عيوب في التفقيل في واجا 2006

[Amr_tika88]

طبعا انا تغيبت عن المنتدى لفتره علشان كان عندي شوية حاجات شغلاني في الكلية بس عندي شوية استفسارات لوحوش البروتون اللي في المنتدى

انا عندي بعد ماقفلت العربية بالانذار ورجعت وكنت يومها في الجامعة وبعد ماخلصت محاضرات بفتح العربية بالريموت مرضيتش تفتح قولت اكيد البطارية بتاعت المفتاح بايظه
غيرتها ولقيت نفس العيب ومفيش حاجه اتحسنت لغاية اما دوست على الزرار اللي هوا في العربية اول زرار في التابلوة على الشمال جنب بتاع الفوج لايت فصل الانذار ومن ساعتها مش عارف اشغله ازاي تاني

غير كده عندي لمبة الايرباج نورت ومش عارف ده بسبب ايه على الرغم من اني ولا دست فرامل مره واحده ولا برضو خبطت في حد ولا اي حاجه
هيا كده لوحدها

في استفسار تاني انا عندي الدريكسيون بتاع العربية كزا مره اعمل زبط زواية ومش بيزبط الطاره نفسها حادفة شويه وكزا مره الراجل يحاول يزبطها من تحت مش بتنفع برضو بيبقى فيها سنه شمال او يمين ده غير ان في رجه في الدريكسيون بعد ال90 وبرضو كزا مره ارصص مفيش فايده


انا عندي برضو في البابين الامامين مشكله صغيره هيا ان اما بيبقى القزاز نازل اما باجي اقفل الباب او في اي مطب بلاقي القزاز بيخبط جوا الباب بيبقى صوت مزعج جدا او اما حد بيقفل الباب

طبعا انا عارف اني طولت عليكو بس طبعا انتو اسرتي التانيه
وبعيدا عن الموضوع ده انا نفسي اقدم خدمة لمنتدى نايل موتورز
بس مش عارف اساهم معاكو بايه
ياريت لو نعمل موضوع نطرح فيه كيفية المساهمة باي مجهود او عمل لاي حد يحب علشان الفايدة تعم
ولكم جزيل الشكر

[MohabSaeed]

طبعا انا تغيبت عن المنتدى لفتره علشان كان عندي شوية حاجات شغلاني في الكلية بس عندي شوية استفسارات لوحوش البروتون اللي في المنتدى

انا عندي بعد ماقفلت العربية بالانذار ورجعت وكنت يومها في الجامعة وبعد ماخلصت محاضرات بفتح العربية بالريموت مرضيتش تفتح قولت اكيد البطارية بتاعت المفتاح بايظه
غيرتها ولقيت نفس العيب ومفيش حاجه اتحسنت لغاية اما دوست على الزرار اللي هوا في العربية اول زرار في التابلوة على الشمال جنب بتاع الفوج لايت فصل الانذار ومن ساعتها مش عارف اشغله ازاي تاني

اهلا بيك يا باشا , انا كنت لقيت طريقه التكويد قبل كده و عملتلها كوبى عندى فى فايل تكست , بس مش فاكر مين الى كتبها ...طبعا كل الشكر ليه .

انا عن نفسى مجربتهاش بس جربها .
لو مانفعتش معاك عدى على التوكيل " سواء فرع العجوزه او الصحراوى " و بتتعمل بسرعه .

بعد التحية للجميع
طريقة تكويد المفتاح الريموت طبعا بعد تغيير البطارية بتاعو هي كالاتي:
اولا تحط المفتاح بالانجن ومايهمش اي مفتاح تحط ان كان البايظ او الشغال
تاني حاجة تضغط على الزرار يالي في التابللو يالي مرسوم عليه نقطة زغيرة
وماتشلش ايدك من عليه
تالت حاجة تشيل المفتاح من الانجن وترجع تحطو
تلاقي عندك على التابللو عمل فلاش
بعد ماتشوف على العدادات انو عمل فلاش واشتغل ضو زغير بتاع الانزار
تشيل ايديك من على الزرار يالي عليه دوت زغيرة على التابللو وترجع تضغط عليه ضغطة وحدة زغيرة وتشيل المفتاح من الانجن
رابع جاجة تضغظ على زرار القفل يالي على المفتاح وتشيل ايديك وبرضو تضغط على المفتاح التاني وتشيل ايديك
خلاص وقتها بتلاقي المفتاح اشتغل
واتمنى منكم الدعاء

[quote=political_tika88;834966]

غير كده عندي لمبة الايرباج نورت ومش عارف ده بسبب ايه على الرغم من اني ولا دست فرامل مره واحده ولا برضو خبطت في حد ولا اي حاجه
هيا كده لوحدها
quote]

الى حيفيدك فى الموضوع ده التوكيل " و حاول تروح فى اسرع وقت " لان كده الاير باج مفصوله و ملهاش قيمه .

في استفسار تاني انا عندي الدريكسيون بتاع العربية كزا مره اعمل زبط زواية ومش بيزبط الطاره نفسها حادفة شويه وكزا مره الراجل يحاول يزبطها من تحت مش بتنفع برضو بيبقى فيها سنه شمال او يمين ده غير ان في رجه في الدريكسيون بعد ال90 وبرضو كزا مره ارصص مفيش فايده

للاسف مش حيتظبط 100 % , انا عندى حاولت برده اظبطه بالظبط .. حتى التوكيل معرفش يعمله , بس من فتره ظبط الزوايا عند بردجستون مدينه نصر " فرع عباس العقاد " و الدركسيون اتظبط بنسبه 95 % .. حادف شمال بس بسيط جدا و مش ملحوظ تقريبا نص سنتى او اقل .

الرجه ليها اسباب كتير اهمها ... انتهاء عمر الكاوتش او الترصيص مش مظبوط , او الجنط نفسه مش مظبوط .

حاول تكشف على الكاوتش و اتأكد انه سليم و مفهوش كسور او بلونات فى جنب الكاوتش .

لو أتأكدت ان الكوتش سليم اعمل ترصيص تانى " عند بريدجستون " .

لو لسه فى رجه بدل الجنوط الاماميه بالخلفيه و شوف هل فى تأثير ولا لا .

انا عندي برضو في البابين الامامين مشكله صغيره هيا ان اما بيبقى القزاز نازل اما باجي اقفل الباب او في اي مطب بلاقي القزاز بيخبط جوا الباب بيبقى صوت مزعج جدا او اما حد بيقفل الباب

طبعا انا عارف اني طولت عليكو بس طبعا انتو اسرتي التانيه
وبعيدا عن الموضوع ده انا نفسي اقدم خدمة لمنتدى نايل موتورز
بس مش عارف اساهم معاكو بايه
ياريت لو نعمل موضوع نطرح فيه كيفية المساهمة باي مجهود او عمل لاي حد يحب علشان الفايدة تعم
ولكم جزيل الشكر

للاسف ده عيب من العيوب الشائعه ...الشاسيه الى راكب عليه الازاز بعد فتره من الاستعمال " الفتره ده انتا و حظك " بيحصل فيه مشاكل ... زأزاه .. اصوات و الازاز طالع و نازل .

انا عندى المشكله ديه فى الازاز اليمين بس . لو مفتوح عند حد معين بيطلع صوت التخبيط ده ... الحل انى بنزله سنه صغيره و بعدها بيثبت فى مكانه !!

طبعا انا عارف اني طولت عليكو بس طبعا انتو اسرتي التانيه
وبعيدا عن الموضوع ده انا نفسي اقدم خدمة لمنتدى نايل موتورز
بس مش عارف اساهم معاكو بايه
ياريت لو نعمل موضوع نطرح فيه كيفية المساهمة باي مجهود او عمل لاي حد يحب علشان الفايدة تعم
ولكم جزيل الشكر

يا باشا انتا اكيد ماطولتش و احنا كلنا موجودين لافاده بعضنا .

مساعدتك لينا وجودك معانا عاوزين البروتوناويه يكترو اكتر و اكتر " و بالاخص الواجاويه الى مش بشوفهم خالص " و نبقى دايما نشطين .


* صحيح عملت ايه فى موضوع الدهان ؟

[Osama.shihata]

انا بشكرك استاذ مهاب دائما
تساعد زمايلك فى المنتدى بالمعلومات القيمة
جزاك الله خيراً
أسامة شحاتة

[Amr_tika88]

اهلا بيك يااستاذ مهاب وانا بجد شاكر جدا ليك
بالنسبة لموضوع الدهان هوا شال الحته اللي كانت عامله زي عفن في البوية كده وعفرها بويا ورش السقف كله تاني
ومش بقت باينه خالص الحمد لله بالنسبة للكاوتش عندي هو تقريبا عامل 8 الاف كيلو
اعتقد ان لسه بدري عليه
بالنسبة للحدفة دي هل ممكن يكون علبة الدريكسيون فيها حاجه او البارات او اي حاجه من مكونات العفشة
ممكن لو في حد متخصص يفيدنا في الحوار ده
تالت حاجه بالنسبة للتوكيل
موضوع الايرباج هيتكلف ممكن كام كده تقريبا لو طلعت حاجه بسيطة
وبشكر حضرتك تاني يااستاذ مهاب على تعاون حضرتك معا كل منتدى بروتون وبالذات الواجاوووية

[Amr_tika88]

طب يااستاذ مهاب لو حضرتك تعرف تزبيط القزاز بتاع العربية في التوكيل هيتكلف حوالي كام تقريبا علشان لو سعره مش عالي اوي
ممكن اعمله وهيبقى اكيد حاجه صح وبالنسبة لزبطه الطاره بريدجستون فين مكانهم يااستاذ مهاب في مدينه نصر وياريت لو حضرتك تبعتلي رقم تليفونهم عالخاص او نحطه هنا علشان الفايدة
ولك جزيل الشكر

[tutankhamoun]

طبعا انا تغيبت عن المنتدى لفتره علشان كان عندي شوية حاجات شغلاني في الكلية بس عندي شوية استفسارات لوحوش البروتون اللي في المنتدى

الله يكون في عونك و بالتوفيق إن شاء الله

انا عندي بعد ماقفلت العربية بالانذار ورجعت وكنت يومها في الجامعة وبعد ماخلصت محاضرات بفتح العربية بالريموت مرضيتش تفتح قولت اكيد البطارية بتاعت المفتاح بايظه
غيرتها ولقيت نفس العيب ومفيش حاجه اتحسنت لغاية اما دوست على الزرار اللي هوا في العربية اول زرار في التابلوة على الشمال جنب بتاع الفوج لايت فصل الانذار ومن ساعتها مش عارف اشغله ازاي تاني

أنت كدا عايز تعمل اعادة ظبط للأنذار ... و ده مش عيب و لا حاجة إن شاء الله

غير كده عندي لمبة الايرباج نورت ومش عارف ده بسبب ايه على الرغم من اني ولا دست فرامل مره واحده ولا برضو خبطت في حد ولا اي حاجه
هيا كده لوحدها

برضه ممكن يكون حاجة بسيطة و ممكن تكون محتاج تعمل اعادة ظبط لشئ معين و ممكن يكون الفيوز ...

طبعا الأستاذ مهاب أجاب بأستفاضة .

و أغلب الحاجات اللي أنت بتشتكي منها لا أعتقد أنها عيوب تقفيل و لا حاجة .
بس زي ما الأستاذ مُهاب قال ...
لازم تروح التوكيل و تشوف مشكلة الوسائد الهوائية .

[MohabSaeed]

اهلا بيك يااستاذ مهاب وانا بجد شاكر جدا ليك
بالنسبة لموضوع الدهان هوا شال الحته اللي كانت عامله زي عفن في البوية كده وعفرها بويا ورش السقف كله تاني
ومش بقت باينه خالص الحمد لله بالنسبة للكاوتش عندي هو تقريبا عامل 8 الاف كيلو
اعتقد ان لسه بدري عليه
بالنسبة للحدفة دي هل ممكن يكون علبة الدريكسيون فيها حاجه او البارات او اي حاجه من مكونات العفشة
ممكن لو في حد متخصص يفيدنا في الحوار ده
تالت حاجه بالنسبة للتوكيل
موضوع الايرباج هيتكلف ممكن كام كده تقريبا لو طلعت حاجه بسيطة
وبشكر حضرتك تاني يااستاذ مهاب على تعاون حضرتك معا كل منتدى بروتون وبالذات الواجاوووية

اهلا بيك أ - political.

الحمد لله ان مشكله السقف اتحلت .

بالنسبه للكاوتش انتا بتقول انه جديد... يبقى صعب انه يكون المشكله منه , عموما الاضمن انك تعمل ترصيص تانى فى مكان كويس ... انا جربت بريدج ستون و لقيتهم احسن مكان فى الزوايا و الترصيص و اصلاح الكاوتش .
للاسف انا معنديش رقم تلفونهم لكن هما فى اخر شارع عباس العقاد بالتقاطع مع مصطفى النحاس داخل محطه بنزين كالتكس " على ناصيه عباس العقاد مع مصطفى النحاس " .
و جرب بدل الجنط الى قدام بالى ورا .

* فى ملحوظه .... هل الرجه ديه بدأت معاه بعد ماغيرت الكوتش ولا بدأت ازاى ؟


- موضوع الايرباج ... الحقيقه معرفش يتكلف كام .. بس لو الموضوع مجرد ريست لل شيب مانجمينت مش حيتكلف حاجه .

خلينا ما نفترضش الاسوا و شوف كلام التوكيل الاول .


- موضوع الدركسيون وانه مش بيظبط ..... انا قريت مشاركات كتير فى منتديات ماليزيه ان المشكله سببها قطع اسمها " steering bush " قطعه مطاطيه فى اخر عمود الدركسيون . , و قتعتين كاوتش بيمسكو علبه الدركسيون نفسها .




-----------------------



--------------------





------------------

طب يااستاذ مهاب لو حضرتك تعرف تزبيط القزاز بتاع العربية في التوكيل هيتكلف حوالي كام تقريبا علشان لو سعره مش عالي اوي
ممكن اعمله وهيبقى اكيد حاجه صح وبالنسبة لزبطه الطاره بريدجستون فين مكانهم يااستاذ مهاب في مدينه نصر وياريت لو حضرتك تبعتلي رقم تليفونهم عالخاص او نحطه هنا علشان الفايدة
ولك جزيل الشكر

فى التوكيل حيقولك غير مكنه الازاز ... التوكيل مش بيصلح ... بيغير .
و المكنه تمنها 1520 جنيه بالضريبه !

و فى نفس الوقت انا ماتعاملتش مع حد بره كويس فى موضوع الازاز ب مش حقدر انصحك بحد تصلح عنده الازاز بره .


---------------------------------------------

الف شكر ل أ- اسامه , أ - توت . على مشاركتكم و كلامك الجميل , ربنا يديم المحبه بينا جميعا .