حد يعرف جمرك البيرسونا كام ويكون متأكد

[memo_p910]

السلام عليكم
كنت ان شاء الله ناوي اجيب بروتون برسونا اوتو فول اوبشن من السعوديه بس خايف تكون جماركها عاليه ناس بتقول 28 الف وناس تقول 45 الف وناس تقول 48 الف مش عارف الحقيقه فين وللأسف موقع الجمارك على النت موقع فاشل وحاسس ان الجمارك دي كلها تظبيطات ومصالح ومالهاش قاعده ثابته ياريت حد يعرف ويكون متاكد ضروري يقولي بسرعه لاني عايز اتخذ قرار الشراء وشكرا لاهتمامكم

[ghoneim]

السلام عليكم
كنت ان شاء الله ناوي اجيب بروتون برسونا اوتو فول اوبشن من السعوديه بس خايف تكون جماركها عاليه ناس بتقول 28 الف وناس تقول 45 الف وناس تقول 48 الف مش عارف الحقيقه فين وللأسف موقع الجمارك على النت موقع فاشل وحاسس ان الجمارك دي كلها تظبيطات ومصالح ومالهاش قاعده ثابته ياريت حد يعرف ويكون متاكد ضروري يقولي بسرعه لاني عايز اتخذ قرار الشراء وشكرا لاهتمامكم

السلام عليكم ورحمة الله وبركاته
اللى انا اعرفه ان جمرك العربية 26000 جنيه مصرى غير النولون ومصاريف اداريه ومصاريف للمخلص واكراميات
وده من بق المخلص اللى بيشتغل مع عز العرب
وقال لى كمان ان عز العرب بيأخد 10% خصم على الجمارك بس ما قدرتش افهم منه هل الـ 26000 تشمل الـ 10% ولا ايه
انا عرفت المعلومه دى لانى بخلص عربيه بأسمى من الجمرك بس تبع عز العرب

[memo_p910]

ياريت ياستاذ غنيم لما تخلص الاجراءات تبلغني صفيت على كام او لو سمحت تديني رقم موبايلك على الخاص وانا اكلمك ومشكور

[mimo3000]

هو بص اللى انا كنت اعرفه والله اعلم ان جمارك العربيات 120% وانها ثابته الكلام ده كان من فتره
يعنى مثلا العربيه لو ب 41000 الف فالسعوديه تضربهم ف 120% هتبقى 90200

دى الجمارك بس ده طبعا غير الاكراميات والشحن والحجات دى

والبرسونا الاتوماتيك الفل اوبشن هنا ب 91000 تقريبا يعنى هى هى تعتبر مع الوضع فالاعتبار راحه البال وهترتاح من المشاوير والقلق والاكراميات ووجع الدماغ والروتين ده كله وكمان هتستلم على طول مش هتستنى لما تتشحن وتوصل وبتاع

انا قلتلك اللى اعرفه والله اعلم برضو
وربنا يوفقك ويهديك للاختيار الاحسن والانسب ليك