ياترى ايه اقصى سرعة وصلت لها بعربيتك البروتون؟

[Amr_tika88]

انا اقصى سرعه وصلتلها كانت 240 بعربيه مرسيدس 300 وده كان في السعودية مش في مصر
اقصى سرعه جبتها بعربيتي الواجا كانت 190 على طريق مصر اسكندرية الساعه 3 ونص بليل
وكان الطريق فاضي خالص

بس مهما كان السرعة غلط ولازم كل حاجه ليها حدود

[M.almaghraby]

انا جبت 180 علي طريق مصر اسماعيلية اناهارده

[m.3abdel3al]

ايوه يا محب بس ما تحولش تزود

[amir]

معلش يا جماعه
مع كل احترامي لاشخاصكو كناس محترمه اعضاء معانا في المنتدي
الا اني و بكل احترام و حفظ للمقامات
انا شايف انكو تتقو الله في نفسكو و في غيركو من الابرياء سواء راكبي السيارات او المشاه و بلاش تنطيط علي قوانين الفيزياء
السرعات اللي بتتكلمو فيها دي محتاجه قد ايه مسافه بس علشان توقف العربيه؟؟
لو حد ماشي بالسرعات بتاعتكو دي و قابله عائق سواء مشاه او عربيه هيعمل ايه؟
انا عن نفسي لما بقابل واحد زيكو كده و انا ماشي بعمل كل ما في وسعي علشان البسه في الرصيف
ماهو لو في يوم واحد قريبي او صاحبي اتصاب بسبب جنون السرعات دي اكيد اكيد مش هرحم البني ادم الغبي اللي سايق بالشكل ده لو شايف نفسه شوماخر يروح يسوق عربيات سباق مش يمشي في شوارعنا الرديئه اصلا بسرعات زي كده
عارفين ان قانونا لو مشيت بسرعه اعلي من المسموح بيه داخل المدينه و عملت حادثه بتبقي التهمه قتل عمد مش قتل خطأ
قتل عمد
يعني سيادتك هتروح من العربيه بتاعتك لو طلعت سليم علي ابو زعبل او طبليه عشماوي و محدش ساعتها هينفعك
و ياريت بقي نبطل مواضيع مضره زي دي في المنتدي معظمنا كبار لكن في نسبه من الشباب حديث العهد بالسواقه و صغير السن
تفتكرو دول يعملو ايه بعد ما يقرو موضوع زي ده؟
فاكرين سواق النقل اللي خبط عربيه و جري و بعدين اكتشف ان العربيه دي بتاعت ابنه و ابنه مات فيها؟!!!!!
اتقو الله اتقو الله اتقو الله

و قبل ما حد مش عاجبه كلامي يرد رد كده ولا كده ارجوكو بصو علي الموضوع ده الاول و لو لسه نفسك تجادل معايا اهلا و سهلا
الدال علي خير كفاعله
http://www.nilemotors.net/Nile/showthread.php?t=66901

[amir]

و ده لينك لموضوع برضو بيتكلم علي السرعه

http://www.nilemotors.net/Nile/showthread.php?t=65612

[elmadawy]

170 علي طريق مصر اسكندرية الصحراوي وكانت تجربه مش اكثر وربنا يستر

[M.almaghraby]

amir باشا انا معاك 1000% بس انا بتكلم علي سرعة عالطريق السريع مش جوا البلد

و اكيد انا مش بستهتر بارواح الناس ابدا ولا حاجة

بس 180 دي كانت لثواني و بعد كدا مش بزود عن 130


و في الاخر انا معاك طبعا

[m.3abdel3al]

فعلا الي بيقوله محب صح انا مش ماشي بخبط في الناس و على فكره مش حاجة حلوة انك تخبط الناس او تلبسهم في الرصيف علشان المفروض اصلا مش انت الي بتحاسبهم علشان كده ملكش حق انك تلبسه في الرصيف يعني لو كل الناس عملت زيك كده يبقى انتوا السبب في الحوادث مش الي بيمشوا بسرعة ؟؟؟؟؟؟؟ ( غريب اوي على فكره ) مع كل الاحترام و التقدير طبعا

[MuhammedSoliman]

معلش يا جماعه
مع كل احترامي لاشخاصكو كناس محترمه اعضاء معانا في المنتدي
الا اني و بكل احترام و حفظ للمقامات
انا شايف انكو تتقو الله في نفسكو و في غيركو من الابرياء سواء راكبي السيارات او المشاه و بلاش تنطيط علي قوانين الفيزياء
السرعات اللي بتتكلمو فيها دي محتاجه قد ايه مسافه بس علشان توقف العربيه؟؟
لو حد ماشي بالسرعات بتاعتكو دي و قابله عائق سواء مشاه او عربيه هيعمل ايه؟
انا عن نفسي لما بقابل واحد زيكو كده و انا ماشي بعمل كل ما في وسعي علشان البسه في الرصيف
ماهو لو في يوم واحد قريبي او صاحبي اتصاب بسبب جنون السرعات دي اكيد اكيد مش هرحم البني ادم الغبي اللي سايق بالشكل ده لو شايف نفسه شوماخر يروح يسوق عربيات سباق مش يمشي في شوارعنا الرديئه اصلا بسرعات زي كده
عارفين ان قانونا لو مشيت بسرعه اعلي من المسموح بيه داخل المدينه و عملت حادثه بتبقي التهمه قتل عمد مش قتل خطأ
قتل عمد
يعني سيادتك هتروح من العربيه بتاعتك لو طلعت سليم علي ابو زعبل او طبليه عشماوي و محدش ساعتها هينفعك
و ياريت بقي نبطل مواضيع مضره زي دي في المنتدي معظمنا كبار لكن في نسبه من الشباب حديث العهد بالسواقه و صغير السن
تفتكرو دول يعملو ايه بعد ما يقرو موضوع زي ده؟
فاكرين سواق النقل اللي خبط عربيه و جري و بعدين اكتشف ان العربيه دي بتاعت ابنه و ابنه مات فيها؟!!!!!
اتقو الله اتقو الله اتقو الله

و قبل ما حد مش عاجبه كلامي يرد رد كده ولا كده ارجوكو بصو علي الموضوع ده الاول و لو لسه نفسك تجادل معايا اهلا و سهلا
الدال علي خير كفاعله
http://www.nilemotors.net/Nile/showthread.php?t=66901

طبعا كلام حضرتك 100 100 (بس مش فاهم إيه يعني تلبسوا فى الرصيف ؟ ) واللى قال الكلام الجميل اللى فات مش هوه اللى يقول كده ( واخلاق اللى بيمشوا بالسرعه العاليه ديه هيه هيه اخلاق اللى يقول كده: ألبسوا فى الرصيف بس اللى بيمشى بسرعه أخلاقه فى السواقه أحسن شويه لأنه مهمن كان معندوش النيه المسبقه للأذيه )

ثم يا أخي ده كلام برضوا طب افرض يا أخي أخوك ولا أخويا ولا حد معرفه كان على الرصيف هتمتوا يا خي اتقي الله فى نفسك وفى الأبرياء اللى على الرصيف ثم حضرتك ده يبقي قتل مع سبق الإسرار والترصد إن حضرتك تبذل ما فى وسعك إنك تلبسه ثم اللى سيدتك هتلبسوا فى الرصيف ده هيسكت لك ولا هلبسك انت كمان فى اللى قدامك ده الكلام برضوا يا أخي اتقي الله مينفعش كده واعتقد أن اللى بيلبسوا دول فى الرصيف برضوا كبار فى السن وميصحش يعملوا كده (الكلام مش لحضرتك لوحدك بصفتك بتلبس فى الرصيف لأ لكل إللى بيلبسوا فى الرصيف)

مع حبي وتقديري ومتزعلش من النصيحه ده زي ما الناس مزعلتش منك أنت كمان متزعلش على فكره ان شفت الرابط فعلا حوادث بشعه وربنا يحميك ويحمينا يارب مع إن من الواضح إن فى حد لبسهم فى الرصيف
وتقبل تحياتى

[ahmedsiyam]

د/ امير

طبعا مشكور على مداخلتك و كلامك صحيح 100 %

الموضوع موش مستفز و لا فيه اى حاجة و اكيد اى قعدة مابين الاصحاب ممكن تلاقى موضوع زيى ده اتفتح
يعنى انا جيبت بعربيتى السرعة دى لانى كنت باجرب العربية مع مهندس فى التوكيل لانى كنت باشكك فى سلامة صندوق السرعات انما هى مرة و خلاص
واعتقد ان اغلب الاخوة الافاضل هنا جابوا السرعة دى على سبيل التجربة لان اصلا فى بلدنا مافيش طريق يساعد على الجرى بامان

خلينى احب اوضحكلك حاجة برضه

انا شفت على الدائرى حادثة على سرعة عادية جدا يمكن اقل من 70 بس بنى ادم غبى متمثل فى صورة حيوان بيقطع الطريق الدائرى و لان سواق النقل مارضيش يفرمه حب يفاديه كانت النتيجة 5 عربيات تهشموا بس حمار من دول اللى بيعدوا غلط

عندك اللى بيعدى جوه البلد و فى صلاح سالم و فى مكان نفق عبور المشاة و بيعدى زيى الحيوان فى الشارع و انا على سرعة قليلة و قدامى عربية الحمد لله انى شوفت الموقف بدرى روحت حاطط رجلى على الفرامل بدرى و فعلا اللى قدامى فرمل علشان يفاديه و انا الحمد لله مالبستش فيه و برضه الكلام ده على سرعة قليلة و لو على سرعة عالية كان زمانا ضعنا

اللى عايز اقوله انه كتير من المواقف بتحصل على سرعات قليلة و بتسبب فى كوارث بسبب خطأ الغير او اللى بيعدى الشارع او بلاعة او عائق او اى مصيبة من مصائب مصر المحروسة
طبعا ناهيك عن الشباب العبيط اللى مقضيها غرز صبح و باليل و فى اى وقت و فى اى مكان دول لوحدهم مصيبة و عايزين الحرق هم و اهاليهم اللى مدينهم عربيات يروعوا بيها الناس فى الشارع

انما دعنا نتفق ان السرعة الجنونية هى سبب رئيسى و مباشر فى الحوادث و اهدار الارواح
بس لو انت بتلبس حد فى الرصيف برضه انت ساهمت بصورة مباشرة فى حادثة من دول

تحياتى يا دكترة و نسمع عنك كل خير

[amir]

فعلا الي بيقوله محب صح انا مش ماشي بخبط في الناس و على فكره مش حاجة حلوة انك تخبط الناس او تلبسهم في الرصيف علشان المفروض اصلا مش انت الي بتحاسبهم علشان كده ملكش حق انك تلبسه في الرصيف يعني لو كل الناس عملت زيك كده يبقى انتوا السبب في الحوادث مش الي بيمشوا بسرعة ؟؟؟؟؟؟؟ ( غريب اوي على فكره ) مع كل الاحترام و التقدير طبعا

محمد
انا مقلتش انك انت او غيرك ممن شاركو في الموضوع ده محل انتقادي
انا بنتقد اللي بيسوقو بسرعه عاليه جدا جوه البلد
انا فعلا لا املك محاسبتهم المفروض الحكومه هي اللي تعمل كده
لكن كام مره و انت سايق عادي ييجي واحد زي الطلقه وراك و انت مش عارف اساسا توسعلو ازاي ماهو الشمال فاضي و انت ماسك اليمين !!!
كام مره و انت بتعدي شارع في امان الله تلاقي عربيه سايقها عربجي بياخد غرز علي سرعات عاليه و انت واقف مش عارف هيفاديك ازاي؟
انا مره هديت و انا سايق علشان اسره مكونه من اب و ام و 3 اطفال صغيرين يعدو قام واحد غبي انتهزها فرصه ياكل مني غرزه عارف ايه اللي حصل؟
الاب اترزع علي الكبوت بتاع صاحبنا ده و الام و الاطفال صريخ و انهيار و الاب علي الارض غرقان في دمه مبينطقش
الموقف ده مش هنساه ابدا
في موقف تاني عند شارع الطيران كان واحد بيجري و يغرز فخبط عربيه المهم طلع بيجري بعربيته من الراجل اللي خبطه و هو بيجري بقي فعص اتنين في تقاطع!!
فلما الاقي واحد ملوش لازمه في الدنيا بيجري في الشارع بحاول اوقفه (البسه في الرصيف كلمه قلتها زي ما بنقول البسه في الحيط كده) مش معني كده اني بحاول اخليه يعمل حادثه

طبعا كلام حضرتك 100 100 (بس مش فاهم إيه يعني تلبسوا فى الرصيف ؟ ) واللى قال الكلام الجميل اللى فات مش هوه اللى يقول كده ( واخلاق اللى بيمشوا بالسرعه العاليه ديه هيه هيه اخلاق اللى يقول كده: ألبسوا فى الرصيف بس اللى بيمشى بسرعه أخلاقه فى السواقه أحسن شويه لأنه مهمن كان معندوش النيه المسبقه للأذيه )

ثم يا أخي ده كلام برضوا طب افرض يا أخي أخوك ولا أخويا ولا حد معرفه كان على الرصيف هتمتوا يا خي اتقي الله فى نفسك وفى الأبرياء اللى على الرصيف ثم حضرتك ده يبقي قتل مع سبق الإسرار والترصد إن حضرتك تبذل ما فى وسعك إنك تلبسه ثم اللى سيدتك هتلبسوا فى الرصيف ده هيسكت لك ولا هلبسك انت كمان فى اللى قدامك ده الكلام برضوا يا أخي اتقي الله مينفعش كده واعتقد أن اللى بيلبسوا دول فى الرصيف برضوا كبار فى السن وميصحش يعملوا كده (الكلام مش لحضرتك لوحدك بصفتك بتلبس فى الرصيف لأ لكل إللى بيلبسوا فى الرصيف)

مع حبي وتقديري ومتزعلش من النصيحه ده زي ما الناس مزعلتش منك أنت كمان متزعلش على فكره ان شفت الرابط فعلا حوادث بشعه وربنا يحميك ويحمينا يارب مع إن من الواضح إن فى حد لبسهم فى الرصيف
وتقبل تحياتى

محمد
انا شرحت فوق قصدي من البسه في الرصيف و اظنك فهمتني كده
لكن اعذرني اللي بيسوق بسرعه جوه البلد ده تفتكر ايه اللي بيفكر فيه؟
انه يوصل بدري مثلا؟
ما ينزل قبل معاده بفتره كافيه
و كده كده و انت ماشي في اي شارع و لقيت واحد بيجري و مشيت انت عادي هتحصله في اقرب اشاره او تقاطع جرب الموضوع ده و انت تلاحظ ان كده كده مهما ان جري مش هيلحق حاجه لان الطريق اساسا مش فاضي
انا مع القانون في النقطه دي ان اللي بيجري جوه البلد و خبط واحد بيبقي قتل عمد لأن بسرعته دي عمرها ما يكون قتل خطأ
ده اسمه استهتار بأرواح المشاه و الراكبين

د/ امير

طبعا مشكور على مداخلتك و كلامك صحيح 100 %

الموضوع موش مستفز و لا فيه اى حاجة و اكيد اى قعدة مابين الاصحاب ممكن تلاقى موضوع زيى ده اتفتح
يعنى انا جيبت بعربيتى السرعة دى لانى كنت باجرب العربية مع مهندس فى التوكيل لانى كنت باشكك فى سلامة صندوق السرعات انما هى مرة و خلاص
واعتقد ان اغلب الاخوة الافاضل هنا جابوا السرعة دى على سبيل التجربة لان اصلا فى بلدنا مافيش طريق يساعد على الجرى بامان

خلينى احب اوضحكلك حاجة برضه

انا شفت على الدائرى حادثة على سرعة عادية جدا يمكن اقل من 70 بس بنى ادم غبى متمثل فى صورة حيوان بيقطع الطريق الدائرى و لان سواق النقل مارضيش يفرمه حب يفاديه كانت النتيجة 5 عربيات تهشموا بس حمار من دول اللى بيعدوا غلط

عندك اللى بيعدى جوه البلد و فى صلاح سالم و فى مكان نفق عبور المشاة و بيعدى زيى الحيوان فى الشارع و انا على سرعة قليلة و قدامى عربية الحمد لله انى شوفت الموقف بدرى روحت حاطط رجلى على الفرامل بدرى و فعلا اللى قدامى فرمل علشان يفاديه و انا الحمد لله مالبستش فيه و برضه الكلام ده على سرعة قليلة و لو على سرعة عالية كان زمانا ضعنا

اللى عايز اقوله انه كتير من المواقف بتحصل على سرعات قليلة و بتسبب فى كوارث بسبب خطأ الغير او اللى بيعدى الشارع او بلاعة او عائق او اى مصيبة من مصائب مصر المحروسة
طبعا ناهيك عن الشباب العبيط اللى مقضيها غرز صبح و باليل و فى اى وقت و فى اى مكان دول لوحدهم مصيبة و عايزين الحرق هم و اهاليهم اللى مدينهم عربيات يروعوا بيها الناس فى الشارع

انما دعنا نتفق ان السرعة الجنونية هى سبب رئيسى و مباشر فى الحوادث و اهدار الارواح
بس لو انت بتلبس حد فى الرصيف برضه انت ساهمت بصورة مباشرة فى حادثة من دول

تحياتى يا دكترة و نسمع عنك كل خير

احمد باشا
و الله واحشني قوي و علي فكره انا بقيت في عياده جنبك و نفسي تشرفني فيها
انا مش بقول ان السرعات البطيئه هي الامان في السواقه لكن السواقه العاقله و الحرص من اخطاء الغير هم انسب الوسائل لتجنب الحوادث
اما موضوع التلبيس في الرصيف فأنا وضحته فوق

و بالنسبه لبقيه الناس فأنا لا اتمني الشر لحد ابدا و ربنا يكفينا شر الحوادث و شر الطريق

[amir]

amir باشا انا معاك 1000% بس انا بتكلم علي سرعة عالطريق السريع مش جوا البلد

و اكيد انا مش بستهتر بارواح الناس ابدا ولا حاجة

بس 180 دي كانت لثواني و بعد كدا مش بزود عن 130


و في الاخر انا معاك طبعا

علي فكره انا مش سلحفاء في السواقه علي الطرق السريعه برضو
انا جربت اجيب 170 في طريق السفر علي سبيل التجربه ليس الا و بعد كده كملت 100 تاني الطريق كله
الفكره مش في انك تجري و الشارع فاضي الفكره انك بتجري و الشارع مليان مشاه و عربيات و لو حبيت تفرمل مش هتنفعك الفرامل كتير

[m.3abdel3al]

شكرا على تجاوب حضرتك استاذ امير انا كان اعتراضي على الكلمة دي بص و حضرتك وضحت اصدك

[MuhammedSoliman]

وصل قصدك وفهمته وانا طبعا معاك ميه فى الميه فى الموضوع ده وفعلا السرعات ديه اللى بنجيبها بتبقي متدعداش دقايق على الطرق السرعه وانا برضوا بقول انها خطر بس بتحصل وفعلا لما تشوف انسان امامك بيموت او غرقان فى دمه ده شيئ محزنا فعلا ...

تحياتى وصافي يا لبن

[amir]

شكرا على تجاوب حضرتك استاذ امير انا كان اعتراضي على الكلمة دي بص و حضرتك وضحت اصدك

و ده الهدف من المنتدي اننا نفيد بعض و نتواصل

وصل قصدك وفهمته وانا طبعا معاك ميه فى الميه فى الموضوع ده وفعلا السرعات ديه اللى بنجيبها بتبقي متدعداش دقايق على الطرق السرعه وانا برضوا بقول انها خطر بس بتحصل وفعلا لما تشوف انسان امامك بيموت او غرقان فى دمه ده شيئ محزنا فعلا ...

تحياتى وصافي يا لبن

حليب يا قشطه ولا يهمك انا نفسي لما رجعت قريت الكلام بتاعي و الكلام بتاعك لقيت ان انا و انت علي حق بس التعبير خاني