أرجو المساعدة

[ahmad alshaaer]

در رقم مركز الخدمه ياجميل
المهندس مصطفى على فكره اللي شغالين هناك هم اللي في التوكيل
وماتقولش لحد


هههههههههه

والمهندس مصطفى ده كان مهندس اشتقبال في عز العرب بروتون واكيد المنتدى كله عارف الكلام ده وشافوه كمان

دي ارقامه
0108239801
0111102383

مركز الخدمه ده في اخر فيصل
بيفتح يوميا ماعدا الاحد من 1 بعد الظهر حتى ال 10 مساءا

انا عن نفسي شغل عربيتي كله بعمله هناك وكمان صيانة ال 60000 كم بأذن الله هعملها هناك

تحياتي

[Ayman_52]

اهلا بحضــرتـــك

حضرتك من كلامك اكتر حاجه مضايقاك انك شفت توبيك فيه حوالى 20 واحد بيطالبوا بقطعه غيار كانوا طالبينها ولسه ماتركبتش .... طب اوك

هل حضرتك عرفت كام واحد من الناس دى اتغيرله القطع واتركبت فعلا ...؟؟؟

هل تعرف كام واحد مش محتاج قطعه الغيار دى اصلا ... وقطعه الغيار اللى عنده زى الفل ... بس عاوز يغيرها كده وخلاص ؟؟؟؟

هل حضرتك تعرف ان بعض المشاكل بتكون ناتجه عن سوء استخدام ... ولما التوكيل يرفض تغييرها ضمان ...

يبدا الشخص فى تحميل المشكله على سوء معامله التوكيل او ان العربيه سيئة الصنع ؟؟؟

-------

اللى انا شايفه من التوكيل سواء كان معايا او مع ناس كتيره من ملاك بروتون (الاغلب) .... ان التوكيل ليس بالصوره اللى ناس كتيره واخده عنه (انو زباله)

------

يعنى على سبيل المثال ...

واحد صاحبى دخل التوكيل وكان بيشتكى بان فى ماكينه الازاز اللى فى الكنبه يمين بتطلع صوت زنه وهى طالعه

قام المهندس فكها ونظفها ... وعند الاستلام لقينا مكتوب فى الابليكشن ان الماكينه هتتغير ضمان ... طبعا كنا طالعين واحنا بنجرب ... وقولنا الماكينه وقفت خالص

النتيجـــه ....

الصوت اختفى تماما .... اتارى كان فى شويه تراب عالماكينه فقط

وكمان بقى ليه ماكينه جديده يقدر يغيرها وقت مايحب عالضمان

------

المثال اللى حضرتك استشهدت بيه ... ا/شريف ... اللى غير موتور عربيته

ا/شريف جين2 مو 2008 عامل 60000 خلال سنه

بدات المشكله فى ان الموتور بيهرب زيت ... تم الكشف عليها اكتر من مره من خلال المهندسيين المصريين والماليزيين ... وماكانوش عارفين سبب المشكله ... وفى الاخر اتغيرلوا الموتور خلال 3 اسابيع

هما قرفوه شويا فى الاول ... ومارضوش يتغير غير لما جربوا كذا حاجه ... بس اظن ان حاجه زى الموتور مش كل حد هيقول عاوز يغيره التوكيل هيغيره فى يومين

-----

انا بقى لو عاوز اقارن بين التوكيلات ... اروح اشوف مشكله زى مشكله ا/شريف لما حصلت فى عز العرب ايه اللى حصل ؟؟؟

ولو حصلت بنفس الظروف وفى نفس الاحوال .. فى توكيل تانى ايه اللى هيحصل؟؟؟

-----

معلش انا طولت فى الكلام .... بس حبيت زى ما سلبيات التوكيل واضحه ... حبيت اوضح ازاى التوكيل بيحل المشاكل دى..

لان اى انسان لما بتحصله مشكله غصب عنه بيكون متعصب ومتحامل على الطرف الاخر ....

ولما المشكله بتتحل .... مش بيوضح كفايه انها اتحلت .. او ازاى اتحلت ... زى طريقه توضيحه فى سرد المشكله فى الاول.

-----

ملحوظه : انا والله مش بدافع ابد عن التوكيل ... وانا من الناس اللى مش راضى ابدا ابدا عن مستوى التوكيل

بس حبيت اوضح لان الصوره اللى واصله للناس .... ان -عز العرب- فى مستوى ورشه صغيره فى الحرفيين.... بس لما بيشفوه على ارض الواقع الكلام دا بيختلف تماما ..

-----
تحيـــــــــــــــــــــــــاتــــــــــــى

[mboma]

الف شكر يا جماعة على المساعدة و الردود الجامدة دي ، ربنا يسهل isa ، أنا كمان كنت عاوز نصيحة، أجيب ٢٠٠٩ ولا استنى 2010, و اه الفرء بنهم؟؟؟

[mimo3000]

بص انا كنت محتار زيك كده بس بعد مقعدت اسال وادور على النت وكده عرفت ان قطع الغيار بره التوكيل موجوده كتير وعند ناس كتيره بس انا من رايي هو حجات وحجات اللى تجيبها من بره
يعنى مثلا لاقدر الله فانوس او مرايا او كبوت او باب او حاجه كده اعملها بره هتبقى ارخص كتير انما لو حاجه فالعربيه من جوه فالموتور اى العفشه او حاجه هتفك وتركب وتحتاج حد فاهم خليها فالتوكيل

انا انشاء الله هتوكل على الله واجيبها وعلى فكره الجديد كله قطع غياره غاليه

ربنا يسهلك باللى فيه الخير ليك ويارب نباركلك قريب على عربيه تكون مناسبه ليك