اخيرا استلمت البيرسونا وبقيت بيرسوناوي يارجاااااااااااااالة

[DADO]

احلى سلام على احلى بروتوناوية , انا يارجالة اخيرا والحمد لله استلمت البيرسونا وبقيت بروتوناوي بيرسوناوي
والعربية ماشاء الله تحفة والناس كلها بتبص عليا وانا ماشي والموتور زي الفل وكلو الحمد لله تمام
بس هو في كام حاجه كده في التقفيل واللي انا كنت عارف ان في حاجات هتطلع معايا ورغم كده جبتها
1- في تزييقة بسيطة في العفشة اللي ورا
2- الاشارات علقت ومبقتش تشتغل
3- السنتر ساعات بعلق
4- هو في صوت في الفرامل طبعا بس مش عارف هل ده عشان لسه جديدة والفرامل لسه مطبعتش ولا ايه؟
غير كده انا مستمتع جدا بسواقتها ياجماعة اويييييييييييييي

[jisso82]

1000 مبروك يا dado و مستنيين التفاصيل بقى اللون و الفئة و ياريت لو ترفع صورها
مبروك يا معلم و ادعيلى أنا رايح النهارده التوكيل إن شاء الله و يا رب ألاقى اللون اللى نفسى فيه

[Ahmed_SpY]

الف مبروك يا معلم

و المشاكل دى كلها بسيطة و ان شاء الله فى اول صيانة كل ده هيروح

ربنا يباركلك فيها خلى بالك منها بقى

[Ayman_52]

مبـــــــــــــروووووووووووووووووك مبـــــــــــروووووووووووووووووك الف الف مبــــــــــــــــرووك

وربنا يباركلك فيها يارب ويحفظهالك ويكفيك شر الطــــريق يارب

وبخصوص اللى ظهر لحضرتك :-
----------------------------

1-صوت التزييق دا بيتزبط فى التوكيل فى ثوانى

2-قولهم فى التوكيل وهيتظبط ان شاء الله

3-هيتصلح فى ثوانى ان شاء الله (بتكون مشكلته ان الفيوز مش متثبت كويس حضرتك ممكن تفتح علبه الفيوزات وتضغط عليهم) او سبيهم فى التوكيل يضبطوه افضـــل

4-لو حضرتك اوتوماتيك ... فدا طبيعى ...وقولهم باردوا فى التوكيل

------------

ودلوقتى فى صيانه مجانيه فى التوكيل .... احجز وروح هيضبطوا الكلام دا كله وبادروا تعمل كشف على كله

الف مبروك .... وربنا يباركلك فيها ... وعلى انتظار تقريرك بعد الــ1000 ان شاء الله

------------
واهــلا بيك عضو -بــروتونــى- أكيـــــد

تحيــــــــــــــــــــاتــــى

[m.3abdel3al]

الف مبروك يا مان وربنا يكفيك شرها

[waleedfesal]

ألف مبروك
ربنا يعطيك خيرها ويكفيك شرها
العربيه ما شاء الله فعلا زى ما قولت ملفته قوى على الطريق
بتحسس الواحد انه مميز والناس بتبص عليه
وبالنسبه للعيوب البسيطه تتحل ان شاء الله فى التوكيل
وموضوع الاشارات دا حصل معايا بعد اول 100 كيلو وعشان التوكيل بعيد انا روحت لواحد كهربائى كويس قوى
لانى مكنتش اقدر استنى بدون اشارات لحد صيانة الاف
الراجل فحص الفيوزات وجدها سليمه والكتاوت برضه سليمه وبعدين هو شك ان سلك الباور مفكوك من مكانه(lose) وفكلى العلبه اللى مربوطه على القايم اليمين وفعلا لقى السلك مش راكب مكانه ورجعت كل حاجه لاصلها وبقت تمام
لو تقدر تستنى لما تروح التوكيل كان بها
مستعجل اختار كهربائى كويس هو مش هايغير ويضيف اى حاجه كل اللى هايعمله انه يركب الكلبس مكانه فقط
ومره كمان الف الف الف مبروك على الجميله برسونا

[MuhammedSoliman]

مبررررررررررررروك عليك العربية ياباشا وربنا يبارك لك فيها

تحياتى

[khpopo]

الف مبرووك بيرسونا الجميله ربنا يديك خيرها ويكفيك شرها
ربنا يوفق

[M.almaghraby]

الف مبروك العربية الجامدة جدا جدا

ويارب تفضل علي طول مبسوط بيها يا باشا

[Osama.shihata]

1000 1000 10000
مبــــــــــــــــــــــــــــروك
يا عماد
والله انا فرحان لفرحك
وان شاء الله ربنا يباركلك فيها
ومتقلقش خالص من مشاكل التقفيل
كلها هتتحل زى مقلتلك

[DADO]

الله يبارك فيكو يارجالة والله انا اللي مفرحني اكتر المنتدى الرائع اللي بحس فيه اننا اسرة واحدة وشكرا على الردود الجميلة وسلام حااااار جدا لاسامة وايمن وهيثم والناس كلها , بخصوص التفاصيل هي اوتوماتك كاملة هاي لاين ولونها اسود

[memo_p910]

مبروك يابرنس ربنا يباركلك فيها
بالنسبه لصوت الموتور اخباره ايه والعربيه مجملا مريحه ولا لا مقارنة باللانسر مثلا ياريت تقولي لاني ناوي اشتري واحده خليجي انا في الرياض
وشكرا

[DADO]

الله يارك فيك ميمو شوف ياباشا هو صوت الموتور قوي تحس انو رياضي اوي وتبقى عايز تجري بيها وده طبعا عشان من تصميم شركة اللوتس وبالنسبة للانسر في فرق كبير اوي لصالح البيرسونا من ناحية الثبات وقوة الصاج والاوبشن اللي فيها يعني اللانسر بعد ال 120 بتبقى مراجيح وصاجها ضعيف ومفهاش abs &ebd ولا فيها اير باج والتارة مش مالتي ومفهاش سينسور وحاجات تانية والعربية اجمالا مريحة اوي بجد بس هي ممكن يكون فيها مشاكل تقفيل زي اللي عندي ودي حاجات تافهة ومش هتغير رايي في العربية وفي عربيات ممكن ميكنش فيها الحاجات دي . وربنا يوفقك ياباشا وصلي استخارة قبل ما تشتري

[ms077]

[fot1]
ألف مليووون مبرووووووك
[/fot1]


ولا تقلق نهائيا دي مش عيوب تقفيل ولا حاجة

وربنا يبارك لك فيها ويكفيك شرها