العدددددااااااددددددددد

[kloda]

يا جماعة الرقم اللي في العداد ملوش علاقة بسرعة العربية النهائية .
الفيات البونتو العداد أخره 240 و العربية سرعتها الرسمية في الكتالوج 155 كم - س

أحيانا العداد بيكون الأرقام اللي فيه كبيرة لعدة أسباب :
العربية يكون فيه منها مواتير كتيرة .... 1200 .... 1400 ...... 1800 زي البونتو .

------------------<
------------------<
نرجع لموضوع كلودا ......
أولا العربية رسميا أخرها 185 كم - س للأوتوماتيك .
خروجا عن النص الرسمي ..... ممكن تجيب معاك 200 لما تكون الفلاتر نظيفة
فلتر الهوا ......... فلتر البنزين ...... الزيت تكون حالته حلوة مع فلتر جديد .

و طبعا مينفعش الهوا يكون ضدك لو عايز تعلى عن السرعة الرسمية .

أنا قلتلك الحلول علشان تتأكد أن إن شاء الله تعالى مفيش أي مشكلة خالص عندك .
إنما أنا ضد السرعة جدا جدا جدا من النهاردة لبكرة
و بأتغاظ جدا جدا جدا جدا جدا من الناس اللي بتعمل غرز و ارهاب لغيرها على الطريق .

و في النهاية لا أملك إلا الدعاء لكم بالهداية ....... و الحفاظ من شر الطريق .

تحياتي لحضرتك علي اسلوبك الراقي و المنظم جدا في اشرح
انا فعلا حعمل الحطوات دي
و دة كان علي سبيل التجربة و للتلين
وفعلا استهلاك البنزين كان 13 بقي 7
و انا عشان خاطرك يا استاذ توت حقلل السرعة

[eslamashour2005]

و عليكم السلام و رحمة الله و بركاته ( الأستاذ إسلام عاشور )
الراجل عربيته أوتوماتيك مش مانوال ....
و لذلك السرعة الرسمية لعربيته هي 185 كم - س و ليس 190 .

فعلا الكلام ده مظبوط ....... و لكن المسبب اللي حضرتك ذكرته محتاج تعديل بسيط إذا سمحت علشان دي معلومة فنية و مهمة لزم ووجب تعديلها إذا ذكرها أحد بالخطأ .... أنظر تاليه :

التعديل .....
الزيت في أول ألف و زيت 5000 و زيت كل صيانة لا يتغير نوعه من زيت تقيل لزيت خفيف .
كل القصة أن الموتور نفسه هو اللي لسة في التليين ......
و الزيت ملوش أي دعوة بكونه زيت تقيل أو زيت خفيف .
و كل لما العربية تعمل عدد كيلومترات أكبر ...... كل لما الموتور ينعم لأن الحركة الداخلية للمحرك .... بتطبع الكباسات و الأجزاء الداخلية على حركة معينة بعكس المحرك الجديد تماما .
و هناك مع كل تغيير زيت بيتم تغيير الفلتر و هذا واجب الحدوث لأن الرايش بتاع التآكل يجب التخلص منه ..... و عموما هو فلتر الزيت بيتم تغييره كل مرة بيتم تغيير الزيت فيها .
و ده السبب اللي بيخلي حضرتك تحس أن العربية أنعم بعد فترة من قطع مسافة فوق 5000 كم.,,,,, و ليس لزوجة الزيت أو أختلاف درجته مع عدد الكيلومتر المقطوع .

السلام عليكم و رحمه الله
متشكر علي تصحيح معلوماتي و توضيح الفكرة
و اسلوبك الراقي اللي دايما متعودين عليه

[MuhammedSoliman]

بسم الله الرحمن الرحيم
انا جبت بالعربيه 200 والحمدلله انا عربيتي 2009 و عامله 10000 و أنا اكتشفت حاجه مهمه جدا تحت دواشة البنزين في فبره
بتوطي و بتعلي انا شلتها خالص وهي دي اللي بتخلي العربيه تثبت عند 180 او 200 لأني مش معقوله عربيه الأمبير بتاعها
240 و تقف عند 180 او 200 ...
اذا كان الدايو اخرها 200 او 220 وبتجيب اخر العداد

ارجو ان اكون افت حضراتكم

وارد جدا يابشا ان العربية متأفلش عددها للأسباب اللى قال عليها أخونا توت يعنى مثلا انت عندك الجين cps أكيد هتبقى اقوي من الكام برو ونفس العداد ومعلومه حلوه الكاوتشه لما استلم العربية من التوكيل هشفها ان شاء الله تحياتى

[m.3abdel3al]

جرب في طريق السخنة هتجيب اكتر

[kloda]

جرب في طريق السخنة هتجيب اكتر

تصدق و الله فكرتني يا محمد
حطلع علي السخنة و اشوف النظام
تحياتي ليك ياباشا

[m.3abdel3al]

و على شان تجيب اخر عداد لازم كل غيار يجيب اخروا

[kloda]

و على شان تجيب اخر عداد لازم كل غيار يجيب اخروا

ما انا عملت كافت المحاولات عشان كدة قلقت

[kloda]

+10000000000000000
عداك العيب يا أستاذ توت بجد و و الله الجملة الأخيرة دى كانت هتكون مشاركتى قبل ما تسبقنى و تكتبها

الله هو كلكو عليا ولا اية مانا لازم ادلع علي الطريق
ولا اية ؟؟

[ahmad alshaaer]

الاستاذ محمد عبد العال




ماشاء الله انت قاعد تسخن أ\ كلودا

ماشاء الله عليك

حبيبي محمد يامهيبرنا بالتراكات


تحياتي

[kloda]

هيهيهيهيهيهيهيهي
لا و انا بقة كنت عامل سي دي اة ناااارررررررررر
يخليك تجيب ال 180 و انت مغمض
تحياتي

[m.3abdel3al]

حبيبي يا تويتي فعلا هو التكنوا والترنس بيسخنك شويه بس عايز تسخن صح اسمع heavy ....l اوووووووف هطير و على فكرة هي بس بتاسر على المود مش اكتر

heavy ....l = deep bass + elec getar + goth~~~~~~~~>i'll fly

[A. Ibrahim]

زي ما الناس قالت السرعة خطر و خطر مش عليك بس كمان علي الناس اللي معاك في العربية و ممكن يكونو اعز الناس عليك و خطر علي الناس اللي حواليك

طبعا فلتر الهوا و البنزين و نوع البنزين و مقاومة الهوا و الحمل اللي في العربية و ميل الطريق كل دي عوامل بتأثر للوصول للسرعة القصوي


يعني سهل قوي انك تكسر ال200 لو كل العوامل دي مظبوطة و حتي لو عربيتك دي اوتوماتيك و صعب جدا انك توصل ل 160 او 140 لو الفيلتر مسدود او مطلع جامد او العربية محملة كتير و شكرا

[kloda]

زي ما الناس قالت السرعة خطر و خطر مش عليك بس كمان علي الناس اللي معاك في العربية و ممكن يكونو اعز الناس عليك و خطر علي الناس اللي حواليك

طبعا فلتر الهوا و البنزين و نوع البنزين و مقاومة الهوا و الحمل اللي في العربية و ميل الطريق كل دي عوامل بتأثر للوصول للسرعة القصوي


يعني سهل قوي انك تكسر ال200 لو كل العوامل دي مظبوطة و حتي لو عربيتك دي اوتوماتيك و صعب جدا انك توصل ل 160 او 140 لو الفيلتر مسدود او مطلع جامد او العربية محملة كتير و شكرا

شكرا ليك يا استاذ احمد