقي اقل بس مش
اكيد
اما بالنسبة لانك تجيبها دلوقتي و لا تستني شوية في دة حسب احتياج حضرتك ليها و عمتن الجين 2 سعرها ثابت و ما اعتقدش انو حينزل لانو لو حينزل كان نزل مع الانسر و هيونداي و شيفرولية
و عموما ما فيش موديل حينزيل امكانياتة اعلي من الموجود الا ال cps و دة لسا احتمال ينزل علي 2010 او 2011
و الجين 2 سعرها 90.900 ان شاء الله تخلصها علي 89000 الاوتوماتيك
من عز العرب و لو عايز تقسيط بجد محترم جدا عليك و علي كونتكت كار الفايدة 9.5 و محترمين جدا و اجرائتهم بتاخد اسبوع او 10 ايام
و ربنا يوفئك الي ما فية الخير بأذن الله

[ahmed_h_g]

الف الف الف شكر يا أستاذ klodaa على ردك السريع والكامل
أنا أقتنعت بكلامك بالكامل بس ممكن أسأل حضرتك سؤال ؟
أنا شايف أسعار كونتاكت الجين تو ذى الواجا بالظبط ولكن فى المعارض مختلفه. الواجا أغلى بكتييير من الجين تو . السؤال هو أنا عايزها كامله مانيوال وأنا شايف الواجا أفضل من حيث أسعار قطع الغيار واتساع الصالون وأشياء أخرى .. فعايز أعرف ترجحلى أنهى ؟
سؤال تانى معلش أنا لو هجيب الواجا هجيب الشكل القديم
هل هتفرق فى السعر ؟
معلش سؤال أخير معلش خنقت حضرتك أنا نفسى الاقى قسط لا يزيد عن 750 جنيه لحد ما تفرج وبعد فتره لا تزيد عن سنه هكيشها أعمل ايه ؟؟؟؟
أحب أشكرك مره أخرى

[kloda]

بص حضرتك اسعار الموقع بتاع كونتكت اغلي من الاسعار الحقيقية عشان علي ما اعتقد ما عملولوش تحديث من مدة كبيرة
ثانيا انهي الاحسن حسب حاجة حضرتك لو شاب طبعا جين 2 و لو اسرة صغيرة جين 2 اما لو عائلة فا الافضل و اجا
الجين كاملة مانيوال ب 85000
بالنسبة لفرق السعر انا لما سألت علي جين 2 2008 طلعت ارخص من 2009 بالف جنية بس فتقريبا نفس الكلام للواجا
اما موضوع القسط اعتقد ان لو حضرتك دفعت 45000 و قسطت علي 5 سنوات ممكن يطلع المبلغ دة عموما اتصل و اسأل
انا بعت ل حضرتك علي الرسائل الخاصة اسم معرض محترم جدا و رقم تليفونة
و ربنا يوفقك في الاختيار

[Eng.Osama.Afifi]

ماتجيبش دلوقتي وإنضم للمقاطعة

[kloda]

معلش انا التصويت بتاعي اتعمل غلت
انا شايف ان مع الجين 2 بالذات مش حتفرق لان العربية اصلا سعرها بجد اقل من امكانيتها بكتير و عموما بروتون كلها كدة

[MohabSaeed]

الف الف الف شكر يا أستاذ klodaa على ردك السريع والكامل
أنا أقتنعت بكلامك بالكامل بس ممكن أسأل حضرتك سؤال ؟
أنا شايف أسعار كونتاكت الجين تو ذى الواجا بالظبط ولكن فى المعارض مختلفه. الواجا أغلى بكتييير من الجين تو . السؤال هو أنا عايزها كامله مانيوال وأنا شايف الواجا أفضل من حيث أسعار قطع الغيار واتساع الصالون وأشياء أخرى .. فعايز أعرف ترجحلى أنهى ؟
سؤال تانى معلش أنا لو هجيب الواجا هجيب الشكل القديم
هل هتفرق فى السعر ؟
معلش سؤال أخير معلش خنقت حضرتك أنا نفسى الاقى قسط لا يزيد عن 750 جنيه لحد ما تفرج وبعد فتره لا تزيد عن سنه هكيشها أعمل ايه ؟؟؟؟
أحب أشكرك مره أخرى

حاول تشوف الاول موضوع التقسيط مع التوكيل لان ساعات بيكون عندهم احسن نسبه + ممكن تأمن معاهم كمان تبع التأمين التكافلى .
+ ان اضمن مكان ممكن تشترى منه هو التوكيل لانها مش بتكون ماشيه كتير و متخزنه فى ساحه مش فى الشارع زى المعارض .

بالنسبه للواجا مافيش حاليا واجا الشكل القديم زيرو
و بالنسبه للشكل الجديد كان احد الاخوه فى المنتدى سأل فى التوكيل و عرف انها حتكون موجوده اول شهر ابريل .

انهى احسن واجا ولا جين . ؟ شوف انتا مرتاح فى انهى اكتر و شوف انهى عجبتك اكتر .

[eslam_wega]

اصبر شوية خليك مع الحملة

[eng_mh1980]

انت ممكن تقسط مع البنك العربي الافريقي بفايدة 6% بس لازم 50% مقدم وده حاصل فعلا
انا قسط مع شركة العالمية بفايدة 9% علشان موضوع البنوك والشبهة وكده يعني

[ahmed_h_g]

الف شكر يا جماعه على حسن التعاون وأنا إن شاء الله قررت أجيب جين 2 كامله مانيوال بس حبيت أعرف منكم ثمنها الأكيد كام دلوقتى الكاش وهل تم تعديل بعض العيوب الخفيفه اللى ظهرت ولا لسه على العموم مش هتفرق كتير
شكرا

[kloda]

85000 اكيد طبعا في الموتور و التقفيل
وربنا يوفقك الي ما فية الخير

[creative]

هو بس فى حاجة بسيطة كان فى زميل قالها وهى ان الفايدة مع العربى الافريقى 6 % الكلام ده صحيح بس الفايدة دى مقتصرة على معرض ابو غالى فقط غير وهو لا يبيع الجين 2