كاويتش الابواب

[ahmedalihomos]

كاوتشة الباب الخلفي اتخلعت ومش عاوز اصلحها في التوكيل عشان صلحت بتاعة الباب الامامي ودفعت 115 جند في حدة جلدة (الله يهده التوكيل) فهل انا ممكن اعملها ولا عايزة ميكانيكي

[m_marmoush]

ولا ميكانيكى ولا حاجه, دى جلده بتركب كبس و ممكن تركبها بإيدك عادى

بس أنت سايسها عشان تخش فى المجرى بتاعها

[yossef]

دية حاجة بسيطة جدا

[callsherif]

كاوتشة الباب الخلفي اتخلعت ومش عاوز اصلحها في التوكيل عشان صلحت بتاعة الباب الامامي ودفعت 115 جند في حدة جلدة (الله يهده التوكيل) فهل انا ممكن اعملها ولا عايزة ميكانيكي

باشا طلعت عندى من الى بيركب ورا بيحك فيها فا ساعات بتطلع .. وانا ركبتها مكانها وطلعت تانى وبعدين دوست عليها بأيدى كده وهي برة علشان اديق الفتحة الى فى الكاوتش الى بتركب فى شفة الباب وظبطها وركبت تمام وماطلعتش تانى ..

[toreador]

انا نفس مشكلتك يا باشا بس علشان عربيبتى حمالة قسية وبيركب فيها كتير فانا كاوتشات الابواب كلها طالعة ومرتين اروح التوكيل ويعملوها وبعد يومين بالكتير تطلع تانى بس مغيروهاش ثبتوها بس وماخدوش ولا شلن فى المرتين بس طلع بعدها على طول وحتى الان مش عارف حلها اية وانا لما بسافر بسمع صوت هوا بيدخل من البيبان الخلفية وبقلق قوى من الموضوع دة وحاسس ان الجلد دة هو السبب

[A.Saad]

الكاوتش بيتباع فى التوفيقية بالمتر
وفيه للقزاز وللشنطة وللابواب

[أبومعاذ]

حضرتك ممكن تعملها بنفسك او تروح لواحد بتاع ظبط ابواب يعملهالك

[m.3abdel3al]

بص ن الاخر علشان هتسمع كلام كتير انا الحوار دا حصل عندي بص انت تروح لبتاع بيبان و معاك علبة كله و هو هيلزهالك انا عملتها كده و متفكتش تاني خالص

[MuhammedSoliman]

هوه ده يا محمد اللى انا عملته الكله ومن ساعتها ولا الهوا زى الفل وانصح بكده عشان فعلا مالوش حل غير كده

تحياتى

[m.3abdel3al]

اكيد يا دكتور محمد