ليه صوت موتور الكامبرو عالى كدة ياريت حد يرد من التوكيل او من اصحاب الخبرة

[Osama.shihata]

ليه صوت موتور الكامبرو عالى كدة

على الرغم من ان بروتون كانت تعتمد فى الاول على تكنولوجيا مواتير متسوبيشى الناعمة

ياترى ليه عمله تصميم هذا الموتور بصوت عالى على الرغم انه بيدى 110 حصان وفى عربيات كورى بتدى اعلى منه وصوت موتروها اقل بكثر من صوت الكامبرو :k4:

حد عنده تفسير لكدة ؟

[ahawit]

وأنا برضو نفسى اعرف رد على السؤال ده
وانا عندى سؤال تانى بقى هو تكنولوجيا الكامبرو زى المواتير v-tech ولا اقدم؟

[MuhammedSoliman]

والله انا مش عارف يمكن عشان بتتميز بالطابع الرياضي وإنها هيبر ، انضم معاكم يمكن حد يعرف

تحياتى

[m.3abdel3al]

ممكن يكون علو الصوت دا من الفلتر علشان يدي للعربية الطابع الرياضي ؟؟؟؟؟؟؟؟؟؟؟؟ ممكن يكون دا السبب

[Ahmed_SpY]

انا موافق مع محمد ان الصوت ده من الفلتر

[M.almaghraby]

وانا كمان اعتقد 90% ان دا صوت فلتر و خصوصا ال iafm ليه زنة صوتها حلو اوي

[MuhammedSoliman]

وانا كمان اعتقد 90% ان دا صوت فلتر و خصوصا ال iafm ليه زنة صوتها حلو اوي

امال يا دكتور لو جربت السمونتا جنااااااااااااااااااااااااااااااااااااان وعشق

تحياتى

[dya2008]

شوف يا سيدي انا هحكيلك الحكايه بروتون كانت شركة صغيرة و تعبانه لصناعه السيارات و كانت جوده المنتج زي الصيني مع الفرق .
المهم في خطوة ناجحة عملت شراكه مع ميتسوبيشي و اشترت موتور لانسر و جالنت و نزلتهم في عربيتين واحده هيا تصميم لانسر البطه سمتها ويرا و التانيه اول تصميم محترم لبروتون سمتها واجا و حققوا العربيتين النجاح بسبب الموتور و نظام التعليق و الثبات المعقول
تاني فاتحة علي بروتون كانت الاستحواذ علي اسهم شركه لوتس البريطانيه و اللي ميعرفش انها مصنع سيارات افخم و اعلي من بورش و فيراري - مقابل للمزاريتي و البوجاتي- و طبقا لمبداء انا صاحب المحل الزمت مهندسين بروتون علي تصميم سيارة ثورية منخفضة التكاليف و موتور معتمد يمكن صنعه في ماليزيا و بعد شهور و سنين نجاح مهندسين لوتس في تصميم موتور - ابن صغير - لموتور لوتس و تصميم ثروي سموا الموتور كام برو - كانوا بيفكروا يسموه هاني - و سموا العربيه جين2 و طبعا اكثر ما يميزها الثبات لانها علي نفس خطوط السوبر كار
الموتور دا علي نفس مبادئ تصميم موتور لوتس و معروف ان موتور السوبر كار بيكون صوتوا عالي
و في قمة المصداقية اعلنت بروتون عن موتور زي اعتمادية افضل جوده من الالماني لكن عمرة الانتاجي اقل 250000 كم
الناس لقت ان عربيه بالسعر دا و الموتور دا ممكن تغيره او تعمله عمره بعدها بس مش هتلاقي في سعره
المهم .... كبرت بروتون في اسواق اسيا و اوربا و استراليا و هما طورا الموتور ليكون صوته اوطي - البرسونا و الواجا الجديده- و دا لان تصميمهم مش مناسب للسوبر كار عكس الجيني
و شكروا ربنا علي دا
و خلاص

[ahmad--ezzat]

اية الكلام الجامد دة ياباشا شكرا جدا

بس انا عايز اقول انك الواحد لما بيمشى بالعربية صوتها بيكون هادى لكن فى السلانسية عالى مش عارف ازاى

[tutankhamoun]

شوف يا سيدي انا هحكيلك الحكايه بروتون كانت شركة صغيرة و تعبانه لصناعه السيارات و كانت جوده المنتج زي الصيني مع الفرق

هو مين بس اللي قال أن بروتون كانت شركة تعبانة و بعدين أستعانت بميتشوبيشي


بروتون أول ما فتحت
يعني من أول يوم فتحت فيه .
اكن لهم عقد تعاون تكنولوجي مع ميتسوبيشي .......
من أول يوم ......... من أول يوم ......
مش بدأوا و بعدين لقوا نفسهم تعبانين و بعدين شافوا موضوع ميتسوبيشي !!!!

و العقد كان بينص على الآتي
تجميع في أول سنة بالكامل و بعدين مع كل سنة يتم استبدال قطعة ياباني من ميتسوبيشي ....... بقطعة مثيلة مصنوعة في ماليزيا بواسطة بروتون .
و هكذا حتى صنعوا السيارة بالكامل ما عدا الموتور
لغاية ما أشتروا لوتس .و بعدين صمموا أول سيارة ذات ملكية خاصة بهم و هي الواجا
و لكن كان الموتور الكامبروا أبحاثه مخلصتش لسه
فأضطروا يستعينوا بموتور من شريكهم القديم و هو ميتسوبيشي و ركبوا موتور الجالينا و اللانسر في الواجا .
و بعدين عملوا تاني عربية خاصة بيهم و ركبوا فيها الموتور الأول في التصميم و التصنيع بواسطة بروتون ماليزيا و تم التصميم بالتعاون مع لوتس
و يمكن ده اللي مخليه له صوت عالي
لأن لوتس متخصصة في سيارات السباق و السيارات الرياضية .
و بعدين بقى عملوا
الساجا الجديدة . سيارة التاكسي في ماليزيا رقم واحد .
الساتريا نيو . هاتش باك
البردانا . ( سيارة فارهة )

تاني فاتحة علي بروتون كانت الاستحواذ علي اسهم شركه لوتس البريطانيه و اللي ميعرفش انها مصنع سيارات افخم و اعلي من بورش و فيراري - مقابل للمزاريتي و البوجاتي-

ممكن سؤال ........
هو مين قال لحضرتك أن لوتس أحسن من الشركات دي ؟؟؟؟؟؟؟؟؟؟؟؟؟؟؟
لوتس ليست أفخم و لا أعلى من الشركات دي خالص .
لوتس شركة كبيرة جدا و لكن فيراري أكبر و أشهر .
و البورشيه أكبر و أشهر .
و المازيراتي أكبر و أشهر .
إنما لوتس شركة كبيرة و بيتميزوا بالأبحاث في مجال الثبات و الأتزان و المحركات الرياضية .

إنما مش أكبر الشركات الرياضية
و لكنها من أكبر الشركات الرياضية

[tutankhamoun]

اية الكلام الجامد دة ياباشا شكرا جدا

بس انا عايز اقول انك الواحد لما بيمشى بالعربية صوتها بيكون هادى لكن فى السلانسية عالى مش عارف ازاى

منور يا باشمهندس أحمد
بس حضرتك بتتكلم على أي عربية ؟؟؟؟
الجين 2 ؟؟؟؟؟؟

لأن في السلانسية عندي مفيش صوت عالي ولا حاجة .
إنما الصوت بيبدأ في الزئير فوق 3000 لفة

جين2 موديل 2007 ....... مانوال

[ahmedfathy77]

السلام عليكم ورحمة الله و بركاته
استاذ توت موسوعة بروتون بلا شك اشكر حضرتك علي كل مشاركه حضرتك بتضيفها اللي اكيد لازم بتوضح يا اما معلومه تاريخيه او فنيه عن بروتون من مصدر كلنا بنثق فيه و علي فكره انا كنت متاكد ان الموضوع ده لازم هتشاركنا فيه برايك و حقيقي انا كنت مستنيه شكرا لحضرتك و يا ريت نشوف حضرتك دائما معانا برايك و معلوماتك اكتر علي منتدي بروتون تحياتي لحضرتك
سلامي للجميع

[tutankhamoun]

السلام عليكم ورحمة الله و بركاته
استاذ توت موسوعة بروتون بلا شك اشكر حضرتك علي كل مشاركه حضرتك بتضيفها اللي اكيد لازم بتوضح يا اما معلومه تاريخيه او فنيه عن بروتون من مصدر كلنا بنثق فيه و علي فكره انا كنت متاكد ان الموضوع ده لازم هتشاركنا فيه برايك و حقيقي انا كنت مستنيه شكرا لحضرتك و يا ريت نشوف حضرتك دائما معانا برايك و معلوماتك اكتر علي منتدي بروتون تحياتي لحضرتك
سلامي للجميع

يا باشمهندس الله يكرمك ..... شُكرا على الكلام الجميل ده .
و الله أنت راجل زي العسل و محترم ...
ربنا يباركلك يارب .
و تحياتي الحارة و أمنياتي لك بالأنضمام لنا في نادي بروتون

[ahmedsiyam]

منور يا توت

[dya2008]

هو مين بس اللي قال أن بروتون كانت شركة تعبانة و بعدين أستعانت بميتشوبيشي

بالراحة علينا شويه يا استاذ توت .... احنا لسه تلاميذ

بس اقولك اولا انا قرأت انها كانت سياراتها غير ناجحة حتي في ماليزيا لانها كانت ضعيفة - بودي و امان يعني- لدرجة ان اول عربيه خاصة بيهم سموها واجا يعني الصلب او الصخرة مش فاكر علشان يغيروا الفكرة القديمة اللي عند الشعب الماليزي و دا مش عيب انهم يبدؤا صغيرين و يكبروا في العالم كله
هوندا اصلا كانت شركه ماكينات خياطة
هيوانداي كانت مركز صيانه - ممكن ورشه و هما بيقولوا كده - و بعدين وصلت الان لبناء السفن
ثانيا بالنسبة لموضوع مقارنه لوتس مع فيراري و بورش انا قلت انها زي البوجاتي لكن احسن من الفراري بناءا علي مقارنه اسعارها - قبل ما توقف الانتاج - مع اسعار الفراري و البورش

لكن اللي مش متاكد منه فعلا هوا الرقم لاني حصلت عليه من شخص و ليس مصدر رسمي ان العمر الافتراضي للمحرك 250000 كم مش متاكد من دي الحقيقة
تحياتي يا استاذ توت و متزعلش مننا كده