لوجو مميز لبروتون من تصميمى

[superkora]

أنا بحب جين تو ولكن سوف أشتريها فيما بعد لما العربية تتشهر أكتر والعيوب البسيطة اللى فيها تتحذف مع الموديلات الجديدة بإذن الله .


وقد قمت بتصميم لوجو يارب يعجبكم لأن بصراحة أنتم اللى حببتونى فى العربية بالكلام الجميل عنها :

اللوجو غير ملون

اللوجو ملون

ياترى الملون اللى أحسن ولا الغير ملون ولا الإثنين وحشين .

[jisso82]

الغير ملون أحسن و تسلم إيدك يا باشا شغل جميل جدا

[superkora]

شكرآ يا jisso82

[yossef]

مشكور جدا والغير ملون احسن مجهود رائع

[superkora]

شكرآ يا يوسف وديمآ بروتون فى تميز بكم إنشاء الله .

[khpopo]

مشكور جدا والغير ملون احسن مجهود رائع

+1000000000000000000000000000000000
ربنا بونلهالك قريبا ...مشكوووور
ربنا يوفق

[superkora]

إنشاء الله هغير إلى بروتون قريبآ يا khpopo

[samoevil911]

الغير ملون .. بس هو انت عملتوا ازاي:[:[

[superkora]

والله دى حاجة بسيطة جدآ والتصميم سهل وبسيط وبصراحة بروتون أنا معجب بيها جدآ ولو ربنا وفقنى وإشتريتها ممن أعمل 50 تصميم لها لأنها أصل الجمال .

[ahmad--ezzat]

قلدو بقا بتوع دايوووو.........مماشى ماشى

هههههههه (حلو اللوجو جدا على فكرة)

[Ayman_52]

الفكره جميله جدا جدا

وحته الــ P اللى فى النص دى روعه جدا جدا

وفكره ان اللوجو يكون مدور .. عاجبنى كمان

----

بس هو ليه حضرتك حاطط 2 لوجو لبروتون (يمين وشمال حرف الــ P) ؟؟؟

ايه رايك لو بدل الاتنين حطيت مثلا صوره النمر ... او تحط حاجه تعبر على انها عربيه

لان بينى وبينك فى ناس كتيره ماتعرفش بروتون دى ايه ...؟؟؟

وممكن لو شافت اللوجو تفتكره حاجه ليه علاقه بالكره ؟؟

وياريت تبدع اكتر وتحطلنا ابداعك هنا

وبجد الف شكر على تعبك الجميل دا ... وانت انوى بس على بروتون وهنضبطلك كل حاجه

تحيـــــــــــــــــاتـــــــــــى

[superkora]

والله أنا متابع مشاركاتك فى المنتدى يا أيمن وبجد إنتا أكتر واحد بيتعب هنا وبتجمع كل جزئية صغيرة أو كبيرة فى مشاركاتك . وعلى رأى المثل : لا يصح إلا الصحيح . أنتا كلامك دآئمآ صحيح وإختيارك لبروتون آيضآ صحيح . أنا لو من التوكيل أقل حاجة تقدر تأخذها هدية تطلع تصور إعلان عن جين تو فى التلفزيون .

[superkora]

أنا عايز أعرف مقارنة شبه كاملة منك يا أيمن عن الماتريكس 2008 وجين تو 2009 لأن أنا وأخويا معانا ماتريكس وعمرها ما زعلتنى فى حاجة ودائمآ بعمل صيانة خارج التوكيل وقطع الغيار خارج التوكيل بإنتشار كبير جدآ رغم كل ده أنا عايز أشترى بروتون جين تو بس أخويا مش متفق معايا فياريت تساعدنى فى مقارنة كاملة بين العربيتين عشان أقدر أقنع أخويا بى جين تو .
يعنى مثلآ عايز أعرف :
1- قوة الموتور طبعآ الإثنين 1600 عايز أعرف إيه الإختلاف .
2- سحب البنزين طبعآ الماتريكس 90 وبروح أى محطة بنزين لكن للآسف جين تو 92 ومش متوفر محطات عندنا بالذات وهل لو حطيت 90 الموتور فى جين تو يحصل له حاجة .
3- الصالون طبعآ الماتريكس أعلى من السقف لكن المساحة فى جين 2 تأخذ كم فرد من الكنبه الخلفية بالذات . وأنا عندى بيركب أربع أفراد وأوزان ثقيلة كمان وطوال القامة ومرتحين وزى الفل . وبرده خامات التبلوه فى الماتريكس قوية لكن جين تو شكله حلو لكن خامات ضعيفة .
أرجو توضيح كلامى إذا كان صح أو خطأ و اللى أنا كتبته أهم النقاط اللى بسببها مش قادر أبعد عن الماتريكس ولو سمحت لو فى نقاط تميز أكتر لجين تو قولها بقلب جرئ لأنى هستنى شوية وهشتريها حتى لو الصيانة كلها فى التوكيل وتكلفة قطع الغيار والكلام دا كله . لكن أنا بحس إن العربية فى طريق الإنتشار والنجاح . وإستحمل كل واحد عايز يستفسر يا أيمن وآسف على الإطالة .

[superkora]

أنا عملت زى ما إنتا قولت فى اللوجو وشكله فعلآ جامد . لو عايز تنقل اللوجو فى أى موضوع أنقله لأن أنتا صاحب الشقة والعفش وأنا مجرد نجار . هههههههه .

[mimo3000]

تسلم ايدك ياباشا الله ينور عليك شغل جامد جداااااااااا

بس بص انا معلش كان عندى فكره لو تحب تنفذها وتجربها (بس ده طبعا ميقللش من شأن اللوجو بتاع حضرتك هو فعلا جميل جدا وحضرتك فعلا مبدع)
دى مجرد فكره بس

انا رايي شيل النمر اللى انتا حطينه فاليمين ده وحط النمر اللى جوه علامة بروتون نفسها اللى هو فدوريه ده
والمستطيل اللى فنص الدوريه الكبيره ده اللى جواه اللوجو بتاع بروتون وحرف ال p اعمله على شكل عربيه او عربيتيين نقطه التقاطع بتاعهم عند حرف P مش عربيتيين كامليين قصدى التص الاول من العربيه متقابل مع نفس النص برضو بس للناحيه التانيه
يعنى رسمت عربيه بس بوشيين من الناحيتيين

ده كان مجرد اقتراح وارجو ان حضرتك متزعلش من تدخلى فشغلك

واسف على الاطاله