حرارة عربيتي

[tamer_aj]

إلحقوني يا جماعة
حرارة العربية و أنا جاي راجع دلوقتي وصلت لـ 110 درجة مع التكييف, ولما كنت بفصل التكيف كانت بتنزل لأقل من 90 درجة أو الطبيعي يعني,
ده طبيعي ياجماعة ولا أنا كدة عندي مشكلة في التبريد؟ أرجو الإفادة,

أنا متضايق جدامن موضوع الحرارة ده.....

[Ahmed_SpY]

لا كده مش طبيعى المفروض انها ثابتة ب التكيف و من غيرو اقل من 90

[m.3abdel3al]

فعلا المفروض 90 او اقل دا اعلى حاجة اكتر من كده غلط

[Ahmed Hassan]

بص على المراوح.. المفروض لما تشغل التكييف المروحتين يشتغلوا. على حد وصفك المروحه الأساسيه هيا بس اللي شغاله.. و مروحة التكييف لأ

[tamer_aj]

و بعدين يا جماعة؟!!!! المسائل كدة كترت......!!!!!

طيب مشكلة المروحة دي هيحلوها في صيانة الألف.... ؟ ولا إيه.....

[tutankhamoun]

ممكن يكون فيوز المروحة مش راكب ؟؟؟؟؟
أنت تتأكد الأول من المروحتين بيشتغلوا ........ و لو واحدة فيهم مش شغالة ممكن يكون الفيوز بتاعها مش راكب كويس أو محروق
إن شاء الله خير و متقلقش ....... و عادي بتحصل في أي عربية .

[khpopo]

ممكن يكون فيوز المروحة مش راكب ؟؟؟؟؟
أنت تتأكد الأول من المروحتين بيشتغلوا ........ و لو واحدة فيهم مش شغالة ممكن يكون الفيوز بتاعها مش راكب كويس أو محروق
إن شاء الله خير و متقلقش ....... و عادي بتحصل في أي عربية .

+111111111111111111111111111111
الموضوع بسيط جدااا ولو انه مش متكرر ومحصلش معايا .... معلش ممكن نكون عملنا حاجه طيرت الفيوز روح فرع البالون هيخلص على طول
ربنا يوفق

[tamer_aj]

شكرا يا جماعة علي إهتمامكم, و ربنا يجزيكم خير الجزاء علي حسن تعاونكم في الخير.......

أنا جربتها تاني النهارده, و معملتش حاجة و أشتغلت طبيعي.....!!!!

فا مش عارف يكون الفيوز مش اكب صح ولا المروحة بتعلق ولا إيه الموضوع....؟!

يا جماعة أنا متعقد من موضوع الحرارة ده من عربيتي القديمة, و كانت مخلياني طول ما أنا سايق كانت عيني مش علي الطريق, كانت عيني علي الحرارة...!!!!
فا خايف الموضوع يتكرر...........

[tamer_aj]

ممكن يكون فيوز المروحة مش راكب ؟؟؟؟؟
أنت تتأكد الأول من المروحتين بيشتغلوا ........ و لو واحدة فيهم مش شغالة ممكن يكون الفيوز بتاعها مش راكب كويس أو محروق
إن شاء الله خير و متقلقش ....... و عادي بتحصل في أي عربية .

أستاذ توت, أنا متشكر جدا لإهتمامك,

بس اللي حصل كان غريب جدا, أولا أنا مأخدتش بالي من الحرارة إلا و أنا بركن تحت البيت و كانت 110 درجة, و الأغرب إنها كانت بتنزل للطبيعي و بتطلع تاني ل 110 في نفس الوقت و ده مرتين تلاتة في دقيقة أو دقتين.....!!!!!,

تنزل و تطلع لوحدها, فا مش عارف دي حاجة يتخرف في العربية ولا المروحة و لا إيه بالظبط.

أرجو الإفادة.

مع الشكر.

[Ahmed Hassan]

أستاذ توت, أنا متشكر جدا لإهتمامك,

بس اللي حصل كان غريب جدا, أولا أنا مأخدتش بالي من الحرارة إلا و أنا بركن تحت البيت و كانت 110 درجة, و الأغرب إنها كانت بتنزل للطبيعي و بتطلع تاني ل 110 في نفس الوقت و ده مرتين تلاتة في دقيقة أو دقتين.....!!!!!,

تنزل و تطلع لوحدها, فا مش عارف دي حاجة يتخرف في العربية ولا المروحة و لا إيه بالظبط.

أرجو الإفادة.

مع الشكر.

بتطلع لما كمبريسور التكييف يعشق... و تنزل لما يفصل.

بص على الفيوزات و اتأكد انها راكبه كويس.

[callsherif]

بص على المراوح.. المفروض لما تشغل التكييف المروحتين يشتغلوا. على حد وصفك المروحه الأساسيه هيا بس اللي شغاله.. و مروحة التكييف لأ

فعلاً هتلاقى مروحة التكييف مش شغالة

[tamer_aj]

يا جماعة أنا متشكر جدا,

بس علي فكرة يا جماعة غالبا المروحة بتاعت التكييف كانت شغالة ساعتها...!!! أنا كنت سامع صوتها,

عشان كدة أنا بقول ممكن يكون تخريف في الإلكترونكس بتاعت العربية, أو المروحة كانت بتشتغل و تفصل,

عموما أنا هابص علي الفيوزات, بس عفوا ماحدش يعرف أي فيوز بالظبط هو بتاع المروحة؟

شكرا.

[Ahmed Hassan]

يا جماعة أنا متشكر جدا,

بس علي فكرة يا جماعة غالبا المروحة بتاعت التكييف كانت شغالة ساعتها...!!! أنا كنت سامع صوتها,

عشان كدة أنا بقول ممكن يكون تخريف في الإلكترونكس بتاعت العربية, أو المروحة كانت بتشتغل و تفصل,

عموما أنا هابص علي الفيوزات, بس عفوا ماحدش يعرف أي فيوز بالظبط هو بتاع المروحة؟

شكرا.

بيكون مكتوب على غطى علبة الفيوزات من جوه كل فيوز بتاع ايه. عموما لو موصلتش للفيوز بالتحديد ممكن تشيل الفيوزات واحد واحد و تركبهم تاني كويس

[tamer_aj]

ألف شكر يا أحمد باشا و رينا يكرمك إن شاء الله علي كرم أخلاقك,

أنا هاشوفوا و أتأكد منه و أبلغك إيه الأخبار, بس بعد الفطار إن شاء,

مع الشكر

[ahmad alshaaer]

انا رأيي تروح التوكيل ويراجعه على كل ماهو خاص بالحراره والترموستات والمراوح
ويمكن يكون كمان العداد بيستهبل

ماتسطتش على موضوع حساس زي ده
لان واحد صاحبي معاه جن 2 جابت وش سلندر بسبب الحراره وللاسف كان طلع من الضمان لانه كان عامل 70000 كم

تحياتي وربنا يستر عليك وعلينا