رفع الزجاج اتوماتيك

[ahmedalihomos]

طبعا كلنا بيعاني من انه بعد تبطيل العربية بينسي يرفع الزجاج هل في حل لرفع الزجاج من الريموت

[MuhammedSoliman]

هو انت كمان ؟؟؟؟ على العموم مافيش غير وحدة الرفع يا استاذي العزيز وبيقولوا انها بتحرق المفتاح الرباعي ولا اعلم مدي صحة هذه المعلومة
تحياتى

[cobco]

انا اخويا مركبها فى عربيته وعادى خالص والعربيه فيرنا بس دلوقتى مش شغاله بس تلقائى شغالين عادى زى عندنا

[as01241]

طبعا كلنا بيعاني من انه بعد تبطيل العربية بينسي يرفع الزجاج هل في حل لرفع الزجاج من الريموت

حضرتك حطيت إيدك على الجرح لإني دايما بنسى أرفع الإزاز وأبطل العربية وبعدين أفتكر وياريت لو يكون في حل

[callsherif]

طبعا كلنا بيعاني من انه بعد تبطيل العربية بينسي يرفع الزجاج هل في حل لرفع الزجاج من الريموت

هو الحل فى وحدة الرفع
بس للأسف ممكن تحرق كنترول العربية كلو لأن الكنترول بعد مابنشيل المفتاح من الكونتاكت خلاص المفروض ان مافيش كهربه وصله فلما بنركب وحده الرفع لازم تاخد كهربة هتخدها منين من ضفيرة العربية وبكده الكنترول بيحس بكهربه بعد قفل الكونتاكت وسحب المفتاح مش عارف جايلو منين وليه فابيتحرق ساعات .. دا الى فهمتو .. انما لو نضمن كهربائى ممتاز يعدل فى النظام ده او نسألو ينفع ولا لأ يا ريت انا من هواة نسيان الزجاج مفتوح

[M.Abdelshafi]

مركز الخدمه اللى فى المنصوره بيركب وحدة الرفع عادى بس المشكله انه لازم يركب معاها جهاز انذار و يلغى ريموت العربيه و تشتغل بالريموت بتاع جهاز الانذار
المهندس هناك كان قالى انهم احتمال يجيبو نوع تانى بيشتغل على ريموت العربيه عادى لما اروح هناك هبقى اسئلهم

[callsherif]

مركز الخدمه اللى فى المنصوره بيركب وحدة الرفع عادى بس المشكله انه لازم يركب معاها جهاز انذار و يلغى ريموت العربيه و تشتغل بالريموت بتاع جهاز الانذار
المهندس هناك كان قالى انهم احتمال يجيبو نوع تانى بيشتغل على ريموت العربيه عادى لما اروح هناك هبقى اسئلهم

باشا طيب وهو بيركب اى جهاز انذار ولا نوع محدد والتكلفة كام يا محترم .. وشكراً

[M.almaghraby]

باشا طيب وهو بيركب اى جهاز انذار ولا نوع محدد والتكلفة كام يا محترم .. وشكراً

+111

[callsherif]

+111

؟؟!!

[MuhammedSoliman]

انا اخويا مركبها فى عربيته وعادى خالص والعربيه فيرنا بس دلوقتى مش شغاله بس تلقائى شغالين عادى زى عندنا

صحيح يا خالود لأ أنا أقصد أنه مع ضفيرة الجين خصوصاً وزي ما قلت مش متأكد من المعلومه ديه حاجه ثم لاحظ ان وحدة الرفع هطلع الضفيره من الضمان بس بصراح انا ناوي أركبه ووحدة الرفع تقريبا بتعمل لوحدها حوالى 70 جنيه

تحياتى

[M.almaghraby]

To callsherif : i mean i have the same question :-)

[A. Ibrahim]

انا نفسي اركبها و سئلت م/ امر قلي نفس الكلام بس بصراحه انا مش مقتنع لسببين الاول ان انا مركبها في العربيه التانيه من 3 سنين تقريبا و شغاله زي الفل و عربيات كتير جدا نفس النظام و السبب التاني انه لما تركب بيركب معاها كتاوت علشان السحب بتاع الكهربه و تنظيمه و ده نظام حمايه

السؤال هل الكنترول بيبوظ لم وحدة الرفع نتكون ركبه فقط ولا ده حجه للتوكيل؟؟؟؟؟؟؟؟؟؟؟؟؟؟

[أبومعاذ]

في عربيات زي الفورد فوكس بتنزل بوحدات رفع للزجاج وخفض في نفس الوقت أزاي؟ يعني لو دوست على زرار القفل في الريموت السنتر يقفل و القزاز يطلع ولو العربية مقفولة و دوست على زرار الفتح في الريموت السنتر يفتح و القزاز ينزل
حد يعرف ألاقي وحدات رفع وخفض زي دي فين؟؟؟؟؟؟؟؟؟؟؟