شوية اسئله عن تغير الزيت الخاص بالجين2 ....ارجو الافاده....

[momenhamdy]

بسم الله الرحمن الرحيم
الاخوه الافاضل و الاعزاء اعضاء منتدي بروتون الكرام

طبعاً انا عندي شوية اسئله بخصوص تغير الزيت خارج التوكيل و دا راجع اني معنديش وقت اروح التوكيل للانتظار للصيانه و حلجئ الي التغير خارج التوكيل

الوقتي انا عرفت ان التوكيل بيغير زيت توتال
1- هل هو توتال 3000 ولا 5000
2-العربيه بتاخد اد ايه من الجركن هل كله و لا 3.75 منه و لا 3.5 ( ياريت المعلومة تكون اذا تغير الفلتر حتاخد كام ولو من غير تغيره حيكون كام ) و لا ايه بالظيط
3 طبعاً انا بسأل علي الموضوع دا لعدم العبث بالعربيه و خصوصاً انا بحب الشئ الي معنديش معلومات كافيه عنه اني اسأل فيه

ارجو منكم الاهتمال و افادتي في هذه الملاحظات الضرورية
و خصوصاً ان الاخ و العضو الفاضل دكتور محمد سليمان كان اتناقش معايا في الموضوع دا و بصراحة الراجل كان كله زوق و اوفاني بمعلومات كثيره

وتقبلوا تحياتي

[MuhammedSoliman]

بسم الله الرحمن الرحيم
الاخوه الافاضل و الاعزاء اعضاء منتدي بروتون الكرام

طبعاً انا عندي شوية اسئله بخصوص تغير الزيت خارج التوكيل و دا راجع اني معنديش وقت اروح التوكيل للانتظار للصيانه و حلجئ الي التغير خارج التوكيل

الوقتي انا عرفت ان التوكيل بيغير زيت توتال
1- هل هو توتال 3000 ولا 5000
2-العربيه بتاخد اد ايه من الجركن هل كله و لا 3.75 منه و لا 3.5 ( ياريت المعلومة تكون اذا تغير الفلتر حتاخد كام ولو من غير تغيره حيكون كام ) و لا ايه بالظيط
3 طبعاً انا بسأل علي الموضوع دا لعدم العبث بالعربيه و خصوصاً انا بحب الشئ الي معنديش معلومات كافيه عنه اني اسأل فيه

ارجو منكم الاهتمال و افادتي في هذه الملاحظات الضرورية
و خصوصاً ان الاخ و العضو الفاضل دكتور محمد سليمان كان اتناقش معايا في الموضوع دا و بصراحة الراجل كان كله زوق و اوفاني بمعلومات كثيره


وتقبلوا تحياتي

انا عنيه ليك يا باشمهندس فى اي وقت وارجو ان الاعضاء تفيدك ان شاء الله

تحياتى

[momenhamdy]

ايه يا جماعة هي الاسئله دي صعبه للدرجه دي

يعني مفيش حد بيغير زيت خارج التوكيل غير دكتور محمد سليمان - الاستاذ احمد الشاعر ( تويتي ) - الاستاذ احمد صيام بس

غريب امركم يا ملاك جميلة الجميلات
علي العموم انا في انتظار اجابتكم علي الاسئله ويارب الاقي حد يفدني

تـــــــــــــــــحـــــــــــــــياتي

[ahmad alshaaer]

انا يااستاذي بغير زيت 10000 كم سواء شيل هيليكس وهو الافضل عن تجربتي
ومره غيرت موبيل 1
ومره غيرت توتال 9000 من التوكيل
وكل مره كنت بغير الفلتر وبحط في الموتور ال 4 كيلو كلهم لاني بغير الفلتر
ونصيحه مني لما تيجي تغير الزيت
غيرو في محطات نضيفه وعاليه زي موبيل او شيل ولكن في اماكن راقيه وخد منه فاتوره انك غيرت الزيت عندهم وتكون مختومه تحسبا الموتور لاقدر الله يحصل فيه حاجه لوحده كده والتوكيل يستهبل يبقى معاك دليل انك غيرت في مكان محترم
وابعد عن محلات تغيير الزيوت لان اغلبيتها غش والعياذ بالله


بالمناسبه مش معنى ان التوكيل بيغير توتال يبقى توتال تمام ومافيش بعده
كل الفكره انه متعاقد معاه مش اكتر


ولو مش هتغير الفلتر يبقى حط 3 كيلو ونص

تحياتي

[tutankhamoun]

السلام عليكم
أزيكم يا رجال بروتون .
بالنسبة للزيت أنا مش متأكد أي واحد فيهم !!!!!!!!!!!!!!!!

لكن الزيت التوتال كويس ........ و أحسن من موبيل xhd اللي كانوا بيحطوه الأول .
توتال بيخلي صوت الموتور أهدى ........ بعكس الموبيل .
أعتقد أن الزيت اللي بتبيتم تمتغييره في التوكيل هو زيت اللي بيقعد 5000 كم
أنا بصيت عليه من كام يوم عندي و لقيت أن لزوجة الزيت كويسة قوي بس لونه أسود غامق قوي ......... بس له لزوجته كويسة .
المفروض أن الكتالوج بيقول 3.75 لتر فقط ......... و لازم الزيت يكون بين علامة أقصى و أقل حد ........ و مشددين على الموضوع ده في الكتالوج .
و أنا عندي بعد 4000 كم فيه حوالي 2 مم زيادة فوق الحد الأقصى و ده معناه أنهم في التوكيل حطوا 4 لتر ........... و الله أعلم .
علشان كدا المرة الجاية هاشدد عليهم و أكد يحطوا 3.75 لتر بس و أبقى أخد الربع لتر الباقي أزود به لو حصل نقص .

على فكرة ....... لو بروتون ماوفقتش على الزيت
عز العرب ميقدرش يحطه من دماغه ....... لازم بروتون توافق على نوعية الزيت اللي بتتحط في العربية .....
يعني أقصد أني أنا كعميل ممكن أروح أشتري أي زيت و التوكيل هايحطه .
إنما التوكيل نفسه مايقدرش يشتري اي ماركة و خلاص بدون موافقة بروتون .
و صباح الفل على المهندس مؤمن و الدكتور محمد سليمان و الأستاذ أحمد تويتي

[ahmedsiyam]

انا على فكرة مابغيرش زيت بره التوكيل
انا باجيب الزيت من بره و هو من وجهة نظرى احسن و ارخص بكتير من اللى موجود عندهم
و باغير كل مرة الزيت و الفلتر فالجركن بيخلص لانها بتاخد 4 كيلو مع تغيير الفلتر

[momenhamdy]

شاكر جداً للاخوه الافاضل
وبالنسبه للاستاذ احمد الشاعر : اكيد يا سيدي الفاضل المعلومه الي حضرتك قلتها بخصوص اخذ فاتوره و اثبات التغير لدي مكان محترم دي مهمه جداً و انا عامل حسابي عليها
وانا شاكر جداً ليك يا استاذ احمد علي التوضيح
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
الاخ الفاضل توت استاذي شاكر جداً لمشاركتك الكريمه

انا على فكرة مابغيرش زيت بره التوكيل
انا باجيب الزيت من بره و هو من وجهة نظرى احسن و ارخص بكتير من اللى موجود عندهم
و باغير كل مرة الزيت و الفلتر فالجركن بيخلص لانها بتاخد 4 كيلو مع تغيير الفلتر

حبيبي يا استاذ احمد اخبارك ايه شاكر لمشاركتك
بس انا عندي سؤال هو حضرتك بتحط زيت ايه و اماكن بيعه فين ( المحطات الي موجود فيها )
وايه رأيك اغير الفلتر كل مره تغير و لا ايه ؟؟؟

وتقبلوا تحياتي

[M.almaghraby]

يا جماعة لو سمحتو حد يرد عليا

الزيت ال10000 التخليقي ايا كان نوعه مناسب للجين 2؟؟؟

انا سمعت كلام انو مش مفضل اوي للعربية...

و يعني لو قلتلهم في التوكيل يحطوا توتال 9000 الي بيعد 10000كم حيحطوه عادي...؟؟

[momenhamdy]

يا جماعة لو سمحتو حد يرد عليا

الزيت ال10000 التخليقي ايا كان نوعه مناسب للجين 2؟؟؟

انا سمعت كلام انو مش مفضل اوي للعربية...

و يعني لو قلتلهم في التوكيل يحطوا توتال 9000 الي بيعد 10000كم حيحطوه عادي...؟؟

التوتال الكوارتز 9000 ممتاز بشهاده الناس الي جربته
وبرده ال شيل الترا ( اعتقد اسمه كدا ) برده ملوش حل و الناس بتشكر فيه اوي

والمفروض انت الزيت ميعضش 10.000 كم في العربيه يعني بعد 8000 كم حضرتك مفروض تغيره

وتقبل تحياتي

[MuhammedSoliman]

يا جماعة لو سمحتو حد يرد عليا

الزيت ال10000 التخليقي ايا كان نوعه مناسب للجين 2؟؟؟

انا سمعت كلام انو مش مفضل اوي للعربية...

و يعني لو قلتلهم في التوكيل يحطوا توتال 9000 الي بيعد 10000كم حيحطوه عادي...؟؟

بص يا دوك انا قلتلك نص حوار دار بينى وبين المهندس مؤمن كانا اتكلما فيه على موضع الزيت فى مشاركه اتمنى انه يفيدك فى سؤالك او تصحح ليه معلومه :

أرسل أصلا بواسطة momenhamdy
حبيبي يا دكتور محمد ........

طب انا عندي سؤال لحضرتك هو حضرتك لما بتغير الزيت بتغير بنوع ايه و الفلتر بتشتريه منين
بما ان حضرتك مخضرم في المسائل دي ؟؟؟

و تقبل تحياتي اخي العزيز


وده كان ردي

يا هندسه ايه اخبارك عامل ايه ؟؟
بص ياسيدي انا بغير موبيل 1 كل عشرة آلاف كيومتر وبغير على 9 آلاف والفلتر بتاعها أو بتاع اللانسر بيركب عليها من محطة البنزين اللى قدام المركز الطبي بسموحه موبيل والزيت مريحنى جدا فى صوت الموتور وما تحسش ان الموتور متفرهد زي ما بيقولوا
والمانيوال بتاع العربية بقول أنك تختار زيت المحرك لزوجة sae ملائم لحرارة الجو اللى انت عايش فيه وهتلاقي رسم بياني فيه بيوريك الحراه ونوعية اللزوجه فى صفحة رقم 127 عربي
وانه يكون مطابق لتصنيف api : sae 10w/30 وليس اقل ومن الممكن ان يكون اعلى
بيقول كمان ان لو استخدم اقل من الدرجه ديه يخرج من الضمان

طبعا هتقوا ايه الولغرتمات اللى عمال اقلها ديه انا كنت زيك كده بس بعد بحث صغير على العملاق جوجل فهمت بنسبة 80 % على اساسي إني عبقري طبعا

المهم لقيت ان ال sae هيه لزوجة الزيت وال api هي درجة الجوده المهم مش هطول عليك فلاقيت ان موبيل وان يحتوي على هذه الصفات المطلوبه وفى اخوان بيقولوا لأ الشيل هيلكس بلو احسن عشان نصف تخليقى ومناسب للكام برو وان الموبيل وان تخليقي تسال بقا طب ايه يا جماعه الفرق بين ده وده ؟؟؟ ماتلقيش رد واضح ؟؟؟ بس طالما ان الزيت مناسب للمانيوا بتاع العربية زي ما بقول يعنى فأكيد مش هيضر العربية ويكون هو الموصى بيه

وبعدين جبتلك مقال هايل تقرأه وانت هتقدر تقرر لوحدك مع الموصي عليه من الشركة فى كتيب الارشادات المانيوا بتاع العربية واللى انا كتبته فوق

اللبنك اهوه

http://thecartech.com/frontpage/part...ngines_lub.htm

وفى انتظار توضيحاتكم لو انا غلطان
تحياتى

[khpopo]

بص يامؤمن الزيت المفروض يتحط 3,75 بس هما كل مرة لو ماختش بالى بيحطو ا الجيركل كلة ودة بيضايقنى مع انى ببقى قايل لهم لان الى اعرفه انة غلط على العربية وربنا يستر
بستعمل شل هلكس وبفضلة لانة بيقعد لحد 5000 زى ماهو لكن بغيردايما فى التوكيل
انت ممكن تغير الفلتر كل 2 تغيرة زيت وماظنش هايبقى فى مشكلة على مرة تغير زيت برة التوكيل
ربنا يوفق

[momenhamdy]

بص يامؤمن الزيت المفروض يتحط 3,75 بس هما كل مرة لو ماختش بالى بيحطو ا الجيركل كلة ودة بيضايقنى مع انى ببقى قايل لهم لان الى اعرفه انة غلط على العربية وربنا يستر :t_thum1[1]:
بستعمل شل هلكس وبفضلة لانة بيقعد لحد 5000 زى ماهو لكن بغيردايما فى التوكيل :_alshmokh11:
انت ممكن تغير الفلتر كل 2 تغيرة زيت وماظنش هايبقى فى مشكلة على مرة تغير زيت برة التوكيل
ربنا يوفق

حبيبي يا خالد انت فين يا راجل ......واحشني و الله

بص يا خالد انا مبحبش اسلم الامور للتوكيل و بيني و بينك احنا الاهمال حالفنا
انا طيعاً عارف القصه دي كويس
بس الي اعرفه يا خالد انك لو غيرت الفلتر مع الزيت بتحط ال 4 لتر كلهم و لو ميغيرتوش بتشيل ربع لتر من الجركن زي منتا قولت فاهمني

فامش عيزك تكون قلقان لان المفروض ان يتحط ال 4 لتر مع تغيره الفلتر مع الزيت
و 4 الا ربع مع عدم تغير الفلتر

لان بدل الزيت مش بيرمي علي غطا التكيهات و تحس انو مغرق الموتور بيقي الامور تمام و متقلقش فاهمني يا خالد !! و برده سيخ الزيت هو الفيصل في القصه دي

بس انا فاهم قصدك ايه انك تكون في ال SafeMode و متوجعش دماغك

وياريت يا باشا متغبش علينا تاني كدا بتوحشني و الله

وتحياتي ليك اخي الفاضل