انا محتار بجد

[khaledmontero]

طبعا زى أى حد بيفكر يشترى عربية محتار .. بس المشكلة ان دى هاتبقى اول عربية اركبها ... وانا عجبانى الجين 2 بس ناس بتقول حلوة وناس تانية العكس ... طبعا الموضوع ده ممكن يكون قديم بس انا لسه مشترك جديد هنا عشان خاطر اسألكم النصيحة ... وكمان تقولولى على اسعارها مستعملة عاملة ايه دلوقتى ..
جزاكم الله خيرا .. واسف لو كنتم هاتكرورو كلامكم عشان انا عارف ان فى ناس كتير سألت الاسئلة دى قبل كده . شكرا

[m.3abdel3al]

بص يا باشا انت تخش على اللينك دا هتلاقي كل حاجة عن الجين من اول الحجز لحد التظبيط

http://www.nilemotors.net/Nile/89485-2.html

بالنسبة لاسعار اليوسد حسب الاستخدام

يعني مثلا 2008 حالة ممتازة حوالي 73 ل 75 اوتو كاملة و 69 ل 72 مانيوال كامله

و موديل 2007 حالة ممتازه حوالي 65 ل 68 اوتو كامله و 60 ل 63 مانيوال كاملة


و خلي بالك عدد الكيلوهات الي مشيتها العربية بيفرق

[khaledmontero]

طب ليه بلاحظ ان اغلب العربيات اللى بتتباع يوسد بتكون مشيت عدد كيلوميترات قليل من 12 الف حت 45 الف !!
وازاى اتأكد ان العربية مافيهاش عيوب زى اللى كل شوية بسمعها ...

[m.3abdel3al]

فكرة ان اليوسد ماشي قليل لان كل الي بيجيب الجين 2 بيكون بيحب يغير كتير و كل يوم بيكون معاه عربيه و كمان العربيات اليوسد مش كتير دول 10 او 20 عربية بس مش اكتر

و علشان تتاكد ان العربية كويسة لازم تعملها تست في التوكيل و تكشف عليها كويس جدا و تشوف الصيانات هل كان بيعملها في التوكيل ولا لا