حد يساعدني

[ahmed_gamal]

انا امتلك سيارة صيني و بذلت العديد من المحاولات لبيعها كي اتمكن من شراء سيارة جديدة وانا نفسي بصراحة في الواجا لانها فعلا سيارة محترمة و ذلك عن تجربة شخصية لسيارة صديقي فرجاء من يستطيع ان يفيدني كي اتخلص من هذه السيارة يرد عليا وله جزيل الشكر بس ياريت محادش يقولي السوء لاني نزلت لحد ما قفايا بقي لون الكاوتش وسمعت اسعار حرقت دمي السيارة افيدوني افادكم الله

[mina_ramsis]

ما انت لازم تقول ماركة العربية علشان اى حد يقدر يساعدك

[ahmed_gamal]

ماركة العربية موجودا في البروفايل بتاعي هي اسمها مابل تبع شركة جيلي بس الشركة الهنسية للسيارات هي اللي واخدة التوكيل بتاعها دلوقتي مع بورش وسيات 1500 سي سي فول اوبشنز مانيوال 19 الف كيلو فابريكة :lol:

[tmz9111]

ان شاء الله تبيعها

[ahmed_gamal]

هو مافيش اي حد عندة حل للعربية اللي معايا دي ياريت حد يفدني

[hazem_khidr]

ممكن تعمل اعلان في الوسيط و تكلم عليها الميكانيكي و العفشجي بتوعك و الناس في الشارع عندك و شويه معارض جنب بيتك بحيث لو جالك زبون يتصلو بيك تروح ليهم .انما تنزل السوق ما انصحش علشان مليان تجار و بعدين لو ما اتباعتش او جمعه حتلاقيهم تاني جمعه عمالين يخسفو بيها الارض علشان تخلص باي تمن

[TAG_Turbo0]

أنت عايز فيها كام يا أستاذ تربو؟

[ahmed_gamal]

انا عايز 45 انا جايبها ب67 و صرفت عليها شوية حاجات كدة لحد 70 و هي موديل 2006 يعني هخسر 25الف في سنة واحدة :D :D :D

[ahmed_gamal]

ياريت يا جماعة لو اي حد يقدر يفيدني ولو بشكل بسيط يقول ممكن اللي يقولة ده يكون سبب في حل مشكلتي :(

[TAG_Turbo0]

بس يا باشا هو السعر معأول بالنسبة لعربية فول أوبشن جديده
بس المشكلة انها صينى ومش منتشرة أو معروفه زى الاسبرنزا مثلا
فالحل الوحيد انك تشوف واحد ملوش أوى فى موضوع العربيات دى وتحاول تقنعة انها عربية كويسة وتعرفة الكماليات الى فيها لحد ميقتنع بيها

[fahd_628]

جرب نزل اعلان فى الوسيط او فى ملحق سيارات الجمعة و فى كل مواقع النت زى

https://www.contactcars.com

https://www.car100100.com

https://www.masrawy.com

و ربنا يوفقك

[ahmed_gamal]

شكرا يا جماعة علي محاولة مساعدتي بس المشكلة اني عملت كل ده و مافيش فايدة بردو وكمان الناس شكلها كلها بقت تفهم في العربيات و محدش بقي يشتري صيني :lol: :lol:

[magomago]

فالحل الوحيد انك تشوف واحد ملوش أوى فى موضوع العربيات دى وتحاول تقنعة انها عربية كويسة وتعرفة الكماليات الى فيها لحد ميقتنع بيها


ده كلام ياراجل :shock: :shock:

[TAG_Turbo0]

فالحل الوحيد انك تشوف واحد ملوش أوى فى موضوع العربيات دى وتحاول تقنعة انها عربية كويسة وتعرفة الكماليات الى فيها لحد ميقتنع بيها


ده كلام ياراجل

انا مأصدش انه يغشه بس فى ناس ممكن تتقيل العربية علشان فيها أوبشنز كتير على حساب الموديل أو بلد الصنع
وطبعا لازم يقول على العيوب الى فيها برده

[Ahmed Anwer]

جرب مع البياعين اللي عند الوكيل ،،،

يمكن يكون في حد في زباينهم عايز يشتريها كسر زيرو او يبقي عارف تجار شغالين في الصيني

و يوفرلوا 25 الف ،،،،،

ماتقلقش مفيش حاجة مابتبعش ،،،،

كل حاجة و ليها زبونها ،،،،