ارجو المساعدة

[DOVA]

قالولي ان صندوق الحرق مشروخ ولازم يتغير و هو السبب في رفع صوت الماتور ولازم يتغير كيف عربية جديدة ليها اسبوعين يتغير فيها حاجات _________________
السنتر لوك مرة يشتغل ومرات لآ؟
الزجاج المفروض بينزل اوتماتيكي auto؟
المرايا في الصالون بتحب ترقص مع الموسيقا؟
الفاتيس فية عضة لما بتنقل من الاول للثاني و هكذا _______________________
صوت الماتور مجنيني ________
العربية عملا علي روحها أقصدي عملا 705 كم
اسالكم المساعدة

[Ashraf_Ashraf]

معلش هى نوعها ايه العربه اللى عامله 700 ويظهر كل ده امال بعد 2000 هتتكهن
ياريت توضح اكتر

[m.3abdel3al]

يا ريت التوضبح و تقول كل العيوب وان شاء الله نساعدك

[DOVA]

بيرسونا 2009 مانيول

[m.3abdel3al]

1.بالنسبة للسنتر مع صيانة الالف هيتظبط
2.دا بتاع السواق بس ولو مش بينزل في التوكيل سهل اوي يتظبط
3.هي البلوبانكت البيز بتاعها عالي شوية بس الازاز هو الي بيتهز مش المراية نفسها
4.دا عند الناس كلها و معرفش من اه والله
5.هتتعود عليه هو عالي شوية بس مش اوي
6.ان شاء الله مع الالف هتلاقي الحياه بات جميلة

و اتمنى ان كل العيوب الي عندك تتحل ان شاء الله

[tutankhamoun]

قالولي ان صندوق الحرق مشروخ ولازم يتغير و هو السبب في رفع صوت الماتور
ممكن نعرف مين اللي قالك أن صندوق الحرق مشروخ ؟؟؟

صوت مواتير الكامبرو عالي طبيعي في كل العربيات البروتون اللي فيها كامبرو .

ولازم يتغير كيف عربية جديدة ليها اسبوعين يتغير فيها حاجات _________________
السنتر لوك مرة يشتغل ومرات لآ؟ ..........
ده محتاج أعادة ظبط و مكتوب في الكتالوح كيفية اعادة ظبطه و لو معرفتش تعمله ..... التوكيل بيعمله في دقيقين .
الزجاج المفروض بينزل اوتماتيكي auto؟
المفروض أن زجاج السائق بينزل من ضغطة على زر السائق فقط .
بقية الزجاج بينزل حسب طول الوقت اللي أنت دايسه على الزرار .
المرايا في الصالون بتحب ترقص مع الموسيقا؟
يعني أيه بترقص ؟؟؟ يعني أهتزاز مع الهبد بتاع الموسيقا ,...... و لا مش ثابتة .....ياريت توضيح أكتر .
الفاتيس فية عضة لما بتنقل من الاول للثاني و هكذا _______________________
علشان تتأكد هل فيه مشكلة و لا لاءة تعمل الآتي :
أتأكد أن الدواسة البلاستيك تحت ضاغط الدبرياج ........ مش عاملة فرق في المسافة و بتحوش الدبرياج يوصل لنهايته
و أتأكد أنك بتدوس على الدبرياج للآخر .

صوت الماتور مجنيني ________
العربية عملا علي روحها أقصدي عملا 705 كم
اسالكم المساعدة

صوت الموتور أصلا عالي .............. كل مواتير الكامبرو صوتها مش هادي فوق 3000 لفة - دقيقة .
تحت 3000 لفة صوتها عادي .

[jisso82]

قالولي ان صندوق الحرق مشروخ ولازم يتغير و هو السبب في رفع صوت الماتور ولازم يتغير كيف عربية جديدة ليها اسبوعين يتغير فيها حاجات _________________
السنتر لوك مرة يشتغل ومرات لآ؟
الزجاج المفروض بينزل اوتماتيكي auto؟
المرايا في الصالون بتحب ترقص مع الموسيقا؟
الفاتيس فية عضة لما بتنقل من الاول للثاني و هكذا _______________________
صوت الماتور مجنيني ________
العربية عملا علي روحها أقصدي عملا 705 كم
اسالكم المساعدة

يا أستاذى الفاضل حضرتك بتحرق على الغيار و انت فى فترة التليين متوقع إيه ؟؟؟؟؟؟؟؟؟؟؟؟؟؟؟؟؟؟؟؟؟؟ظ
ثانيا السنتر هيتظبط إن شاء الله فى صيانة ال1000
يعنى إيه المفروض الزجاج بينزل أوتوماتيكى مش فاهم
موضوع المرايا ده زى ما قاللك محمد عشان البيز عالى

الفتيس برده عندى فى عضة من الأول للتانى هى تقيلة آه بس مش علطول و الكل قاللى لما أتعود على قصر مسافات الغيار و مع الوقت هتختفى و أنا فعلا بحس بتحسن

صوت الموتور زى ما قال الأستاذ توت عالى بعد ال3000 RPM + حضرتك بتقتله أصلا و هو بيلين و بتحمل عليه جامد

[as01241]

السلام عليكم :
ممكن حضرتك نعرف إستلمت العربية منين ؟ هل من التوكيل ولا من معرض ؟ ومين اللي قال لحضرتك إن صندوق الحرق مشروخ ؟
وبعدين حضرتك لو الحاجات اللي بتتكلم عليها دي قلقاك أوي, مع إني أعتقد إن ماعندكش مشكلة , حضرتك ممكن تكلم المهندس آمر مدير خدمة ما بعد البيع في التوكيل

تليفون مهندس امر
0122153965
ايميل مهندس امر ammer@ezz-elarab.com
هو راجل في قمة الإحترام والذوق وأكيد إن شاءالله هيساعدك

[ahmedsiyam]

هو فين الاخ صاحب الموضوع بعد كل الردود دى ؟؟؟؟

الناس بصراحة قالتلك كل حاجة ياريت تفبدنا بالرد و نطمئن عليك

[DOVA]

شكرا جدا علي اهتمامكم و اجابتكم علي كل اسئلتي و انا يشرفني ان انضم ليكم لان مازال فية رجالة بتخاف علي بعض مثلكم

[DOVA]

jisso82 ______ا
حضرتك بتقتله أصلا و هو بيلين و بتحمل عليه جامد أستاذى الفاضل حضرتك بتحرق على الغيار و انت فى فترة التليين متوقع إيه ؟؟؟؟؟؟؟؟؟؟؟؟؟؟؟؟؟؟؟؟؟؟ظ


يعني مفروض أعمل اية؟؟؟؟؟؟ أقصد في فترة التليين
شكرا علي اهتمامكم

[jisso82]

jisso82 ______ا
حضرتك بتقتله أصلا و هو بيلين و بتحمل عليه جامد أستاذى الفاضل حضرتك بتحرق على الغيار و انت فى فترة التليين متوقع إيه ؟؟؟؟؟؟؟؟؟؟؟؟؟؟؟؟؟؟؟؟؟؟ظ


يعني مفروض أعمل اية؟؟؟؟؟؟ أقصد في فترة التليين
شكرا علي اهتمامكم

بص يا سيدى المفروض أثناء التليين اللى هما أول 1000 كم ما تزودش السرعة عن 100 كم
و تخلى بالك ما تجيبش آخر الغيار يعنى عداد الrpm ما يزيدش عن 3.
و فى الطرق الطوالى حاول ما تثبتش على سرعة واحدة أو غيار واحد مدة طويلة.
و طبعا ما تشغلش التكييف خالص الفترة دى عشان ما تحملش على الموتور.
و إوعى فى الفترة دى تقطر عربية تانية مهما كانت خفيفة مقارنة بعربيتك

[DOVA]

شكرا علي اهتمامك
انا يوم الثلاثاء في التوكيل الصحراوي
و يا رب كل شئ يتم علي خير
.