صوت صفارة فى السيرالجين2 مش بتبطل اعمل اية؟

[toreador]

ياجماعة اولا انا بشكر المنتدى كتييير هو وناسة على كمية المعلومات اللى استفادتها منة ومن خبرة الرجالة اللى فية
ثانيا انا مش عارف هو دة المكان الصحيح للموضوع ولا لا؟
انا عربيتى جين2 مانيوال 2004 عاملة 65450كم
من شهرين بدا السير يصفر مع كتر التحرك بالعربية او مع تشغيل التكييف ويوم عن يوم بدا صوتة يزيد لما روحت التوكيل فى اسكندرية قاللى المهندس محمد صلاح دا السير هايتغير وغير سير الدينامو بسعر 315 جنية شاملة الضرائب والمصنعيات وصوت السير بقى كويس .....تانى يوم رجع يصفر تانى ولما رمحتلة قاللى دا يبقى البلية والشداد محتاجين يتغيرو ودا هايكلفك فى حدود 1200 جنية غير شاملة الضرائب والمصنعيات
يا شباب ازاى البلية والشداد يعنى يتغيرو والعربية لسة حتى مكملتش ال60 الف كم دا انا كل ما اقول لحد كدة اللى يقولى دا حد ادنى 80 الف علشان تغيرة ويضحك عليا
ارجوكو فيدونى فى المشكلة دى لانى بقالى اسبوع مش عارف اركب العربية من صوتها وهل فى حل تانى غير البلية والشداد؟


سؤال كمان معلش انا سحب العربية عندى قل خالص من اسبوعين كدة وروحت التوكيل قاللى لا عادى ممكن نغير فلتر البنزين ؟؟؟؟؟؟؟؟؟؟؟؟؟


اسف على الاطالة

[toreador]

العربية موديل 2007 اسف غلطة كتابية

[momenhamdy]

طب ممكن حضرتك تسأل علي بليه الشداد خارج التوكيل في اسكندرية يعني ممكن حضرتك تتصل بمحلات قطع الغيار الي في شارع دمشق بالقاهره و حضرتك تعرف سعره كام لانه اكيد حيكون اقل من كدا

ودا حضرتك تليفونات و اسماء المحلات في اللينك دا

http://www.nilemotors.net/Nile/showthread.php?t=2504

بالنسبه الي موضوع التغير علي 80 الف كحد ادني انا مش عارف اقولك ايه لكن ساعات في عربيات بتغير بلي العجل علي 30 الف كم (كمثال) علي موضوع الحد الادني
فا الموضوع مش منزل من السما لكن ممكن يكون عمره انتهي في العربيه عن حضرتك ولكن عربيه تانيه تعدي ال 80 الف بالبليه و الشداد يعني متخدش في بالك بس ركز في الموضوع دا الوقتي و حاول تسأل علي سعره خارج التوكيل

وربنا معاك

[MuhammedSoliman]

ياجماعة اولا انا بشكر المنتدى كتييير هو وناسة على كمية المعلومات اللى استفادتها منة ومن خبرة الرجالة اللى فية
ثانيا انا مش عارف هو دة المكان الصحيح للموضوع ولا لا؟
انا عربيتى جين2 مانيوال 2004 عاملة 65450كم
من شهرين بدا السير يصفر مع كتر التحرك بالعربية او مع تشغيل التكييف ويوم عن يوم بدا صوتة يزيد لما روحت التوكيل فى اسكندرية قاللى المهندس محمد صلاح دا السير هايتغير وغير سير الدينامو بسعر 315 جنية شاملة الضرائب والمصنعيات وصوت السير بقى كويس .....تانى يوم رجع يصفر تانى ولما رمحتلة قاللى دا يبقى البلية والشداد محتاجين يتغيرو ودا هايكلفك فى حدود 1200 جنية غير شاملة الضرائب والمصنعيات
يا شباب ازاى البلية والشداد يعنى يتغيرو والعربية لسة حتى مكملتش ال60 الف كم دا انا كل ما اقول لحد كدة اللى يقولى دا حد ادنى 80 الف علشان تغيرة ويضحك عليا
ارجوكو فيدونى فى المشكلة دى لانى بقالى اسبوع مش عارف اركب العربية من صوتها وهل فى حل تانى غير البلية والشداد؟


سؤال كمان معلش انا سحب العربية عندى قل خالص من اسبوعين كدة وروحت التوكيل قاللى لا عادى ممكن نغير فلتر البنزين ؟؟؟؟؟؟؟؟؟؟؟؟؟


اسف على الاطالة

مساء الخير عليك انا عربتي عمله حوالى 66 الف ومغيرتش ولا السير والبليه ولا الشداد غن شاء الله ناوي اغيرها على ال80
بس فى اعتقادي ان السير عايز تشد مش اكتر ولا اقل لن العربية الهيونداى قبل ده عملت نفس الموضوع ورحت شد السير وانتهى الصوت للابد

اما بخصوص السحب فليه كذا حاجه اشهرها
تغير البوجيهات مع فلتر الهوا
ثم انت مش فى الضمان ولا ايه ؟؟؟؟

ده رأي

تحياتى

[toreador]

الف شكر ليك يا استاذ مؤمن على ردك وعلى ارقام التليفونات وهاتصل ان شاء الله اعرف منهم اسعار البلية والشداد
استاذ محمد بردو بجد شكرا ليك انك اهتميت ورديت وبالنسبة للسير الجديد انا لما روحت التوكيل قلتلة نفس الكلام اللى حضرتك قلتة وطلبت منة يشد علية قاللى المهندس انة مش هايفيد وان دة ملوش دعوة ولازم البلية والشداد يتغيرو فهل ممكن اروح لميكانيكى هو يشدة ولا ممكن يلعب فية؟
اما بالنسبة للشد فحضرتك انا فكرت فى البوجيهات وروحت غيرتها فى التوكيل وكان سعرها 212 جنية وبردوا لقيت السحب زى ماهو قليل وكل لما اقول للمهندس كدة يقولى لا دى سحبها تمام انت بس اللى مش واخد بالك على اساس مثلا انى عمرى ماسوقت عربيات او مش عارف عربيتى كان سحبها ازاى وبقى ازاى المهم انى مفكرتش فى حوار فلتر الهوا بصراحة وهاحاول افكة وانضفة او اغيرة لو لزم الامر
العربية فى الضمان لسة بس بصراحة انا عمرى ما استفدت من الضمان فى اى حاجة كل لما اروح التوكيل الله ينتقم منة يقولى دى مش فى الضمان بقالى سنتين ونص على كدة نفسى مرة اعمل اى حاجة وتطلع فى الضمان بجد قبل ما يخلص
شكرا على الردود

[viper911s]

استاذ toreadorانت عامل بالعربية 65وضمان العربية ثلاث سنين او ستين الف ايهما اقرب فا اظن كدة ان الضمان انتهى والبلية الشداد هى ليها عمر افتراضى فعلا ممكن تبوظ فى اقل من كدة وممكن اكتر من كدة وابالنسبة للشد زى ما قلك الاستاذ محمد سليمان فلتر الهواء والبنزين والبوجيهات من الحاجات المهمة واتمنى انى اكون افدتك وعلى فكرة انا فى التوكيل

[viper911s]

وبعدين انا نسيت اسأل حضرتك عملت صيانة الستين ولا لا علشان ممكن تفرق

[toreador]

اسف اسف اسف والله اسف
العربية عامل56450 مش 65 اسف والله يا جماعة ماخدتش بالى من الغلطة دى العربية لسة فى الضمان لكن بالنسبة للسحب فعلا انا هاشوف حكاية فلتر الهوا بس هو انا اقدر افكة وانضفة عادى ولا فى مشاكل؟

[viper911s]

اظن ان مفيش مشكلة بالنسبة للتنضيف بس يستحسن تغير وعموما رب الاول تنضفة

[toreador]

تمام هاحاول انضفة بس هو لانى عمرى ما فكيتة قبل كدة فى عربيتى علشان كدة مفكرتش فية ومش عارف بيتفك ازاى بس هاظبط يعنى وشكرا ليك يا كبير

[MuhammedSoliman]

الف شكر ليك يا استاذ مؤمن على ردك وعلى ارقام التليفونات وهاتصل ان شاء الله اعرف منهم اسعار البلية والشداد
استاذ محمد بردو بجد شكرا ليك انك اهتميت ورديت وبالنسبة للسير الجديد انا لما روحت التوكيل قلتلة نفس الكلام اللى حضرتك قلتة وطلبت منة يشد علية قاللى المهندس انة مش هايفيد وان دة ملوش دعوة ولازم البلية والشداد يتغيرو فهل ممكن اروح لميكانيكى هو يشدة ولا ممكن يلعب فية؟
اما بالنسبة للشد فحضرتك انا فكرت فى البوجيهات وروحت غيرتها فى التوكيل وكان سعرها 212 جنية وبردوا لقيت السحب زى ماهو قليل وكل لما اقول للمهندس كدة يقولى لا دى سحبها تمام انت بس اللى مش واخد بالك على اساس مثلا انى عمرى ماسوقت عربيات او مش عارف عربيتى كان سحبها ازاى وبقى ازاى المهم انى مفكرتش فى حوار فلتر الهوا بصراحة وهاحاول افكة وانضفة او اغيرة لو لزم الامر
العربية فى الضمان لسة بس بصراحة انا عمرى ما استفدت من الضمان فى اى حاجة كل لما اروح التوكيل الله ينتقم منة يقولى دى مش فى الضمان بقالى سنتين ونص على كدة نفسى مرة اعمل اى حاجة وتطلع فى الضمان بجد قبل ما يخلص
شكرا على الردود

التوكيل ما تخدش على كلامه للأسف وانا بقولها بكل أسف ناقصهم خبره كبيره فعلا ؟؟؟؟ وانا حزين إني أقول كده وعايزين يمشوا العميل وخلاص وروح لميكانيكي محترم هيشده والموضوع ينتهي لأنه مفهوش أي لعب خالص .... فلتر الهوا مهم جداً فى عملية السحب غيره وهتدعي ليه إن شاء الله .... علي فكره البوجيهات السبلت فير الأمريكاني بجلالة أدرها ب 300 ؟؟؟!!!
تحياتى

[toreador]

انا سمعت كدة فعلا من واحد صاحبى وقاللى اذا كانت البوجيهات الامريكانى ب 300 جنية هما بيغيرولكو الماليزى زياعامل هى ماليزى اساسا ولا لا ب 212 حرام والله انا بحس انى بنضرب على قفايا لما بروح التوكيل وانا بقلهم الكلام دة هناك وبعمل مشاكل معاهم كتير علشان كدة الحمد للة ولا واحد منهم بيطيقنى لانى ببهدلهم بس اعمل اية بردو مضطر اروحلهم عموما ربنا يصلح حالهم ويخلصنا منهم بقى

[tutankhamoun]

مفيش بوجيهات ماليزي .
و مش ضروري البوجيهات الأمريكاني تكون أحسن حاجة في السوق .
البوجيهات اللي راكبة في الجين 2 و اللي التوكيل بييغيرها هي بوجيهات ياباني , نوعها . NGK

طبعا هي ثمنها في التوكيل مرتفع و لكن ليس 220 جنيه
أعتقد أن ثمن البوجيهات في التوكيل هو 90 جنيه مصري و التركيب ممكن يكون بتاع 30 أو 40 جنيه
يبقى أكيد هما عملوا حاجة عندك تاني بالاضافة لتغيير البوجيهات علشان كدا الفاتورة عملت 220 جنيه .

بالنسبة للمشكلة اللي حضرتك بتشتكي منها .
جرب الحل اللي الأستاذ محمد سليمان تفضل و قال عليه بشد السيور في السيارة و التتميم عليها .
بالنسبة للسحب
أنت بتقول أنك عمرك ما نضفت الفلتر !!!!!!!!!!!!!!!!!!!!

ده لوحدع فيه فرق كبير قوي في السحب
عموما عو تنظيفة مش صعب
هاتفك الغطا بتاعه بمسمار رصليبة برأس كبيرة
و تطلع الفلتر تنظفه كويس و يستحسن بمنفاخ هواء كهربائي ( بلاور )
و تركبه تاني و تشوف ايه الاخبار
و برضه لازم تكون البوجيهات في حالة كويسة و انت بتقول انك غيرتها
يبقى كدا البوجيهات خارج الحسابات ........... ( بس لما تروح للميكانيكي علشان يقرط على السيور ... خليه يقرط على البوجيهات بشويش تحسبا لأي بوش فيها ) .

يستحسن استخدام منظف رشاشات ........ و ليس منظف دورة وقود
و ده بتشتريه و تضيفه على البنزين قبل التفويل و تنتظر حتى ثلاثة أرباع التانك و بعدين تفول تاني
و إن شاء الله الأداء يتحسن ............ أنا بستخدم منظف رشاشات من انتاج شركة عندكم في اسكندرية و اسمه رابيدوا و فيه واحد تاني اسمه سبيدوا ............. الأثنين ممتازين . و من إنتاج نفس الشركة .
شركة الاسكتدرية للكيماويات . و ممكن تلاقيه في كارفور . و ثمنه حوالي 8 جنيه مصري .

[toreador]

انا خبرتى فى صيانة العربية قليلة جدااااااا علشان كدة فى حاجات كتيرة بتفوتنى زى تنضيف الفلتر وحكاية منظف الرشاشات دة كمان معملتوش قبل كدة اما البوجيهات فانا فعلا لسة مغيرها من اقل من شهر فى التوكيل بس للاسف بالسعر اللى قلتك على وهو 212 جنية وكان بوجيهات وبس ما علينا بقى مجتش على دى فى التوكيل ان شاء الله هانضف الفلتر واضيف المنظف واشد السير واكتب لحضراتك النتيجة
انا عاجز عن الشكر

[toreador]

وحشتزنى واللة العظيم يا شباب ووحشنى المنتدى العظيم دة بقالى كتير مدخلتش
علشان مطولش انا جيبت النتيجة بعد عدة تجارب
اولا بالنسبة للمبة الانجين انا حاوت طول الفترة دى محطش اى اوكتان 90 وفعلا بقالى شهرين اهو اللمبة منورتش
ثانيا بالنسبة لموضوع سحب العربية اللى كان فى حالة سيئة جدا جدا جدا انا عملت كذا حاجة
1.اشتريت منظف رشاشات مش المصرى لانى بجد ملقيتوش فى كارفور فاشتريت واحد اسمة "f1" سعرة 13 جنية من كارفور ولما التانك وصل للربع حطيت العبوة كلها وفولت عليها ولما التانك تقريبا بقى فاضى فولت تانى (عندى صورة العبوة بس للاسف مش عارف بتترفع ازاى على المنتدى)
2. قمت بتنظيف فلتر الهوا فى محطة بنزين وظبطة
3. غيرت البوجيهات تانى مع انها كانت جديدة واللة مبقالهاش معايا شهر واحد بس مش مهم
... بالنسبة لفلتر البنزين مغيرتوش لانى قربت على صيانة الستين ومستنى لما اغيرة فيها
..................(النتيجة)...............
سحب العربية لم يتحسن بالمرة لكن زاد سوء لدرجة انة دلوقتى سئ جدا جدا جدا وبدا ينرفزنى بجد لما بلاقى عربيات جانبى كانت بتعيط علشان مش عارفة تسحب زى الجين 2 وهما جنبى واللة العظيم كانت العربية بتتحسد فى سحبها دلوقتى واللة بتكسف من سحبتها لما بفتح مع حد ومش عارف المشكلة تكون منين
شكرااااااااااااااااااااااااا