تقرير صيانة الـ 5000 جين2 مو 2009

[Osama.shihata]

مبروك الصيانة يا استاذ احمد
وان شاء الله يحله ليك موضوع التكيف من غير مشاكل
ويقفله التابلوه كويس باذن الله
وربنا يباركلك فيها
أمين

أسامة

[eslam_wega]

مشكور يا نجم و انا دفعت 179.5 جـم عبارة عن فلتر زيت + مصنعيات بخلاف ثمن الزيت لانى جبته من بره

كتير اوى 180 جنية عشان فلتر زيت ومصنعية بس

[ahmedsiyam]

انا عارف يا اسلام بس ده علشان الواحد يستمر فى الضمان

[Boody8882]

أستاذ أحمد حضرتك جبت زيت نوعة إيه ؟ وجبت جركن أد إيه
وهل توتال اللى فى التوكيل وحش

[ahmedsiyam]

اللى فى التوكيل موش وحش و لا حاجة

انا حطيت زيت فيسكو 3000 و هو يعتبر نصف تخليقى و ثمنه 115 جـم و بيقعد 10000 كلم بس انا باغيره على 5000 احسن

[m.3abdel3al]

الف مبروك على الصيانة

[ahmedsiyam]

العفو يا غالى

[densfog]

السلام عليكم

تحية طيبة للاخوة الاعضاء

فى اخوة افاضل كانو بيسالونى على المشاكل اللى طلعت فى مو2009 و اتعالجت و لا لأ و انا قولت انى هاقول ايه اللى تم فى العربية بعد صيانة الـ 5000

اولا انا اللى كان عندى التالى

- حدفة يمين
- خبطة فى الدركسيون
- صوت عجيب جاى من التابلوه
- تزييق فى الشنطة
- التكييف بيفصل و يشتغل بسرعة
- العربية مابتعديش 160 كلم / ساعة

دخلت على الموقع الخاص بالتوكيل و عملت حجز و جالى ايميل بياكدوا على الحجز و الميعاد
روحت مركز الصيانة الرئيسى فى ابو رواش و السيد مهندس الاستقبال استلم العربية و كله مشى كويس

النتيجة لما طلعت اجرب

اول أربعة عيوب الحمد لله تم معالجتهم
التكييف مشكلته انه لازم افك التابلوه و اسيب العربية يومين و انا موش فاضى طبعا للكلام ده دلوقتى
السرعة اتظبطت و كان الموضوع تظبيط بسيط و الحمد لله اطمئنيت على العربية

صيانة الـ 5000 تشمل تغيير زيت و فلتر و تربيط عفشة و كشف كامل على السيارة و الحمد لله تمت بنجاح و زيى الفل


فى ملاحظات احب انوه عنها :

- العربية لما تسافر بيها او تقرص عليها شوية صوت الموتور بيهدى حاجة بسيطة و ده كويس موش وحش
- العربية كل ما تمشى بيها اكتر يبتدى استهلاك البنزين يتحسن و اهم حاجة المحافظة على نظافة فلتر الهواء و انا عن نفسى بافكه انظفه و اركبه تانى عادى جدا
- طبعا الموتور الـ iafm افضل فى استهلاك البنزين من الموتور الـ campro العادى
- اداء الـ campro على السرعات العالية مازال هو الافضل
- فى كل الاحوال العربية دى موش هاتحس بيها الا اذا ركبتها مانيوال و موش هايفرق ساعتها اى موتور لانها حلوة جدا فى المانيوال

السلام عليكم يا استاذ احمد ارجو ان تكون بخير حال
ممكن حضرتك تشرحلنا ايه هيه خبطه اللى فى الدركسيون علشان انا عندى خبطه جامده شويه لما بلف الدركسيون على الأخر بسرعه وسألت زمايلى معاهم عربيات تانيه (بورا واسترا وابيزا) وقالولى انها حاجه عاديه فى كل العربيات وحذرونى منها
بالنسبه لصوت التابلوه ايه هو بالضبط هل صوت التزييق اللى بييجى مع المطبات وهو صوت خفيف ؟
ممكن حضرتك تشرحلنا ايه اللى عملوه فى التوكيل علشان العيوب دى؟
بالمناسبه ممكن حضرتك تقولى قراءه عداد الأستهلاك كام وهل سيارتك مانيوال ولا اوتو وهل قراءه العداد مضبوطه ولا لأ؟
انا عارف انى بزعج حضرتك بس تقول ايه عشمان فى حضرتك زياده حبتين
وشكرا والسلام عليكم

[ahmedsiyam]

السلام عليكم يا استاذ احمد ارجو ان تكون بخير حال
ممكن حضرتك تشرحلنا ايه هيه خبطه اللى فى الدركسيون علشان انا عندى خبطه جامده شويه لما بلف الدركسيون على الأخر بسرعه وسألت زمايلى معاهم عربيات تانيه (بورا واسترا وابيزا) وقالولى انها حاجه عاديه فى كل العربيات وحذرونى منها
بالنسبه لصوت التابلوه ايه هو بالضبط هل صوت التزييق اللى بييجى مع المطبات وهو صوت خفيف ؟
ممكن حضرتك تشرحلنا ايه اللى عملوه فى التوكيل علشان العيوب دى؟
بالمناسبه ممكن حضرتك تقولى قراءه عداد الأستهلاك كام وهل سيارتك مانيوال ولا اوتو وهل قراءه العداد مضبوطه ولا لأ؟
انا عارف انى بزعج حضرتك بس تقول ايه عشمان فى حضرتك زياده حبتين
وشكرا والسلام عليكم

الخبطة اللى فى الدركسيون اللى انت قصدك عليها طبيعية و اللى عندى كانت مختلفة و بتبان فى المطبات او الارض الغير ممهدة و دى كانت مشكلة علبة ردكسيون و اتحلت

صوت التابلوه كات تزييق و خروشة مستمرة و طلعت نتيجة كابل موجود فى حوض العربية كان بيخبط فى الصاج و بيعمل صوت فى التابلوه و الحمد اتحل بس رجع تانى بنسبة بسيطة

عداد الاستهلاك بيدينى 7.1 لتر / 100 كلم و انا اعتقد انه غير صحيح الى حد ما لانه قليل على عربية 1600 اوتوماتيك و انا باحسب عن طريق التفويلة و عدد الكيلو مترات

ومافيش ازعاج و لا حاجة و انا جاهز لاى استفسار

تحياتى