توكيل عز العرب والحيرة الشديدة

[mohamed el hussien]

واللة يا جماعة انا مش عارف التوكيل دة
غريب جدا جدا
يوم اقول علية ازبل توكيل في الدنيا
ويوم تاني ارجع منة اقول دة انضف توكيل في الدنيا

يوم ملقيش قطعة غيار
ويوم تاني الاقي كل حاجة

يوم اقول عليهم بيكروتوا ومعندهومش ضمير
ويوم اقول دول عندهم ضميلا قوي قوي
وحاجات بيصلحوها من غير ما اقول

:lol: :lol: :lol:

مش عارف واللة التوكيل الغريب دة
المهم بعد ما مكنتش لاقي عندة تيل امامي
وجبتة من برة
يوم الاربعاء اللي بعد العيد

لقيت نفسي عايز اغير تيل خلفي كمان

وروحت عشان اعمل صيانة ال 40000

قولت اكيد مش حالافي التيل الخلفي زي الامامي

روحت لاقيت كل حاجة موجودة
تيل امامي وخلفي وكل حاجة
وصلت يوم الخميس

والاسعار كمان بقت ممتازة
التيل الخلفي ب 250
والامامي ب 200

المهم انا كنت رايح
عشان اعمل صيانة 40
ويلزقوا مفتاح المرايا عشان فك
ويشوفوا الرشاشات بتاعت المساحات بقت ضعيفة
بس كدة


روحت شوية ورجعت
لقيتهم عملوا
كل دة
وكمان اية بقي
1 غيرولي بطارية الريموت كنترول من غير ما اقول
2 لقوا صوت في الباب الامامي يمين عملوة
3 صوت في الكنبة والشنطة زقزقة تقريبا عملوة
4 لقوة رذعة في الفتيس والفتيس تقيل شوية عملوة
5 لمبة ال ABS نورت وانا هناك عملوه
6 غيرولي فوانيس بس دي انا اللي قولت عليها متأخر
7 شيكوا علي فلتر التكييف
عشان قولتلوا ساعات بيضعف
8 غيرولي حاجة في الكونتاكت كدة مش عارف اسمها اية

وحاجات كتير اووي واللة بس انا مش فاكر
كل دة من نفسهم
من غير ما اقول
وقالولي دي حاجات انت متلحزهاش خالص
احنا بس اللي ناخد بالنا منها


المهم بصراحة قعدوا فيها لحد 30 5 كدة
وروحت انا دفعت والناس بتمشي خلاص كلة مروح

رجعت لقيت المفتاح مش راضي يخرج من الكونتاكت

صباح النحس الغريب

بصراحة الواد الفني
قعدت معايا هوة والمهندس طارق
لحد 15 6 او 30 6 كدة

مفيش حل لازم
يغير السلك
والمخزن قفل
تخيلوا بعد كل دة
شوفتوا النحس
شالي الكونسول اللي في النص
عشان ادوس علي حاجة كدة عشان المفتاح
يرضي يطلع
ولازم اروحلهم بكرة
بس طبعا نظرا لسوء الاحوال الجوية
خلتها بعد بكرة ان شاء اللة

بصراحة هما مقصروش في حاجة خالص خالص
بس حظي بقي الحمد للة


ودة كان نهاية يومي في عز العرب
والنهاردة اناراجع بقول علية انضف توكيل :lol:
بالرغم من ان انا راجع مخنوق قوي
عشان حاروح تاني

بس مش منهم ولا مني

نصيب الخمد للة
عربيتي ملبوسة 8)

[Migo123]

بصراحه يا محمد انا عايز اشكرك على حرصك اننا كلنا نشاركك في تجربتك مع العربيه بكل أمانه......... انا متابع كتاباتك عن العربيه من زمان من أيام كونكت ..... وكلها كانت مفيده وموضوعيه جدا و بتنقل خبره وهو ده السبب الاساسي لوجود المنتدى بتاعنا .... وده على عكس مشرفين كتيير او حتى اعضاء بيدافعو عن العربيات اللي هما راكبينها والوكلاء بتوعها باستماته غريبه تخليك تحس انه صاحب التوكيل نفسه اللي بيتكلم مش حتى موظف فيه.....
اشكركك يا محمد الف مره على موضوعيتك ...وارشحك لجائزه أفضل تقييم لسياره على مستوى المنتدى ودي بقه يتم ترتيبها مع المشرفين في موعد المقابله الشهريه القادمه

[Migo123]

سيبك بقه من موضوع تقييمك العربيه

مش شايفين يا جماعه ان عربيه جديده (40000 يعني لسه العربيه في التليين تقريبا ) وفيها كل المشاكل دي --- حتى لو كانت كلها مشاكل بسيطه جدا وهايفه--- ده معناه ان الماركه دي لا يمكن وصفها أبدا بانها ماركه جيده

ده مش هجوم على العربيه ولكن زي ما قلت احنا هنا عشان توعيه المستهلكين (اللي هما احنا) بما ان الحكومه شايله ايديها من الموضوع ده .... وبتسمح ان اي حد يبيع اي حاجه باي سعر وباي طريقه وبعد كده يفلسع بالمكسب كله ويرفض تحمل مسئوليته تجاه العميل.

[abo3bdolrahman]

سيبك بقه من موضوع تقييمك العربيه

مش شايفين يا جماعه ان عربيه جديده (40000 يعني لسه العربيه في التليين تقريبا )

:!: :!: :!: :!: :!: :!: :!: :!: :!:
ممكن حضرتك تقولنا على عربية من و جهة نظرك فيها كل الإمكانيات دى و بالسعر ده و بالجودة اللى بتقول عليها و إحنا كلنا نغير عربياتنا من بكره و أنا أول واحد يعمل كده.
و يا ريت ما نلمحش فى كلامنا بالهجوم على أى حد لأن كل واحد بينقل تجربته الخاصة و الراجل قايل فى كلامه إنه برده بيحس فى بعض الأحيان بالرضا الكامل عن التوكيل فممكن نكون بنروح التوكيل فى الأوقات اللى بيكونوا كويسين فيها :D
و كمان الحاجات الصغيرة دى موجودة فى كل الماركات و تغيير تيل الفرامل و بطارية الريموت طبيعى و ظبط حاجات فى العربية ده طبيعى بعد 40 الف كم و الكلام ده عن خبرة لأن عملى فى مجال الصيانة بيخلينا نحتك بالمحركات كتيير و الكلام ده بيتعمل فى كل العربيات حتى لو كانت بوجاتى بس هما حبوا يحسسوا مخمد إنهم عملوا شغل كتيير فرصولوا حاجات كتيير و لما بيرصولى الرصة دى بقولهم إن ده طبيعى يتعمل و دى أصلا توصيات المصنع مش زيادة من عندهم
و شكرا لمداخلاتك.

[Migo123]

و يا ريت ما نلمحش فى كلامنا بالهجوم على أى حد لأن كل واحد بينقل تجربته الخاصة

يا ابا عبد الرحمن لم اقصد الهجوم على شخص بعينه ولكن انتقد اسلوب تبني الماركه واحساس المشرف المسئول عن القسم ان الماركه دي ابنه اللي لازم يدلعه حتى لو عمل حاجه غلط وده بيخليهم احيانا كتيره يفقدو مصداقيتهم ... و اوعى تزعل من كلامي انت حبيبي

ممكن حضرتك تقولنا على عربية من و جهة نظرك فيها كل الإمكانيات دى و بالسعر ده و بالجودة اللى بتقول عليها

ما اقدرش الاقي طبعا ....... بس انا في رأيي ان الكماليات الكتيير في العربيه زي ما هي جميله ... زي ما هي صداع لمالك السياره في حاله عدم جودتها ..... يعني يا فرحتي بالباركينج سنسور و فرش العربية بيزقزق وعاملي صداع طول ما انا ماشي----- او تفتكر اني ها اتبسط بالكاسيت الممتاز مع وجود مشاكل في الفتيس.....

كمان الحاجات الصغيرة دى موجودة فى كل الماركات و تغيير تيل الفرامل و بطارية الريموت طبيعى

انا راكب عربيه زيرو من 4 سنين وانا مش مبسوط بيها ولي تحفظات كتير جدا عليها وتوكيلها سيئ لدرجه انه الوحيد في مصر اللي اتسحب منه التوكيل وبصراحه بالرغم من كل ده وانا عامل دلوقتي بالعربيه 90000 كم الا اني لم افتح الفتيس ابدا ولم يتم تغيير التيل الخلفي ولا مره حتى الان وبصراحه فرش العربيه لم يصدر عنه اي اصوات ... ورشاشات المساحات تعمل بنفس كفائتها

المهم قصدي انا الحاجات الصغيره ما بتحصلش بالكثافه دي في الماركات اللي يمكن الاعتماد .....و أسأل اللي راكبين تويوتا او سوبارو او متسوبيشي او ........

وفي النهايه اتمنى ان تتقبل كلامي بصدر رحب لان انا مش قصدي ابدا بكلامي ده اي هجوم على شخصك الكريم ---- وتقبل خالص تحياتي

[aboalm]

مش قلت يا سيدى الفاضل MGIO ايه نوع عربيتك اللى ربنا يحفظها لك و مش تشتكى منها الى ماشاء الله
دى أشياء عادية جدا يمكن كتير مننا مش بياخدو بالهم انهم يحكو عنها

[3mr Farrag]

انا بصراحه يا جماعه لحد دلوقتي حيران بالنسبه للجين 2 في شويه حاجات.....
و يمكن الاستاذ migo وضح بعض النقاط......
يعني احيانا بحس انها بتفتح بقها في شويه حاجات......
و صحيح في ماركات تانيه انا شايف انها جودتها احسن و بفرق جامد....
ذي مثلا الكورولا.....و بجد انا مش بقول كده علشان بتاعت والدي يعني
بس بجد ما شاء الله عامله دلوقتي حاجه و 50 الف او 60 الف مش عارف بالضبط بصراحه......
بس اللي اعرفه ان مافيش اي حاجه اتغيرت من اول ما جبناها و هي موديل 2002
و ماحدش يزعل مني.....رغم بجد انا بحب الجين 2 جدا ...

[Migo123]

مش قلت يا سيدى الفاضل MGIO ايه نوع عربيتك اللى ربنا يحفظها لك و مش تشتكى منها الى ماشاء الله

عربيتي كيا بس مش هو دا موضوعنا لاني لا أقصد ابدا اشكر فيها او ارشحها لاي حد لانها برضه بصراحه اثبتت أنها عربيات استهلاكيه وغير مناسبه على الاطلاق لشوارعنا ....... دي عربيات بسكوت عايزه شوارع حرير تجري فيها براحتها

[Migo123]

.....رغم بجد انا بحب الجين 2 جدا

انا كمان الشكل الخارجي جميل جدا بالنسبه لي وخصوصا الجنوط بتاعتها تحفه تحفه تحفه
بس العربيه مش شكل بس للاسف
انا بقالي فتره طويله بحاول أختار عربيه عائلية في حدود ال 100 الف وكنت مستني البرسونا الجديده(جين تو سيدان) بس بصراحه انا مرعوب من اللي بسمعه من ملاك بروتون ....
وسوبارو ها تضطر تتعامل مع الوكيل للابد .............
وتويوتا خلاص بخ ......... الموديل الجديد غالي
والماتيرا محدش مشعجني عليها خالص
والانسر الشكل القديم بقت زي 128......... ورغم اني مش بحبها بس لاتزال اكثر الاخيارات عمليه
والسيراتو الجديده تحفه بس بصراحه كوري تاني لالالا

بس كده خلاص قفلت

[abo3bdolrahman]

يا ميجو أنا فاهم إنت بتتكلم عن إيه بس أنا أقصد إن الحاجات الصغيرة دى موجودة فى كل الماركات بس ممكن نطنش عليها يعنى أنا لما كنت جايب الفرنا فى 2004 ب 90 ألف من مستر غبور كانت بتظهر فيها مشاكل و كانوا حتى ما بيحاولوش يحلوها فى التوكيل و لما لقيت زيها عند كل الناس حتى فى الإلنترا و الماتريكس و ما حدش بيتكلم فيها فحسيت إنى باتلكك و ما بقيتش باسأل عنها لكن فى البروتون كانوا هما اللى بيسالونى عن أداء بعض الحاجات فى العربية و يقولولى يعنى ما حصلش عندك كذا أو كذا و دى حاجة عظيمة إنه يفهمك إن ده غلط و لازم يتصلح أو يتغير يعنى أنا لغاية لما بعت عربيتى الفرنا كان الفتيس الأتوماتيك بيسخن نار بعد كل مشوار سفر و طنشت لما لقيت ناس كتير قالتلى إن عندها كده و عادى بس عرفت من خلال شغلى بعد أول ناقل حركة أتةوماتيك عاملتله عمرة إن الحرارة الشديدة بتقضى عليه بسرعة و كنت بعت الفرنا خلاص و لاحظت إن الموضوع ده ما بيحصلش فى الواجا معايا خالص و عندى الجين 2 موديل 2007 ما حصلش فيها أى مشكلة من اللى الناس بتشتكى منها و الواجا معايا عامل بيها دلوقتى 15 الف كم و كل المشاكل اللى قابلتنى فيها كانت غلطات منى و مع ذلك التوكيل صلحها فى الضمان .
و كلامى ده مش علشان العربية معايا أو دعاية ليها أنا شخصيا مش عاوز العربية تنتشر حتى لا تفقد تميزها :mrgreen:

[Heshaam]

أنا ممكن أختلف معاك يا أستاذ Migo بالنسبة لموضوع مدى تحمل العربية

العربية معانا دلوقتي عاملة 40 ألف كيلو في أقل من سنة ونص وفيما عدا الصيانات الدورية مفيش حاجات اتغيرت فيها إلا تيل الفرامل (العربية أتوماتيك وده طبيعي في الأتوماتيك عموما) والبطارية واتغيرت في الضمان بعد حوالي سنة - واعتقد ده برضه معدل طبيعي ليها. فأنا لو هأقارنها بعربية تانية - كوري مثلا في نفس الفئة - هألاقيها على ذات المستوى إن لم يكن أفضل.

وعموما للناس المهتمة بالعربية ديه - أو ببروتون عموما - ممكن يروح أي يوم الصبح بدري التوكيل في الصحراوي ويتكلم مع الناس أصحاب العربيات ويسمع المشاكل اللي بيشتكوا منها لمهندسين الاستقبال. ديه حاجة أنا استفدت منها كتير واعتقد تبقى صورة واقعية قبل الشراء.

[mohamed el hussien]

اولا الف شكر ليك يا استاذ ميجو
علي الكلام الحلو اللي قولتهولي

ثانيا انا ملاحظ انك جاي علي العربية شوية
يعني محتفظ عليها نوعا ما
او انت من النوع اللي بيكرة التجربة الجديدة

يعني شايفك مكبر شوية مواضيع

1 بطارية الريموت انا مش عارف هما غيروها لية مع انها كانت شغالة كويس
يمكن هما لاحظوها ضغيفة او مع الصيانة
وفي الحالتين دي حاجة كويسة

2 صوت الياب الامامي يمين دي من عندي بصراحة
عشان كنت اتخبطت من الناحية دي ومن ساعتها والصوت دة موجود
بس لنا بنسي اقول علية
وهو ركبت كاوتسة او حاجة كدة مخدتش منة 1 دقيقة بالظبط

3 صوت الشنطة دة لو الزقزقة
فعلا دة عيب في العربية مشهور
لكن لو صوت تاني يبقي دة من الخبطة القديمة من عندي
بس انا لقيتة ركب كاوتشة صغيرة شوية
مخدقتش منة 1 دقيقة برضة

3 الرذعة في الفتيس دي
انا محستهاش اصلا
هما اللي حسوها وهما بيجربوا العربية
وهي مش رذعة بالمعني يعني
حاجة بسيطة بس غلط برضة بصراحة
وممكن يكونوا شيكوا علية
عشان غيروا زيت فتيس

4 لمبة ال abs
دس بيقولوا انها بسبب ان فية sensor ورا
وانا بغير التيل اللي ورا
وعملوا حاجة غي الفيوزات كدة

5 فلتر التكييف مكنش نضيف
عادي يعني

6 موضوع الكونتاكت دة
اهتمام منهم برضة كويس

7 and the last

انا كل دة علي فكرة مش بدافع عن العربية خالص

بس كل حاجة وليها حجمها

يعني مش نكبر المواضيع
بس في مواضيع لازم نقف عندها


وانا سبق وقلت ان العربية الfinish بتاعها
والquality control مش كويس
وهما نفسهم في ماليزيا
مقتنعين بالكلام دة

وكل شوية بيحسنوا في الquality

واكيد يا عمرو
التويوتا واللانسر quality اعلي من البروتون

شوف التاريخ وفرق السعر والاوبشن

متنساش ان الجين 2 باكورة انتاج السنة دي في مصر

انا كنت اول دفعة

وارجع واقول انا مش بدافع برضة
انا كل واحد يقولي اشتريها

اقولوا حتواجهك غيوب تقفيل عبيطة اوووي اوووي

بس حتضايقك فعلا

بس ابو عبد الرحمن
بيقول ان العربية حسنوا كل الكلام دة في 2007
ومع اخوة

فعلا لو كدة تبقي دي احسن عربية في العالم بجد :lol:


كفاية الثبات والصاج اللي يعتبر كويس جدا بالنسبة للعربيات الجديدة

وشكرا

[الريس]

متنساش ان الجين 2 باكورة انتاج السنة دي في مصر

انا كنت اول دفعة

قصد حضرتك اولدفعة تنزل مصر مش كده

[fahd_628]

ربنا يباركلك فى عربيتك

و شكل كدة فى توصية جامدة من ماليزيا :D

[TAG_Turbo0]

ممكن حضرتك تقولنا على عربية من و جهة نظرك فيها كل الإمكانيات دى و بالسعر ده و بالجودة اللى بتقول عليها و إحنا كلنا نغير عربياتنا من بكره و أنا أول واحد يعمل كده.

BMW :mrgreen: