جين تو ولا تيجو ( بدون تعصب )

[mazagngi2002]

تعالوا نفكر براحة شوية
العربيتين تقريبا فى حدود ال 80 الف جنيه
طبعا كلنا عارفين الجين تو ومجربينها
ولكن ظهور التيجو 1600 عمل رجة فى السوق
بدون مانتعصب لعربيتنا
نعالوا نعمل مقارنة بينهم ونشوف مين الاحسن والاصلح
وياريت الناس تقول رأيها
كل الى معاه التيجو فى قسم الاسبرنزا بيشكر فيها جدا
لدرجة انى حسيت انها عربية المانية مثلا مش صينى تقفيل مصرى
واتصلت بملاك التيجو فعلا والناس بينصحوا بيها جدا جدا
ياريت نقسم العربية الجديدة وندخلها فى نحدى جديد مع الجملية جين تو

[m.3abdel3al]

انا شايف طبعا ان الجين 2 احسن لكذا سبب من وجه نظري

1.انا ما امنش على نفسي في عربية زي استيل التيجو صيني ( ممكن تتقلب بسهولة )

2.الجين طابع رياضي و ثبات و كماليات احسن من التيجو

3.الجين اقدم و كل عيوبها معروفة بعكس التيجوا الي لسة نازلة ولية عيوبها ما ظهرتش

4.انا شايف ان التيجوا ظاهرة و هتنتهي زي السبرنزا a116 بالظبط

[jisso82]

المقارنة غير عادلة من وجهة نظرى لأن الجين بتعتبر عربية رياضية و التيجو بتصنف حتى عشان شكلها بس جيب أو 4*4 حتى لو 4*2 برده تصنيف بعيد عن الجين و المقارنة غير منطقية لأن اللى عايز يجيب جيب مش هيشترى جين2 و لا العكس دى فئة مش أى حد بيجيبها بس عشان معاه تمنها بيبقى عايز منها أداء معين عشان مكان شغله مثلا و صعوبة الطريق بالنسبة و حاجات كتير زى دى. ما أعتقدش أبدا إن الفلوس بس هى اللى بتحكم لما أختار عربية زى التيجو.

[m.3abdel3al]

فعلا جيسو بس الفئة السعرية هي الي حطت المقارنة

[ahmedfathy77]

السلام عليكم ورحمة الله وبركاته

صعب اوى عمل مقارنه لمجرد التشابه فى الفئه السعريه كمعيار وحيد للحكم لازم على الاقل يبقى فيه عامل كمان زى طبيعة الاستخدام او الغرض من العربيه اصلا او العدد المتوقع ركوبه العربيه او قوة الموتور او السعه ......... المهم يبقى فيه معيار تانى يهم اللى هيشترى العربيه وحده يحكم بيه برضه عند المقارنه بين اى عربيتين يعنى مثلا لو معايا 100 جنيه مينفعش اقول اشترى فلاش ميمورى ولا mp3 ده له استخدام وده له استخدام تانى مع انك ممكن تجيب الاتنين بنفس السعر تقريبا نفس الكلام ينطبق هنا دى عربيه رياضيه هاتش باك ودى عربيه شبه العربيات 4*4 مع انها مش كده اكيد فيه اختلافات فى المساحه الداخليه ممكن تبقى فيصل لو الاسره كبيره وهكذا . فانا شايف ان المقارنه فى حاجتين مش متقاربين فى اى حاجه الا الفئه السعريه فبالتالى صعب ان المقارنه تكون موضوعيه
سلامى للجميع

[kareem_aljamal]

جين 2 بدون تفكير خالص

[Eng.Sameh]

هية الجين2 يمكن فيها شوية عيوب في التقفيل وكام حاجة بتعلق ويمكن خاماتها متواضعة شوية بس اسمها متجربة واللي بيشتريها عارف اللي فيها وراضي بيها على حالها وبقت معروفة ... ومهما كانت فهي برقبة اي عربية صيني .. تيجو بقه ولا ما تجوش ...

يا راجل دا أنا ساعة بجيب لأبني عربية لعبة صيني " وطبعا كل اللعب صيني في مصر " ببقى خايف عليه وهو بيلعب بيها احسن تضرب في وشه !!!!!! وطبعا بيفرتكها من اول يوم ولو تقفيلها كويس ممكن تقعد اسبوع بالكتير قوي ..

وآدي مشاركة طازة من قسم اسبرانزا حيادية والراجل باع فبيتكلم بكل صراحة ..

لله احزر من شرائها
1- الدوكو بتاع السياره خفيف للغايه لدرجة انه بيتجرح من التلميع بفوطه عاديه
2- التكييف ضعيف للغايه لازم اشغله على اعلى درجه علشان تحس بفرق
3-بعد 300 كيلو بدأت لمبة abs تنور بدون سبب وتختفى بدون سبب كذلك لمبة 4*4
4- الغيار الاول اللى مفروض يكون اقوى عزم فى السياره ضعيف مش عارف ليه
5-الابواب الخلفيه بتعلق وصعبة الفتح
6- الابواب من الداخل بدأت تقشر استخدام شهر واحد
7- اماكن الوسائد الهوائيه فى التابلوه بعد ركن العربيه كام يوم فى الشمس اصبحت لينه خامة التابلوه سيئه
8- لمبة الفرامل الخلفيه احترقت بعد حوالى 40 يوم
9- استهلاك البنزين مع تشغيل التكييف عالى
اشتريتها ب 115 وبعدين خفت كل القصص دى بعد استخدام شهرين طيب بعد سنتين ايه اللى حيصل والله العظيم دللت عليها اللى يقول لى مابشتغلش ابدا فى الصينى واللى يقول جبتها ليه واللى يقول ماتساويش الا 80000 بالله عليكم عربيه جبتها ب 115 فى اقل من شهرين تجيب 80000 المهم بعد صلاه و دعاء و بالعافيه جابت 92000 وبعتها وخلصت والحمد لله والله العظيم هذه تجربتى الشخصيه واقول النصيحه لله

[marsguy]

بصراحه أنا ماشي في الدنيا بمبدأ "رحم الله إمرئ عرف قدر نفسه"

وبما إني مش ضليع أوي في السيارات ومعلوماتي معظمها نظريه بحته، بصراحه أنا هاخاف أجيب عربيه صيني وأجرب على نفسي.

خاصة إن التيجو لسه ما بقالهاش سنه وأكيد في عيوب لسه ما بانتش فيها. ناهيك طبعاً عن أخبارها إيه في الحوادث لا قدر الله.

[jisso82]

فعلا جيسو بس الفئة السعرية هي الي حطت المقارنة

بص يا محمد و لو إن كلام أستاذ أحمد فتحى فيه المفيد لكن انا هحاول برده أوصللك وجهة نظرى بمثال له علاقة مباشرة بالعربيات مع كامل احترامى لمثال الأستاذ أحمد بتاع الفلاش ميمورى و الإم بى ثرى
لو انت معاك 200 ألف و عندك عائلة مكونة مثلا من ثلاث أفراد هل ممكن تجيب عربية كوبيه 2 باب فقط و بدون كنبة خلفية حتى لو معاك تمنها.
أعتقد ساعتها المقارنة السعرية مش هتبقى مفيدة هنا تماما لأن العربية أصبلا مش هتغطى احتياجاتك إطلاقا.

السلام عليكم ورحمة الله وبركاته

صعب اوى عمل مقارنه لمجرد التشابه فى الفئه السعريه كمعيار وحيد للحكم لازم على الاقل يبقى فيه عامل كمان زى طبيعة الاستخدام او الغرض من العربيه اصلا او العدد المتوقع ركوبه العربيه او قوة الموتور او السعه ......... المهم يبقى فيه معيار تانى يهم اللى هيشترى العربيه وحده يحكم بيه برضه عند المقارنه بين اى عربيتين يعنى مثلا لو معايا 100 جنيه مينفعش اقول اشترى فلاش ميمورى ولا mp3 ده له استخدام وده له استخدام تانى مع انك ممكن تجيب الاتنين بنفس السعر تقريبا نفس الكلام ينطبق هنا دى عربيه رياضيه هاتش باك ودى عربيه شبه العربيات 4*4 مع انها مش كده اكيد فيه اختلافات فى المساحه الداخليه ممكن تبقى فيصل لو الاسره كبيره وهكذا . فانا شايف ان المقارنه فى حاجتين مش متقاربين فى اى حاجه الا الفئه السعريه فبالتالى صعب ان المقارنه تكون موضوعيه
سلامى للجميع

+1111111111

[mazagngi2002]

بس الاقبال عليها كبير جدا
وعملت هزة فى السوق
بدليل غبور نزل اسعارة مرتين فى اسبوع واحد !!!!!!!!!!!

[mangere90]

السلام عليكم ورحمة الله وبركاته

ايه اصلا العربيه اللي بتتكلمو عليه دي ياريت حد يجبلنا شكلها انا سمعت من الأخوه انها مماثله لفئة الجيب كنت ممكن تقارن
بيت الجين و Frv بس انا من رأي وبدون تحيذ الجين تكسب طبعا كل الصيني من غير تفكير حتي الأسبرنزا 2000 سي سي
انا مشيت معاها و عديتها كمان لأني سحبها تقيل جدا !!!!!!!

[Ghost2]

المقارنة سعرية مش اكتر اللي حضرتك بتتكلم فيها .... حدد احتياجاتك وساعتها تعرف العربية اللي هتركبها بس يا ريت عموما تبعد عن التيجو

[شريف شعبان السيد]

المقارنة سعرية مش اكتر اللي حضرتك بتتكلم فيها .... حدد احتياجاتك وساعتها تعرف العربية اللي هتركبها بس يا ريت عموما تبعد عن التيجو

++1

[ahmedfathy77]

بص يا محمد و لو إن كلام أستاذ أحمد فتحى فيه المفيد لكن انا هحاول برده أوصللك وجهة نظرى بمثال له علاقة مباشرة بالعربيات مع كامل احترامى لمثال الأستاذ أحمد بتاع الفلاش ميمورى و الإم بى ثرى
لو انت معاك 200 ألف و عندك عائلة مكونة مثلا من ثلاث أفراد هل ممكن تجيب عربية كوبيه 2 باب فقط و بدون كنبة خلفية حتى لو معاك تمنها.
أعتقد ساعتها المقارنة السعرية مش هتبقى مفيدة هنا تماما لأن العربية أصبلا مش هتغطى احتياجاتك إطلاقا.



+1111111111

بالظبط كده يعنى حضرتك لو هتقارن التيجو 4*2 يبقى تتقارن بالعربيات اللى شبهها فى نفس الفئه زى السكوربيو او الكومودو الفئات دى اللى هى بالظبط بتعنى انا نفسى اركب عربيه لها طابع العربيات ال 4*4 بس طبعا العربيات دى غاليه جدا فالصين وفرت لك الشبيه طبعا مع الفارق الشاسع بس حاجه تديك احساس قريب له. بس فرق سعر التيجو عنهم كبير اوى التيجو اقل طبعا فاكيد خبراء العربيات دى يقدروا يقولوا لنا الفرق بينهم وليه التيجو اقل فى السعر كتير كده انما الجين 2 ممكن تتقارن مثلا ب frv او النيو اكسنت وممكن الياريس على استحياء على الرغم انها اغلى مش عارف ليه و على الرغم انها عربيه رياضيه هاتش باك معرفش ليه الناس دائما حاشرينها فى مقارنات عجيبه كنت بعمل مره موضوع عن المقارنات اللى دخلتها الجين 2 فى قسم المقارنات لقيت حاجات عجيبه اللى مدخلها مع بى ام مستعمله واللى مدخلها مقارنه مع كيا سيراتو ومرسيدس واوكتافيا الحقيقه العربيه دى تعبت من المقارنات الغير عادله ومع كده اثبتت جداره فى الصمود امام الوحوش دى وكان قليل ما تخسر استفتاء على الرغم من قوة المنافسين وده انا شايف راجع لسبب رئيسى ان الجين 2 بلا منازع هى من اعلى ان لم تكن اعلى السيارات فى مصر من ناحية القيمه الماليه للمنتج يعنى بتشترى عربيه ذات امكانيات عاليه جدا بسعر قليل مع عدم التاثير على الجوده للعناصر الاساسيه للعربيه عشان كده نلاقى الناس معظمها تشتكى من حاجات تندرج تحت عنوان كبير اسمه جودة خامات الصالون و التقفيل بمعنى اصح الشركه ممكن بتوفر شويه فى موضوع الخامات ده بس مابتوفرش لا فى موتور ولا عفشه ولا اى حاجه ممكن تخلى العربيه تقف منك فى الطريق انما بتديك موتور مصصم ومنفذ بالتعاون مع شركه من اكبر شركات السيارات الرياضيه فى العالم ( انا كان اول مره اعرف ان فيه عربيه اسمها لوتس كنت صغير جدا فى ابتدائى او اعدادى وسمعتها فى فيلم امريكى وكانوا بيتكلموا عنها كانها حاجه خرافيه ملهاش مثيل ) وفى المقابل بتستحمل شوية حاجات عبيطه فى التابلوه او فى الكنبه او لمبه تنور وده السبب الحقيقى اللى بيخلى الناس بتعشق العربيه مع مشاكلها الصغيره المتكرره لان زى اى صفقه فى الدنيا حضرتك بتكسب حاجات وبتضحى بشوية حاجات صغيره فى المقابل هى كده بالظبط الجين 2 الصفقه الرابحه دائما ان شاء الله وده اللى مخليها تصمد فى السوق من غير اعلان واحد لوجه الله وباى حال استنوا الجين 2 والبروتون عامة فى الخمس ست سنين القادمين انا متاكد ان الناس هتصحى فجاه هتلاقى بروتون احتلت مصر
سلامى للجميع

[m.3abdel3al]

يا جماعة اولا حاجة ما ينفعش الي انت بتقولو انا دلوقتي معاية 100000 و بفكر في عربية ببتدي ارص كل العربيات الي انا بخترهم دلوقتي الراجل عجبه الجين و عجبه التيجو وال2 عربيات و بنفس السعر يبقى اكيد في مقارنة ما بينهم من ناحية سؤال مهم اركب اه ب 90 الف جنيه ؟؟؟ هتلاقي الاجابة
1.جين2
2.تيجو

يبقى اكيد في مقارنة