غسيل المتور

[solyahmed]

حد جرب يغسل المتور يعني حوض المتور كله بسلاطاته و بابا غنوجه . طبعا بيبقي فيه فيش و اسلاك يا ترى الغسيل ده بيبوظ حاجه ولا عادي ما يضرش في حاجه . انا الموتور عندي مترب
وكنت عاوز اغسله بس قولت استشير الاول ولا خاب من استشار طبعا انا سؤالي بالنسبه للجين 2

[m.3abdel3al]

طبعا ما يتعملش بميهبس في اسبراه بيترش و بعد كده يتنضف بالهواء هيبقى فلهههههههه

[Ahmed_SpY]

هو بيتنظف بــــــــــ اسبراى مش ميه

زى ما محمد بيقول بس بصراحة انا مجربتش قبل كده بس غالبا ملهاش اضرار و الله اعلم

[khpopo]

هو بيتنظف بــــــــــ اسبراى مش ميه

زى ما محمد بيقول بس بصراحة انا مجربتش قبل كده بس غالبا ملهاش اضرار و الله اعلم

+10000000000000000000000000000
ربنا يوفق

[ms077]

السلام عليكم

المفروض ممنوع دخول مياه نهائيا لحوض الموتور

والواجب كل فترة شهر مثلا هو نفخهه بالهواء فقط بالمحطة مع فلتر الهواء

وكل مدة سنة مثلا يمكن رشة باسبراي مخصصص ويجب اختيار نوع جيد جدا علشان يحافظ علي الكاوتشات والتوصيلات والفيش وما يسببش مشاكل
و هناك نوع لا يستعمل ماء بعده ولا قبله يعني ترشه وتسيبه بيطير لوحده
والله أعلم
شكرا

[Ahmed_Ezz]

بلاش مية طبعا ممكن هواء و اسبراى بتاع الموتور

[dya2008]

يا باشا روح الوطنيه او امارات مصر و قل لهم عايز اغسل الموتور جاف
هوا بخمسة و تلاتين جنيه بس مش بيحطوا نقطه ميه و بتلاقي الموتور زي ما اخدتها من المعرض بس بلاش كالتكس لاني رحت اللي في جسر السويس و قالوا بنغسلها جاف و رش ميه في الاخر
مفيش امانه

[cobco]

انا قبل كده غسلته بميه ومحصلش حاجه

[MuhammedSoliman]

مش عايز اصدمكم يا شباب انا كنت فى الاول كده لغاية النهارده الصبح قبل ما اطلع القاهرة اخدت وحدة ميه بس مش غشامه ياعنى لأنه ( اللى بيشحم) كان ابتدي فيها وانا فى الشوب بتاعهم وبعدين ملاقتش حاجه حصلت بس ده برضوا ما يمنعش ان بدون ماء افضل

تحياتى واصي بالاسبري على الرغم من ان ممكن ميحصلش حاجه

تحياتى

[solyahmed]

بلاش مية طبعا ممكن هواء و اسبراى بتاع الموتور

حضرتك جربت تغسل المتور بالميه؟ اصل انت مختار الاختيار الاول في الاستطلاع مع انك بتفول الاسبراي افضل ؟

[solyahmed]

يا باشا روح الوطنيه او امارات مصر و قل لهم عايز اغسل الموتور جاف
هوا بخمسة و تلاتين جنيه بس مش بيحطوا نقطه ميه و بتلاقي الموتور زي ما اخدتها من المعرض بس بلاش كالتكس لاني رحت اللي في جسر السويس و قالوا بنغسلها جاف و رش ميه في الاخر
مفيش امانه

حضرتك انا من اسكندريه

[solyahmed]

طبعا ما يتعملش بميهبس في اسبراه بيترش و بعد كده يتنضف بالهواء هيبقى فلهههههههه

طب حضرتك تعرف اسم الاسبراي ده ايه؟؟ او جربت نوع كويس قبل كده

[mangere90]

السلام عليكم ورحمة الله وبركاته
انا غسلت الموتور بالميه و ما حصلش حاجه الحمدلله وزي الفول ....
اهم حاجه اللي بيغسل الموتور يكون فاهم بيرش الميه فين يعني بيبعد عن الحساسات التي تخص كمبيوتر المتور
وجربت قبل مأغسل برده الأسبراي هو كويس جدا بس مايمنعش انه مش هيطول اجزاء الموتور من الجهه السفلي

أغسل و مايهمكش و توكل علي الله و إن شاء الله مش حيصل حاجه ..................

[tutankhamoun]

أنا رأيي الشخصي البحت .
بلاش مياة ......... و بلاش تغسله أصلا كتير .... يعني مرة في السنة كافية قوي .

فيه أسبراي ( صهيوني الصناعة ثمنه بيعدي 30 جنيه ) بيترش على الموتور و بعدين تسيبه 5 دقائق ...... و بعدين برشاش هواء من بتوع البنزينة ينزله .

بس بقولك ...... لو العملية تراب بس ...... كَبر دماغك بجد .
بعدها بساعة أو ساعتين ..... الموتور هايرجع تاني زي ما كان .
أنت ناسي أحنا عايشين في بلد صحراوية .

[kloda]

انا عن نفسي بتجنب المية
انا بخلية يلمعة بحتة ناشفة بعد ما يرش ابراي و بعدين بيعملو بالهوا
بمضخة الهواء بيبقي لللوزززززز