احسن فرع اشتري منة

[kloda]

صباح الفل علي البروتونيين اليي نافخين الاسفلت نفخ
انا يا جماعة كنت عايز اعمل موضوع عشان نبين فية احسن فرع اتعاملنا معاة اية و احسن مندوب مبيعات مين هو
دة طبعا بناء علي المصداقية
جدية المعاملة
التخفيضات
عشان الناس الجديدة تكون عارفة هي حتروح لمين و ما تسمعش معلومات غلط من مندوب مبيعات
مش عارف حاجة
و تقبلو تحياتي

[kloda]

انا طبعا حاحكي علي تجربتي معاهم
انا رحت في الاول لفرع مدينة نصر بما انو جنبي
قعدت مع الاستاذ وجدي الراجل الي العربية كويسة جدا و عيوب التقفيل الي بتسمع عنها دي لا توجد اصلا و ان وجدت فهي من علبة الفيوزات الي بتبوز نتيجة الرطوبة (علي اساس انها علبة فيوزات توكتوك) و ان هو الراجل كتر خيرة حيعملي 2 دبل تشيك
لالالالا مش ميلك تشيك
دبل تشيك و دة بديل ال pdi عندة
كام يا استاذ وجدي السعر قالي 91900 للاوتوماتيك الي انتة عايزها و اتكلمنا علي لو حجيبها قسط و المقدم و كدة
المهم ربنا سبحانة و تعالي و قعني في ايد ايمن ربنا يكرمة
قالي علي الاستاذ محسن صالح كلمتة قالي التخفيض 3 الاف و لو عايز تحجز تعالي
كلمت وجدي قالي 3 الاف و سكت و راح قايلي خلاص انا حعمل لك دسكونت 900 جنية بلهجة تحسسك انهم 90000 مش 900 و كان عايزني احجز بأي طريقة
المهم قولت انزل احجز فبكلمو ااكد علية و الورقة الي فيها كلامة في ايدي غير الكلام كلة بقولو ازاي يعني يا استاذ و جدي دي الورقة في ايدي اهي قالي تعالي بس اجز و نتكلم
انا طبعا حجزت مع محسن صالح
اما و جدي بقة فقولتلو اني نازل و خليتوة مستنيني لحد الساعة عشرة و كل ما يكلمني ارد مرة و اسيبة عمية و بعدين رديت عشرة قلتلو انا اسف علي التاخير انا في الطريق اهو و قفلت الموبايل طبعا هو ماتكلمش تاني و انا بصراحة مبسوط من الي عملتة معاة
يلا كلو يقول عن تجربتة

[dya2008]

طبعا الصحراوي لانه الادارة

[kloda]

طبعا الصحراوي لانه الادارة

مش شرط حضرتك عشان الادارة يكون احسن فرع
ياريت حضرتك تحكيلنا عن تجربتك في الشراء
و شكرا لمشاركتك

[Ayman_52]

ايه ياخالوووود المواضيع الجامده دى

بس الموضوع ممكن يتاذى منه ناس لان هتلاقى كل الناس يتشتكى من نفس الشخص .... مانت عارفه

----

المهم هقول تحربتى :-
--------------------

انا اتعاملت مع ا/وجدى فرع مدينة نصر (ويارتنى ماكنت اتعاملت)

1- ماعندوش اى معلومه صحيحه عن البروتون (لما كان واقف مع اهلى بيتكلم عن امكانيات العربيه كنت بكمل كلامه)

2-لايوجد عنده اى مستوى من الاهتمام بالعميل(مقارنه بالباقى)

3-اكبر فتاى ممكن تتعامل معاه فى توكيل مدينه نصر(كل يوم يطلع باشاعه ويصدقها وتانى يوم يناسها ويطلع بواحده جديده)

4-لسه جديد وبالتالى مش بيعرف يخلصلك فى حاجه

5-غير محترم لمواعيده ولا لكلمته

كفايه كــــــــــــــــــــــــــــــــده

---------------
انا مش هقدر اصوت لفرع معين ...

لان شايف ان مافيش احسن فرع .... كل فرع فيه حد كويس ...

زى مافى وجدى ....فى ا/نذير فى مدينة نصر مثلا .... راجل على خلق وذوق كتير وبيجبلك من الاخر

واكيد لن ننسى حوت المبيعات -محسن صالح-

---------

ايوه يا لودا .... عاوزين كل يوم من دا

اشطــــــــــــــــــــه

تحيــــــــــــــــــــــــاتــــــــــــــــــى

[jisso82]

أنا بقى ساكن فى المهندسين و بينى و بين فرع العجوزة حوالى 10 دقيق أو ربع ساى مشى بالكتير برده روحت قعدت مع الأستاذ وائل أكتر من مرة على أساس إنه جنبى فكل ما كنت بعدى من قدامه كنت بدخل وأقعد ألعب فى العربية شوية. كان كل كلامه خاص بوزن العربية مقارنة بأى عربية تانية بنفس السعر و ده عامل إيه فى اتزانها على الطريق. الحقيقة هو لذيذ و احنا إلى حد كبير بقينا أصحاب من كتر الزيارات بس ما جابش سيرة أى خصومات حتى لما قلتله إنى ممكن أدفع كاش و قعد يقول العربية تساوى أعلى من تمنها بكتير عشان الأوبشنز اللى نازلة فيها و إنها مدعومة من الحكومة الماليزية للحكومة المصرية فمش ممكن يخفض فيها مليم و حتى لو العربيات نزلت هى مش هتنزل. بشكل عام هو شخصية ظريفة بس مش شاطر أوى كرجل مبيعات يعنى أنا كنت رايحله مقتنع بالعربية أساسا المعلومات اللى إدهالى أقل كتير من اللى كنت أعرفه ما أغرانيش بشراء العربية بأى شكل من الأشكال ده غير الفتى بقى أول مرة شفت الميتال جراى كان عنده فى المعرض و بسأله على اللون قاللى آه ما هو ده مش بينزل غير فى التوكيل بس لأن أنا كوكيل لازم أحتفظ لنفسى بعيد عن المعارض بدرجات ألوان ما تتجابش إلا من عندى.

المهم لما قريت فى السايت عن الخصم الأولانى اللى هو ال 3000 روحت الصحراوى و بصراحة محسن كان ذوق جدا لقطنى من بره و أنا بتفرج على العربية و دخلنى مكتبه قعد يقوللى مميزاتها بس أنا تقريبا كنت حافظها و بقولها معاه حاول يقنعنى إنى أحجز وقتها و إنى أجيبها قسط و ما لوش لازمة الكاش و كده كده هيخفض السعر بس أنا كنت خدت قرار و بعدين روحت حجزت مع أيمن لما جابلنا الخصم التانى. لغاية الحجز كانت الدنيا ظريفة بعد كده ابتدى يبيع شوية شوية و كلكم عارفين المشاكل اللى حصلت فى الدفعة دى بس الحمد لله عدت على خير و استلمت

[kloda]

الحمد لله انك استلمت علي خير
شكرا علي مشاركتك
ربنا يباركلك في العربية

[kloda]

ايوة يا مون
دي حاجة كدة مني للمنتدي
و عشان الناس الجديدة تكون عارفة حتعمل اة بالظبط
تحياتي لمون الجامد

[as01241]

أنا بقى تجربتي كانت مع محسن صالح هو أول واحد قابلته , انا روحت الصحراوي عشان جنب شغلي وكنت رايح اتفرج بس على العربية ومحسن بردو زي ما حصل مع هيثم لقطني من بره ودخلني لمكتبه , هو بصراحة عنده معلومات حلوة عن العربية وبيعرف يبيع وبيعرف يفتح سكة مع العميل يعني في مسألة الخصم يقولك الخصم كذا بس بردو يديك كده هنت ان ممكن يزيد عشان تحجز طبعا بعد شفت العربية وعجبتني حجزتها عنده - بس بعد كده حصل تأجيلات ومشاكل على اللون وحركات منه مش تمام بس أنا بردو بعذره خصوصا بعد ماعرفت ان دي كانت أخر دفعة 2009 والعدد اللي حجز كان كتيير شوية في ألوان محددة وعز العرب مش عاوز يجيب عربيات بزيادة عشان ما ميبقاش عنده باقي من 2009 خاصة ان 2010 على الأبواب - بس اللي اقدر اقوله ان محسن يوم الإستلام اخد موقف وحل مشكلة اللون اللي كان بسببها ممكن ما اشتريش بروتون أصلا .. بس الحمدلله استلمتها

[kloda]

الف مبروك استاذ احمد علي الجميلة جين 2
ربنا يديك خيرها و يكفيك شرها

[mby]

استطلاع الرأي في هذا الموضوع لن تكون له نتائج سليمه لان اي واحد كانت له تجربه وحيده عند الشراء في الفرع الذي تصادف ان تعامل معاه فان كان لاقي معامله جيده سيعطي صوته لذلك الفرع وان كان لاقي معامله سيئه فماذا يفعل هل يعطي صوته لفرع اخر وهو لم يجربه ام يحجب صوته وعلي ذلك لن نحصل علي نتائج صحيحه مع احترامي الكامل للفكره وللاستاذ خالد صاحب الفكره والذي يشكر علي اثارته للموضوع من اجل فائده الاخرين
وارئ ان كل واحد يحكي تجربته في الشراء ومنها يستفيد المقدمون علي الشراء مستقبلا حتي يمكن لاي منهم تحديد الفرع والشخص الذي يمكنه التعامل معه
وللعلم ان حجزت واستلمت من مدينه نصر و يبدو انني كنت محظوظ لان لم اقابل الاستاذ وجدي وربما يكون من حظه هو اننا لم نتقابل المهم تقابلت اولا مع السيده الفاضله المهندسه/ ايمان مدير الفرع و قامت بتقديم الخصم اللازم (2000 جنيه عند اول مقابله وعند الحجز وافقت علي الخصم 3000 جنيه)وعرضت جميع مميزات السياره وكلفت الاستاذ مروان باستكمال الاجراءات وهو من الشباب الواعد وصادق في كل كلمه يقولها وتسلمت في الموعد الذي حدده بالضبط وعلي ذلك سيكون الرأي عندي ان فرع مدينه نصر هو احسن الفروع وفي ذلك اجحاف في حق الفروع الاخري

[kloda]

استاذ mby شكرا علي مرورك و سردك لتجربتك انا عملت استطلاع الراي عشان انا شخصيا تعاملت مع فرع مدينة نصر و الصحراوي
و من حسن حظ حضرتك ان الاستاذة ايمان هي الي خلصت لك الموضوع و طبعا احنا بنحكي عن التجربة و نختار الفرع الي شايفينة احسن
يعني لو 100 واحد قالو الصحراوي احسن حيكون بلا شك احسن من اي فرع تاني و هكذا
و انا كان قصدي ان الي داخل جديد و عايز يشتري العربية يبوص علي التصويت و يشوف التجارب عشان يكون مرتاح نفسيا تماما من الفرع الي هو رايحة
و شكرا

[kloda]

145 مشاهدة و مفيش غير 11 رد و تصويت فين تجارب الناس
حتي لو مع معارض مع ان انا عارف ان معظم الناس شارية من التوكيل

[D . a .\ AYMAN]

الف شكر على الموضوع الحلو ده
وجزاكم الله خيراً

ومتابع بإهتمام

[kloda]

الف شكر على الموضوع الحلو ده
وجزاكم الله خيراً

ومتابع بإهتمام

متشكر جدا لمرورك الكريم