بدات اخاف تانى من شراء الجين 2

[medoampir]

بعد ما قريت وسمعت من الكثيرين عن مدى جوده جين 2 وكفاءتها من سرعه وثبات
وبعد سؤال الاستاذ ايمن بعض الاسئله واجابته لى بكل وضوح .
قررت حجز موديل 2010 وقمت بالاتصال بالاستاذ محسن صالح وسالته عن التفاصيل واخبرته باننى ساقوم بالاتصال به لتحديد موعد مناسب لمقابلته فى الفرع الرئيسى وحجز السياره باللون المناسب.

ولكن اليوم دخلت لاقرأ موضوع الشكاوى للمهندس آمر
وكنت هاعيط من مشاركات الاعضاء.

حوالى 95% من المشاركات ان لم تكن 100% منها بخصوص عدم اهتمام التوكيل

"القطع مش موجوده"
"واحد بقاله سنه مش عارف يغير قطعه "
"والتانى مش عارف بقاله اربع شهور علشان ايه"
"صيانه العيب اكثر من مره ويعود العيب مره اخرى"

بصراحه انا كنت المفروض هاشترى عربيه مستعمله لكن قلت لنفسى وليه وجع القلب كل يوم ميكانيكى وكهربائى وغيره
اجيب جديد احسن وكل الناس قالتلى ان الزيرو ممكن متحتاجش العربيه منك اى حاجه جوهريه قبل خمس سنين مثلا.

لكن بالوضع اللى انا شفته ده يبقى ايه الفرق
ده كده اسوأ كمان هاقعد اتحسر على العربيه الجديده اللى دافع فيها دم قلبى واللى مش عارف حتى اصلحها.


ارجوكم محتاج حد يشجعنى تانى علشان بجد نفسى اشترى العربيه دى " سليمه "

[MuhammedSoliman]

طب إيه رأيك فى النوبيرا الأوتو ( يوجد بيها عيب فى الجيربوكس على مستوي جميع العربيات تقريبا عن تجربه مش سمع مع صحابي وباعوها )
طب ايه رأيك فى الرينو ميجان الجديد ( يوجد عيب فى علبة الدركسيون وبتتغير أنت ونصيبك على العشرين ألف ( ده سمع )
طب إيه رأيك فى الفورد إسكورت وقطع غيارها وهيه فين دلوقت هيه والمونديو
طب ايه رأيك فى الفورد كا فكرها إللى اتسحبت من السوق الصغيره ديه
طب ايه رأيك فى المرسيدس a150 القديمة تقريبا على ما اتذكر وعدم ثباتها المرجع top gear لما عمل لها تست وقلبت بيه
طب ايه رأيك فى الأوبل فيكترا القدميه لما نزلت واشتكوا منها برضوا إنها أحسن عربية قبل ال 10000 كيلوا متر
طب إيه رأيك فى الأليكو لو تفتكرها ( هيه فين دلوقت )
طب إيه أريك فى دفعة البى أم دبليو إللى نزلت الفقه الخامسه تقريبا من حوالى 10 سنوات واتسحبت لعيب فى التصنيع على ما أتذكر ( مش متأكد بس كان فى حاجه زي كده )
طب إيه رأيك فى الاسبرنزا إللى بتشتريها وبتروح أوتوماتيك تغيرها قطهع فى التكيف أساسى عيب تصنيع
طب إيه رأيك فى الأكسنت وكانت معايا والأساسى اللى فيها انت التابلوه يتشقق ( وبيقوا الجين خامتها وحشه ) وطرمبة البنزين تتغير
طب إيه رأيك فى قطع غير الإبيزا برضوا كانت معايا (حدث ولا حرج)
طب إيه رأيك فى الألفا روميو وهي معشوقتى قطع غيرها فين وأخبارها إيه
طب إيه رأيك فى الاستروين وغلاء وقلت قطع الغيار
طب ايه رأيك فى التريوس القديم لما كنت تاجد بيها ملف تقلب معاك ( طبعا ملف من اللى بالك فيهم )

انا بقا هنا مش بتكلم على حالات فرديه أنا بتكلم على شركات وتوكلات والكلام فى المجال ده كتير طبعا مش هقولك على الجين تو والعيوب والمميزات لأنها ماليه المنتدى


يارب تكون فهمت قصدى من غير كلام كتير عن الجين

تحياتى

[medhat_skaik]

قشطة عليك يا محمد باشا

خير الكلام ما قل و دل :)

[medoampir]

استاذ محمد سليمان
اولا شكرا على رد حضرتك السريع

انا طبعا وانا بحجز العربيه بفترض انى بحجز عربيه جديده ومفهياش مشكله
لكن زى ما قال بعض الاعضاء فى المنتدى ان دايما دى بتكون حالات فرديه يعنى مش فى العربيه فى حد ذاتها

السؤال هو : لما اخد العربيه واخرج والاقى فيها عيب ايا كان عيب بسيط او عيب كبير هايتصلح فى قد ايه ؟شهور زى مابسمع من الشكاوى الموجوده ؟

بس هو ده سؤالى؟

[MuhammedSoliman]

قشطة عليك يا محمد باشا

خير الكلام ما قل و دل :)

تحياتى يا باشا وسعيد بتعليقك
تحياتى

استاذ محمد سليمان
اولا شكرا على رد حضرتك السريع

انا طبعا وانا بحجز العربيه بفترض انى بحجز عربيه جديده ومفهياش مشكله
لكن زى ما قال بعض الاعضاء فى المنتدى ان دايما دى بتكون حالات فرديه يعنى مش فى العربيه فى حد ذاتها

السؤال هو : لما اخد العربيه واخرج والاقى فيها عيب ايا كان عيب بسيط او عيب كبير هايتصلح فى قد ايه ؟شهور زى مابسمع من الشكاوى الموجوده ؟

بس هو ده سؤالى؟

بص يا جميل هو انت ليه متوقع البلا قبل وقوعه انا هديلك مثال انا معايا جين 5/2006 وطبعا 2006 بيقولوا فيها كل العيبوب المشهوره والبسيطه واتحلت على طول مع إن التوكيل كان لسه بيقول على السكر أوكر بالنسبه للبروتون ما فيش غير الفوانيس هيه اللى اتأخرت شويه عشان الماتور بتعها اتحرق عندى وده مش هتوقف العربية ومره اتسرقت العربية الزجاج اتكسر قالوا بعد اسبوعين عملت اللى بالك فيه فجه يوميها من القاهره ولهم جزيل الشكر غيرت الطرمبه كانت موجوده البليه والسير أسبوع على ما جم والعربية كانت مشيه مش عطلانه المهم اقصد ايه ان اما تستلم العربية مش هتحتاج أى حاجه من التوكيل توقفها لك إلا لاقدر الله حادثه ... وانا مش بقول أن مافيش عيوب لأ فيه بس سواء قلة قطع الغيار أو غلوها بس أنت بتضحى بحجات ممكن تكون بسيطه في سبيل حجات تانيه اساسية وصدقنى كل مشاكل الجين وحده وحده وانا عانيت شويه من التقفيل وعملت مشاركات فى الموضوع ده ............بس المشكله فى إيه ؟؟؟ انك شاري عربية زيرو وعايز تريح دماغك حتى لو مسمار عايز يتربط ... وانا فاهم الموضع ده كويس بس زي ما قلت حجات صغيره نوعا ما أما حجات كبيره أوى وخلى بالك اللى يخاف من العفريت يطلع له

تقبل تحياتى

[medoampir]

شكرا جدا يا استاذ محمد
عموما انا هانتظر باقى ردود الاعضاء

وان شاء الله مفيش عفاريت ولا حاجه :)

[masterzmind]

يا جماعة انا فاهم الاستاذ ميدو يعنى هوة بيكلم ان العربية كل الناس بتشتكى منها من عيوب التصنيع ودة كلام صحيح طيب يا استاذ محمد سيلمان اة الى يخصبنى على عربية فيها عيوب تصنيع عشان شكلها كويس مفتكريش عشان انا مش بشترى شكل يعنى بشكل تانى انا لو معايا النيو اكسنت اشطة عربية كويسة محديش اشتكى منها فى عيوب التصنيع زى الجين صح يا باشا ولة اة انا راجل جايب عربية جديدة عشان مروحش لمكنيكى ولة اروح لتوكيل غير فى معاد الصيانة هوة ميدو بيكلم فى كدة طاب منا عارف انها عيوب كلها بتتحل طاب ولية اشترى عربية بيها عيوب ونا عارف انى هشوف فيها عيوب ........... انا مش بهاجم العربية خالص انا بقول وجهة نظر والعربية بردو مميزاتها كتيرة اوى يا ميدو موتووووور جبااااااااااااااااار و ثبات خرافى يكاد يكون شبه الالمانى شكلها رهيب جامد موووت وشبابى جداا فيها parking sensor وفيها رفاهية كتير ..............

[as01241]

السلام عليكم
متخافش من البروتون , لا أول ولا تاني, وعاوز أقولك حاجة بالنسبة للمشاكل اللي إنت قريتها أنا قريتها قبلك وأكتر من 90% منها مشاكل بسيطة ومش أساسية أو تعيب العربية وأقدر أقولك إني من قبل ما أشتري العربية بفترة لغاية إنهاردة وأنا متابع المنتدى وماكانش فيه مشكلة تعتبر مقلقة غير حد كان عنده مشكلة في علبة الدريكسيون ومحتاجة تتغير ودي إتحلت ومشكلة المهندس شريف مع الموتور وإتغير ودي مشاكل نادرة بس ممكن تحصل في عربية أي كانت ماركتها , غير كده مافيش حاجة تذكر , وأقولك بردو اللي إنت شوفته في التوبيك بتاع المهنس آمر ده مش كامل , يعني إيه , يعني المشاكل دي كلها بتتحل بس بعض أصحابها بينسوا يبعتوا ف نفس التوبيك إن المشكلة إتحلت , وبعدين محدش في الدنيا مغسل وضامن جنة زي ما بيقولوا وكل مخاوفك دي تنطبق على الجين وبردو على أي عربية تانية أي كانت ماركتها , ولو الواحد ساب نفسه للمخاوف دي يبقى مش هيشتري حاجة
ربنا يوفقك للي فيه الخير

[medoampir]

يا جماعة انا فاهم الاستاذ ميدو يعنى هوة بيكلم ان العربية كل الناس بتشتكى منها من عيوب التصنيع ودة كلام صحيح طيب يا استاذ محمد سيلمان اة الى يخصبنى على عربية فيها عيوب تصنيع عشان شكلها كويس مفتكريش عشان انا مش بشترى شكل يعنى بشكل تانى انا لو معايا النيو اكسنت اشطة عربية كويسة محديش اشتكى منها فى عيوب التصنيع زى الجين صح يا باشا ولة اة انا راجل جايب عربية جديدة عشان مروحش لمكنيكى ولة اروح لتوكيل غير فى معاد الصيانة هوة ميدو بيكلم فى كدة طاب منا عارف انها عيوب كلها بتتحل طاب ولية اشترى عربية بيها عيوب ونا عارف انى هشوف فيها عيوب ........... انا مش بهاجم العربية خالص انا بقول وجهة نظر والعربية بردو مميزاتها كتيرة اوى يا ميدو موتووووور جبااااااااااااااااار و ثبات خرافى يكاد يكون شبه الالمانى شكلها رهيب جامد موووت وشبابى جداا فيها parking sensor وفيها رفاهية كتير ..............

شكرا يا استاذى على التعليق
لكن ليا تعقيب صغير هو ان عيوب التصنيع تظهر فى جميع سيارات الموديل الخارجه من المصنع
ومن كلام الاخوه الاعضاء مفيش اتفاق على عيب معين يعنى اللى ظهر معاهم مشاكل كانت عندهم هما بس
لكن المشكله ان اللى بيظهر عنده عيب بيتعذب علشان يصلحه
ده اللى حسيته من كلام الاعضاء المشاركين فى موضوع المشاكل الموجهه للمهندس آمر

انا حتى ممكن اشترى النيو اكسنت زى ماحضرتك بتقول واللى الناس مش بتشتكى منها وتظهر عيوب برضه
فى الاول وفى الاخر هى منتج خارج من مصنع


سؤالى اولا واخيرا: وضعى ايه لو ظهر اى عيب؟
بمعنى اصح .............. (الوقت)

[medoampir]

السلام عليكم
متخافش من البروتون , لا أول ولا تاني, وعاوز أقولك حاجة بالنسبة للمشاكل اللي إنت قريتها أنا قريتها قبلك وأكتر من 90% منها مشاكل بسيطة ومش أساسية أو تعيب العربية وأقدر أقولك إني من قبل ما أشتري العربية بفترة لغاية إنهاردة وأنا متابع المنتدى وماكانش فيه مشكلة تعتبر مقلقة غير حد كان عنده مشكلة في علبة الدريكسيون ومحتاجة تتغير ودي إتحلت ومشكلة المهندس شريف مع الموتور وإتغير ودي مشاكل نادرة بس ممكن تحصل في عربية أي كانت ماركتها , غير كده مافيش حاجة تذكر , وأقولك بردو اللي إنت شوفته في التوبيك بتاع المهنس آمر ده مش كامل , يعني إيه , يعني المشاكل دي كلها بتتحل بس بعض أصحابها بينسوا يبعتوا ف نفس التوبيك إن المشكلة إتحلت , وبعدين محدش في الدنيا مغسل وضامن جنة زي ما بيقولوا وكل مخاوفك دي تنطبق على الجين وبردو على أي عربية تانية أي كانت ماركتها , ولو الواحد ساب نفسه للمخاوف دي يبقى مش هيشتري حاجة
ربنا يوفقك للي فيه الخير

شكرا جزيلا
سؤال اخير بقى
انا ساكن فى بولاق الدكرور - الجيزه
اروح الكيلو 28 مصر اسكندريه الصحراوى ازاى لو معيش عربيه - مواصلات يعنى)

[masterzmind]

بص يا معلم لو عيوب زى الزجاج علق الزراير الى فى الطارة مش شغالة صوت خبط فى الشنطة صوت خبط تحت رجليك من عند الكوتش الشمال كل دة اى كلام التوكيل هيعملو على طووووووووووووول ولا تقلق فعلا امتى بقى يا معلم تتعزب لو علبة دركسيون الموتور فى حاجة لقدر الله الفتيس فى عضة كدة بردو كان فى واحد فى المنتدى اتصلحت بس اتعملت تانى مش عارف بقى خلصت المشكلة ولة لسة مسعدين اى قطع غيار ودة بيتهيقلى مش عيب عربية دة عيب توكيل مش عارف يوفر قطع الغيار الازمة وربنا يهدى يا رب ويهتم شوية بالتوكيل وقطع الغيار ................. وفى ناس احسن منى فى المنتدى جربو التوكيل ....... وشكرا

[medoampir]

بص يا معلم لو عيوب زى الزجاج علق الزراير الى فى الطارة مش شغالة صوت خبط فى الشنطة صوت خبط تحت رجليك من عند الكوتش الشمال كل دة اى كلام التوكيل هيعملو على طووووووووووووول ولا تقلق فعلا امتى بقى يا معلم تتعزب لو علبة دركسيون الموتور فى حاجة لقدر الله الفتيس فى عضة كدة بردو كان فى واحد فى المنتدى اتصلحت بس اتعملت تانى مش عارف بقى خلصت المشكلة ولة لسة مسعدين اى قطع غيار ودة بيتهيقلى مش عيب عربية دة عيب توكيل مش عارف يوفر قطع الغيار الازمة وربنا يهدى يا رب ويهتم شوية بالتوكيل وقطع الغيار ................. وفى ناس احسن منى فى المنتدى جربو التوكيل ....... وشكرا

بس كده ده اللى كنت عايز افهمه
العيوب العاديه مش هاتاخد وقت ولا حاجه

شكرا يا باشا على ردك

[أبومعاذ]

استخير و توكل على الله العربية جميلة حتى الناس اللي بتشتكي لو سالتهم لو رجع بيك الزمن تشتري ايه هيقولك جين2 وبس

[أبومعاذ]

, غير كده مافيش حاجة تذكر , وأقولك بردو اللي إنت شوفته في التوبيك بتاع المهنس آمر ده مش كامل , يعني إيه , يعني المشاكل دي كلها بتتحل بس بعض أصحابها بينسوا يبعتوا ف نفس التوبيك إن المشكلة إتحلت

أنا فعلا كان عندي مشكلة في عربيتي ان الكاسيت طلع اوديو مش mp3 وكنت عامل شكوى في الموضوع بتاع المهندس آمر بس نسيت أكتب إن الكاسيت جه و ركب بعدها بأسبوع و الحمد لله

[tutankhamoun]

السلام عليكم ورحمة الله و بركاته

أولا أنا عايز أصحح مصطلح تم أستخدامه في الموضوع و هو ...... عيب تصنيع
العربية يا جماعة تكاد تخلوا من عيوب التصنيع ..... يعني المحرك و العفشة و أساسيات العربية مفيهاش أي مشاكل نهائي و اللي ظهر عنده عيب في الحاجات دي هي عيوب فردية تماما .

بالنسبة للعيوب المقصودة في الكلام هي عيوب التقفيل و ليس عيوب التصنيع و بأكرر تاني مفيش عيوب تصنيع جوهرية .

كل المشاكل اللي ظهرت في شوية حاجات في التقفيل :
أولا أزرار الوسائط المتعددة ( أزرار تحكم مشغل الأسطوانات ) بتعلق مع ناس كتيرة و تقريبا نص الناس سببها وجودة أتربة . و النص التاني بيتم تغييرها و دي ساعات بتقعد مدة على ما توصل فعلا من ماليزيا .

ثانيا : الخامات الداخلية معقولة و متوسطة ...... و دي بتخلي الناس تحس أن الخامات فيها مشكلة .

ثالثا : وجود تزييق من الكنبة الخلفية و ده حله سهل جدا و هو التوكيل بيلحم على الجزء المعدن شيكرتون علشان الحديد ميحكش في بعضه و يعمل صوت .


دي أشهر حاجات ......... و كلها حاجات عبيطة و هايفة و مش بتوقف العربية نهائي .

لو العربية عاجباك ....... متخافش ..... أغلب الكلام اللي أنت سمعته متضخم ييجي أربع خمس مرات ......
لأن طبعا المبلغ اللي هاتدفعه مش صغير و بالتالي أقل كلمة لما بتكون مش واثق في الحاجة بتودي الواحد و تجيبه و تخليه يبقى متردد .

أهم حاجة تكون واثق في العربية و حاببها ...... و أوعى تشتريها لو خايف منها لأنك هاتقعد تطلع القطط الفاطسة لو أي حاجة ظهرت حتى لو كانت زلطة على الطريق ...... دوست عليها و عملت صوت .... هاتلاقي نفسك مرعوب و بتقول آه العربية فيها حاجة .

لازم تكون مرتاح نفسيا و فاهم كويس أن العربية كويسة و شغالة بأمتياز مع ناس كتيرة من فترة كبيرة .
أنا معايا العربية من سنتين و الحمد لله و لا قوة إلا بالله مبسوط جدا و تعلقت بالماركة جدا ...... و لو غيرت هاغير على بروتون إن شاء الله .

أستخير الله عز و جل ........ و ربنا يوفقك للي فيه الخير لك إن شاء الله .