4 أستفسارات بعد إذنكم

[fat7elbab]

السلام عليكم ...ازيكم ياشباب
عندى 4 أسئلة بعد إذنكم ...

1- انا المفروض بغير تيل الفرامل كل قد ايه

انا دلوقتى عامل حوالى 15000

وأحيانا لما باجى أفرمل ...بسمع صوت صفاره كده

ناس قالتلى ده بيكون تراب بس مش أكتر

فالمفروض أغير تيل الفرامل كل قد ايه ...وأغيره فى التوكيل ولا لأ ...وبتكون تكلفة كام ؟

2- زراير الدريكسيون عندى كلها بتعلق

وتلاقى الزرار اللى بيوطى ..بيعلى ....واللى بيعلى بيوطى وحاجات غريبه كده

لما روحت صيانه ال10000 ...قالولى هنغيرلك الملتى فينكشن

وفى واحده هناك أخدت أسمى وبياناتى وقالتلى فى خلال أسبوعين هيكون جالنا قطع الغيار وكده

وكل لما أكلمها تقولى أسبوعين ...وبعدين تقولى أستنى شهر

انا دلوقتى داخل على صيانه ال15000 ولغاية دلوقتى الموضوع لسه محصلش فيه حاجه

ايه رأيكم أعمل ايه معاهم ....هل فعلا هيغيروها ولو بعد فترة

ولا هيقعدوا يأجلونى كده وبعدين ميحصلش حاجه

3- فى زرارين ورا الدريكسيون

أول واحد ده بيزود وبيقلل نور التابلوه

إنما الزرار التانى اللى تحتيه ده بيعمل ايه

لانى لعبت فيه ومحستش بأى تغير فى أ ى حاجه

فياريت أعرف تانى زرار بيعمل ايه بالظبط

4- فى الإكسدام الورانى فى زى غطاء كده ...هو موجود فى نص الإكسدام ...تحت خالص

هو عامل زى غطا العلبه كده ...

الغطا ده كل شويه بيقع من مكانه

عايز أعرف الغطا ده ايه لزمته بالظبط ....وبيعمل ايه

لانه لما جيت بصيت عليه ...لقيته أصلا مش واصل بالعربيه فى أى حاجه

فهل وجوده مهم ولا غير مهم ...؟

أسف إنى طولت عليكم ....وشكرا جدااا

[أبومعاذ]

السلام عليكم ...ازيكم ياشباب
عندى 4 أسئلة بعد إذنكم ...

1- انا المفروض بغير تيل الفرامل كل قد ايه

انا دلوقتى عامل حوالى 15000

وأحيانا لما باجى أفرمل ...بسمع صوت صفاره كده

ناس قالتلى ده بيكون تراب بس مش أكتر

فالمفروض أغير تيل الفرامل كل قد ايه ...وأغيره فى التوكيل ولا لأ ...وبتكون تكلفة كام ؟

أسف مش هقدر افيدك في النقطة دي بس ان شاء الله الرجالة هنا تفيدك

2- زراير الدريكسيون عندى كلها بتعلق

وتلاقى الزرار اللى بيوطى ..بيعلى ....واللى بيعلى بيوطى وحاجات غريبه كده

لما روحت صيانه ال10000 ...قالولى هنغيرلك الملتى فينكشن

وفى واحده هناك أخدت أسمى وبياناتى وقالتلى فى خلال أسبوعين هيكون جالنا قطع الغيار وكده

وكل لما أكلمها تقولى أسبوعين ...وبعدين تقولى أستنى شهر

انا دلوقتى داخل على صيانه ال15000 ولغاية دلوقتى الموضوع لسه محصلش فيه حاجه

ايه رأيكم أعمل ايه معاهم ....هل فعلا هيغيروها ولو بعد فترة

ولا هيقعدوا يأجلونى كده وبعدين ميحصلش حاجه

كلم المهندس أمر وهو هيخلصلك الموضوع باذن الله

3- فى زرارين ورا الدريكسيون

أول واحد ده بيزود وبيقلل نور التابلوه

إنما الزرار التانى اللى تحتيه ده بيعمل ايه

لانى لعبت فيه ومحستش بأى تغير فى أ ى حاجه

فياريت أعرف تانى زرار بيعمل ايه بالظبط

الزرار التاني بيعلي مستوى النور و بيوطيه اقف بالليل في اي مكان واسع واقعد العب في الزرار التاني هتلاقي العدسات بتاعة النور بتعلى و توطى مع حركة الزرار

4- فى الإكسدام الورانى فى زى غطاء كده ...هو موجود فى نص الإكسدام ...تحت خالص

هو عامل زى غطا العلبه كده ...

الغطا ده كل شويه بيقع من مكانه

عايز أعرف الغطا ده ايه لزمته بالظبط ....وبيعمل ايه

لانه لما جيت بصيت عليه ...لقيته أصلا مش واصل بالعربيه فى أى حاجه

فهل وجوده مهم ولا غير مهم ...؟

أسف إنى طولت عليكم ....وشكرا جدااا

هتلاقي مع العدة بتاعت العربية هوك بتاع جر عشان لو حبيت تسحب عربية عطلانة او لو العربية لا قدر الله عطلانة و عايزة تتجر - الهوك ده ليه مكانين واحد قدام وواحد ورا بيتربط فيهم بقلاووظ ...المكان اللي حضرتك بتقول عليه دا مكان تركيب الهوك ورا وبيبقى ليه غطا وفي مكان تاني زيه بالظبط قدام بس ناحية اليمين مش في النص

[ghabbour]

بص يا عم فتح الباب اولا ابو مريم رد على اسئلتك تمام
بالنسبة لتيل الفرامل لو انت اتومتيك راى طبعا بيخلص بسرعة و همو عارفين امتا يتغير مش فاكر انا غيرت عند كام
اما لو عادة بيستنى اكثر
اما بالنسبة للمالتى فانكشن بص ده عيب موجود مش هيروح حتى بعد متغير هيرجع تانى
و ذلك بسبب مصنوعة من خامات رديئة شوية
و اما بالنسبة للاشياء الى بيقولو عالية مش موجودة و هنتصل بيك لما تيجى فهما فى دى 100% متقلقش
انا سيارتى امبارح بس تمت 60000 كم و كده شكرا يا ضمان و لاكن عندى علبة دركسيون هتتغير بس لسة مجاتش باقلى حوالى شهرين
و عيش باسيارة و بوظ ولا يهمك
عكك عكك ربك يفك

[fat7elbab]

شكرا جداا أبو مريم وghabbour

للأهتمام والرد

1- انا عربيتى مانيوال ......فتيل الفرامل كل قد ايه

2- هكلم المهندس اّمر وهشوف بإذن الله

3- بالنسبة لموضوع زرار النور يا أبو مريم

انت قصدك على أنهى نور بالظبط ..اللى هو الاساسى ولا اللى تحت خالص

والمفروض أخلى النور واطى ولا عالى علشان أحس بالموضوع ده

وشكرا جدااا

[ahmedsiyam]

تيل الفرامل المفروض انه يقعد فى المانيوال من 17000 الى 20000 بس ده يتوقف على طرقتك فى القيادة و من الافضل الكشف عليه فى الصيانة

بالنسبة للمفتاح الخاص بضبط مستوى الاضاءة للفوانيس الامامية من الافضل انك تضطبه على المستوى رقم 2
و لو عايز يتجرب اقف بالعربية باليل فى شارع هادى و ابتدى حرك المفتاح لفوق و تحت و شوف انى مستوى اضاءة هايناسبك

تحياتى و بالتوفيق ان شاء الله

[أبومعاذ]

3- بالنسبة لموضوع زرار النور يا أبو مريم

انت قصدك على أنهى نور بالظبط ..اللى هو الاساسى ولا اللى تحت خالص

والمفروض أخلى النور واطى ولا عالى علشان أحس بالموضوع ده

وشكرا جدااا

قصدي على النور الاساسي مش الفوجات
وانت بتظبط النور حسب راحتك انت سواء عالي او واطي
معلومة اخيرة: نور الفوجات ليه مسمار صليبة عشان تعليه او توطيه

[MuhammedSoliman]

الله ينور يا ابو مريم والشيئ بالشيء يذكر انا غيرت الفوانيس من سنه فى التوكيل بسبب العيب ده ماكينة رفع الفانوس كانت عطلانه وما بتتصلحش طبعا وبعد ما غيرت الفوانيس ظهرت تاني وكانت بتعمل صوت تكتكه لما ارفع او اوطي الاضاءه ولازالت عطلانه بس على الضبطه المطلوبه متوقفه

تحياتى

[fat7elbab]

قصدي على النور الاساسي مش الفوجات
وانت بتظبط النور حسب راحتك انت سواء عالي او واطي
معلومة اخيرة: نور الفوجات ليه مسمار صليبة عشان تعليه او توطيه

ازاى أقدر أعلى أو أوطى نور الفوجات ..منين يعنى ؟

[أبومعاذ]

ازاى أقدر أعلى أو أوطى نور الفوجات ..منين يعنى ؟

ورا كل فوج من تحت هتلاقي في مسمار بيربط الفوج وراه سوستة بحيث انه يعلي ويوطي مستوى النور بتاع الفوج
كل ما هويت المسمار ده الفوج لايت نوره يبقى اوطى وكل ما ربطت المسمار كل ما كان نور الفوج اعلى و ضارب في وش اللي قدامك

[ahmad alshaaer]

اخي العزيز موضوع التيل ده راجع موضوعاتي في المنتدى وانت تفهم عنه كل حااااااااجه
والمالتي فنكشن هيتغيرلك ضمان ومش كل العربيات بيبوظ فيها وعلى فكره هما جابوا نوع اخر غير اللي كان بيبوظ

اما باقي الاستفسارات الاخوه تكرموا بالرد على حضرتك مشكورين


تحياتي

[youry]

السلام عليكم يا شباب
انا عندي نفس المشكلة برضه عامل بالعربية حوالي 16000 الف تيل الفرامل بيصفر والمالتي فانكشن بيخرف وكمان الزجاج الخلفي الشمال المكنة بتاعته باظت ولا بفه يطلع ولا ينزل
وقالولي برضه المالتي فانكشن و المكنة مش موجودين وتبقى تتابع معانا والكلام ده من حوالي اسبوعين