مشاكل الجين تو

[compuland]

ياعانى طب ما تيجى تبدل معايا عربيتى

ما تغلاش عليك يا باشا
بس واضح انك معاك لانوس 99
واصلا انا لسه مغير من لانوس 99 للجين تو

بس بردو ماتغلاش عليك

[compuland]

ومفيش عربية تخلو من العيوب...

والكمال لله وحده...

اديك قلتها بنفسك
وتوت رد عليك من الاخر
ولا كلام بعد كلام توت

[ahmad--ezzat]

لعيوب دي معمولة من أول موديل نزل مصر اللي هو موديل 2006 ..... ده كان أولا .
ثانيا ........ أغلب الناس حاليا معندهاش ربع العيوب دي .... و أنا الحمد معنديش و لا عيب منهم .


ثالثا و الأهم ......
الراجل مبسوط بعربيته و فرحان و متضايق من الناس اللي بتشتكي من غير ما يكون عندها العربية و عامل موضوع علشان الهزار ........
و حضرتك داخل و جايبلنا تقييم من عربية موديل 2006 ....... و اللي أنا أصلا مش متفق مع شوية حاجات منها
و كمان نقلت جزء بسيط فقط من اللي الأستاذ محمد الحسيني كاتبه .... صح و لا أيه ..
هو قال مش كل العربيات فيها العيوب دي ......

موضوع خامات التابلوه ....... أنا مش عارف الناس ماسكة في موضوع التابلوه ده بطريقة عجيبة مع أني شايف أن كل العربيات في فئة السعر دي خاماتهم الداخلية زي بعضها و مفيش فرق خالص ......... و منهم النوبيرا و الصني .......
حتى العربيات اللي تقفيل أجنبي زي الياريس و الماتركس ........التابلوه بتاعهم عادي زي بتاع الجين 2 مع أكتساح تابلوه الجين 2 في التصميم و الشكل .



ا

براحه بس علينا يا استاذ احنا مش قدك...

حضرتك محسسنى انى بعمل دعايه سيئة وانى ضد عز العرب...

الجين 2 عربية حديد وانا بحبها عشان صلبه وتحس انها من صاج زمان...

ولكن العيوب اللى انا نقلتها دى...من موضوع متثب ورأى احد ملاكها ..موضوع 2006 2007 مش عارف الحقيقة..بس انا اعرف ناس معاها 2006 مفهاش غلطة العيوب دى مش اساسى يعنى...وبعدين الحقيقة دخلت على الموضوع اللى احنا فية...لايته ملوش اى لازمة (وجهة نظرى)...وواحد بيقلك اصل عندى مشكله فى التكييف بيسقع زيادة...ولما بقفل الزجاج مش بسمع حاجة...
الموضوع ملوش لازمة يعنى....وعمرنا ما شفنا كدة فأى قسم من الاقسام...امال بتوع السفيك بقا يقولو اية...

انا مش بهاجم حد ولا ضد حد ...بس فى موضوع اتعمل فى المنتدى هنا دخل دماغى جدا...وفى بند بيقلك المواضيع لازم تكون هادفة ومفيدة...وعدم المشاركة بكلام بعيد عن الموضوع وخلافة...

مبروك على صاحب الموضوع العربية وربنا يحفظهاله...

ولكن ارجو اختيار المواضيع يا جماعة بعد كدة...وبالنسبة للعيوب...انا طبعا مش قصدى بيها اى شىء ومفيش عربيات تخلو من العيوب

وشكرا يا استاذ توت..

[compuland]

...

مبروك على صاحب الموضوع العربية وربنا يحفظهاله...


وشكرا يا استاذ توت..

شكرا يابو حميد
وعقبال ما نباركلك على عربيتك الجديده

[tutankhamoun]

المهندس أحمد عزت .....
أولا أنت من الناس المحترمة في المنتدى ....... و أنا مش عايزك تزعل ....أختلاف الرأي لا يفسد للود قضية .

الموضوع هادف جدا .......بس معروض بطريقة فيها سخرية ...
سخرية من مين .؟؟؟؟

من الناس اللي بتردد كلام على حاجة معينة و في الآخر الناس اللي بتجرب بتلاقي الكلام ده مش حقيقي .

فالراجل المحترم compuland دخل سألنا ألف سؤال قبل ما يشتري و أكيد سأل ناس برة و بعدين سمع عن موضوع العيوب الكتير ده و أكيد الشك ركبه .........

و لكن لما أشترى العربية لاقها أحسن كتير من الوصف السئ اللي بعض ( غير الملاك ) بيردوه .........

فداخل بيأكد على المميزات بطريقة فكاهية ........ يعني الموضوع مفيد ...... بس حضرتك اللي أخذت الموضوع بسطحية شوية يا أخي الكريم .
يعني لو أديته دقيقة من وقتك ....... كنت أكيد هاتكتشف الحكاية دي .

و موضوع العزل و التكييف ملوش دعوة بجين 2 أو سيفيك .........

العزل حاجة بسيطة مش حاجة محتاجة تكنولوجيا و التكييف نفس الموضوع
لأن الشركة اللي بتصنع العربية مش بتصنع التكييف ......
و كلهم لهم موردين و التكييف من الجزء اللي بيتم توريده من خارج مصنع السيارة نفسه .

يعني مطلعناش الفضاء بتكييف حلو أو وقعنا من على القمر بتكييف وحش .
و مش علشان الراجل بيشكر في مميزات العربية يبقى لازم العربيات اللي أغلى منها تبقى أحسن منها ............
مش شرط ........................ و إلا بقى الميني و الفيات 500 أحسن من السيفيك و الكورولا ...؟؟؟؟؟؟؟؟؟؟؟؟ صح و لا أيه ؟؟؟؟؟


و تحياتي ليك و شكرا على مرورك و ردك المحترم بجد ...... و لك كل أحترامي و تحياتي .

[D . a .\ AYMAN]

موضوع خامات التابلوه ....... أنا مش عارف الناس ماسكة في موضوع التابلوه ده بطريقة عجيبة مع أني شايف أن كل العربيات في فئة السعر دي خاماتهم الداخلية زي بعضها و مفيش فرق خالص ......... و منهم النوبيرا و الصني .......
حتى العربيات اللي تقفيل أجنبي زي الياريس و الماتركس ........التابلوه بتاعهم عادي زي بتاع الجين 2 مع أكتساح تابلوه الجين 2 في التصميم و الشكل .

فعلا أنا مستغرب جدا من الموضوع ده أنا قعدت في العربية البيرسونا وبصيت على الجين من برة كتير وسواء دي أو دي أنا شايف إن خامات التابلوه بتاعها هى نفس خامات تابلوه أى عربية في الفئة السعرية دي بل بالعكس تابلوه البيرسونا جميل جدا وخاماته أحلى من عربيات كتير ومنها الفيرنا اللى كان التابلوه بتاعها بيتكسر من الضغط الجامد شوية عليه والفيبر بتاع الكراسي كذلك والكلام ده عن تجربة وفي كذا عربية من عربيات زملائي في العمل

المهندس أحمد عزت .....
أولا أنت من الناس المحترمة في المنتدى ....... و أنا مش عايزك تزعل ....أختلاف الرأي لا يفسد للود قضية .

الموضوع هادف جدا .......بس معروض بطريقة فيها سخرية ...
سخرية من مين .؟؟؟؟

من الناس اللي بتردد كلام على حاجة معينة و في الآخر الناس اللي بتجرب بتلاقي الكلام ده مش حقيقي .

فالراجل المحترم compuland دخل سألنا ألف سؤال قبل ما يشتري و أكيد سأل ناس برة و بعدين سمع عن موضوع العيوب الكتير ده و أكيد الشك ركبه .........

و لكن لما أشترى العربية لاقها أحسن كتير من الوصف السئ اللي بعض ( غير الملاك ) بيردوه .........

فداخل بيأكد على المميزات بطريقة فكاهية ........ يعني الموضوع مفيد ...... بس حضرتك اللي أخذت الموضوع بسطحية شوية يا أخي الكريم .
يعني لو أديته دقيقة من وقتك ....... كنت أكيد هاتكتشف الحكاية دي .

و موضوع العزل و التكييف ملوش دعوة بجين 2 أو سيفيك .........

العزل حاجة بسيطة مش حاجة محتاجة تكنولوجيا و التكييف نفس الموضوع
لأن الشركة اللي بتصنع العربية مش بتصنع التكييف ......
و كلهم لهم موردين و التكييف من الجزء اللي بيتم توريده من خارج مصنع السيارة نفسه .

يعني مطلعناش الفضاء بتكييف حلو أو وقعنا من على القمر بتكييف وحش .
و مش علشان الراجل بيشكر في مميزات العربية يبقى لازم العربيات اللي أغلى منها تبقى أحسن منها ............
مش شرط ........................ و إلا بقى الميني و الفيات 500 أحسن من السيفيك و الكورولا ...؟؟؟؟؟؟؟؟؟؟؟؟ صح و لا أيه ؟؟؟؟؟


و تحياتي ليك و شكرا على مرورك و ردك المحترم بجد ...... و لك كل أحترامي و تحياتي .

+1000


--------------------

[compuland]

عايز ابيع الجين تو بتاعتى
مواصفتها موديل 2007
عامله 85000
كامله مانيول
لونها اسود
بطاريه جافه جديده
استبن لم يستخدم