إعـــــــلان

Collapse

.

,
See more
See less

صيانة ال 5000 + النيتروجين + أسعار .. (بالصور)

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    صيانة ال 5000 + النيتروجين + أسعار .. (بالصور)

    السلام عليكم ورحمة الله وبركاته


    من يوم ما إستلمت العربية وأنا مفكر أن صيانة ال 5000 بتكون عند 6000 كيلو بمعنى أنك تعد 5000 ك بعد صيانة الألف .. وطبعاً ده كلام غلط


    (( مواعيد العمل فى مراكز الخدمة من الساعة 9 إلى الساعة 5 ))

    المهم روحت لمركز خدمة عز العرب بالإسكندرية حوالى الساعة 8:40 علشان أدخل بدرى وأخلص بدرى


    ومكنش فى حد غير أمن فرع التوكيل .. وحوالى الساعة 9:10 جالى المهندس محمد صلاح المسئول عن سيارات البروتون ومعاه شخص تانى ماسك ورق فى إيده


    سألنى المهندس صلاح إذا كنت حاجز ولا لأ ؟ .. قلت له .. انا أعرف أن مفيش حجز .. رد وقال .. أنهم شغلوا نظام الحجز من أيام حملة الصيانة المجانية .. قلت له .. مكنتش أعرف


    الراجل طلع ذوق .. وقالى مفيش مشكلة .. وبالفعل سجل حضورى


    وقعدت أدردش معاه فى شوية ملاحظات وكان منها أنى بسمع صوت فى العفشة .. لما أكون ماشى بسرعة شوية ويكون فى مكان عالى أو واطى .. أسمع طقة عالية .. قالى أن ده تربيط عفشة وهيروح ان شاء الله


    الملاحظة التانية أن عندى حدفة يمين .. قالى ده ظبط زوايا .. وان معندهمش الخدمة دى فى التوكيل


    الملاحظة التالتة أن عندى رجة فى الدريكسيون بتبدأ من عند ال 80 ك/س .. وبتزيد كل ما بزيد فى السرعة .. قالى ده ترصيص .. وأيضاً معندهمش الخدمة دى فى التوكيل


    طبعاً أثناء ما كنت بتكلم معاه .. كان المهندس التانى .. بيلف حوالين العربية بيشوف اذا كان فيها خبطات أو خدوش .. قبل ما يستلموا العربية .. وبياخد بيانات العربية


    وتم استلام العربية .. وقعدت فى الاستقبال .. علشان لسه مخلصوش شغل فى الكافيتيريا .. بصراحة مش فاكر قعدت أد إيه .. لكن تقريبا ساعة .. وجالى المهندس صلاح .. وقالى العربية فى الغسيل دلوقتى


    استلمت العربية .. ودفعت الآتى :


    105 مصنعيات
    10.50 ضريبة مبيعات
    141 قطع غيار ( 96 زيت سوبر + 45 فلتر زيت )
    14.10 ضريبة مبيعات


    الإجمالي : 270.60 جنيه


    أخدت العربية وطلعت على بريدجستون (فرع سموحة) وطلبت ترصيص وظبط زوايا ونيتروجين


    قالوا أن عندهم ترصيص ونيتروجين .. لكن ظبط الزوايا فى فرع (لوران) .. قلت مفيش مشكلة .. اشتغلوا


    ومخدوش وقت بصراحة .. يادوب خلصت فنجان الشاى .. كانوا خلصوا


    والحساب كان


    ترصيص الأربع اطارات بالضريبة 40 جنيه
    شحن الاطارات بالنيتروجين بالضريبة 20 جنيه

    وطلعت على فرع (لوران) وظبطت الزوايا فى حوالى 15 دقيقة والحساب كان
    ظبط زوايا أمامى وخلفى بالضريبة 40 جنيه


    ملاحظات هامة :


    1) فى التوكيل قالوا ان الرجة اللى فى العربية دى سببها الجنوط .. ولما روحت بريدجستون قالوا لى .. أن الكاوتش فيه عالى وواطى .. والجنوط كويسة
    عايز اعرف لو الكاوتش فيه حتت متآكلة .. وفيه عالى وواطى .. أروح لهم فى التوكيل ويتم التغيير هناك على حسابهم ... ولا الكاوتش خارج الضمان ؟


    2) اللى عايز يروح يعمل صيانة فى فرع اسكندرية .. ياخد باله أنه لازم يحجز الأول وده بناءً على النظام الجديد


    3) بأمانة وحيادية : وانا بتعامل مع المهندسين فى التوكيل ومع المسئولين عن خدمة ما بعد البيع .. وجدت أنهم ناس محترمين جدا .. وذوق جدا جدا .. وحريصين على راحة العميل ورضائه


    4) النيتروجين مش هيخلى العربية تطير من على الأرض .. لكن بجد حسيت بفرق كبير وخصوصاً أن طريقى معظمة مطبات وتكسير ومزلقانات .. بجد تجربة مفيدة جدا


    5) انا مخدتش خصم المنتدى فى بريدجستون علشان لسه مش معايا الاستيكر


    6) وأنا فى التوكيل سألت على تمن بعض الحاجات .. وده بيان بيهم :


    اكصدام خلفى .. 950 جنيه
    اكصدام أمامى .. 900 جنيه
    رفرف .. 450 جنيه
    كبوت .. 1150 جنيه
    شنطة .. 3200 جنيه
    باب أمامى .. 2750 جنيه
    باب خلفى .. 2684 جنيه
    زجاج أمامى .. 1200 جنيه
    زجاج خلفى .. 1150 جنيه
    زجاج باب .. 250 جنيه
    فانوس امامى .. 955 جنيه
    فانوس خلفى .. 550 جنيه
    أريال راديو .. 86 جنيه


    أسعار الدوكو ( أسعار دهان العربية )
    الاكصدام : 250 جنيه
    الرفرف : 250 جنيه
    الكبوت : 500 جنيه
    الشنطة : 500 جنيه
    الباب : 500 جنيه
    السقف : 500 جنيه


    يتبع
    [CENTER][RIGHT][CENTER][SIGPIC][/SIGPIC]
    [/CENTER]
    [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

    [/RIGHT]
    [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
    [/CENTER]
    [/RIGHT]
    [/CENTER]
    الكلمات الدلالية (Tags): 20, 2009, 40, 50, 5000, font, nubira, أسعار, إيه, استلمت, اسكندرية, اطار, التو, التوكيل, السرعة, السقف, الشنطة, الصيانة, الضمان, النيتروجين, الي, ام, انا, انى, بالصور, بجد, بروتون, بس, بصراحة, بكرة, بيع, تعديل, تغيير, توكيل, توكيلات, جنوط, حجز, خدمة, دايهاتسو, دوكو, دى, رائع, زيت, سرعة, سعر, سكندرية, سيارات, سير, شنطة, صوت, صور, صيانة, صيانة 5000, صيانه, ضمان, عايز, عربية, عز العرب, عفشة, على, عميل, عن, عندى, غيار, فاكر, فرق, فلتر, في, قطع, قطع غيار, كاوتش, كبوت, كل, لازم, ما, مراكز, مراكز الخدمة, مركز, مركز خدمة, مشكلة, مع, مفك, من, منتدى, مين, هنا, هي, وكيل, يا
  • #2
    صور


    ودى شوية صور للفرع
    ده الفرع من الخارج






    وده الجراج








    العربية فى انتظار المهندس للدخول للورشة













    مدخل الورشة من الخارج









    مغسلة العربيات








    الورشة من الداخل









    الكافيتريا المؤقتة








    غسيل العربية







    [CENTER][RIGHT][CENTER][SIGPIC][/SIGPIC]
    [/CENTER]
    [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

    [/RIGHT]
    [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
    [/CENTER]
    [/RIGHT]
    [/CENTER]

    Comment

    • #3
      احتمال أكون اتسرعت وانا بكتب الموضوع

      لأن سعر دهان الباب 250 جنيه مش 500

      معذرة للخطأ غير المقصود
      [CENTER][RIGHT][CENTER][SIGPIC][/SIGPIC]
      [/CENTER]
      [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

      [/RIGHT]
      [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
      [/CENTER]
      [/RIGHT]
      [/CENTER]

      Comment

      • #4
        هو دة التوكيل؟؟؟؟؟؟؟؟...الصراحه شكله معفن اوى :)

        شكرا على الموضوع
        م/ احمـد عـزت

        Comment

        • #5
          المشاركة الأصلية كتبت بواسطة Ahmed20_08nubira مشاهدة المشاركة
          هو دة التوكيل؟؟؟؟؟؟؟؟...الصراحه شكله معفن اوى :)

          شكرا على الموضوع

          موافق جدا ... أو إحتمال عشان كنت فى فرع الصيانة الجديد بتاع دايهاتسو فخدت إن مراكز الصيانة كلها تبقى كده

          Comment

          • #6
            الف مبرووووووووووووك علي صيانه ال 5000 كم

            وربنا يديك خيرها و يكفيك شرها

            تحياتي اخي الكريم
            [FONT="Century Gothic"][CENTER]Eng.Mo'men Hamdy Fahmy[/CENTER][/FONT]

            Comment

            • #7
              الف مبروك على الصيانة ومشكور على الصور

              Comment

              • #8
                مبروك على الصيانه وكمان انت ليه مقولتش انك رايح تعمل الصياه انا رحت النهارده بس رايح بكرة تانى
                [CENTER][img3]http://img220.imageshack.us/img220/4448/photo040v.jpg[/img3][/CENTER]
                [CENTER][img3]http://photos-h.ak.fbcdn.net/hphotos-ak-snc3/hs395.snc3/24064_10150090328470215_557510214_11350061_1524719_n.jpg[/img3][/CENTER]
                [CENTER] [/CENTER]

                Comment

                • #9
                  هو دة التوكيل؟؟؟؟؟؟؟؟...الصراحه شكله معفن اوى :)

                  شكرا على الموضوع
                  موافق جدا ... أو إحتمال عشان كنت فى فرع الصيانة الجديد بتاع دايهاتسو فخدت إن مراكز الصيانة كلها تبقى كده
                  والله يا جماعة .. أنا مش هاممنى شكل التوكيل

                  أنا اللى كل اللى عايزه أنى بعد ما أخلص شغل فى عربيتى .. أخرج وأنا مبسوط

                  والحمد لله ده اللى بيحصل معايا

                  أولا ناس فنيين 10 على 10 .. فاهمة هى بتعمل ايه
                  بالاضافة لكده .. المهندسين بيقعدوا يشرحولى كل حاجة

                  وكمان مش بيزهقوا منى لما بسأل .. بالعكس .. دايما يقولوا اسأل كتير علشان تفهم عربيتك

                  وكل ده بالوجه البشوش .. والابتسامة والكلمة الطيبة ...والانجاز فى العمل

                  يارب يكونوا فاتحين كشك فى الشارع .. المهم الشغل يطلع مظبوط فى عربيتى .. وأكون مرتاح

                  وتحياتى لحضراتك                  م
                  الف مبرووووووووووووك علي صيانه ال 5000 كم

                  وربنا يديك خيرها و يكفيك شرها

                  تحياتي اخي الكريم
                  الله يبارك فى حضرتك يا أ. مؤمن

                  واللهم آمين .. أنا وأنت وكل أعضاء المنتدى المحترمين

                  ا
                  لف مبروك على الصيانة ومشكور على الصور
                  الله يبارك فى حضرتك يا أ. يوسف

                  مبروك على الصيانه وكمان انت ليه مقولتش انك رايح تعمل الصياه انا رحت النهارده بس رايح بكرة تانى
                  الله يبارك فى حضرتك .. وانا مكنتش أعرف أنك رايح والله

                  لو كنت أعرف كنت أجلتها علشان خاطرك

                  على العموم تتعوض ان شاء الله

                  وألف مبروك التحديثات اللى عملتها فى عربيتك .. بجد ربنا يحفظك .. ويكفيك شر العين
                  [CENTER][RIGHT][CENTER][SIGPIC][/SIGPIC]
                  [/CENTER]
                  [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

                  [/RIGHT]
                  [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
                  [/CENTER]
                  [/RIGHT]
                  [/CENTER]

                  Comment

                  • #10
                    اكيد اكيد ومن غير كلام انا قابلتك هناك والف مبروك على صيانة 5000 وعقبال 100000 وحضرتك والعربية بخير انشاء اللة
                    بالنسبة لشكل التوكيل المسئلة بأختصار ان المركز من الداخل محصلش فية اى تغير من حوالى 12 سنة اى تعديل بيكون فى الخارج الى هى جهة العملاء شكرا للجميع
                    [B][justify]work like u don't need the money, love like u've never been hurt, dance like nobody's watching........"[/justify][/B]

                    Comment

                    • #11
                      ألف مبروك على صيانة ال5000 وعقبال ال100000 ومشكور على التقرير المفصل والأسعار وعندك حق أكيد مش مهم المكان عامل إزاي المهم الخدمة والدليل توكيلات كبيرة في البلد وأماكن فاخرة وإستراحات مكيفة + خدمة زفت = توكيل سيء ويغور هو وعربيته
                      [CENTER] [/CENTER]

                      Comment

                      • #12
                        تقرير مصور اكتر من رائع

                        الف الف مبروك على صيانه الــ 5000 وعقبال الــ 100000 بالخير ان شاء الله ... وربنا يباركلك فى جينـــا ويحفظهالك ويكفيك شر الطريق

                        تحيـــــــــــــاتــــــــــى
                        [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                        -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                        --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                        [aldl]http://img825.imageshack.us/img825/7055/3333333388333335555.gif[/aldl]

                        [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                        [/CENTER]

                        Comment

                        • #13
                          مبروك صيانة ال 5000 وعقبال 300000
                          [CENTER]رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ[/CENTER]
                          [CENTER][img2]http://cdn2.worldcarfans.co/2007/8/medium/2070817.002.Mini6L.jpg[/img2][/CENTER]

                          Comment

                          • #14
                            مبروك الصيانه وعبال صيانه ال 100000 الف...
                            بس فيه حاجه
                            اولا لون عربيتك ذي عربيتي
                            الفلتر في الصيانه الي فاتت ( كان ب 35 مش ب 45 جنيه ) توكيل عز العرب العجوزه (صيانه سريعه)
                            يعني ايه زيت سوبر لو قصدك التوتال 5000 ( ب96 جنيه) يبقي سعره حلو
                            انا حطيت توتال 9000 ( ب 266 جنيه) حراميه علني الصراحه بره ب 220 جنيه !!!!!!!!!!!!!!!!!!!!!!
                            كل ده غير الضريبه و 20 جنيه مصاريف اداريه
                            Mahmoud_Peugeot سابقاً
                            Houda سابقا

                            Comment

                            • #15
                              شكرا ياباشا على الموضوع الرائع ده ومجهود جامد والله

                              الف شكر ومبروك على الصيانه ربنا يحفظك انتا وعربيتك ويكفيك شر الطريق وعقبال صيانه ال 100 الف

                              Comment

                              السابق template التالي
                              Working...
                              X