واخيرا حظبط جينى حبيبتى

[cobco]

السلام عليكم

يا جماعه

اولا: باركولى على النتيجه لانى الحمد لله نجحت وبقى معايا دبلوم سياحه وفنادق5 سنوات مش بس كده لا ده كمان بتقدير الثانى على اسكندريه وان شاء الله ناوى اكمل طبعا فى الكليه
ثانيا:بالمناسبه الجميله دى انا ان شاء الله ناويت اظبط حبيبه الكل طبعا الجين وانا ناويت اعمل كالتالى:
1-اركب جنوط نيكل 16 او 17
2-طبعا لازم سوست للجنوط علشان التهبيط
3-اجيب مفصلات علشان البابين اللى قدام fly door
4-بصراحه مش عارف اركب زينون ولا اجيب اللمبات اللى ميدو بيقول عليها بس انا ان شاء الله حجيب اللمبات دى علشان الفوجات
5-حركب النيون اللى من تحت ولسه بفكر فى لونه under neon
6-حعمل فرش جلد (انا العربيه عندى لونها اسود فحخلى لونه احمر فى اسود وحمل البابين من جوة كمان)
7-انا حكتب الحاجات دى كلها فى نقطه واحده انا مش عارف ليه بس هما مرتبطين معايا ببعض(البوجيهات والسلوك والفلتر)
8- عايز اعمل شويه تنفيخات فى الاكصدام اللى ورا بس مش عارف ممكن اه وممكن لا
ايه رايكم يا جماعه فى الحاجات دى اللى موافق يرفع ايده واللى معترض ماشى عادى بس من غير ضرب
ميدو يا ريت تشوفلى الموضوع ده يتكلف كام وتقولى ولو انت شايف فى حاجه ناقصه قولبس حاول تجيب اخر الاسعار علشان العمليه كبيرة اوى

[Ayman_52]

مبرووووووووووووووووووووووووووك عالنجاح ياباشا ... وعقبال كل الناس يــــــــــــــــارب

وفعلا الجينـــا تستاهل كل خير ... وياما بتستحمل الصراحه

--------
المهم ....

بخصوص الجنط ... خليك فى الــ 16 لانو مش هيحتاج لا سوست ولا تهبيط وكمان ممكن التوكيل ماياخدش بالو ومايخرجش العفشه من الضمان

بخصوص مفصلات الابواب ... انا سمعت انها مش عمليه ... ومكلفه عالفاضى

خليك فى اللمض افضل ... لان نتيجتهم مقاربه ... وعشان قرف مخالفات الزينون

الــunder neon ... انا سمعت انه ممكن يتكسر بسرعه جدا عشان مطبات المحروسه؟؟؟

------

الفتلر والفرش والتنفيخ اشطه جدا <<<<< ياراجل طب ماكنت تطلع عيوب دول كمان

و ملك التضبيطات -محمد- هيفديك اكتر منى

مبروك ياباشا .... وعلى انتظار كل الجديد فى التضبيـــــــط

تحيـــــــــــــــــــــــاتــــى

[m.3abdel3al]

الف مبروك يا لودا لولولولولولولولولي عقبال يا معلم كدا لما اخلص علشان انا زهقت

-اركب جنوط نيكل 16 او 17 جامد جدا ولو هتركب 16 مش محتاج سوست انما انت اصلا عايز تهبط
2-طبعا لازم سوست للجنوط علشان التهبيط لو 17 اوك 16 مش محتاج
3-اجيب مفصلات علشان البابين اللى قدام طبعا الفلاي دورز وهم جدا في الشكل وطبعا في منهم النوع النضيف و في التعبان الي بيقول عليه ايمن وهو مشكلته انه بيريح مع الوقت وبيقرفك
4-بصراحه مش عارف اركب زينون ولا اجيب اللمبات اللى ميدو بيقول عليها بس انا ان شاء الله حجيب اللمبات دى علشان الفوجات لمض وش علشان المرور
5-حركب النيون اللى من تحت ولسه بفكر فى لونه طبعا الاندر نيون جامد جدا وبالنسبه لحوار التكسير في منه متغطي بكفر بلاستيك و بيتحط تحت العتب
6-حعمل فرش جلد (انا العربيه عندى لونها اسود فحخلى لونه احمر فى اسود وحمل البابين من جوة كمان) جامد ودا هيزود شكل الكراسي الاسبور
7-انا حكتب الحاجات دى كلها فى نقطه واحده انا مش عارف ليه بس هما مرتبطين معايا ببعض(البوجيهات والسلوك والفلتر) طبعا ال3 حاجات مرتبطين ببعض و بتشتريهم مرة واحدة
8- عايز اعمل شويه تنفيخات فى الاكصدام اللى ورا بس مش عارف ممكن اه وممكن لا هو الي ينفع انك تركب زوايد وتظبط حبه حوارات في الاكصدام انما تنفيخ تنفيخ لازم البودي كله علشان يليق مع بعض

9.انت نقصك حاجة بس و هي ايكزوست سيستم طبعا بعد كل الحوار دا نسبة خروج العادم هتزيد فانت محتاج لاكزوست سيستم كامل و هيزودلك الهورس باور جامد

و ربنا يكرمك يا رب وبالنسبة للاسعار اتقل باه علشان دي عيزه حبة وقت يعني ان شاء الله يومين كده

[cobco]

انا مش عارف يا مون اقولك ايه بس فى الاول الله يبارك فيك وعقبالكم والحاجه التانيه حرام عليك كل دى حاجات وعلى العموم رأيك طبعا يهمنى واكيد انت لازم تكون موجود معانا
ميييييييييييييييييييدو حبيبى
انت طبعا رديت على ايمن جامد اوى سورى يا مون (على فكرة انا بهدى النفوس)
وانا مستنيك علشان تقولى ايه اخبار الاسعار بس متتأخرش عليا علشان لو فيه زياده اقدر اعمل حسابى

[MuhammedSoliman]

السلام عليكم

يا جماعه

اولا: باركولى على النتيجه لانى الحمد لله نجحت وبقى معايا دبلوم سياحه وفنادق5 سنوات مش بس كده لا ده كمان بتقدير الثانى على اسكندريه وان شاء الله ناوى اكمل طبعا فى الكليه

مبررررررررررررررررررررررررروك عليك ياباشا والسياحه واللى منها ألف تحيه

ثانيا:بالمناسبه الجميله دى انا ان شاء الله ناويت اظبط حبيبه الكل طبعا الجين وانا ناويت اعمل كالتالى:
1-اركب جنوط نيكل 16 او 17

16 ياباشا للأسباب اللى قالوا عليها الحبايب إلا إذا انت ناوى تهبط

2-طبعا لازم سوست للجنوط علشان التهبيط

بالضبط كده

3-اجيب مفصلات علشان البابين اللى قدام fly door
بس الأبواب السيزرس أواللامبوتحفه طبعا بس مش عارف أنا مقلق منها ليه وخايف بصراحه اعملها لإنها بتهبط على العموم ديه صورة المفصلات اليونيفيرسال وفى فالمنتدى واحد بيبعهم لو عايز




وده فيديو ليها وهيه بتترفع
[youtube]http://www.youtube.com/watch?v=tjdJUt4dZrs[/youtube]

4-بصراحه مش عارف اركب زينون ولا اجيب اللمبات اللى ميدو بيقول عليها بس انا ان شاء الله حجيب اللمبات دى علشان الفوجات

عن نفس أفضل الزيون مع إن اللمبات اللى قال عليها محمد هايله والمشكله طبعا مع المرور فى الإضائه المبهره مش فى الزينون
وبص على الاضاءات ديه واختار المناسب



5-حركب النيون اللى من تحت ولسه بفكر فى لونه under neon

طبعا تحفه وانا برجح اللون ده



أو



6-حعمل فرش جلد (انا العربيه عندى لونها اسود فحخلى لونه احمر فى اسود وحمل البابين من جوة كمان)

أنا عامل فرش جلد لونين البيج الفاتح مع الإسود تحفه هصوره وابعته ليك انا اللى عامل ليه الديزين واخدت نفس ألوان التبلوه

7-انا حكتب الحاجات دى كلها فى نقطه واحده انا مش عارف ليه بس هما مرتبطين معايا ببعض(البوجيهات والسلوك والفلتر)
انا ركبت الفلتر الا سيموتا والناس نصحتنى k&n بس الألو تحفه بصراح ، ومبرك الاسبليت فير هايل وارجح انك تبتدى بيهم بس خلى بالك هيزودوا استهلاك البنزبن شويه وخصوصا انك هتحرق طبعا غصب عنك

8- عايز اعمل شويه تنفيخات فى الاكصدام اللى ورا بس مش عارف ممكن اه وممكن لا

النقطه ديه انا مع محمد فيها يا كيد كام وبتعها الأصلى يا بلاش
ايه رايكم يا جماعه فى الحاجات دى اللى موافق يرفع ايده واللى معترض ماشى عادى بس من غير ضرب


ميدو يا ريت تشوفلى الموضوع ده يتكلف كام وتقولى ولو انت شايف فى حاجه ناقصه قولبس حاول تجيب اخر الاسعار علشان العمليه كبيرة اوى

[compuland]

ياسيدى يا سيدى على الشغل
ابقى بس ورينا صور العربيه بعض التضبيط ان شاء الله

[m.3abdel3al]

استاذ محمد سليمان انا معاك في كل الي انت قلته
بس في حبت حاجات

1.بالنسبة للجنوط انا مدام هيهبط يبقى 17

2.بالنسبة fly door مش كل الانواع بتهبط في انواع نضيفه طبعا

3.و بالنسبة للزينون المرور الب الدنيا فحرام اجيبه و بعد كده يتشال

4.بالنسبة للنيون انا شايف ان اللون الازرق اجمد طبعا علشان العربية سوده


5.بالنسبة للفلتر انا شايف لاما سيموتا كاربون ودا جامد جدا ولو مافيش يبقى k&n طبعا

[MuhammedSoliman]

استاذ محمد سليمان انا معاك في كل الي انت قلته
بس في حبت حاجات

1.بالنسبة للجنوط انا مدام هيهبط يبقى 17

2.بالنسبة fly door مش كل الانواع بتهبط في انواع نضيفه طبعا

3.و بالنسبة للزينون المرور الب الدنيا فحرام اجيبه و بعد كده يتشال

4.بالنسبة للنيون انا شايف ان اللون الازرق اجمد طبعا علشان العربية سوده


5.بالنسبة للفلتر انا شايف لاما سيموتا كاربون ودا جامد جدا ولو مافيش يبقى k&n طبعا

1. لو مش لو هيركب مساعدين يبقى طبعا 17 +11111
2. اه طبعا لو مش هطهبط يبقى زى الفل طبعا
3. هو ممكن يا باشا يجيب زينون بس اضاءته مش مبهره
4.اللون برضه تحفه
5. كلامك تمام ان عن نفسي مركب سيموتا

تمام يافندم 10/10

تحياتى

[أبومعاذ]

مبروك مقدما على التعديلات .....هو الفلتر ال iafm مش بيغني عن الفلتر الاسبور؟؟؟؟؟؟؟؟؟

[cobco]

شكرا ليك يا دكتور محمد على رايك وفعلا عاجبنى اللون بتاع الاندر نيون لو تحفه
ولو حضرتك تعرف المفصلات اللى فى المنتدى بكام يا ريت تقولى
وان شاء الله حجيب اللمبات واركبها فى الفوجات والزينون حخليه فوق



بالنسبه لسؤال ابو مريم هوة طبعا الiafm سبور طبعا بس الk&n او السيموتا احسن منه

[MuhammedSoliman]

شكرا ليك يا دكتور محمد على رايك وفعلا عاجبنى اللون بتاع الاندر نيون لو تحفه
ولو حضرتك تعرف المفصلات اللى فى المنتدى بكام يا ريت تقولى
وان شاء الله حجيب اللمبات واركبها فى الفوجات والزينون حخليه فوق



بالنسبه لسؤال ابو مريم هوة طبعا الiafm سبور طبعا بس الk&n او السيموتا احسن منه

انا عارف يا باشا ان فى حاجه بلدي ومن غير مساعدين وديه طبعا لا أرجحها وبتعمل المفصل باين 200 جنيه او حاجه كده

واعرف ان فى كيت كامل بيتباع زي اللى انا ورتهولك فى الصور فى حدود 2000 تقريبا مش فاكر بص انا هدور لك فى المنتدى واقول لك عشان الموضع ده كان من فتره طويله بس عموما فى بور سعيد هتلاقي كل حاجه


تحياتى

[cobco]

شكرا يا دكتور على اهتمامك ومتابعتك للموضوع

[m.3abdel3al]

يا جماعة انا قلت احط الاسعار الحاجات الي هيجيبها خالد علشان الكل يستفاد

اسعار الحاجات الي هيجيبها خالد ::::::::

1.جنوط 16 سبور مومو او عادي من 3700 الى 4650

2.اسبويلر كاربون 700

3.فلاي دورز قريب من ال 180 درجة في من 2000 ل 7000 انما في نوع ب 3750 جامد جدا و بهيدرولك ومتهيالي الماني

4.اندلا نيون في نوعين
الاول : 250 ودا نور عادي من غير اي كنترول 4 لمض بيشتغل مع اي نور انت عايزه وتقريبا هنشغله مع الفوجات
التاني:650 ودا ليدات بكنترول يتحكم في كل لمبه 8 لمض ب 4 كيتات كوالتي اعلى و بيشتغل وبيطفي لوحده من جوه

5.فلتر k&n كيت كامل مع فان لسحب الهواء للداخل ( زي التيربو ) ب 800 ( لعدم وجود سيموتا كاربون دبل فان )

6.سلوك وبوجيهات سبليت فاير ايريديوم 650

7.سوست ابيكس ( بتوطي العربية من 3 - 6 سم ) ب 1200

8.شاشات lcd اتنين بتوع المساند ب 2000 و وواحده بتاعت المراية ب 1300 و فيها سنسور و كاميرا وبيتركب لهم يو اس بي و ميموري


بس خلاص و اكيد طبعا الاسعار دي هتقل وقت الدفع طبعا طبعا طبعا

و طبعا في خناقة بيني و بين خالد عايز فيها رايكم جنوط مومو ولا جنوط نيكل و مش هقول مين فينا عايز مومو ومين عايز نيكل و ياريت لو تقولو رايكم