مقارنه بين صاج الجين 2 , 2007 - 2009

[mangere90]

[all1=#8a0404]

بسم الله الرحمن الرحيم

[/all1]

انا زعلان جدا جدا انا بعد ما جبت الجين 2009 لاقيت عربيت صديق لي 2007 الصاج اقوي من عندي
بكتير واليكم هذه الملاحظات :-

1- الأكصدامات اقوي .
2- الرفارف الأماميه ..
3- الكبوت أتأل محسوس في الرفع.
4- البيبان من ناحية الزجاج من الخارج وانت منزل الزجاج لو دوست علي الباب من النصف عتلاقي
طري .
5- القوايم الخلفيه لما دوس عليها تلاقي الكشافات الخلفيه بتعمل صوت ( تزييق ) .

انا حزين جدا والله انا كنت هاشتري اوبترا بس لما شوفت عربيت صديقي لاقيت قوت الصاج
بتاعته احسن من الأوبترا بكتير وعربيه جامده جدا بصرف النظر عن المميزات اللي في العربيه
المميزات عندي انا في 2009 احسن بكتير والحمد لله بس كدا يعتبر صاج الأوبترا او النوبيرا احسن
من عندي ...
انا مش عارف اعمل ايه في الحكايه دي

[ahmedfathy77]

طب حضرتك ليه معملتش المقارنه دي قبل شراء العربيه ما دام الموضوع ده مهم اوي عند حضرتك للدرجه دي و برضه يا ريت تعرفنا سمك صاج العربيات التانيه مقارنة بالجين عشان نعرف الفرق اد ايه

[MuhammedSoliman]

[all1=#8a0404]
بسم الله الرحمن الرحيم
[/all1]

انا زعلان جدا جدا انا بعد ما جبت الجين 2009 لاقيت عربيت صديق لي 2007 الصاج اقوي من عندي
بكتير واليكم هذه الملاحظات :-

1- الأكصدامات اقوي .
2- الرفارف الأماميه ..
3- الكبوت أتأل محسوس في الرفع.
4- البيبان من ناحية الزجاج من الخارج وانت منزل الزجاج لو دوست علي الباب من النصف عتلاقي
طري .
5- القوايم الخلفيه لما دوس عليها تلاقي الكشافات الخلفيه بتعمل صوت ( تزييق ) .


انا حزين جدا والله انا كنت هاشتري اوبترا بس لما شوفت عربيت صديقي لاقيت قوت الصاج
بتاعته احسن من الأوبترا بكتير وعربيه جامده جدا بصرف النظر عن المميزات اللي في العربيه
المميزات عندي انا في 2009 احسن بكتير والحمد لله بس كدا يعتبر صاج الأوبترا او النوبيرا احسن
من عندي ...
انا مش عارف اعمل ايه في الحكايه دي

بص يا استاذى العزيز انا ما جربتش اشوف الصاج بتاع 2009 وأنا بالنسبه لى صاج ال 2006 هوه قوي بس انا فى حاجات خلاص ما بقتش افكر فيها بالشكل ده ازي يعنى .... هقولك ... المفهوم القديم بالنسبه للصاج ده بالنسب لى ( وانا بركز على بالنسبه لى ) انتهى مش فارقه ، بس طبعا بحدود يعنى انت محتاج الصاج القوي أوى ده فى ايه معلش انت محتاج صاج يرسم العربية وما يتناش من حد سند عليه حد ريح عليه بس مش لدرجة الهيونداي الأكسنت مثلا معروف عنها صجها اللى بيقولوا عليه ورق وانا مجربها، فانت هنا مع الجين لو كلام حضرتك فعلا مضبوط برضوا معاك صاج محمل بس مش زي الأول وطبعا مش محتاج اقول ان ده بيقلل من وزن العربية بالتالى بيخليها تجرى والكلام ........ ده عند رينو مثلا نزلت فايبر مش صاج فى الميجان وطبعا زي ما احنا عارفين ان الثقل فى العربية ما لوش دعوه بالثبات ممكن تبقى عربيه خفيفه فى الوزن وثابته على الأرض بسبب التصميم بتاعها ( الأيرو دينمك ) وكمان هتقلى طب الصاج ده من عناصر الأمان هقلك العربيه كلها متحاوطه ببرات صلب ( بالمناسبه عايزك تفكر لو لا قدر الله حصل حادثه انهو بيضر جسمك أكتر الصاج ولا الفيبر ).. بس طالما الصاج ما بتناش زى ما قلت من التريحات والسند خلاص لأن لاقدر الله لو عملت حادثه ما كده كده الصاج هيطبق ... هتقلى لأ بس خابطه غير خبطه ... هقلك فى الآخر كله هيتسمكر ويدهن .. وانا كمان فى رأي إنى بحب أغير صاج ... يعنى لو رفرف اتخبط خبطه جامده شويه وممكن يستعدل لأ أغيره يعنى زى كا بيقولوا شغل توكيل .. ده اللى بيمشي فى اي حته فى العالم ( بس عشان احنا شويه فقره ) فبالنسبه ليه فى مفاهيم انتغيرت بالنسبه لى وطبعا مش بفرض على حد انه يغيرها كل واحد وتفكيره .... ومن المفاهيم ديه برضوا طالما الشيء بالشئ يذكر ... يقلك ده الاستبن ما نزلش على الأرض وانت بتشتري عليه مستعمله ..... وبعدين يقلك العربيه ديه رشه من بره ؟؟؟ ويسيب العربيه لما البويه خلاص تتنحل ويقلك ديه بوية فابريكا الكلام اه ده يمشي على دواخل العربية بس من بره ؟ ..... ويدهالك عشان انت اللى ترشها بعد كده ..... اه الكلام ده بيدل على حالت العربية وصيانتها بس مش للدرجه للى بنبالغ فيها ...

معلش طولت عليك بس الغرض فى النهايه اقولك انك ما تندمش يعنى اوي وتزعل الموضوع لما تفكر فيه هتلاقيه أبسط من تخيلك وطبعا مش هتكلم واقولك بص صاج اليابانى وعربياتها فى منتهى الجمال والموضع قيد النقاش بين الأعضاء

خالص محبتى

[tutankhamoun]

أنا أعرف ناس معاهم 2009 و الصاج عندهم سُمكه زي عندي و أنا عندي 2007 .
ثانيا وزن العربية هو هو ما قلش ......... مع أن التجهيزات و الكماليات هي هي ما زدتش .
و يمكن أنت بيتهيألك .........حاول تخلي حد تاني يشوف الموضوع و يقارن .
ساعات الواحد من أحساسه أنه ممكن يكون أشترى الحاجة اللي مش على مزاجه بيخليه يطلع أحكام غلط أو رؤية غلط للموقف .
خلي صاحبك اللي معاه الجين 2 يبص معاك و يقارن و إن شاء الله خير .

[M.almaghraby]

صاج الأوبترا او النوبيرا احسن

لا دي صعبة اوي يا باشا

[أبومعاذ]

انا معايا جين2 موديل 2009 و مع واحد صاحبي اوبترا و الصاج عندي احسن من عنده بكتيييييييير جدا

[Osama.shihata]

لا لا
ده مشاء الله الصاج فى 2009 زى الفل
انا شايفه كمان فى غير عربيتى البيرسونا كمان الجين 2 صاج محمل ماشاء الله
وده من افضل ما يميز هذه السيارة

[ahmedsiyam]

اخى الفاضل انا كان معايا 2008 و بعتها و جبت 2009 و شايف ان الصاج واحد مافيش فرق بينهم

[mangere90]

السلام عليكم ورحمة الله وبركاته
انا متشكر جدا علي مشاركتكم ومش عارف اقول ايه
بس انتو اخوه زي العسل وريحتوني والحمدلله
يارب ما اكنش ازعجتكم معايا


لاالله إلاالله محمد رسول الله

[ahmad--ezzat]

مين اللى قال صاج النوبيرا اقوى

دى النوبيرا صاجها بيطبق من الهواء ...من غير ماحد يكلمة هههههههههه

[viper911s]

رئى الشخصى يا شباب ان فعلا الصاج فى 2009 اخف من 2007 من ناحية الرفارف والكبوت لك الوزن فى 2009 اتقل من 2007 بالشكل دة 2007 كانت 1175مانيوال 1195 اتوماتك ........2009 بقت 1190مانيوال 1220اتوماتيك وبصراحة يا باشا انا مش شايفها مشكلة كبير خصوصا لاقدر اللة لو فى حادثة مش هتفرق راكب شيروكى ولا جين صح ولا انا غلط وعموما زى ما الدكتور محمد قالك الصاج بتعها محمل مش وحش بالشكل الى فى دماغك وربنا يباركلك فيها

[Boody8882]

وأنا كمان رأيى وعن تجربة إن صاج ال 2009 أخف فى أماكن معينة من الموديلات اللى قبل كده

[saidbakr]

بصراحة يا جماعة لما شوفت الجين2 او البيرسونا في معرض سيارات في المنصورة، كانت دي أول ملاحظة لي عليها و هي إن صاجها ضعيف بشكل ملحوظ و في أماكن حساسة من ناحية الاستعمال اليومي، مثلاً غطاء الكابود و سدر العربية الأمامي.

انا متفق إن كله في الحوادث واحد، و لكن ضعف الصاج يخلي العربية منظرها يعجز بدري من غير حوادث و دايما افتكر ورقة الفويل الفضية اللي بتلمع لما تمسكها بين صوابعك من غير ما طبقها بيبقى شكلها ايه بعد 10 دقايق.

[MuhammedSoliman]

بصراحة يا جماعة لما شوفت الجين2 او البيرسونا في معرض سيارات في المنصورة، كانت دي أول ملاحظة لي عليها و هي إن صاجها ضعيف بشكل ملحوظ و في أماكن حساسة من ناحية الاستعمال اليومي، مثلاً غطاء الكابود و سدر العربية الأمامي.

انا متفق إن كله في الحوادث واحد، و لكن ضعف الصاج يخلي العربية منظرها يعجز بدري من غير حوادث و دايما افتكر ورقة الفويل الفضية اللي بتلمع لما تمسكها بين صوابعك من غير ما طبقها بيبقى شكلها ايه بعد 10 دقايق.

صباح الفل يا سيد باشا ... لا مش للدرجادي بقا لسه محصلناش ورقة الفويل والصنيه اللى فى الفرن وحجات ديه )(بهزر معاك :POINTI~2[2]:) هيه وان كان الصاج اخف من 2006 بس مش ضايع لأ برضوا محمل مش زي الهيونداى مثلاً ولا إيه ؟؟؟


بص بقا ياجماعه إحنا نقطع الشك باليقين ..... أى واحد من إخونا المهندسين يكون عنده بوكوليس ينزل يقيس تخانة الصاج فى 2006 لغاية 2007 وانا عن نفسي هحاول ... عشان كده انا حاسس إن 2009 ماشيه شاسيه بس من غير صاج

[MuhammedSoliman]

عايزين تجربه عمليه على ان صاج الجين تو كويس هو الشاسيه

تفرجوا على ديه وشوفوا الكابينه حصل فيها ايه .... لو عربيه تانيه كان جري ايه







تحياتى