يوميات عربيتى بروتون واجا الوحشة الكخة أوى

[abo3bdolrahman]

دى يا جماعة هاتبقى يوميات مع عربيتى البروتون واجا الوحشة اللى أنا إتدبست فيها و إشتريتها يا عينى
و دلوقتى مع الواقعة الأولى:
يا عينى عليا و على بختى المايل و أنا ماشى فى الطريق كده خير اللهم أجعله خير بفرمل سمعت صوت الصفارة إياها بتاعت التيل حسيت بكسوف شديد و بقيت مش عارف أدارى نفسى من العربيات اللى حواليا.
المهم عند الإشارة الجديدة كنت سابق كل العربيات و فرملت قبليهم و الحمد لله الفرامل كانت روعة و رغم السرعة وقفت قبل الخط الأبيض على طول و فى عربيات تانية معرفتش تقف و طبعا ده لأن فرامل البروتون وحشة و بتمسك على طول
المهم ما سمعتش الصفارة لأنى أول واحد وصل و فرمل و بعدين سمعت صفارة جامدة بتاعت فرامل قلت فى عقلى بالى أكيد فى عربية بروتون تانية وحشة و كخة و فراملها بتصفر ياى و اقفة جنبى بردوا ما لقتيش و بكده نقدر نقول إن عربيتى البروتون وحشة و كخة و معفنة كمان علشان ما بتصفرش زى العربيات الحلوة التانية و كفاية كده النهارده و نكمل معاكم فصول بروتون البايخة و يا ريت كل واحد يخش يقول المواقف البايخة اللى بتحصل معاه زى اللى بتحصل معايا و لكم منى كل الحب

[eslam_wega]

ههههههههه
ليه كدا بالعكس دى الصفارة جميلة احسن ما يروح الواحد يشترى صفارة يحكم بيها ماتش مثلا ولا حاجة تبقا هى جاية جهازة مع كماليت العريبة
بخصوص الفرامل القوية فعلا معك حق لان عيب خطير لاما تكون عربيتك فرملها قوية
عشان كدا هتضيع عليك بنزين يعنى لو الفراملة ضعيفة هتبقا حلوة عشان العربية هتقف بالراحة خالص وهتفضل ماشية فترة بقوة الجاذبية وده هيوفر بنزين طبعا ولا اية رايك ؟

[PoweRPassioN]

معلش انا مش فاهمك ؟؟
انت بتهزر ولا العربيه مش حلوه فعلا ولا ايه؟؟؟

[eslam_wega]

معلش انا مش فاهمك ؟؟
انت بتهزر ولا العربيه مش حلوه فعلا ولا ايه؟؟؟

يا باشا اكيد طبعا الراجل فاتح الموضوع من باب الهزار

[momenhamdy]

10/10 يا باشمهندس
جاااااااااااااامده اوي فكره الموضوع

[Boody8882]

10/10 يا باشمهندس
جاااااااااااااامده اوي فكره الموضوع

+10000000000

[ecybrarian]

فرامل عربيتك مش بتصفر...يععععععععععععععععععععععع


ربنا يبارك لك في عربيتك

[SaMeR-PrOtOn ]

معلش انا مش فاهمك ؟؟
انت بتهزر ولا العربيه مش حلوه فعلا ولا ايه؟؟؟

10/10 ممكن توضيح لاني مافهمت عليت شي?!

[m.3abdel3al]

ازاي يعني العربية مش بتصفر هاااااااااااااا قولي ازاييييييي هو احنا فاكرين نفسنا في بلد متقدمة ولا اه احنا في بلد درجة تالتة يعني لازم العربية تصفر طبعا اما عجيبة والله قال ما بتصفرش ال

[abo3bdolrahman]

عربيتى البروتون الكخه الوحشة مش بتحك فى المطبات

إنهاردة يا جماعة هاقولكم على موقف جديد أما بقى حتة فصل يكسف المهم و أنا ماشى بعربيتى الواجا الكخة الوحشة المعفنة التى لا ترقى لمستوى العربيات الأخرى بنت الناس خير اللهم أجعله خير كانت زوجتى راكبة جنبى و والدتى و أختى و أبنائها ورايا يعنى بالصلاة على النبى الحمولة كده بتاعت 450 كجم بما فى ذلك حاجات فى الشنطة و خير اللهم أجعله خير ماشى فى إحدى طرق القاهرة اللى زى الحرير و فجأة
حركة المرور بقت بطيئة جدا و أخوكم مش بيطيق الزحمة مع إنى قاهرى جدا بس الدلع فى بورسعيد بشوارعها الفاضية خلى الواحد بيبقى نفسه ضيق فى القاهرة
المهم علشان ما أطولش عليكم طلع الطريق بطىء علشان الناس بتعدى على البيه المحترم حضرة صاحب المقام العالى مطب باشا الكبير و كانت كل العربيات بإستثناء عربيات الدفع الرباعى بتاخد المطب بالعرض أو بالوارب علشان متحكش من تحت فيه حتى لو كانت مش محملة إحترت و قلت يادى الحوسة هاعدى إزاى السد ده بعربيتى البروتون الواجا الوحشة الكخة إللى عفشتها وحشة و كلها على بعضها كده :k38:
المهم نسيت آخد المطب بالورب و عديت و لقيت كل الناس بتبصلى بإشمئزاز إه ده العربية الوحشة دى عربيته عدت المطب عادى و ما حكتش فى المطب ياى إيه اقرف ده و كمان و هوا مركب الناس دى كلها و بكده ياجماعة نقدر نقول إن العربية التى لا تحك فى المطبات زى باقى العربيات التانية أكيد أكيد لو بروتون تبقى وحشة و كخه و عفشتها و حشة و كفاية كده عليكم النهارده و نشوفكم بكره مع مقالب جديدة من عربيتى البروتون واجا الكخة الوحشة اللى مش بتحك فى المطبات

[MuhammedSoliman]

انا لما العربية ماصفرتش معايا رحت عملت مشكله فى التوكيل وقلتلهم يغيرو التيل عشان يصفر زي العربيات التانيه همه مش احسن مني وبجد التوكيل عمل اللى عليه وحاولوا يخلوها تصفر بس مع التجربه لم تصفر واقترح علي بعض صحابي المقربين اني اخرم الجكمان او اركب ديفل وعشان يعوضني شويه عن الاحساس بالنقص اللي بيني وبين العربيات اخوتها وبعدين فكرت قلت يا واد سيبك من التوكيل ورح الميكانيكا بتاعك هوه اللى هيضبطها وبالفعل رحت وبعد ماطلعت من عنده مألكش على السعاده اللى كت فيها وانا باسمع الصفاره بس ياخساره مادمتش اكتر من يوم ورجع الهدوؤء العربية وبعدين قلت فى نفسي يا ولاه كفايه عليك صوت الكنبه اهو مونسك وانت بتسافركتير المهم صرفت نظر عن صوت الصفاره بتاع الفرامل واكتفيت وامري لله بصوت الكانبه ويا للفاجعه اكتشفت ان لما حد يركب وره صوت الكانبه بيروح وكده بقت فى وسط هدومي من اصحابي اللى معاهم الجين تو بقوا بيعيروني لوحد عنده حل يقول يا جماعة الواحد بيفكر يغير العربية ده بجد انا قرفت وخصوصا كمان اللى زاد الطين بله ان الرموت مشبشتغل اللى من على بعد مترين فقط وديه مشكله بقا ملهاش حل لأن فى واحد مركب جهاز انذار صيني ب 100 جنيه بفتح عربيتوا وهوه فى السرير وده طبعا هيوفر عليه وقت كبير لأن بعد مترين مش كفايه لازم اتفحس ادام صحابي وافتحها من على بعد ستين متر على الاقل فقررت اركب رسيفر صغير فى العربية للتحكم فى القنوات اه اسف للتحكم فى الانذار بس قالوا لى لازم اركب دش متر عشرين على العربية من فوق واعمله صبه اسمنت قلت يا ولا انت هتبوظ البويه بتاعت العربية عشان 58 متر زياده مش مشكله بجملة الخساير ورضيت بالوضع الحالي وامري لله

تحياتي

تحياتي

[MohabSaeed]

زملاء الكفاح " الواجاويه " بدأو ينشطو
منور المنتدى يا ابو عبد الرحمن .

غريب فعلا صوت الفرامل !!
الاغرب انه تقريبا اختفى تماما من عندى بعد ما كنت بشتكى منه !!!!؟؟؟
انا دلوقتى عامل بالتيل حوالى 2500 كيلو و صوت الصفاره تقريبا مبقاش موجود و ساعات بيظهر بس بسيط اوى .

[abo3bdolrahman]

حبيب قلبى مهاب باشا اللى كان اسبب فى إنى إتدبست التدبيسة الجميلة دى و جبت الواجا هانم المنتدى منور بيك يا باشا و بكل حبايبنا ملاك بروتون الوحشة الكخة

[SaNisSro]

في سبري جميل قوي بيقلل بيترش على الديسك بيزيل الصوت ويزود من فاعلية الفرامل

[m.3abdel3al]

يا جماعة جاءنا البيان التالي : قرر برنامج" بروتوني وش ودهر " الاتصال بالحكومة المصرية للنظر في شكوة الاخ العزيز ابو عبد الرحمن وهي " ان عربيته ما بتحكش في المطب "

تخيلوا العربية مش بتحك خالص ولا حته حكة صغيره خالص وفعلا ودا العشم بردوا رد السيد المسئول و ازاع لنا هذا الخبر قررت " وزارة المطبات العالية اوي اوي اوي" انها هتزود ارتفاع المطبات 6 سم علشان العربيات كلها تحك ودا ضمن البرنامج الانتخابي للحكومة للمساومة بين كل افراد الشعب ..... وشكرا

:POINTI~2[2]: