فوجات الجن 2

[ahmad alshaaer]

السلام عليكم ورحمة الله وبركاته

اخواني الاعزاء انا من يوم ماشتريت العربيه والفوجات الاماميه مكسور الزجاج بتاعهم وكل شويه اللمبات تتحرق واغيرهم

ولكن فعلا انا محتاج اني اجيب اتنين جداد
ولكن المفاجأه لما سألت احد مراكز الخدمه على تغييرهم قالولي اني هفك الاكصدام الامامي كله
ودي خلتني اتردد

المهم بأه اللي عاوزكم تتعبوا فيه وتجاوبوني عليه
اشتريهم منين بره التوكيل لاني سألت في التوكيل ب 1000 جنيه وتركيب 100 جنيه
وسألت بره اللي مش اصلي في الواحد 135 جنيه وفي الواحد ب 250 جنيه

اعمل ايه ياترى
وهل افك الاكصدام عشان اركبهم ولا اعمل ايه
بليز حطوا نفسكم مكاني وانا اخد بنصيحتكم

تحياتي

على فكره انا هبقى في التوكيل يوم الخميس 9/7/2009 الساعه 12
عشان اغير المفتاح الرباعي بتاع الزجاج والمساعد الامامي
ان شاااء الله لو في حد هيقابلني من الاعضاء المحترمين اكون سعيد جدااااااااا

تحياتي

[Ahmed_SpY]

تويتى باشا

بص يا معلم لو الزجاج بتاع الفوجات بس اللى مكسور ممكن تروح الحرفين عند واحد بتاع فوانيس و هو هيعملهولك و انشاء الله تكلفتهم انا كنت سألت عليه كان فى رينج 30 جنية الواحد معرفش دلوقتى ايه النظام

بس عشان تفك الفوجات لازم الاكصدام الامامى يتفك و فاكو و تركيبو سهل عادى هتلاقى هناك ناس تفكو كتير

ربنا يوفقك

[ahmad alshaaer]

ماتحرمش منك
فعلا وهو الزجاج فقط اللي مكسور


تحياتي

[compuland]

تويتى باشا

بص يا معلم لو الزجاج بتاع الفوجات بس اللى مكسور ممكن تروح الحرفين عند واحد بتاع فوانيس و هو هيعملهولك و انشاء الله تكلفتهم انا كنت سألت عليه كان فى رينج 30 جنية الواحد معرفش دلوقتى ايه النظام

بس عشان تفك الفوجات لازم الاكصدام الامامى يتفك و فاكو و تركيبو سهل عادى هتلاقى هناك ناس تفكو كتير

ربنا يوفقك

وكفاءه الزجاج اللى بيركب ده كويسه ولا ايه النظام
وبيعرفو يعملو شكل البومبيه اللى فيه ولا بتبقى سطح املس

[m_marmoush]

تركيب وظبط مستوى الفوجات مش محتاج فك الأكصدام خالص, وعن تجربه لأنى ظبطت بنفسى مستوى كشافات الشبوره.

عايز رأىى ؟؟؟؟؟؟؟؟؟؟؟؟؟
هات الفوجات اللى ب 135 و أنا أركبهملك (ببلاش طبعا)

[ahmad alshaaer]

تحياتي ليك مستر مرموش ولكن انا عربيتي الهاي لاين اللي فيها كساحات وعتب
اعتقد انها غير العاديه في تركيب الفوجات
وهل اللي 135 جنيه دي زي الاصلي في الاضاءه ولا ايه

تحياتي

[m_marmoush]

ممكن تتأكد بنفسك: (بس أنا ماعتقدش أن فى فرق) أرفع العربيه بالكوريك فى المكان اللى بين الرفرف والباب و بص تحت الأكصدام .............. المفروض أنك تكون شايف الفوجات كويس

بالنسبه للنوع اللى ب 135 أنا مجربتوش بس أنا شايف أن كده كده مدى الرؤيا حيكون سىء و الفرق مايستاهلش ال 630 جنيه الفرق, دا غير أنهم حيتكسروا منك زى اللى قبليهم (ماهماش أحسن ولا على راسهم ريشه )

[ahmad alshaaer]

تحياتي مستر مرموش
شكرا ليك وفعلا شكلي هجيب ال135 جنيه ده
لانه فعلا كله بيكسر

تحياتي