If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
إعـــــــلان
Collapse
.
,
See more
See less
موضوع مهم لكل البروتوناويه -:{ ورشة بروتون }:- شاركنا خبرتك و معلوماتك و استفساراتك
يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92
بص أنا دي بتحصل معايا بس لما أكون مش على سرعة الغيار يعنى لو أنا على التالت والعربية مهدية أوي وكبست بنزين أسمع صوت تسقيفة ولو على التاني بردو ومهدي أوي أوي وكبست تسقف , لكن لما سألت أصحابي في الموضوع ده قالولي إن ده مش عيب لإنك ببساطة لو مش واخد سرعة الغيار وكبست بنزين مش هتجري وهتسقف , بس على العموم وحيث إني محروم في العربية ديه من الأبلاتين والكوندينسر حبايب قلبي , بس بردو هقولهم في التوكيل على الموضوع ده وهشوف ردهم إيه , وهطلب منهم يظبطوا الكهربا بتاعة العربية لو ينفع فيها ده
انا والله عندي مشكله ومش عارف لسه الحل فيها ايه وياريت يا استاذ مهاب تشاركني الرأي في حلها و طبعاً الاخوه الاعضاء المحترمين و الافاضل
المشكله في الاتي
اولاً انا العربية كانت في التوكيل في شهر يناير علشان اثر حادث وتم تغير بعض القطع و كان منها كبوت و اكصدام امامي
المهم و الحمد لله استلمت العربية وكل شئ تمام
مؤمن باشه
الموضوع ده لما بيحصل المرش بيقوم ولا لاء ؟؟؟؟؟؟؟؟؟
لو المرش بيقوم يبقي في حاجه في الكونترول او توصيلات الكهربه "و ده انت قلت انه تمام"
لو المرش مش بيقوم "وده اللي انا متوقعه " يبقي العيب في البطاريه و الكلام ده مش هيحصل كتير و ساعتا احسن حاجه انك تجيب و حده جديده
يا جماعة لو حد معاه برسونا مانيوال يفيدنى الموتور بيكركر كتير جدا .. زى ما يكون الكهربا مش مزبوطة الى معاه بيرسونا و ما اخدش باله .. يجرب اكبس بنزين جامد و انت طالع و بعدين سيب دبرياج هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة حد يشوفلنا حل .. على فكره بحط بنزين 92
الموضوع ان شاء الله سهل جرب تفول 95 "ايوه انا عارف انه غالي جدا"
بس يكون من بنزينه كويسه و لو الكلام ده اتكرر يبقي راجع علي الفلتر و البوجيهات هتكون عوزه نظافه
انا غيرت سير التوقيت " طقم الكاتينه بالكامل " عند 80 الف كيلو بخلاف التوكيل الى بيغيرهم عند 60 الف كيلو ب 1800 جنيه
جبت سير الكاتينه و بليه شداد الكاتينه من توكيل ميتسوبيشى " منفذ بيع قطع الغيار " فى شارع الكيت كات , يوم 7- 1 - 2009
سير الكاتينه 217 جنيه .
بليه الشداد 261 جنيه .
شاملين ضريبه المبيعات .
و جبت سير المجموعه " تكيف - باور " و سير الدينامو من محل المدينه قى شارع دمشق فى نفس التاريخ .
سير ( باور - تكيف ) صن يابانى 45 جنيه
سير دينامو صن يابانى 35 جنيهيعنى المجموع 560 جنيه . شامل ال3 سيور و البليه فى حين ان سير الكاتينه لوحده فى التوكيل ب 520 جنيه :c_laugh[1]:و البليه ب 460 جنيه تقريبا مش متذكر بالظبط .
و طبعا لو كنت جبت سير الكاتينه و البليه من شارع دمشق كنت حوفر كمان 200 جنيه مثلا . و جبت فلتر زيت ميتسوبيشى اصلى من محل المدينه ب 30 جنيه , و ده افضل نوع .
مهاب باشا المواضيع القاتلة دى انت تغيب تغيب وتطلع بحاجة جامدة كدة 10/10 يا باشا
سير ( باور - تكيف ) صن يابانى 45 جنيه
سير دينامو صن يابانى 35 جنيهيعنى المجموع 560 جنيه . شامل ال3 سيور و البليه فى حين ان سير الكاتينه لوحده فى التوكيل ب 520 جنيه :c_laugh[1]:و البليه ب 460 جنيه تقريبا مش متذكر بالظبط .
اللة اللة انت عايز تاكل السوق ولا اية لالالالالالالالا حاسب احنا هنا لالالالا بجد الموضوع جامد جدا ومفيد لكل الاعضاء الجدد والقدامى
يا جماعة لو حد معاه برسونا مانيوال يفيدنى الموتور بيكركر كتير جدا .. زى ما يكون الكهربا مش مزبوطة الى معاه بيرسونا و ما اخدش باله .. يجرب اكبس بنزين جامد و انت طالع و بعدين سيب دبرياج هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة حد يشوفلنا حل .. على فكره بحط بنزين 92
بالنسبة للكركرة على فكرة هى تقريبا فى كل مواتير الجديدة المانيوال برسونا وجين 2 2009 والواجا 2009 طبيعية علشان انا شفت عميل كان بيشتكى منها ومعاة جين 2 2009وعلشان نأكد انها طبيعى جربنا اكتر من عربية زيرو قدامو وهو كمان جرب كل الى ركبهم كان فيها موضوع الكركرة دة بس دة الى انا شفتة بعنية حتى انى نصحت العميل بلموضوع دة انو يقول للورشة اننو يجرب اى واحدة زيرو وهما وافقوا وهعملوة وشكرا ليك يا مهاب ومتغيبش كدة بقا بتوحشنا ياباشا
[B][justify]work like u don't need the money, love like u've never been hurt, dance like nobody's watching........"[/justify][/B]
هو موتور عربية حضرتك الكامبرو ولا المتسوبيشي؟؟ وهل قطع الغيار دي تركب على الموتورين ولا لأ؟
موتور عربيتى ميتسوبيشى 4g18 و علاشان كده قطع غيار موتور الانسر 1600 مشتركه مع موتور عربيتى ...... لكن موتور الكامبرو مختلف و قطع الغيار مختلفه مابين الموتورين .
مهاب باشا المواضيع القاتلة دى انت تغيب تغيب وتطلع بحاجة جامدة كدة 10/10 يا باشا
اللة اللة انت عايز تاكل السوق ولا اية لالالالالالالالا حاسب احنا هنا لالالالا بجد الموضوع جامد جدا ومفيد لكل الاعضاء الجدد والقدامى
احمد باشا سلطان و الله واحشنى جدا و عارف انى مقصر معاك جامد .
يا باشا ازاى اكل السوق و كبير بروتون موجود معانا
انتا عارف اسعار قطع الغيار عاليه حبتين تلاته ... فتوصلت لكام معلومه فقولت افيد بيها باقى الاعضاء و الفكره كبرت فى دماغى و قولت ليه مايبقاش موضوع عام لكل موديلات بروتون لكل المشاكل الى واجهتنا و حلولها و اى حد عنده معلومه يفيدنا بيها و يبقى مرجع لينا ....
طالب منكو تدوني رأي في الموضوع ده
انا عربيتي جين 2 2007 اوتوماتيك عاملع 60000 مغير تيل من فتره عشان كان بيصفر...ظهرت عندي اصوات تكتكه مع الفرامل وخشونه في العجلتين الامامييين.في التوكيل غيرولي جلب الفرامل الصوت راح لكن فضلت الخشونه وبعد اقل من شهرين التكتكه بقت قدام وورا مع الفرامل بصوره ملحوظه بعد ما امشي بالعربيه نص ساعه زمن.بالاضافه لصوت خشن عند الفرمله كانه حديد بيحك في حديد.مع غربله في الدريكسيون في السرعات من 70-90 بتقل بعد كده.بتاع الكاوتش قالي عندك مشاكل في العفشه لان كاوتشك الجديد ما كملش 6 شهور وبقا فيه عالي وواطي ولازم فردتين تتغير.
مع العلم اني من اسكندريه ودخلت التوكيل بالمشاكل دي مرتين وبطلع منه بمسكنات.
اروح لعفشجي ؟ اغير طنابير؟ بلي عجل؟ ولا اعمل ايه محتاج مشاركه وجدانيه بخبراتكو وشاكر ليكو مقدما
طالب منكو تدوني رأي في الموضوع ده
انا عربيتي جين 2 2007 اوتوماتيك عاملع 60000 مغير تيل من فتره عشان كان بيصفر...ظهرت عندي اصوات تكتكه مع الفرامل وخشونه في العجلتين الامامييين.في التوكيل غيرولي جلب الفرامل الصوت راح لكن فضلت الخشونه وبعد اقل من شهرين التكتكه بقت قدام وورا مع الفرامل بصوره ملحوظه بعد ما امشي بالعربيه نص ساعه زمن.بالاضافه لصوت خشن عند الفرمله كانه حديد بيحك في حديد.مع غربله في الدريكسيون في السرعات من 70-90 بتقل بعد كده.بتاع الكاوتش قالي عندك مشاكل في العفشه لان كاوتشك الجديد ما كملش 6 شهور وبقا فيه عالي وواطي ولازم فردتين تتغير.
مع العلم اني من اسكندريه ودخلت التوكيل بالمشاكل دي مرتين وبطلع منه بمسكنات.
اروح لعفشجي ؟ اغير طنابير؟ بلي عجل؟ ولا اعمل ايه محتاج مشاركه وجدانيه بخبراتكو وشاكر ليكو مقدما
استاذ ايمن
شاكر لاهتمام حضرتك..انا من اسكندريه وابو رواش بعيده شويتين عني
احب اطمنك انا ظبطت عفشه وفاضلي تغيير تيل الفرامل وكده ان شاء الله كل المشاكل اتحلت
السلام عليكم جميعا
أنا قلت طالما دي الورشة الي دشنها أ/ مهاب يبقى ممكن نحكي فيها عن تجربة الصيانات عشان الناس تستفيد :
إتصلت وحجزت يوم الأربعاء الماضي وأخدت ميعاد الساعة 9:20 وروحت وكنت تالت عربية , جات لي مهندسة إيمان (زي صيانة الألف بردو) كتبت أمر الشغل وسألتني في حاجة في العربية قلتلها عندي أربع ملحوظات :
1- مكنة الإزاز بتاعة الباب اليمين بتعمل صوت مع الفتح والقفل و أحيانا الباب الشمال
قالتلي نشوفها
2- أحيانا السنتر بيعلق خاصة البابين اللي قدام بس قلتلها إن ده مش على طول يمكن حصل مرة أو مرتين
لقيتها بتقولي بس دي مشكلة عشان دا محتاج كتاوت ومافيش حاليا في التوكيل , قلتلها طب شوفوها بردو ممكن تكون حاجة تانية وكتبتها بردو
3-أحيانا بسمع صوت من الدريكسيون لما أكون ماشي في حته مكسرة وأكون كاسر الدريكسيون
قالتلي بردو نبص عليه
4- العربية بتسقف على التاني والتالت لو كبست لها وكنت كاتب الحاجة اللي قال عليها أ / مهاب إنها تتظبط ووريتها لها , مافهمتش إيه ده وقالتلي هما هيشوفوا ده ولو فيه حاجة هيعملوها
,اخدت ميعاد على الساعة 3 والصراحة هما مواعيدهم معايا في المرتين كانت مظبوطة جدا , روحت وكنت مستعجل , إستلمت العربية بسرعة بس سألتها إيه اللي تم قالتلي , بالنسبة للسنتر لقوا مافيش حاجة وشغال تمام , ومكنة الإزاز عملوها , وصوت الدريكسيون إتعمل , وبالنسبة للتسقيف , نضفوا فلتر البنزين
خرجت من التوكيل ووأنا ماشي قلت أجرب بقى الحاجات دي إتعملت ولا إيه وكانت النتيجة كالتالي
1- مكنة الإزاز لسة بتعمل صوت .......يعني مافيش حاجة إتعملت علما بإني كنت معدي مرة من عند واحد بيركب مكن إزاز وسمعته الصوت قاللي دا غالبا تراب على المكنة محتاج يتنضف وعرض عليا يعملها قلتله عشان العربية لسة في الضمان هعملها في التوكيل بس للأسف حتى ما فكوش الباب عشان يبصوا على المكنة !!! وكاتبين في أمر الشغل تم عمل صيانة مش عارف إيه كده في المكنة ...ولا تعليق
2- السنتر ماعلقش تاني وغالبا مش عشان هما عملوا حاجة لكن من نفسه ......يمكن عشان أصيل
3- صوت علبة الدريكسيون ماحصلش معايا يومها خالص بس بعد يومين ظهر تاني ....فا غالبا بردو هما لصموه كده أي حاجة عشان يخلصوا
4- موضوع التسقيف دا الحسنة الوحيدة اللي طلعت بيها منهم لإن العربية إتظبطت معايا تما بعد تنضيف فلتر البنزين
الخلاصة إن التوكيل ده محتاج مهندسين أكتر يشرفوا بذمة وضمير -مع إحترامي للمهندسين المحترمين الموجودين في التوكيل حاليا- على الفنيين اللي غالبا بيشتغلوا كده تقضية وقت عشان كل واحد فيهم يخلص الساعة 4 ويطلع على ورشته الخاصة , ده إنطباعي الشخصي وخاصة إن المصنعية اللي بياخدوها مش قليلة , 140 جنيه مش قليل وأنا أدفعهم مش مشكلة بس الشغل يتعمل بذمة
إيه اللي نويت أعمله ؟ وللأسف إن الأمور تمشي بالطريقة ديه
في صيانة ال10000 إن شاء الله يا إما هكلم مهندس آمر يا إما هبعتله ميل قبل الصيانة وأقوله على أي حاجة ناقصة من الصيانات اللي فاتت كلها(وأنا معايا كل أوامر الشغل اللي مسجل فيها كل الحاجات ديه) وما إتعملتش عشان غالبا ساعتها هيبقى في إهتمام شوية وهفضي نفسي يومها وأقعد لهم في التوكيل مع العربية وأشرف بنفسي على كل اللي بيتعمل
معلش على الإطالة وأرجو إن أكون فيدتكم بالتجربة ديه
الصراحه مش فاهم ... اى فلتر بنزين الى بيتنظف فى عربيه زيرو عامله 5000 كيلو ؟ + ان فلتر البنزين بيتغير .. ماينفعش فيه التنظيف . اعتقد ان حل المشكله كان فى حاجه بعيد عن موضوع الفلتر ......ممكن المانفول ... او نسبه خلط الهواء مع البنزين , او يمكن حاجه تانيه الله اعلم .
2- صوت النقر الى فى الدركسون بيبقى فى الغالب عيب كلوك سبرينك و الحل التغير , لانها مش بتتصلح .
الف مبروك يا استاذ احمد على صيانه ال5 ..... و عقبال ال100 الف , انتا كلامك صح حاول دايما بعد كل صيانه انك تتم على كل حاجه بنفسك . و خلى صياناتك كل 10,000 اريح و اوفر.
امبارح كنت بغير زيت فى البنزينه ... و كالعاده فى كل مره بنزل تحت العربيه ابص على الكبالن ..المقصات ..العفشه ككل .
لاحظت حاجه مهمه كاوتشه علبه الدركسيون ( Steering Boot ) او " بيسموها كاوتشه المزيكا على اساس انها عامله زى الاكورديون :) " مقطوعه ...... المهم روحت دمشق و فكيتها عند ميكانيكى هناك و جبت زيها بالمقاس و طلعت لموديل من موديلات هيونداى ... تمنها 20 جنيه تايلاندى و اسم المصنع OSAKO .
فى ناس كتير مش عارفه اهميه الكاوتشه ديه او يقولو باستهتار بتحمى من التراب !!! .... و مش عارفه ان كاوتشه ب 20 جنيه .... ممكن تبوظ علبه دركسيون تمنها 4500 جنيه !!!
الكاوتشه ديه مهمتها انها تمنع التراب و الرمل من الدخول ل عمود الاداره الRack , و بتحمى ال اويلسيلات و الراك من التلف .
رجاء خاص فى كل غيار زيت لازم نبص بصه تحت العربيه و نشوف اذا كان فى شى مش طبيعى ... كاوتشات مقطوعه .." خصوصا كاوتش الكوبلن و الدركسيون " ... خراطيم الفرامل ... المساعدين .... تسريب زيت مش طبيعى ...الخ , الفحص السريع ممكن يحمى عربيتك من اضرار تصليهحا مكلف جدا .
Comment