Tweet
السلام عليكم و رحمة االه و بركاتة
الأخوة الأعزاء أعضاء و أصحاب أجمل منتدى .. أحب أعرفكم إنى إستلمت برسونا هاى لاين إمبارح من فرع الصحراوى.
قبل ما أبدأ فى التفاصيل أحب أوجه كل الشكر و التقدير الكبيييييييييييييييييييييييير إلى أستاذ أيمن على مساعدتة لى خصوصا الخصم إلى خدتة على العربية فربنا يجازية كل خير على مجهوده و تعاونة معانا.
بالنسبة لإستلام العربية الحمد لله الأمور كانت متيسرة إمبارح لن كنت مرتب مع أستاذ محسن قبلها بيوم كل حاجة و الراجل طلع قد كلمتة معايا و كان متعاون جدا فبشكرة كتير على مجهودة ده.. المهم أنا استلمت البسرسونا الساعة 3 بعد الظهر لأنى رحت متأخر التوكيل و بدأت اشيك على العربية على الحاجات الأساسية و الحمد لله كله كان تمام بعد كده إتصلت بالأستاذ أسامة على الموبايل و الراجل كان فى منتهى الزوق و فضل معايا على الموبايل لحد ما شيكت على كل حاجة فبشكرة جدا على تعاونة.
بالنسبة لإنطباعاتى على البرسونا .. ماشاء الله لا قوة إلا بالله أنا من السويس و جيت بيها إمبارح من الصحراوى للمحور للدائرى بعد كده طريق السويس المسافة دى حوالى 180 كم على فكرة كانت أول مرة بالنسبة لى أسوق على هاى واى و كانت مجازفة بالنسبة لى بس ربنا سترها معايا بفضله ثم السواقة السهلة و السلسة للبرسونا الأوتوماتيك .. مع إن الرحلة دى كانت فى عز الحر و مكنتش مشغل التكيف طبعا بس مكنتش حاسس بأى حاجة لأن كنت مستمتع جدا بلبرسونا...
- طبعا العربية ثابتة جدا أى نعم أنا مزودتش عن 120 بس بصراحة فى فرق كبير بينها وبيت عربيات كتير ركبتا فى الثبات.
الفرامل ممتازة طبعا عشان ال abs&ebd-
-العربية ناعمة مش خشنة زى مكنت متصور يعنى حنينة فى المطبات.
-التسارع بتاعها ممتاز و ده طبعا عشان أوتوماتيك فالعربية بتجمع بسرعة.
هى دى كل الإنطباعات الأولية و إن شاء الله أبلغكم ببقية الإنطباعات بعد صيانة الألف.
و أخيرا بوجه شكرى لكل الأعضاء و خصوصا أعضاء برسونا لأنى إستفدت منهم كتير فربنا يقدرنى و أعرف أفيد المنتدى زى أنا ماستفدت منه.و برده بوجه شكرى تانى لأستاذ أيمن وبدعيلة إن ربنا يوفقة فا الإمتحانات.
ــــــــــــــــــــــــروك مبــــــــــــــــــــــــ
... واتفضــل بحجز عضويتك فى
Comment