إعـــــــلان

**Haitham10** · 16-06-2009, 08:16 AM

ربنا يوفقك ان شاء الله ويباركلك فيها
بس ليا سؤال صغير حضرتك بتقول بتغير زيت وتيل بره وكدة الصيانة 1000 جنيه ؟ هو بالاتنين هيبقي المجموع كام ؟؟؟ ومش شايف ان 1000 غاليه شوية

**m_marmoush** · 16-06-2009, 11:33 AM

طب ياريت يا أستاذ تويتى تقولنا أسعار كل بند على حده زى ما عملت قبل كده فى صيانة ال 20,000

**toreador** · 16-06-2009, 12:09 PM

طيب لية انت مش بتغير فلتر وزيت فى التوكيل؟ دة علشان هما بيستخدمو 10000 ولا فى سبب تانى

**ahmedsiyam** · 16-06-2009, 03:11 PM

100 100 يا ابو حميد و بالتوفيق ان شاء الله

**MuhammedSoliman** · 16-06-2009, 03:55 PM

شكرا على نقل التجربه يابشا وياريت لو تفضلت الأسعار مفصله لو مافيهاش تعب

تحياتى

**gagareen** · 16-06-2009, 06:54 PM

الف مبروك على الصيانه وعقبال الصيانات الجايه على خير ان شاء الله
الف شكر على التقرير

تحياتى

**momenhamdy** · 16-06-2009, 07:57 PM

ربنا يباركلك يا استاذ احمد في العربيه و يكفيك شرها

بس انا عندي كام سؤال كدا

1-ياريت تقولنا يا استاذ احمد حضرتك مسمعتش اي كلام علي التيل الجديد الي جي من مصنع بروتون نفسه
2- حضرتك دلوقتي بتغير نوع تيل ايه بره التوكيل و ياريت تقولنا اخباره ايه ؟؟؟

وتقبل تحياتي

**ahmad alshaaer** · 17-06-2009, 02:31 AM

دي الفاتوره مفصله
عشان حبايبي اللي طلبوها مني

فلتر بنزين = 130
فلتر هواء = 71
بوجيهات = 132
مياه رياديتير = 66
زيت باكم = 11
زيت باور = 138
زيت فتيس = مش لاقي الفاتوره كام

مصنعيات وضريبه 360 جنيه تقريبا

ده كان المجمل لو تلاحظوا مافيش فيها تغيير زيت وفلتر
لاني بغيرو بره من نوع شيل هيليكس او موبيل 1 10000 كم وبجيب الفلتر الاصلي بتاع اللانسر البومه ب 35 جنيه

لانه حرام اني اروح مخصوص اغير الزيت في التوكيل وكمان استنى كل ده جوه التوكيل واغلى من اللي بره وكمان نوعه توتال

وبالنسبه للتيل انا غيرت الامامي من النوع fbk ب 125 جنيه وماشاء الله مش بيصفر الا احيانا وخامته احسن شويه من بتاع التوكيل الاولاني لاني عرفت من الاستاذ توت انهم جابوا نوع تاني وعلبته مكتوب عليها بروتون
وانا اشتريت الريمسا لواحد صاحبي ب 185 جنيه ولكن لسه ماركبوش ولكن الميكانيكي لما شافو قال انه خامته حلوه جداااااا

وارجو اكون وضحتلكم كل الي استفسرتم عنه

بالمناسبه نسيت ارد على احد الاستفسارات
السعر الطبيعي للصيانه بتاع 40000 كم المفروض 1600 جنيه تقريبا
وال 60000 كم 2600 جنيه تقريبا

وطبعا غاليه جدا اسعارها ولكن هنعمل ايه وكل توكيلات مصر فيها الكلام ده

تحياتي

**kloda** · 17-06-2009, 05:15 AM

ياباشا الف الف مبروك و عقبال صيانة 100000 الف انشاء الله

**DR_EMAD** · 17-06-2009, 06:36 AM

شكرا للافادة .. والمعلومات

وربنا يكفيك شرها باذن الله

وعقبال صيانة 100000

**tutankhamoun** · 17-06-2009, 07:44 AM

أولا مبروك للأستاذ أحمد تويتي على صيانة الأربعين و عقبال صيانة ألأربعمائة ألف إن شاء الله تعالى .
أنا عايز أضع تفاصيل صيانة الأربعين ألف في توكيل بروتون علشان الناس اللي مستكترة ثمن الصيانة ( ثمن الصيانة العالي هو ثمن تمديد طول عمر المحرك )
و على رأي زميل لينا دايما يقول .... الغالي رخيص ..... و الرخيص غالي .
كل التوكيلات أسعارهم متقاربة في الصيانات الدورية .

تفاصيل صيانة الأربعين ألف كيلومتر للسيارة بروتون جين 2 :

فحص شامل على الآتي :
السيور الخاصة بالديناموا .....تكييف ........الباور .
كابلات الوجيهات .
خراطيم الراديايتر .
زيت الباور .
خلوص بدال الفرامل و الدبرياج .
التعليق الأمامي و الخلفي ( عفشة العربية )
تزييت بدال الفرامل و الدبرياج .
أتياش ووصلات و كاوتش الحماية لعلبة الدريسكيون .
كاوتش الكبلن .
مشوار و خلوص ذراع فرامل اليد .
وصلات ماسورة الشكمان .

خراطيم و مواسير الفرامل ديسكات و لقم تيل الفرامل .
التيل و الطنابير خراطيم و مواسير الوقود .
خراطيم بخار زيت المحرك .
ضبط التاكيهات .
اختبار الطريق .
مراجعة على هيكل السيارة .
شحن التكييف .
مراحعة على دورة التكييف اجمالا . ( كومبرسور - مواسير - سربنتينة - كاوتش التثبيت - مراوح داخلية و خارجية - سرعة السلانسيه مع التكييف ....... الخ )
الضفيرة الكهربائية .
تزييت مفصلات الأبواب
فحص التزييق الصادر من الكنبة و الشنطة .

ملحوظة على الفحص
الفحص بيكون شامل و ثمنه بيدخل في ثمن العمالة
و سعر ساعة الشغل في عز العرب - فرع بروتون - هو 75 جنيه تقريبا للساعة .

ما يتم تغييره في صيانة الأربعين .

البوجيهات
مياه الرادياتير .
فلتر هواء
سائل الفتيس الأوتوماتيك .
سائل الفرامل .
زيت الباور
فلتر بنزين .
زيت الفتيس العادي .
زيت المحرك
فلتر الزيت .

و الوقاية خيرا من العلاج حتى لو غالية شوية بسيطة و بتضمن أقل الأمراض المتعلقة بالميكانيكا اللي ممكن تكلفك أكتر من كدا بدون الصيانة الدورية .

**tutankhamoun** · 17-06-2009, 07:47 AM

بالمناسبة تفاصيل الصيانة أجمالا هنا .

**toreador** · 17-06-2009, 11:40 AM

طيب استاذ توت انا نت عامل توبك علشان هاعمل صيانة الستين كمان اسبوع وكنت بسال لو ينفع اعملها على مراحل يعنى اغير دلوقتى حاجات وبعد شوية حاجات يبقى معنى كدة انهم مش هايعملو الحاجات اللى حضرتك بتقول عليها دى بمعنى انى لو قررت ابدا بالزيوت والفلاتر وبعدين السيور مثلا كدة يبقى انا خلصت الحاجات اللى بتتغير !!!! طيب وبقيت التشيك اللى حضرتك كتبتة كدة مش هايتعمل صح؟؟؟؟ ياريت تفيدنى لانى محتار على الاخر

**ahmedfathy77** · 18-06-2009, 12:02 AM

السلام عليكم ورحمة الله وبركاته

احب اشكر حضرتك جدا على الجهد الدائم المبذول فى نقل تفاصيل تقارير الصبانة الخاصه بحضرتك لان التقارير دى فعلا من اهم الحاجات اللى اكيد بتفيد كل ملاك العربية وغيرهم عشان بتدى صورة مفيدة جدا عن شكل ومشاكل العربية فى كل مراحل استخدامها وبالتالى بيدى صورة اكيد بتضيف الكثير للجميع

إعـــــــلان

.

تقرير صيانة 40000 كم من تويتي

تقرير صيانة 40000 كم من تويتي

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment