المشاكل كترت معايا ياشبااااااااااب

[mimo3000]

المشاكل زادت يا شباب انا كده هروح التوكيل

الباب اليمين اللى ورا مبقاش يفتح من جوه الاكره بتتحرك على الفاضى ومش بتفتح الباب يعنى لازم افتحه من بره

السماعتيين اللى قدام فصلوا

العفشه بتزيق من ورا واعتقد ان التزيقه جيه من اليمين

الازاز الكهربا اللى قدام يمين بيعلق سعات

العربيه حاسس انها مخنوقه ومش بتسحب خالص بس انا كنت بقول يمكن عشان لسه بتليين بس مش عارف دى تقيله جداااا وتحس انها شرقانه كده

والمشكله الكبيره بقى فالغيار التانى بيجى بصعوبه جداااااااااااااااااااااا وبجيبه بالعافيه وسعات الاول بيعمل زيه بس باقى الغياراات كويسه الحمد لله

للعلم العربيه حتى الان معملتش 110 كيلو على بعض يعنى لسه تعتبر بحالتها

انا كده هروح التوكيل وأمرى لله بس هستنى لما اخلص الرخصه واعلق النمر عشان لسه مخلصتش موضوع الرخصه ده ربنا يستر ويعدى على خير

ربنا يسترها معانا جميعا ويحفظلنا عربياتنا ويحفظنا من شر الطريق

[masterzmind]

ربنا معاك يا ميمو والله انا حاسس بيك لما حاجة جديدة وتعمل كدة معلش انشاء الله كل حاجة هتتحل فى التوكيل انشاء الله

[as01241]

المشاكل زادت يا شباب انا كده هروح التوكيل

الباب اليمين اللى ورا مبقاش يفتح من جوه الاكره بتتحرك على الفاضى ومش بتفتح الباب يعنى لازم افتحه من بره

السماعتيين اللى قدام فصلوا

العفشه بتزيق من ورا واعتقد ان التزيقه جيه من اليمين

الازاز الكهربا اللى قدام يمين بيعلق سعات

العربيه حاسس انها مخنوقه ومش بتسحب خالص بس انا كنت بقول يمكن عشان لسه بتليين بس مش عارف دى تقيله جداااا وتحس انها شرقانه كده

والمشكله الكبيره بقى فالغيار التانى بيجى بصعوبه جداااااااااااااااااااااا وبجيبه بالعافيه وسعات الاول بيعمل زيه بس باقى الغياراات كويسه الحمد لله

للعلم العربيه حتى الان معملتش 110 كيلو على بعض يعنى لسه تعتبر بحالتها

انا كده هروح التوكيل وأمرى لله بس هستنى لما اخلص الرخصه واعلق النمر عشان لسه مخلصتش موضوع الرخصه ده ربنا يستر ويعدى على خير

ربنا يسترها معانا جميعا ويحفظلنا عربياتنا ويحفظنا من شر الطريق

السلام عليكم
أنا على ما أتذكر إن حضرتك إشتريت البرسونا دي من معرض مش من التوكيل وهي 2009 فا غالبا العربية دي كانت مركونة في المعرض من مدة فا كل اللي ظهر عندك ده طبيعى من ركنة العربية (الباب اللي ما بيفتحش والسماعات اللي فصلت وتزييق العفشة وتعليق الإزاز الكهربا ) أما الفتيس فا التقل دا هيبقى فى الأول بس وبعد كده واحدة واحدة هينعم معاك هو بس المدى بتاعه قصير ومحتاج تعود أما خنقة العربية فدي مش واضحة بمعنى إيه؟؟ هو إنت المفروض أول 1000 كلم إنت بتلين يعني ما تقرصش على العربية ولا تعدي 3 rpm ولا تزود عن ال100
على العموم إنت ممكن تتصل بالتوكيل أو بمهندس آمر مدير خدمات ما بعد البيع فى التوكيل وتطلب منه إنك تعمل للعربية فحص الpdi لإن غالبا العربية كده ما إتعملهاش عشان جبتها من معرض
ماتقلقش كلها إن شاء الله حاجات بسيطة وتتظبط , ربنا يوفقك

[m.3abdel3al]

1. شوف السيفتي بتاع الاطفال يا ميمو ممكن يكون حد لعب فيه

2.دول امرهم سهل اوي ممكن يكون السلكة فيها حاجة

3.دي اكيد ااكنبه بص انت تفكها و تحاول تظبط اي حاجة على الحديد بتاع الافل وهي مش هتزيق

4.دا ممكن تكون المكنه فيها حاجة حتى لو فيها هتتغير ضمان ان شاء الله

5.والله دي انا مقدرش اقول فيها علشان ممكن تكون بتسحب بس انت مش عجبك ودي لازم تتجرب انما هي لو فعلا مخنوقة شوف الفلاتر

6.شوف زيت الفتيس وممكن برده علشان انت متعودش على الحارات الديئة في الفتيس

وان شاء الله تروح التوكيل وكل حاجة تتحل ولو في حاجة كلنا معاك ان شاء الله

[mimo3000]

هو يعنى ايه "ولا تعدي 3 rpm" يعنى ماعديش 30 فعداد ال rpm ولا حاجه تانيه؟؟

وبرضو ال pdi ده عباره عن ايه معلش انا مش قوى اوى فالحجات دى انا كان معايا عربيه ريجاتا قبل دى ومكنش فيها الحجات دى فمعلش فهمونى وحده وحده كده انا لسه جديد فالبروتوناويه


""1"". شوف السيفتي بتاع الاطفال يا ميمو ممكن يكون حد لعب فيه"" ده اللى بيقفل المسوجر بتاع الباب يعنى انا جربته وبيقفل كل البيبان عادى بس هو فى زرار جنبه انا مش عارف بيعمل ايه بيتداس عليه زى الزرار عادى بس ياما on او off تحت او فوق يعنى لو حد يعرف هو بتاع ايه يقولى معلش

فى حاجه كمان معلش انا دلوقتى لما جبت العربيه ادونى عقديين وصوره من ورقه كده بتاعت الافراج الجمركى فيها كذا عربيه برسونا برقم موتورهم ورقم الشاسيه بتاعهم وعربيتى وحده منهم عقديين لابيع دول واحد من الفا عز العرب لعز العرب والتانى من عز العرب ليا هل معنى كده انى اعتبر جايب من التوكيل على طول والمعرض كان مجرد وسيط ولا ايه الحكايه؟؟
وبخصوص الورقه بتاعت الجمارك دى دى صوره مش أصل وفيها كذا عربيه ياترى هى دى اللرى هروح اطلع بيها الافراج الجمركى ولا ايه الحكايه؟؟

شكرا على ردودكم يا شباب وشكرا على اهتمامكم وربنا يكفيكم شر طريقكم



بخصوص العربيه انا هروح التوكيل انشاء الله واقولهم على الحجات دى وهتتظبط انشاء الله
والحمد لله انها جت على قد كده

[A.Saad]

بص يل سيدى
سيفتى الاطفال ده نظام معمول لو فيه طفل جوة العربية
بيخلى العربية تفتح من برا
لكن من جوة محدش يقدر يفتحها
الكلام على البيبان اللى ورا بس

يبقى عندك اربع حاجات بتتحكم فى فتح الباب الخلفى
اكرة من الداخل
اكرة من الخارج
مسوجر
زر سيفتى الاطفال

لو سيفتى الاطفال شغال
هتلاقى ان الباب مستحيل يفتح من جوة حتى لو المسوجر مفتوح
جرب وقاللى

[mimo3000]

طيب مهو فين مكان سيفتى الاطفال ده بقى؟؟

[Osama.shihata]

طيب مهو فين مكان سيفتى الاطفال ده بقى؟؟

حضرتك افتح الباب الخلفى وبص كويس عند كيرف الباب وهتلاقى مفتاح لفوق يفتح ولتحت يقفل عن اللوك .

[M.almaghraby]

Its a ....l part like a key in the rear door
open the door and look at the black rubber lining the door...
You will find it

[mimo3000]

شكرا يا باشا على سرعه ردك وعلى اهتمامك انا هنزل انشاء الله بعد الفطار واشوفه كده ممكن يكون الباب سليم :)

ربنا يكرمكوا يا شباب يارب والف شكر

ربنا يكفيكوا شر طريقكم

[A.Saad]

شكرا يا باشا على سرعه ردك وعلى اهتمامك انا هنزل انشاء الله بعد الفطار واشوفه كده ممكن يكون الباب سليم :)

ربنا يكرمكوا يا شباب يارب والف شكر

ربنا يكفيكوا شر طريقكم

على فكرة
اللى باين كدة انك كا قريتش كتالوج العربية
يا ريت تقراه ولو بسرعة

[m_marmoush]

بالنسبه للسماعات اللى مش شغاله : دى حتحتاج تضبط ال audio settings الخاص بالكاسيت (خلى ال FADER = 0)

بالنسبه للتزييق اللى ورا نزل ظهر الكنبه حتلاقى مسمار على شكل U لف علي شكارتون و رجع الكنبه تانى مكانها


على فكره أنت ماعندكش مشكله بس أنت محتاج تقراة الكاتالوج لأن فى برضه زرار بيلغى عمل الزجاج الكهربائى

[mimo3000]

هو مبدأيا بالنسبه للكتالوج فانا لسه ماخدتوش ولا هو ولا شهادت الضمان عشان انا جايب من معرض مش من التوكيل فلازم اديله صوره الرخصه عشان يجيبلى الضمان والمانيوال

بخصوص الزرار بتاع الباب اللى ورا فهو مش موجود عشان انا هاف اوبشن من فل اوبشن انا قلت اتاكد الاول فالعربيه قبل ماتكلم ممكن اكون ماخدتش بالى

بالنسبه للسمعات انا عملت الfader على صفر وهو اصلا كده ده default بتاعه المهم عشان اتاكد ان اللى قدام مش شغاليين زودت الfader بحيث ان يشغل اللى قدام بس مطلعش صوت خالص ولما غيرت تانى اللى ورا اشتغلوا عادى


وشكرا على رددودكم وكل عام وانتم بخير ورمضان كريم

[Ayman_52]

انت جايب هاف اوبشن ؟؟؟؟؟؟؟؟؟؟؟

طب ماياعم فى هاف اوبشن فى التوكيل بالهبل ... مش كنت جبيتها بالتخفيض من التوكيل احسن ؟؟؟

-----

حاجه تانيه ... دلوقتى كل عربيه بتطلع من التوكيل بالكتالوج والضمان بتاعها

مافيش حاجه اسمها اجيبلك ضمانك من التوكيل ... ولو قالك هختمه ليك ... قوله لا انا اللى هختمه بنفسى

عشان المشكله دى حصلت مع عضوين معانا .. وفى واحد من القاهره باردوا مستلم بقالوا 3 شهور ولحد دلوقتى المعرض ماجبلوش الكتالوج والضمان ...

زن عليهم وخدهم منهم بسرعه

------

وبخصوص المشاكل البروتوناويه ضبطوك ... وان شاء الله كل حاجه هيتضبط

تحيـــــــــــــــاتـــــى

[mimo3000]

تمام يا ايمون انا انشاء الله هروحلهم واخد منهم الحجات بكره او بعده وربنا يسهل

انا والله لو كنت اعرف ان فى هاف اوبشن فالتوكيل كنت جبت على طول وكان زمانى مرتاح دلوقتى بس هو والله انا لما سألت استاذ محسن قالى مفيش خالص ولا برسونا ولا جين تو انا كنت بتكلم بوجه عام ومحددتش مش عارف يمكن هو افتكر انى كنت بسال على الفل اوبشن

يلا الحمد لله (الخيبره فيما اختاره الله)
والف شكر على ردك ياباشا