إمبارح كنت هموووووت

[unroi]

الحمد لله رب العالمين الا وكل شىء قضاء وقدر لا اعتراض على قضائه
المهم امبارح فطرت عند والدتى وبعدين لما فطرنا انا صممت اروح بدرى لأنى ساكن فى محافظة تانية
وانا سايق العربية لقيت الطريق فاضى خاللللص مفيش اى عربيات المهم كنت راكب عربيتى الشاهين الحقيرة
محلوظة هامة هبيعها بعد العيد وحاجز برتون
المهم وانا ماشى على 100 لقيت مرة احدة متسيكل على راجل وست راحو جابو الطريق بالعرض مرة واحدة
فلتقائى راحت ضربت فرامل مرة واحدة وكان معايا مراتى وبنتى وفجاءة مع ضربة الفرامل لقيت العربية بتلف
فى الطريق بالعرض ومش قادر اتحكم فيها وجابت الطريق مرة باليمين ومرة بالشمال والحمد لله ان مفيش عربية نقل جاية من ورايا ا عربية تانية المهم الراجل بتاع الموتسيكل بمنتهى البرود ماشى مع العلم انى مشغل النور العالى المهم انا ع رفت اتحكم فى العربية بالعافية كرهت الشاهين بجد انا مش عار ف فيه حاجة غلط بالفرامل ولا دى طبيعة الشاهين ولا لو انا كنت سايق اى عربية تاني كانت عملت نفس الموقف
الحمد لله انا شوفت الموت بعينى والحمد لله على كل شىء وبصراحة انا كنت خايف على بنتى جامد اكتر من نفسى وانا مش عارف اية الهبل بتاع الناس اللى سايقين الموتسيكل تلاقى الاحد منهم مرة واحدة قدام عربيتك
حسبى الله ونعم الوكيل ان لله وان اليه راجعون

[ابو فرح]

قدر الله وما شاء فعل
حمدالله على سلامتك انت والاسره وكل عام وانت طيب

[as01241]

ألف حمدلله على السلامة وقدر الله وماشاء فعل والمهم إنك والأسرة الكريمة بخير , معلش في الزمن ده لازم تبقى ماشي بأي عربية وعينيك في وسط راسك وتخللي بالك حتى من اللي ماشيين على رجليهم

[gagareen]

الف حمد الله على السلامه انت واسرتك
ربنا يسترها علينا كلنا

كل سنه وحضرتك طيب

تحياتى

[MoToRiZeR]

حمد الله علي سلامتك يا باشا إنت و العائلة الكريمة
غالباَ فيه حاجة في الفرامل عندك "فيه ناحية بتقفش أكتر من ناحية" عشان كدة العربية لفت
و في إنتظار أراء باقي الزملاء .

و مبروك عليك البروتون مقدماَ

[tabeb]

حمد الله علي سلامتك انت والاسرة
ياريت تبقي تحط الحزام لبنتك وربنا يخليهالك

[eslam_wega]

المشكلة فى بتوع الموتسيكلات انك بتبقا خايف عليهم اكتر ما هم خايفين على نفسهم
بالنسبة لسوئلك لا طبعا لو كانت راكب عربية حديثة مكنتش هتعمل معك كدا
انا كنت راكب ديهاتسوا ميرا وكنت على طريق اسكندرية الصحراوى وماشى فى حدود 100 - 120
وواخدة اقصى الشمال ولسة هعدى من نقل كبير كان ماشى فى حدود 40 كليو وفى نص الطريق
القى النقل راح قفل الطريق بتاعى وكسر شمال مرة واحدة عشان بياخد يو تارن
مع العلم مش مدى اى اشارة انه داخل شمال ولا حتى بص فى المرايا يشوف حد جاى او لا
وفى اقل من ربع ثانية والله العظيم كان لازم اخد قرار
انا عموما اخر حاجة بفكر استخدمها الفرامل ديما اخد غرازة واهرب
بس هنا كان مستحيل لانى جاى بسرعتى والنقل بقل قريب جدا منى
ومستحيل انى اقدر اوصل من اخر اليمين لاخر الشمال فى اقل من ثانية
ضربت بكل ما اعطنى الله من قوة دوسة الفرامل وقبل 3 متر من النقل كانت الحمدلله العربية واقفة تمام وملفتش نهائى

مواقف زى دة كان حصل مع اختى من 8 او 9 سنين كان معها 128
بس كانت ماشية بالراحة جدا فى حدود 60 كليو
ضربت فرامل العربية عملت خمسات وواقفت فالاخر بالعرض
فهى عموما العربيات الى زى 128 او الشاهين او النوعيات دى ركوبها خطر
لانها ولا فيها امان سلبى ولا امان ايجابى
فاحمدلله انك هتبعها وربنا يكفيك شراها لغايت ما تخلص منها
معلش طولت عليك

[unroi]

ربنا يخليكم على ردكم بس انا كان نفسى اعرف هى كل العربيات كدة لا الشاهين بس يعنى انا ل جيبت برسنا وضربت فرامل ممكن تلف بالمنظر دة فى الطريق

[unroi]

ياااااااااااااااه انا متشكر جدا على ردودكم وفعلا انتم ناس محترمين وجدعان جدا

[m.3abdel3al]

الف سلامه على حضرتك وقدر الله وما شاء فعل بس 100 دا قليل جدا انا لو ماشي على 100 بالجين كانت و قفت مكانها بس يلا ولا يهمك قدر الله و ما شاء فعل

[DR_EMAD]

أولا الحمد لله على سلامتك وسلامة أسرتك

ثانيا بشأن استفسارك عن الفرامل .. أنا حصل معايا نفس الموقف بس بدل الموتوسيكل .. لقيت الطريق انتهى .. وكنت على سرعة أعلى من 100 .. ومسكت فرامل .. بس العربية ملفتش والحمد لله .. واستطعت توقيفها

ثالثا .. وده خارج الحوار واستفسار حضرتك .. واسمح لى فيه معلش

امبارح فطرت عند والدتى وبعدين لما فطرنا انا صممت اروح بدرى لأنى ساكن فى محافظة تانية

مش كنت تستنى شويتين بعد الفطار مع ست الحبايب ؟؟ !! هو موضوع فطار وبس ...

ده فطار ولمة وفرحة .. واجتماع الجدة بحفيدتها

ربنا يخليهملك جميعا يارب .. وأعتذر بشأن التدخل فى نقطة قد لا تخصنى

وأخيرا حمدالله على سلامة حضرتك

[emadhamdy]

(الف سلامه عليك يا غاليوالحمد لله علي سلامه عائلتك الكريمهواكيد كانت تفرق لو كانت بروتون او عربيه حديثه اعتقدوفعلا الشاهين صعبه في كل حاجه حتي سواقتهاولا فيها بور ولا اي حاجه تخنق بصراحه)

[hanyetsh]

الف حمدالله على سلامتك وقدر الله وا شاء فعل

[khpopo]

حمد الله باسلامه وانها جت على قد كده لان الطرق بقت بشعه جدااا ربنا يسترها معانا جميعا
ربنا يوفق

[dr-mohamed]

الف سلامه على حضرتك وقدر الله وما شاء فعل بس 100 دا قليل جدا انا لو ماشي على 100 بالجين كانت و قفت مكانها بس يلا ولا يهمك قدر الله و ما شاء فعل

متحرضش الراجل على السرعة ولا علشان هينضم لكم في نادي البروتون ؟؟؟؟؟؟؟؟

الف حمد الله على سلامتك انت والمدام والولاد ودي اهم حاجة في الدنياو في مليون داهية اي عربية او اى حاجة تانية ظفر اي حد من الولاد بكل فلوس العالم