استهلاك البنزين في البرسونا؟

[danight]

السلام عليكم و رحمة الله وبركاته

إزيكم يا شباب, كل عام وأنتم طيبين وإن شاء الله تكونو بخير.

كان نفسي آجي الفطار بس للأسف في فطار ل صحاب الجامعة مظبطينو من فترة في نفس اليوم
إن شاء الله تتعوض مرة تانية.

الحمد لله العربية ماشية معايا تمام ومبسوط منها
ماطلعليش عيوب الحمد لله غير حاجة بسيطة, الدركسيون مش مظبوط, يعني عشان أمشي طوالي لازم اعوج الدركسيون شوية مش اخليه أفقي, ومؤشر البنزين بحسه فعلا مش مظبوط, ومرة فولت وفضل مشاور على إن لسة في شارتة ناقصة, , بس دي كلها حاجات بسيطة الحمد لله,
بس في عندي سؤال على استهلاك البنزين,
لما حسبته آخر مرة لقيته 271.8 كيلو ب 35.43 لتر أو 153 كيلو ل كل 20 لتر.
مع العلم إن العربية اوتوماتيك فل أوبشانز, وعاملة 1130 كيلو. وماشغلتيش التكيف أكتر من15-25 دقيقة من وقت الاستهلاك اللي حسبت عليه الرقم ده.
فـمش عارف هل ده طبيعي أو عشان العربية لسة مش عاملة كيلوات كتيره مثلا؟
أو ممكن تكون طريقة سواقة, وإذا ده السبب طب أعمل إيه عشان اقلل استهلاك البنزين؟
باسمع ناس بتقول متوقرسش وماتسوقش سواقة رياضية , بس إيه معنى ده في الاوتوماتيك بالضبط؟


متشكر ليكم جميعا على اهتمامكم

[medoampir]

شوف ياباشا انا معنديش الخبره اللى اقدر اقولك بيها اذا كان ده عيب فى السياره او فى السواقه
لو فى السياره يبقى اكيد احد الاعضاء هايجاوبك على طول
لكن لو فى السواقه
يبقى الموضوع ده احسن حاجه ممكن اقدمهالك:


http://www.nilemotors.net/Nile/40209-a.html

[tutankhamoun]

السلام عليكم و كل عام و أنت بخير و جميع رواد منتدى نايل موتورز و بأخص بالذكر ..... قسم بروتون .

أنت لسة في فترة التليين .............. يعني الإستهلاك محتاج على الأقل تكون عامل فوق 5000 كم علشان يتظبط .

بس لما تيجي تحسب ..... لازم تحسب من كام تفويلة مش من تفويلة واحدة ........ و نشوف المتوسط .

المفروض الأستهلاك الطبيعي
داخل البلد من 180 إلى 210 كم لكل 10 لتر بنزين بدون حرق و عصبية .

على الطرق السريعة
من 220 إلى 280 كم لكل 10 لتر بنزين ...... برضه بدون حرق و مش فارقة إن كان فيه تكييف أو لاءة .

المهم أعمل متوسط ...... مش حساب من أول مرة .
و لا تعتمد على قراءة المؤشر ( أي عربية في الدنيا مؤشرها بيديك متوسط مش أجمالي أو رقم دقيق )

ممكن تفول و بعدين توقف التفويل مع أول فصلة
و تمشي بالعربية 100 كم ....... و ترجع نفس البنزينة ............ و من نفس الماكينة ........ و تفول تاني و من أول فصلة تقف
و تشوف الأستهلاك كام بالظبط
و ظروفه أيه ....................... جوه البلد ....... طبيعة سواقتك ......... على طرق سريعة ........ تكييف ........

ملحوظة التكييف بيفرق أكتر و أنت سايق جوه البلد علشان العربية بتحتاج عزم أكتر و بالتالي بنزين أكتر علشان تقوم بسبب أن الكباس بتاع التكييف بيكون شغال و واخد حوالي 3 حصان من قوة العربية .

و ربنا يوفقك و برضه الأستهلاك بيتظبط بعد أول 5000 كم .

[ahmedsiyam]

اخى الفاضل

الاخ توت قال طبعا الخلاصة و بأكد على صحة المعلومة الخاصة بالـ 5000 كلم

احب اضيفلك حاجة كمان و دى معلومة اخدتها من متسابق بروتون للراليات فى مقابلة كده من فترة بسيطة و هى ان مواتير الكامبرو عموما بتديك الاداء القياسى لها بعد 10000 كلم فاطمئن خالص بالنسبة لموضوع استهلاك البنزين لان الموتور لسه فى فترة التليين و هايبقى ان شاء الله افضل بعد كده

موضوع الدرسكيون ده هايبقى ضبط زوايا فى الاول و لو العربية بتحدف التوكيل هايظبها لان الكلام ده عيب فى كل علب الدركسيون الخاصة ببروتون للاسف

العاموة بتاعة البنزين دايما بتدى قرءات غلط و غير صحيحة و برضه للاسف موجودة فى كل العربيات و الحجل الوحيد انك تكبر دماغك منها و تفول العربية بالكتير كل 300 كلم علشان تبقى فى الامان

[danight]

شوف ياباشا انا معنديش الخبره اللى اقدر اقولك بيها اذا كان ده عيب فى السياره او فى السواقه
لو فى السياره يبقى اكيد احد الاعضاء هايجاوبك على طول
لكن لو فى السواقه
يبقى الموضوع ده احسن حاجه ممكن اقدمهالك:


http://www.nilemotors.net/nile/40209-a.html

متشكر قوي على اللينك ده, فعلا فيه معلومات جامدة, جزاك الله خيرا

السلام عليكم و كل عام و أنت بخير و جميع رواد منتدى نايل موتورز و بأخص بالذكر ..... قسم بروتون .

أنت لسة في فترة التليين .............. يعني الإستهلاك محتاج على الأقل تكون عامل فوق 5000 كم علشان يتظبط .

بس لما تيجي تحسب ..... لازم تحسب من كام تفويلة مش من تفويلة واحدة ........ و نشوف المتوسط .

المفروض الأستهلاك الطبيعي
داخل البلد من 180 إلى 210 كم لكل 10 لتر بنزين بدون حرق و عصبية .

على الطرق السريعة
من 220 إلى 280 كم لكل 10 لتر بنزين ...... برضه بدون حرق و مش فارقة إن كان فيه تكييف أو لاءة .

المهم أعمل متوسط ...... مش حساب من أول مرة .
و لا تعتمد على قراءة المؤشر ( أي عربية في الدنيا مؤشرها بيديك متوسط مش أجمالي أو رقم دقيق )

ممكن تفول و بعدين توقف التفويل مع أول فصلة
و تمشي بالعربية 100 كم ....... و ترجع نفس البنزينة ............ و من نفس الماكينة ........ و تفول تاني و من أول فصلة تقف
و تشوف الأستهلاك كام بالظبط
و ظروفه أيه ....................... جوه البلد ....... طبيعة سواقتك ......... على طرق سريعة ........ تكييف ........

ملحوظة التكييف بيفرق أكتر و أنت سايق جوه البلد علشان العربية بتحتاج عزم أكتر و بالتالي بنزين أكتر علشان تقوم بسبب أن الكباس بتاع التكييف بيكون شغال و واخد حوالي 3 حصان من قوة العربية .

و ربنا يوفقك و برضه الأستهلاك بيتظبط بعد أول 5000 كم .

معاك حق يا أستاذ توت لازم فعلا احسب متوسط, إن شاء الله هكمل حساب في التفويلات الجاية برده.
هو للاسف التكييف عادةً مش بشغله غير في الزحمة عشان هو ده الوقت اللي بيبقى فيه الدنيا حر, على عكس لو ماشي بسرعة ممكن تفتح الازاز حتة صغيرة والجو بيبقى أحسن.

اخى الفاضل

الاخ توت قال طبعا الخلاصة و بأكد على صحة المعلومة الخاصة بالـ 5000 كلم

احب اضيفلك حاجة كمان و دى معلومة اخدتها من متسابق بروتون للراليات فى مقابلة كده من فترة بسيطة و هى ان مواتير الكامبرو عموما بتديك الاداء القياسى لها بعد 10000 كلم فاطمئن خالص بالنسبة لموضوع استهلاك البنزين لان الموتور لسه فى فترة التليين و هايبقى ان شاء الله افضل بعد كده

موضوع الدرسكيون ده هايبقى ضبط زوايا فى الاول و لو العربية بتحدف التوكيل هايظبها لان الكلام ده عيب فى كل علب الدركسيون الخاصة ببروتون للاسف

العاموة بتاعة البنزين دايما بتدى قرءات غلط و غير صحيحة و برضه للاسف موجودة فى كل العربيات و الحجل الوحيد انك تكبر دماغك منها و تفول العربية بالكتير كل 300 كلم علشان تبقى فى الامان

متشكر يا أستاذ أحمد على رد حضرتك, وفعلا زي ماحضرتك قلت وأستاذ توت, هستنا بعد أول 5000 ل 10000 كيلو عشان أعرف معدل الاستهلاك المظبوط إن شاء الله
وإن شاء الله يوم الإتنين الجاي لما أروح صيانة الالف هاقولهم عالموضوع بتاع الدركسيون ده ويظبطوه.


متشكر جددا ليكم, جزاكم الله خيرا, وإن شاء الله تكونوا من المغفور ليهم في رمضان وكل قسم بروتون ونايل موتورز

[أبومعاذ]

العربية عموما استهلاكها على الطرق السريعة رائع وداخل البلد عالي بس انا كمان لسة مكملتش 10000

[waleedfesal]

المفروض الأستهلاك الطبيعي
داخل البلد من 180 إلى 210 كم لكل 10 لتر بنزين بدون حرق و عصبية .

على الطرق السريعة
من 220 إلى 280 كم لكل 10 لتر بنزين ...... برضه بدون حرق و مش فارقة إن كان فيه تكييف أو لاءة .

.

استاذ توت كل سنه وحضرتك طيب ورمضان كريم
بصراحه انا بقالى كتير عايز اتكلم فى موضوع استهلاك البنزين العالى للبرسونا وكنت فاكر انه الموضوع دا بيحصل معايا انا بس
لان معدل الاستهلاك معايا مابيتغيرش عن 100كيلو لكل 10 لتر وعلى طريق مفتوح وسرعه لا تتجاوز 100كيلو ويمكن اقل فى اغلب الاوقات
وبفول من نفس البنزينه على طول غير مرتين تلاته بس لظروف سفر
بصراحه العربيه جميله جدا قول كلام جميل فيها زى ما تن عايز ودا اللى بيخلينى اقول لنفسى حتى لو الاستهلاك العالى عيب فيها فأنا مستعد اتعايش معاه
لكن لو فى فرصه لتحسين عملية الاستهلاك فا ياريت
العربيه عامله 6600كيلو فى شهرين ونصف واغلبها مشاوير سفر على الطريق الدولى
يعنى مره مرسى مطروح على اربع مرات اسكندريه على سته بورسعيد
بس معدل الاستهلاك اللى انت بتقوله دا مابيحصلش خالص
فهل دا عيب فى العربيه عندى او دا المعدل الطبيعى
ارجو الافاده

[tutankhamoun]

أنا آسف جدا يا جماعة .......... فيه غلط بسيط في الرقم الخاص بعدد لترات البنزين
أنا قصدت صفيحة ........ و الصفيحة 20 لتر و ليس 10 لتر .


الأستاذ وليد فيصل :
لاءة الرقم بتاع حضرتك كتير شوية خصوصا أن أنت بتقول أنك بتسافر على طول يعني مش جوه البلد
على الأقل خالص المفروض تعمل 220 إلى 240 كم لكل 20 لتر بنزين .

بس ممكن تشوف نوعية البنزين أو تغير المحطة خالص و تشوف تاني .
و ممكن تضيف على البنزين منظف رشاشات .......... و أسمه منظف رشاشات مش منظف دورة الوقود و اتأكد من الأسم علشان منظف دورة الوقود ده بيتحط كل مدة كبيرة و ملوش لزمة في عربية جديدة .


و ربنا يزفقك إن شاء الله .