ابيع الجين 2 واقول انها زباله ولا لاءه

[gold_777]

السلام عليكم ورحمة الله وبركاته

انا امتلك حين منذ فتره 2007 وحاساس ان السياره بدت تخرف هى الصناعه الماليزيه مش وحشه بس المشاكل اللى ظهرت فى السيارات كترت والناس دلوقتى كلها ملاك الجين 2 بيبيعو العربيات علشان
1- قطع غيلر غاليه
2- صيانة توكيل زباله
3- استهلاك بنزين عالى جدا
4- عيوب ظهرت فى الصناعه كتير مثل عربية شريف اللى بتاكل زيت
5- خساره جامده فى اعادة البيع

اظاهر كده ا العربيه دى مستقبلها كده فى الدمار بالرغم من انتشارها السريع لكتها دلوقتى بقت فى الارض وانزلوا اى سوق سيارات واسسالوا

فالذالك الواحد بيفكر يبيع بدل ما يورط نفسه اكثر من كده

[ferrari1500]

والله يا باشا انا كنت بفكر ف الواجا بس انا كده قلقت!!!!!!!!!!

[momenhamdy]

السلام عليكم ورحمة الله وبركاته

انا امتلك حين منذ فتره 2007 وحاساس ان السياره بدت تخرف هى الصناعه الماليزيه مش وحشه بس المشاكل اللى ظهرت فى السيارات كترت والناس دلوقتى كلها ملاك الجين 2 بيبيعو العربيات علشان
1- قطع غيلر غاليه
2- صيانة توكيل زباله
3- استهلاك بنزين عالى جدا
4- عيوب ظهرت فى الصناعه كتير مثل عربية شريف اللى بتاكل زيت
5- خساره جامده فى اعادة البيع

اظاهر كده ا العربيه دى مستقبلها كده فى الدمار بالرغم من انتشارها السريع لكتها دلوقتى بقت فى الارض وانزلوا اى سوق سيارات واسسالوا

فالذالك الواحد بيفكر يبيع بدل ما يورط نفسه اكثر من كده

اولاً تحياتي لحضرتك

طبعاً انا شايف ان في تحامل علي العربيه ( طبعاً انا بتكلم من وجه نظري .... زي ما حضرتك بتشرح وجه نظرك )

وطبعاً انا حرد علي حضرتك في نقطه نقطه من الي حضرتك ذكرتهم

1- قطع غيلر غاليه (حضرتك دلوقتي في محلات مليانه قطع غيار بروتون في شارع دمشق و الجيزه غير المحلات الي شغاله في استعمال الخارج في الحرفين ... و طبعاً طبيعي يكون التوكيل غالي و مبالغ في ثمن القطع )

2- صيانة توكيل زباله ( المشكله دي مش مشكله فنين او مهندسين التوكيل يملك كوادر محترمه جداً لحل المشاكل و لكن المشكله تتلخص ان الامكانيات قليله بالنسبه لعدد الشغل وطبعاً دي ممكن تقلل من الجوده الصيانه و لكن انا شايف انهم عادين مش متميزين برغم وجود كوادر ممتازه ولي اكثر من تجربه تؤيد ذلك الكلام ولكن نحن لا نلتفت الي الشئ الكويس .... )

3- استهلاك بنزين عالى جدا ( اسمحلي اختلف معاك بشده العربيه استهلكها زي اي عربيه 1600 يعني متجيش مثلاً تشد بيها علي 5 او 6 ار بي ام و تقول العربيه بتاكل بنزين و لا شغال كيك داون و تقول البنزين انا شايف انها معدلها طبيعي جداً )

4- عيوب ظهرت فى الصناعه كتير مثل عربية شريف اللى بتاكل زيت (عيوب صناعه وارد حضرتك جداً ظهورها في اي عربيه و الحمد لله معانا في المنتدي ناس كسرا بالعربيه ال 60 الف كم و بسم الله ما شاء الله ربنا يبارك لهم زي الفل العربيه .... ارجو عدم التعميم )

5- خساره جامده فى اعادة البيع ( برده مع كامل احترامي ليك العربيه دي مثلاً ثمنها 90 الف جنيه مصري من يوم ما نزلت حضرتك عايز العربيه لما تكون 2007 او 2008 تتباع بكام و سعر الجديد ثابت ؟؟؟؟؟؟ )


علي فكره انا لا ادافع عن العربيه بشكل مستميت و لكن بحاول بقدر الامكان قول الحق و عدم تعميم الشئ و لكن انا اعرف و الكل يعرف ان هذه السياره تحتاج مجهود كبيييييييييييير من القائمين علي التوكيل للرقي بالماركه و لا اشكك ان التوكيل بينقصه اشياء مهمه لتكوين صوره افضل و لكن لن انسي ان مهندسي التوكيل يوجد علي هاكلهم حمل كبيييييييييييييير لايمكن الاستهتار بيه و لكن حمل كبير + امكانيات ضعيفه = نتيجه غير مرغوب فيها للعميل

وهي دي مشكله عز العرب

تحياتي

[ahmedfathy77]

السلام عليكم ورحمة الله وبركاته

حضرتك انا مش فاهم بالظبط العنوان معناه ايه (تبيعها وتقول انها زباله ولا لا!!!!!!!؟؟؟؟؟؟ ) هو اى حد بيبيع عربيته لازم يقول انها زباله ؟طب ولو لازم كده حضرتك بتاخد راينا ليه حضرتك ممكن تقول انها زباله او جيلاتى حتى حضرتك حر مش محتاج مشورة حد تانى وفيه حاجه تانيه كلامك كله عام يعنى محدش عرف ايه بالظبط المشاكل اللى فى عربيتك ياريت نعرف ايه المشاكل اللى فيها او التخريف اللى فيها واتحل ولا لا عشان نعرف التجربه بتاعتك ونستفيد ولو حد يقدر يساعدك يقوم بالواجب خاصة ان معانا ناس هنا العربيه معاهم من ساعة ما نزلت مصر وما شاء الله لا شفناهم عاوزين يبيعوا او بيشتموا فى العربيه بل بالعكس بيشكروا فيها ومش ناويين يغيروا الا لبروتون برضه

اما بالنسبه للنقط اللى حضرتك بتاخدها على الجين اظن المهندس مؤمن رد عليها بشكل وافى وبحياديه فياريت حضرتك تكلمنا عن تجربتك بشكل خاص عشان تبقى الاستفاده اكبر وشكرا

سلامى للجميع

[ahmad--ezzat]

العربيه قطع غيارها غاليه ازاى....دى منتشرة جدا

[mangere90]

السلام عليكم ورحمة الله وبركاته

بالنسبه حضرتك لقطع الغيار انا مش شايف اناها غاليه خالص بالنسبه للسيارات الجديده يعني مثلا العربيه من اول مانزلت
ثمن الكشاف الأمامي 600 جنيه مصري لاغير بالرغم من الألنترا الشكل القديم اول منزلت الكشاف الأمامي كان 900 جنيه
طبعا احنا بنتكلم عن الأسعار بره التوكيل عندك التيل من اول مانزلت السياره كان بحوالي 400 تقريبا في التوكيل بالرغم من
الانسر 2007 كان ب 550 الأمامي فقط تمن التيل دلوقتي في الجين بره 200 جنيه والانسر زي ماهوا
وانا بصراحه مشيت مع الانسر الجديد والقديم بالعربيه الجين وكلتهم في المشي كان الكلام ده علي الدائري

[M.almaghraby]

بيعها يا باشا من غير ما تاخد راينا !!!!!!!!!!!؟؟؟؟؟؟؟!!!!!!!!

[tutankhamoun]

أتفاق تام مع مداخلة المهندس مؤمن و الأستاذ أحمد فتحي .
حضرتك لم تحدد أيه مشكلتك بالظبط ؟؟

هو كل لما واحد تظهر عنده مشكلة نخاف و نكش كدا ......... أحنا منعرفش ظروف سواقة كل واحد أيه ؟؟؟؟؟

[mahmoud_magdy]

عاوز تبيع (بيع يا عواد)
لكن متقولش عليها زباله ( عشان العربيه دي بالذات مش زباله )
اقرأ عنها كويس اوي وحل مشاكلها بتروي ودلعها هتدلعك
( زي اي عربيه لما يمر عليها زمن وتستهلك كتير هتلاقي فيها مشاكل وهتلاقيها بتنحصر في قطع الغيار او مشاكل التقفيل في الموديلات القديمه وليها حلول كتير ( اسأل واعرف واتعلم ) )
ومش هتبيع ولا هتقول زباله
شكرا

[Ayman_52]

وعليكم السلام ورحمة الله وبركاته

اولا ... فين الناس اللى بتبيع عربياتها دووول ؟؟؟؟؟؟؟؟؟؟؟!!!!!!!

انا دايخ بقالى شهر عاوز 2 جين مستعمل ومش لاقى

--------
1- قطع غيلر غاليه

اولا - قطع الغيار متوفره برا التوكيل كتير .... ورخيصه جدا .... والتوكيل مش بيمنع حد انو يركب برا ... وكمان ممكن تجيب القطعه من برا وتركبها فى التوكيل ..

ثانيا - حضرتك بتقول غاليه على اساس انك بتقارنها بقطع غيار الـ 128 والزاستافا مثلا ؟؟؟؟

-----

2- صيانة توكيل زباله

زى ما ا/مؤمن اتفضل وقال ...

-----

3- استهلاك بنزين عالى جدا

ياريت تقولنا معدل الاستهلاك عندك كام عشان نقدر نحكم ان فى مشكله ولا لا ؟؟؟؟

-----

4- عيوب ظهرت فى الصناعه كتير مثل عربية شريف اللى بتاكل زيت

عربيه ا/شريف ... حاله خاصه ... وهل حضرتك تعرف تفاصيل قصه ا/شريف عشان تاخدها كمثال ؟؟؟؟؟

الراجل ذات نفسه عارف ان مشكلته نادره ... ولا يمكن ان حد ياخدها مقياس لتحديد مستوى العربيه

-----

5- خساره جامده فى اعادة البيع

اولا تمن السياره 90000 .... واسعار مو 2006 , 2007 بتترواح مابين الــ 65 والـ 75

يعنى 20000 فى 3 او 4 سنين استهلاك ... مش الخساره الجامده

وياريت باردوا تلقى نظره على اسعار اعاده البيع للسيارات الفرنساوى فى مصر(على سبيل المثال)

وعمر ماكان سعر اعاده البيع عامل اساسى بيحدد قوة ومستوى كفاءه العربيه (وخصوصا فى مصر)

---------

لو حبيت تبيع العربيه ياريت تقولنا على بيانتها وان شاء الله عندى اللى يشتريها

وربنا يباركلك فى بيعها

تحيـــــــــــــــــــــــــــاتــــــــــــى

[khpopo]

انا متهيالى ان ده كلام فى الهواء حد بيقول اى حاجه ... مع احترامى اتفق مع الاخوه فى كل الكلام الى قالوه وليه اول مره يشارك معانا ؟؟؟؟!!!!!! مع ان عنده مشاكل وممكن نساعده او يحكى المشاكل ونشوف ونعرف التوكيل عمل معاه ايه مش كلام عن مالكى العربيه اخرين وعن تجاربهم ... مافيش فايده العربيه لازم تتحارب عشان طبعا مبيعاتها من غير دعايه نهائيا زى باقى العربيات المعروفه ومازال لها اعلانات ودعايه ودعم
ربنا يهدى

[A. Ibrahim]

الموضوع يستحق التصعيد

[total_n76]

العربية دى كانت معايا من 2007 الى 2009 ولما بعتها و اشتريت نيسان تيدا والله انا مع احترامى الكامل للنيسان لكن انا ندمان اشد الندم على البيع لانها وانا مازلت مصر عربية مميزة بس عايزة عناية منك يعنى تهتم هى هتديك زى ما تحب ولا اتذكر اى موقف حصل معايا طول الفترة دى يكون بايخ او دقة نقص زى ما بيقولوا
وانا فعلا ارفض كلمة عربية زبالة دى

[aeltokhy]

العربية دى كانت معايا من 2007 الى 2009 ولما بعتها و اشتريت نيسان تيدا والله انا مع احترامى الكامل للنيسان لكن انا ندمان اشد الندم على البيع لانها وانا مازلت مصر عربية مميزة بس عايزة عناية منك يعنى تهتم هى هتديك زى ما تحب ولا اتذكر اى موقف حصل معايا طول الفترة دى يكون بايخ او دقة نقص زى ما بيقولوا
وانا فعلا ارفض كلمة عربية زبالة دى

والله إنت راجل محترم وحيادى

[john_samy]

انا بحب جدا العربية دة لكن خايف انى اجيبها عشان توكيلها لكن هى فعلا عربية ممتازة فى امكانيتها وشكلها التحفة