محدش يزعل منى انا جبت جين تو

[kloda]

ياعم انت داخل شمال كده ليه
طب ادى اشارة اوكلكس
أولا انا كاتب عنوان الموضوع محدش يزعل منى
ودى وجهات نظر
وزى ماقولت فى كلامى تفرق اوى انت بتقارن ايه بأيه

وزى مانت قلت على الفرامل والتكيف والعفشه هما كدا فى العربيه وده اللى انا حبيت اوضحه بطريقه مرحه ليس الا

انا لا غلط فى حد ولا قلت على حد كداب ولا قلت انهم مش بيفهموا


عموما ياسيدى حقك عليه وشكرا لتعليق حضرتك

انا مش داخل شمال و لا حاجة انا بس لقيتك طلعتني انا و الناس الي ركبت العربية قصيرين و سواقين تريلات
حصل خير و شكرا علي اسلوبك الي بقي جميل في الحوار
و الف مبروك علي الجينة الجميلة و عقبال العربيةالجاية انشاء الله

[compuland]

شكرا يا Kloda
وحصل خير يا سيدى
وفرصة سعيده

ومنجيلكش فى جين وحشه

[ahawit]

ايه الغرام والعشق ده يا باشا فى الجين 2
واضح انك معجب بيها أوى أولا مبروك عليك العربيه وربنا يباركلك فيها ويكفيك شرها
ثانيا أنا معايا موديل 2009 لسه جديده يعنى بس عاوز أقولك ان العفشه شويه ناشفه مش ناعمه أوى الناس بتقول عشان دى عربيه رياضيه وانا مش عارف ايه علاقة انها عربيه رياضيه بأن عفشتها تبقى ناشفه بس الحمد لله أنا برضو معجب بيها أوى وهيا أحسن من غيرها كتير

[tutankhamoun]

ألف مبروك يا comuland
ربنا يباركلك في العربية و يحفظك من شرها و يعطيك خيرها إن شاء الله .

وانا مش عارف ايه علاقة انها عربيه رياضيه بأن عفشتها تبقى ناشفه بس الحمد لله أنا برضو معجب بيها أوى وهيا أحسن من غيرها كتير

العربية اللي عفشتها ناعمة بتكون أقل في الثبات و أفضل في الراحة و العكس صحيح .
ومش الجين 2 بس اللي عفشتها مش ناعمة .
فيه عربيات كتيرة أوروبي عفشتها بتكون مش ناعمة علشان موضوع الثبات .

بتفاصيل أكتر .
العفشة الناعمة مفيدة في المطبات و القيادة داخل المدن .

العفشة الرياضية ...... زي الكوني مثلا اللي الناس بتروح تشيل عفشة العربية الأصلية ( في العربيات اللي ثباتها تعبان ) و تشتريها علشان موضوع الثبات .
بتكون ناشفة بطريقة معينة و محسوبة ...... فمع السرعات العالية تلاقي العربية ثابتة معاك .
بعكس الناعمة اللي بتروح و تيجي مع أي عائق على الطريق ....بتبقى عاملة زي المرجيحة شوية .
يعني ممكن يكون الوصف مبالغ فيه بس علشان أوصلك المعلومة اللي عندي .
كان عندي بونتو 2002 ........ و عفشتها كانت ناشفة
و فورد اسكورت 94 و عفشتها كانت ناشفة ..... و نيسان ميكرا 90 ......... و فورد كا 2004 ......... و كلهم كانت عفشتهم ناشفة

[compuland]

كلام توت جامد موت
و زى ماقولت فى اول الموضوع تفرق بتقارن ايه بأيه
عن نفسى انا شايف انها احسن من عفشه عربيتى القديمه الانوس

[compuland]

مشاكل الجين تو بتاعتى

[bishoy02010]

الف مبرووووووووووووووك على العربية ربنا يباركلك فيها :)

[ahmad--ezzat]

سحب العربيه ملحقتش اجربوا قوى بس احسن من الانوس والفرنا بمراحل

فى مبالغة شوية...

الفيرنا لما بتديها بنزين بتطير منك ومن الاخر بتنط يعنى

الجين 2 انا سوقتها ...راسية عن الفيرنا واقل تسارع طبعا

[tutankhamoun]

فى مبالغة شوية...

الفيرنا لما بتديها بنزين بتطير منك ومن الاخر بتنط يعنى

الجين 2 انا سوقتها ...راسية عن الفيرنا واقل تسارع طبعا

صباح الفل
هي فعلا الفيرنا صاروخ في الأنطلاق علشان وزنها خفيف و موتورا قوي .

إنما فيه تعليق صغير على الجين 2 اللي أنت جربتها
كانت أوتوماتيك ......... صح ؟؟

جرب بقى المانوال بتاع الجين 2 علشان يديك حكم أصح عن التسارع .

[compuland]

صباح الفل
هي فعلا الفيرنا صاروخ في الأنطلاق علشان وزنها خفيف و موتورا قوي .

إنما فيه تعليق صغير على الجين 2 اللي أنت جربتها
كانت أوتوماتيك ......... صح ؟؟

جرب بقى المانوال بتاع الجين 2 علشان يديك حكم أصح عن التسارع .

هو ده الكلام

[ahmad--ezzat]

صباح الفل
هي فعلا الفيرنا صاروخ في الأنطلاق علشان وزنها خفيف و موتورا قوي .

إنما فيه تعليق صغير على الجين 2 اللي أنت جربتها
كانت أوتوماتيك ......... صح ؟؟

جرب بقى المانوال بتاع الجين 2 علشان يديك حكم أصح عن التسارع .

استاذ توت ازى حضرتك ..انا اللى جربتها كانت مانيول ولونها احمر كمان وموديل 2009 :)

بس انا بنقل 2 ونص ار بى ام...فمحستش اوى لكن الفيرنا ورقة ممن تعوم منك لو فوت بيها مثلا..

[tutankhamoun]

استاذ توت ازى حضرتك ..انا اللى جربتها كانت مانيول ولونها احمر كمان وموديل 2009 :)

بس انا بنقل 2 ونص ار بى ام...فمحستش اوى لكن الفيرنا ورقة ممن تعوم منك لو فوت بيها مثلا..

طيب تمام كدا عرفنا السحب عندك كان قليل ليه

دي السواقة الهادية علشان توفر في البنزين .
الكتالوج بيقول أفضل نقطة للتغيير هي 4000 لفة - دقيقة . علشان تأخد 148 نيوتن - متر
أما عند 2500 فالعزم بيلعب في العشرينيات بعد المائة .

و أنا عن نفسي بغير عند 3000 لفة - دقيقة

في الجين 2 ........ 2500 بدري قوي قوي .

و صباح الفل

[adel1414]

مليون الف مليار مبروك...فعلا القناعة كنز لايفنى..واكتر حاجة بجد عجبانى انك حضرتك راضى ومبسوط ومستمتع بيها وصدقنى دة كفاية..اللهم بارك لك فيها واحفظهالك من كل شر

[compuland]

ربنا يخليك ياعادل

[Eng.Osama.Afifi]

ربنا يديك خيرها ويكفيك شرها