هل الصيانة فى التوكيل مهمة ولا لأ ؟

[myself112]

هو لازم اعمل الصيانة للجين 2 فى التوكيل يعنى لو حد صنايعى ويقدر يشتغل فيها يكون احسن ولا ايه ؟؟
اصل انا حسيت من بعض المشاركات الموجودة ان التوكيل مبيعملش كل حاجة

ود غبر اسعاره المبالغ فيها جدا والكلام ده برضه من بعض المشاركات .

[ahmad--ezzat]

انت مجبر انك تعملها فى التوكيل
عشان الضمان..
مهو لو الموضوع مفهوش ضمان..كان زمان الناس كلها سابت التوكيل

[ahmedsiyam]

طبعا لازم الصيانة الدورية علشان الضمان

و انا من رايى تعمل الصيانات الرئيسية 10 - 20 - 30 كده يعنى لحد لما توصل للـ 60000 و بعد كده لو عايز تعمل بره يبقى براحتك

بالنسبة لموضوع الاسعار كل التوكيلات اسعارها مبالغ فيها جدا موش عز العرب بس

[elmadawy]

أطمئنان مش اكثر

[myself112]

انت مجبر انك تعملها فى التوكيل
عشان الضمان..
مهو لو الموضوع مفهوش ضمان..كان زمان الناس كلها سابت التوكيل

طيب معلش هو الضمان ده هيفدنى فى ايه بالضبط ؟؟؟

[amir]

طيب معلش هو الضمان ده هيفدنى فى ايه بالضبط ؟؟؟

فعلا السؤال ده مهم جدا جدا
و عايزين الاجابه من اصحاب الجين في مصر علي مدار الفتره السابقه من اول ما نزلت في 2006
هل فعلا احتجت الضمان في حاجه؟
و هل لما احتجته تم استبدال الجزء التالف دون اي اساليب ملتويه للتهرب؟

[ahmad alshaaer]

الضمان مهم بصراحه
انا من الناس اللي اتغير عندي رمان بلي خلفي والسره بتاعته داخل الضمان على 30000 كم
ومفتاح المرايا
وكوبلن
يعني صراحه بينفع وده اللي مخلي الواحد بيستحمل الاموال اللي بيدفعها

[m.3abdel3al]

اكيد الصيانة مهم علشان الضمان مهم جدا و الحل الحسن انك تعمل فعلا الصيانات المهمة بس

[toreador]

والله يا جماعة انا لغاية دلوقتى ما استفدش من الضمان باى حاجة موديل عربيتى 2007 مانيوال وعاملة 57632 كم ومن اول ما جبتها مغيرتش اى حاجة فى الضمان غير فيوز المساحة الخلفية وكان ب 12 جنية وكل حاجة غيرتها فى الضمان كانت بتمنها وكل مرة يقولى الجملة المشهورة دى سلعة مستهلكة يعنى خارج الضمان
ومن ضمن الحاجات اللى غيرتها على حسابى فى التوكيل هى سير الدينامو ....... لمبات النور العالى ......بوجيهات......
بس كدة ولسة دلوقتى مطلوب منى اغير بلية وشداد وبيقولى فى التوكيل هايتكلفو حوالى 1200 جنية
وبكدة العربية قربت تخرج من الضمان وانا مستفدتش منة باى خدمة بصراحة وعلى فكرة بردو عمرى ما وديتها لميكانيكى يعنى اى حاجة بتحصل بجرى على التوكيل
للعلم انا من اول ما جبت العربية معملتلهاش اى صيانة غير ال 5000 بس وحتى وقتنا هذا لم يتم عمل اى صيانة للسيارة وانا داخل اهوة على ال 60 الف وربنا يسهل

[M.almaghraby]

علم انا من اول ما جبت العربية معملتلهاش اى صيانة غير ال 5000 بس وحتى وقتنا هذا لم يتم عمل اى صيانة للسيارة

انا مش فاهم دي كويس؟؟؟؟؟؟؟؟!!!!!!!!!!!!!!!!!!!!!!!!

[toreador]

ههههههههههههههههههههههههه
اسف على التاخير فى الرد بس افهمك
انا من اول ما اشتريت السايرة معملتلهاش اى صيانة غير صيانة ال 5000 كم المفروض بعد كدة فى ال 10 وال 20 تقريبا وهكذا لغاية ال 60 انا حضرتك مكنتش بعمل الصياانات دى لان العربية كانت ماشية معايا زى الفل بصراحة ولغاية دلوقتى الحمد للة تمام فمكنتش بعمل اى صيانة بس اى حاجة كانت بتحصل فيها "وكلها كانت حاجات بسيطة الحمد للة" كنت بجرى على التوكيل واصلحها

[ahmad--ezzat]

ههههههههههههههههههههههههه
اسف على التاخير فى الرد بس افهمك
انا من اول ما اشتريت السايرة معملتلهاش اى صيانة غير صيانة ال 5000 كم المفروض بعد كدة فى ال 10 وال 20 تقريبا وهكذا لغاية ال 60 انا حضرتك مكنتش بعمل الصياانات دى لان العربية كانت ماشية معايا زى الفل بصراحة ولغاية دلوقتى الحمد للة تمام فمكنتش بعمل اى صيانة بس اى حاجة كانت بتحصل فيها "وكلها كانت حاجات بسيطة الحمد للة" كنت بجرى على التوكيل واصلحها

طب ماحضرتك كدة غلط..

لازم العفشة تتربط وتتشحم كل فترة ولازم الصيانات الدورية

احنا بنعملها مش عشان العربية متقفش

احنا بنعملها عشان نطول عمر العربية ونحافظ عليها

وربنا يسطر طريقنا

[kloda]

طب ماحضرتك كدة غلط..

لازم العفشة تتربط وتتشحم كل فترة ولازم الصيانات الدورية

احنا بنعملها مش عشان العربية متقفش

احنا بنعملها عشان نطول عمر العربية ونحافظ عليها

وربنا يسطر طريقنا

+1111111111
و كمان انا عايز اعرف هو حضرتك ما كنتش بتغير زيت و كدة ولا لا

[toreador]

اكيد انا بغير الزيت قبل ميعادة وزيوت العربية وفلاتر بغير فيهم يعنى مش سايبها كدة
وبالنسبة للعفشة انا روحت للتوكيل ربطهالى عند 20 و 25 و 35 و 55 يعنى بربطها كل فترة
لكن بالنسبة للصيانات الدورية بصراحة مكنتش بعملها
انا عارف انة اساسى غلط على العربية بس انا كنت بظبط الحاجات المهمة اللى هى ممكن تاثر على عفشة العربية
وكلها اسبوع وهاروح اعمل صيانة ال 60 كاملة واكتب لحضراتكم تقرير مفصل عن كل حاجة

[ahmad--ezzat]

اكيد انا بغير الزيت قبل ميعادة وزيوت العربية وفلاتر بغير فيهم يعنى مش سايبها كدة
وبالنسبة للعفشة انا روحت للتوكيل ربطهالى عند 20 و 25 و 35 و 55 يعنى بربطها كل فترة
لكن بالنسبة للصيانات الدورية بصراحة مكنتش بعملها

طب ما هيا دى الصيانات الدورية يا فندم..

تربط عفشة كل فترة وتغير زيت وفلتر قبل الميعاد

كدة العربية تمام التمام