سؤال ؟ ؟

[khaledmontero]

هو السؤال قد يبدو غبيا بس اعذرونى لانى مش بفهم قوى فى موضوع العربيات ..
1- ايه الاوبشن اللى فى العربية الاوتوماتيك والمانيوال (جين 2) ؟؟
يعنى هل فى عربية اتوماتيك ومافيهاش طارة مالتى فانكشن ؟؟ وممكن مايكونش فيها مثبت سرعة ؟؟
2- ياريت حد يقولى الفرق بين موديل 2008 , 2009 (جين 2) ؟؟؟؟
3- فى حد عنده فكرة التوكيل بيبيع (جين 2) موديل 2009 يوسد ولا لاء ؟؟ ويلريت لوحد يقولى رقم حد أكلمه فى التوكيل اسأله ع اليوسد .
كل سنة وانتم طيبين - عيد فطر سعيد

[m.3abdel3al]

هو ما فيش جين مافيهاش مالتي انما مافيش مثبت سرعة من بعد موديل 2008

[khaledmontero]

يعنى موديل 2009 مافيهوش مثبت سرعة ؟؟

[tutankhamoun]

الجين 2 في الكماليات واحدة ( أوتوماتيك أو مانوال )
مثبت السرعة كان موجود في الأوتوماتيك فقط لا غير و حتى موديل 2008 يعني 2009 مفيهوش مثبت سرعة و لكن زاد على العربية :
- مشغل الأسطوانات أصبح يدعم نظام mp3 يعني يشل أسطوانات أم بي ثري .
- سبويلر .... أصبح بينزل في كل العربيات .

أما الكماليات :
كاسيت سي دي أسطوانات صوت و أم بي ثري .
تكييف
مرايات بيتم تعديلها كهربائيا .
حساس للركن الخلفي .
الفوانيس فيها موتور لتعديل اتجاه الضوء
أربعة مصابيح شبورة ( أثنين خلفي و أثنين أمامي )
نظام مجمد السيارة و أنذار منها فيها built in
طارة مالتي فنكشن .
عدد 2 وسادة هوائية للراكب الامامي و السائق .
فرامل abs ebd
جنوط أسبور مقاس 15 .
كمبيوتر رحلات لبيان أستهلاك البنزين و عداد المسافات القصيرة و وقت القيادة الكلي ...... الخ .
الطارة بيتم تعديلها رأسيا حسب حجم السائق و راحته .
الكرسي الأمامي للسائق بيتم تعديله رأسيا أيضا و لكن لمسافة قصيرة .

[mimo3000]

مفيش جين ولا برسونا فيهم مثبت سرعه اصلا الكلام ده فموديل 2009 الله اعلم بقى 2008 ايه نظامهم

بالنسبه للبرسونا بقى اللى هى السيدان بتاع الجين تو فى منها نوعين فى الفل اوبشن وفى الهاف اوبشن
الهاف مفيهاش مالتى فانكشن ولا سينسور ولا جنوط اسبور والكاسيت اوديو مش mp3 والهاف اوبشن دى ب79.900 والفل اوبشن ب 84.900

بالنسبه للجين فهى مفيهاش هاف اوبشن وفل اوبشن تقريبا