Tweet
السلام عليكم آل بروتون
الحمدلله تمت صيانة ال 1000 كيلو في برسوناتي الجميلة وطبعا الكلام ده حصل من كام يوم بس الحقيقة أنا ليا كام يوم بحاول أدخل على المنتدى ومش عارف كان في إيه
المهم قبل ما أروح التوكيل حجزت على النت موقع عز العرب وبعد ما مليت البيانات كلها طلعتلي رسالة إن هيوصلني ميل بميعاد الصيانة وفضلت مستني بسذاجتي , مستني , مستني , مستني ,,,,,, ولا الهوا وكانت العربية معدية ال1000 كيلو بشوية وف الآخر روحت متصل بالتوكيل وطبعا زي ما توقعت اللي ردت عليا ولا كأنها تعرف إن في موقع لعز العرب تقريبا
ماعلينا إتصلت يوم حد وحجزت يوم الخميس آخر الأسبوع قلت مش مشكلة , روحت التوكيل والعربية عاملة 1500 كيلو , وطبعا من البداية ماكنتش متفائل أوي لإني قلت لنفسي إن الحجز كان عامل كده أمال الصيانة إيه؟؟ ولكن........
دخلت التوكيل وكنت تاني عربية ولقيت نظام ماشاء الله عجبني جدا من أول أفراد الأمن اللي بيتشكوا العربية كلها ومحتوايتها ويسجلوها وبعد كده جت مهندسة إسمها إيمان وفحصت العربية وسألتني عن أي ملحوظات ليا وقلت أقولها على ملحوظتين كانوا حصلوا مرة أو مرتين , منها موضوع عضة الفتيس اللي حصلت شوية في الأول وبعد كده لما إتعودت على الفتيس قلت كتير بس قلت أقولها عشان تسجل عندهم , وكمان زراير الملتي اللي في الدريكسيون اللي في الشمال كانوا بيتبدلوا بردوا أحيانا فا قلتلها على ديه كمان .... المهم إديتني ميعاد الساعة 3 ونص ومشيت وأنا بقول لنفسي إن العربية كده تخلص على خمسة
.......ولكن.......
فوجئت بإتصال من المهندسة إيمان حوالي الساعة 2 وبتقولي إن العربية خلصت, ما صدقتش المهم روحت وأخدت تقرير الصيانة اللي إتعملت لقيتهم عملوا كل حاجة حتى بدال الفرامل ما كانش مظبوط أوي ونسيت أقولهم فهما إكتشفوه وعملوه من نفسهم وشحموا الفتيس والعضة إخ ت ف ت , ونضفوا زراير الملتي وإظبطت تمام .... معلش أنا طولت في الجزء ده بس فعلا يا جماعة حبيت أوضح إن التوكيل ده كويس جدا ومهتم بالعملا والناس اللي هناك سواء فنيين أو مهندسين على مستوى عالى من الأخلاق والتعامل وكمان فنيا
في الصيانة دي دفعت حوالي 170 جنيه
أما بقى تقييمي للعربية
أولا ميزة مضايقاني :-
العربية جراية جراية بشكل بشع يعني طول نا أنا سايق وكأني شادد لجام حصان جامح , هي عاوزة تجري وأنا ملجمها - لإني مش بحب الجري بالعربية - وطبعا بتشمت فيا في بعض المواقف لإن ببساطة إنت في مصر مش بتعرف تمشي براحتك لا في الشمال ولا اليمين ولا في النص
وفي موقف زي ده بسمع على طول صوتها وكأنها بتقولي ها!! شفت هتزنق مش هتعرف تعدي , سيبني وأنا أعديك , بس سيبني , وطبعا بضطر أسيبها 
مميزات أخرى :-
طبعا الثبات الأكثر من رائع على السرعات العالية , قوة الموتور , والعفشة , أنا بصراحة عاجباني العفشة أوي, الكاسيت ممتاز , الصالون واسع , التحكم في العربية رائع رائع , الباور جيد جدا
العيوب :-
بالنسبة لي عشان انا طويل لما ببقى قاعد وانا معلي الدريكسيون على أخره وموطي الكرسى بردو على أخره ومع ذلك مش بشوف الجزء العلوي من العدادات, التارة بتاعة الدريكسيون بتبقى مغطيه عليه
غير كده العربية ماشاء الله رائعة في كل حاجة
وشكرا, عذرا للإطالة
الحمدلله تمت صيانة ال 1000 كيلو في برسوناتي الجميلة وطبعا الكلام ده حصل من كام يوم بس الحقيقة أنا ليا كام يوم بحاول أدخل على المنتدى ومش عارف كان في إيه
المهم قبل ما أروح التوكيل حجزت على النت موقع عز العرب وبعد ما مليت البيانات كلها طلعتلي رسالة إن هيوصلني ميل بميعاد الصيانة وفضلت مستني بسذاجتي , مستني , مستني , مستني ,,,,,, ولا الهوا وكانت العربية معدية ال1000 كيلو بشوية وف الآخر روحت متصل بالتوكيل وطبعا زي ما توقعت اللي ردت عليا ولا كأنها تعرف إن في موقع لعز العرب تقريبا
ماعلينا إتصلت يوم حد وحجزت يوم الخميس آخر الأسبوع قلت مش مشكلة , روحت التوكيل والعربية عاملة 1500 كيلو , وطبعا من البداية ماكنتش متفائل أوي لإني قلت لنفسي إن الحجز كان عامل كده أمال الصيانة إيه؟؟ ولكن........دخلت التوكيل وكنت تاني عربية ولقيت نظام ماشاء الله عجبني جدا من أول أفراد الأمن اللي بيتشكوا العربية كلها ومحتوايتها ويسجلوها وبعد كده جت مهندسة إسمها إيمان وفحصت العربية وسألتني عن أي ملحوظات ليا وقلت أقولها على ملحوظتين كانوا حصلوا مرة أو مرتين , منها موضوع عضة الفتيس اللي حصلت شوية في الأول وبعد كده لما إتعودت على الفتيس قلت كتير بس قلت أقولها عشان تسجل عندهم , وكمان زراير الملتي اللي في الدريكسيون اللي في الشمال كانوا بيتبدلوا بردوا أحيانا فا قلتلها على ديه كمان .... المهم إديتني ميعاد الساعة 3 ونص ومشيت وأنا بقول لنفسي إن العربية كده تخلص على خمسة
.......ولكن....... فوجئت بإتصال من المهندسة إيمان حوالي الساعة 2 وبتقولي إن العربية خلصت, ما صدقتش المهم روحت وأخدت تقرير الصيانة اللي إتعملت لقيتهم عملوا كل حاجة حتى بدال الفرامل ما كانش مظبوط أوي ونسيت أقولهم فهما إكتشفوه وعملوه من نفسهم وشحموا الفتيس والعضة إخ ت ف ت , ونضفوا زراير الملتي وإظبطت تمام .... معلش أنا طولت في الجزء ده بس فعلا يا جماعة حبيت أوضح إن التوكيل ده كويس جدا ومهتم بالعملا والناس اللي هناك سواء فنيين أو مهندسين على مستوى عالى من الأخلاق والتعامل وكمان فنيا
في الصيانة دي دفعت حوالي 170 جنيه
أما بقى تقييمي للعربية
أولا ميزة مضايقاني :-
العربية جراية جراية بشكل بشع يعني طول نا أنا سايق وكأني شادد لجام حصان جامح , هي عاوزة تجري وأنا ملجمها - لإني مش بحب الجري بالعربية - وطبعا بتشمت فيا في بعض المواقف لإن ببساطة إنت في مصر مش بتعرف تمشي براحتك لا في الشمال ولا اليمين ولا في النص
وفي موقف زي ده بسمع على طول صوتها وكأنها بتقولي ها!! شفت هتزنق مش هتعرف تعدي , سيبني وأنا أعديك , بس سيبني , وطبعا بضطر أسيبها مميزات أخرى :-
طبعا الثبات الأكثر من رائع على السرعات العالية , قوة الموتور , والعفشة , أنا بصراحة عاجباني العفشة أوي, الكاسيت ممتاز , الصالون واسع , التحكم في العربية رائع رائع , الباور جيد جدا
العيوب :-
بالنسبة لي عشان انا طويل لما ببقى قاعد وانا معلي الدريكسيون على أخره وموطي الكرسى بردو على أخره ومع ذلك مش بشوف الجزء العلوي من العدادات, التارة بتاعة الدريكسيون بتبقى مغطيه عليه
غير كده العربية ماشاء الله رائعة في كل حاجة
وشكرا, عذرا للإطالة
Comment