ليه ما نركبش تيربو ونيتروس في الجين 2 ؟؟؟؟؟

[momenhamdy]

بجد الله ينور عليك يا استاذ مؤمن و انا كمان ماشى بالمبدء دا و انا ماشى واحدة واحدة منها عشان اظبط الكلام صح و عشان اجيب الحاجة الى تناسب العربية بدل التسرع , بس كان عندى سؤالين بما انك ليك خبرة فى التعديل , هل لو غيرت السوست فقط عشان اوطى العربية دا ليه تاثير على العفشة ولا لازم اغيرها كلها و ميش غلط على العفشة انو يزود عن 16 يا اما بقى يغير العفشة خالص بوحدة سبور و طبعا كمان عشان انو حمل على الموتور

يا باشا الف شكر ليك
و الله ياباشا الي انا عرفه طبعاً انك لو وطيت العربيه علي العفشة الفابريكة ( بمعني شلت حلقه و لا اتنين )
طبعاً حيقصدر علي عمر المساعد الافتراضي
و في الحاله دي يفضل انك تجيب عفشه اسبور زي ال KONI مثلاً

بالنسبه للكاوتش و التعريض كان في ليك
ممكن حضرتك تحط فيه القياس الاساسي للعربيه و القياس الي عايز تكبر عنه و حضرتك تعرف الاستهلاك فرضاً للبزين حيزيد قد ايه ؟؟
و دا لينك الموقع :

http://www.miata.net/garage/tirecalc.html

لكن اعتقد ان ال 16 حيكون كويس مع البروتون و تأثيره مش كبير علي الموتور ولا الحمل بتاعه و تقريباً ممكن تركب عليه نفس عرض الكاوتش الي هو 195

لكن لو زوت عن كدا زي العضو الفاضل ماجيك و عملت 17 حتطر الي تعريض الكاوتش ووصوله الي 205 و طبعاً بتطر توطي العربيه علشان الثبات بتاعها

انا عايز اقولك علي حاجة زمان كان معايا الفيلشيا ف من كتر الحمل الي كان ساعات بيوجد في الشنطة فالسوست ريحت يعني تحس ان العربيه نازله شوية من الخلف
المهم رحت للراجل بتاع العفشه بتاعي فك المساعدين الي ورا و قالي المساعد سليم مفهوش حاجة قولتله طب ممكن نعمل في ايه حاجة علشان نعلي العربيه
قالي ممكن رايح جايب زي جلب كاوتش كدا و حطها في المساعد المهم العربيه عليت بس عايز اقولك ان الثبات بقي زي الزفت بعد ال 100 كم
الي عايز اقولهولك ان التعديل عن الاساسي بتاع العربيه بيلخبط شوية فاهمني ؟؟!!

انا عارف اني طولت عليك
المهم انا تحت امرك في اي حاجة و لو عايز واحد جامد اوي في التعديل عليك و علي العضو الفاضل ماجيك MAGIC يظبطك تمام

و تقبل تحياتي اخي الفاضل

[shady_love]

الف الف شكر استاذ مؤمن على المعلومات القيمة دى بس انا كان قصدى انى اغير السوست بسوست رياضية ميش قصدى انى اقص من الى موجود من العربية و كمان حاضرتك ماطولتش ولا حاجة بالعكس كفاية بس نيتك فى توصيل المعلومة كاملة فادا زوق كبير منك اوى و طبعا واضح جدا ان استاذ هانى من الناس المحترمة جدا و انا بحب اسلوبه فى التعديل و ربنا يحفظهاله و يحفظو منها ان شاء الله و انا كان سؤالى بسبب انى مجربتش انى اغير السوست بس لكن انا كنت معدل فى هيونداى اكسنت و كنت مغيرلها العفشة كونى بس فى مشكلة فى وجهه نظرى ان الجنوط حتى لو 15 هتبقى اكيد اتقل من الجنط بتعها فمابالك من ال16 و كمان 17 و العربية الصراحة ميش محتاجة تقل اكتر من كدا

[momenhamdy]

الف الف شكر استاذ مؤمن على المعلومات القيمة دى بس انا كان قصدى انى اغير السوست بسوست رياضية ميش قصدى انى اقص من الى موجود من العربية و كمان حاضرتك ماطولتش ولا حاجة بالعكس كفاية بس نيتك فى توصيل المعلومة كاملة فادا زوق كبير منك اوى و طبعا واضح جدا ان استاذ هانى من الناس المحترمة جدا و انا بحب اسلوبه فى التعديل و ربنا يحفظهاله و يحفظو منها ان شاء الله و انا كان سؤالى بسبب انى مجربتش انى اغير السوست بس لكن انا كنت معدل فى هيونداى اكسنت و كنت مغيرلها العفشة كونى بس فى مشكلة فى وجهه نظرى ان الجنوط حتى لو 15 هتبقى اكيد اتقل من الجنط بتعها فمابالك من ال16 و كمان 17 و العربية الصراحة ميش محتاجة تقل اكتر من كدا

الف شكر ليك يا استاذ شادي علي ذوقك و كرم اخلاقك الكريمة

و الله بيني و بينك و من غير ما حد يزعل مني انا بعشق ان العربيه تكون stock و لا لعب في العفشة و لا الموتور ولا الجنوط علشان اهرب من المشاكل

بس انا و الله ما ضد التعديل علشان مفيش حد يزعل مني هو بس كل الفكره علشان اهرب من الوقوع في مشاكل ممكن ان الواحد يتفداها من الاول

و خصوصاً ان الجين 2 مش محتاجة و لا ايه رايك يا باشا

و خالص تحياتي

[shady_love]

عندك حق والله يا استاذ مؤمن و الواحد لو حب لمجرد التغير انو يعدل حاجة فى الصالون او حتى فى الشكل الخرجى بس على خفيف زى البدى كيت و الحاجات الى مافيهاش ضرر سواء فى المرور او على العربية لان فعلن العربية ميش نقصة اقل مثل لمبة الصالون عندى من ساعيت ماجبت العربية و الحمد الله يابتعلق و لما اجى عشان افصلها او اشغلها المفتاح نفسو السنة بتعتو بايظة و ملهاش حل الحمد الله فى التوكيل غير انى اغيرها و شكلى هنتظر الضمان دا لما يخلص و اظبط انا كل حاجة و الحمد الله على كل شىء

[SOBKY]

انا رايي ان اللعب في الجين 2 ممكن يكون بشكل معقول ... بس الزيادة فيه هياثر عليها بالسلب.
موضوع النيتروز هايكون قوي جدا على المحرك وم ش هايستحمله.

[MuhammedSoliman]

انا مع مؤمن في الموضوع ده انا لما قررت اعدل كنت بفكر فى النوز بس غيرت رأي للأسباب اللى قالها الباشمهندس مؤمن فركبت فلتر اسبور واسبلت فير وحتى كان معايا فى الموضع ده الاستاذ محمد عبد العال وجاري باقي التعدلات

تحياتى يا استاذ عبد العال على المشاركة والباش مهندس مؤمن على المداخله القويه ديه معلومات جامده جداااااااااا

[m.3abdel3al]

شكرا ليك محمد

[ahmed_h_g]

موضوع جميل جدا" والأجمل اللى فيه أقتناع الأعضاء بالكلام السليم ...

[m.3abdel3al]

شكرا احمد

[bishoy02010]

موضوع جميل ادفع ونفذ :)

[m.3abdel3al]

نسيت حاجة ادفع ,,,,,, نفذ ,,,,,,, دمر

[bishoy02010]

نسيت حاجة ادفع ,,,,,, نفذ ,,,,,,, دمر

ليه دمر !!!

[MuhammedSoliman]

ليه دمر !!!

اهلا بيك يا عالى المقام هوه فعلا لازم يدمر بعد النوز مش معقول هيركب نوز ويسكت لازم يطير طبعا

تحياتتى واهلا بيك مع البروتونيه

[m.3abdel3al]

دمر لان النيتروز هياكل الموتور لما تشغله دا غير البودي الي هيموووووووووت من ضغط الهواء و ربنا يستر على الي جوه

[bishoy02010]

دمر لان النيتروز هياكل الموتور لما تشغله دا غير البودي الي هيموووووووووت من ضغط الهواء و ربنا يستر على الي جوه

بص هوة انا سمعت ان الموتور بيتغير فيه حاجة عشان تستحمل النيترس ولو جت سليمة تقريبا سبايك حاجة كدة بتكون من ماادة معمولة تستحمل النوز بالنسبا لجسم العربية ده اللى مش هعرف ققلك فيه حاجة