استفسار فى الواجا

[polk77]

[overline][/overline] انا جبت واجا 2009 من شهرين العربية ممتازة جدا بس عندى ملاحظتين
1 - العربية مقدرتش اجيب اكتر من 165 كيلو/ساعة فى طريق اسيوط الغربى بدون تكييف
2 - فى صوت خبط فى الدركسيون فى المطبات


كنت عايز اعرف هل ده طبيعى؟

[abo3bdolrahman]

1 - ده طبيعى لو أتوماتيك
2 - الخبط ده عامل إزاى يعنى إحساس بس و لا صوت كمان

[polk77]

العربية فعلا اتوماتيك
و لو السرعة 165 كيلو/ساعة طبيعى ليه العداد 240
بالنسبة للخبط إحساس و صوت كمان

[abo3bdolrahman]

حضرتك العربية بتبقى معمولها تحديد أتوماتيكى للسرعة عن طريق كارت الكنترول و بالنسبة للعداد فده تدريج إستاندرد و ده بيبقى لأقصى سرعة للموديل ده + 10 % تقريبا و ام تنساش إن الواجا فى منها بمحرك 2000 سى سى و 160 حصان فى ماليزيا و طبعا مش هايحطوا عدادات مخصوصة لكل موديل و بالنسبة للصوت فى الدركسيون يا ريت تخليهم يكشفوا على علبة الدركسيون فى الصيانة القادمة و يا ريت ما تقرصش على العربية و هيا لسه فى التليين و ربنا يباركلك فيها .

[ramyar]

ياريت تقولين كماليات العربيه ايه وبكام وجنط العربيه 15 ولا 16 لاني بجد ناوي اشتريها اول شهر 12

[tofy_urban]

انا ليا واحد صاحبي قفل العداد بالجين تو و انا جبت ال165 دي بالنوبيرا و كان ممكن اجيب اكتر بس قلقت بقي ,, و علي فكرة صاحبي اللي قفل العداد ده كان مصورها فيديو و منزلها علي الفيس بوك هاحاول اشوفها و اجيبهالكم

[hesham_soaida]

ياريت تقولين كماليات العربيه ايه وبكام وجنط العربيه 15 ولا 16 لاني بجد ناوي اشتريها اول شهر 12

انا جبت العربية من اسبوع فقط. العربية فعلا ممتازة, وهي اتوماتيك full option
بالنسبة للكماليات:CD clarion , multifunction wheel , جنوط, parking sensors , سنتر وانذار, 2 وسائد هوائية, ABS ,فتح الشنطة والبنزين من الداخل, زجاج كهرباء 4 , قفل حماية للاطفال, fog lights

[khpopo]

[overline][/overline] انا جبت واجا 2009 من شهرين العربية ممتازة جدا بس عندى ملاحظتين
1 - العربية مقدرتش اجيب اكتر من 165 كيلو/ساعة فى طريق اسيوط الغربى بدون تكييف
2 - فى صوت خبط فى الدركسيون فى المطبات


كنت عايز اعرف هل ده طبيعى؟

مبروووووك ربنا يديك خريها ويكفيك شرها
ربنا يوفق

[solom_2010]

ولا تقلق من اى حاجه انا معايا واجا 2006 العربية عاملة 60 الف كيلو ميتر العربية بجد بتتغير بعد ال30 الف كيلو المتور بيفتح جدااااااااااا و السحب حلو جدا انا اعلى سرعة جبتها بيها 175 طريق العين السخنة و كانت ممكن تجيب اكتر بكتير بس عشان والدى كان قاعد جنبى

[polk77]

متشكر جداا يا جماعة على الاهتمام
و على فكرة هذا المنتدى كان السبب الرئيسى انى اجيب البروتون

[ramyar]

طيب الجنط 15 ولا 16 والسعر كام

[MohabSaeed]

الف مبروك على الواجا

بالنسبه لموضوع السرعه .. خلى بالك العربيه لسه جديده و مع الاستخدام الموتور بيفتح اكتر

الحاجه التانيه عربياتنا نازله مواصفات خليجى و ده مثبت على البورده المعدن الى على القايم , علاشان تاخد كامل ادائها لازملها بنزين 95 " ده مش كلامى ده كلام الشركه المصنعه و الكلام الى مكتوب على التانك "

يعنى الواجا المانيوال المفروض اقصى سرعه ليها 190 على حسب كلام الكتالوج ... بالنسبالى اقصى سرعه وصلت ليها 170 بالرغم من انها مانيوال .

عموما 165 .. 170 .. 190 .. كده كده احنا طرقنا ماتستحملش السرعات العاليه .



بالنسبه للمشكله التانيه ... اعتقد هى حاجه من اتنين ... ممكن كلوك اسبرينج او علبه الدركسيون ... و الاتنين بيتغيرو فى الضمان .

[Eng. Rafy Samy]

كلام استاذ مهاب مظبوط 0100% ..
عن تجربة برضة
تقبل تحياتي

[polk77]

شكرا جدا يا استاذ مهاب

[emadhamdy]

متشكر جداا يا جماعة على الاهتمام
و على فكرة هذا المنتدى كان السبب الرئيسى انى اجيب البروتون

مبروك عليك الواجا وفعلا هي عربيه تستحق الاحترام
ومعايا صاحبي جاب بيها 175 وكان ناوي علي اكتر بس بصراحه انا اللي خوفت
وقولته بالله عليك اهدي
العربيه جميله وبتديك ثقه حلوه اوي انك تجري بيها
ربنا يستر ها معانا جميعا علي الطريق
تحياتي ليك وللجميع البروتانيه

This image has been resized. Click this bar to view the full image. The original image is sized 800x523.