كيف تشترى الجين 2 فى سبع خطوات ( الخطوه السادسه - الحجز )

[ahmedfathy77]

السلام عليكم ورحمة الله وبركاته

اخيرا وبعد طول انتظار تم الحجز والحمد لله جين 2 2010 اتوماتيك مع استاذ محسن صالح فى فرع الصحراوى وطبعا الموضوع كان بسيط جدا رحت انا واستاذ ايمن بعد ماقابلته فى الجيزه ورحنا سوا وطبعا ايمن زى ما انتوا عارفين خبير فى طرق القاهره والجيزه فمسالناش الا كام مره بس مش عشان كنا تايهين ولا حاجه لا عشان زيادة اطمئنان والحمد لله وصلنا للمحور اللى انطلق ايمن بعده للتوكيل فى اول الصحراوى

دخلنا ولقينا استاذ محسن صالح وكان الموضوع فى غاية البساطه طلباتك ايه جين 2 2010 اتوماتيم طب اللون لسه محددتش وكده كده الدفعه اللى جايه مش هستلم منها فلما اتفرج على الجديد واشوف اكتر على الطبيعه وطبعا لازم راى المادام فى موضوع اللون ده طبعا اللى متجوزين فاهمين احم احم.

طب ايه المطلوب صورة البطاقه ومبلغ الحجز اللى مابين 500 او 1000 جنيه وكل من تمن العربيه زى ما محسن كان بيقول دفعت الفلوس واخدت الوصل .

طب الخصم ايه نظامه؟ اعد يجيبنا يمين وشمال بس انا وايمن الصراحه حاصرناه لغاية ما اتاكدنا انه مفيش عنده معلومات مؤكده عن قيمة الخصم بالظبط وهو مستنى الادارة العليا اللى هتحدد الموضوع ده عشان يبقى فيه ديل تانى ان شاء الله بس قيمته كام مش واضح اوى وغالبا هيكون اقل شويه من اللى فات بس اكيد هيكون فيه خصم باءذن الله وطبعا الكلام ده عن الجين 2 بس برسونا وواجا الخصم ممكن يستمر - على حسب كلام محسن -بس هل على الديل القديم و لا على المفروض لسه هيتعمل الصراحه مش متاكد بس الخصم زى ماهو وفيه عرض جديد على الواجا اللى نازله فى باله جديد طبعا ايمن باشا هو اللى هيتكلم عن المواضيع دى كلها احسن منى .

بالنسبه لجين 2 2010 العربيات فى الميناء من فترة وهتنزل بعد العيد ان شاء الله برضه على حسب كلامه فخلاص هانت يا رجاله .

قابلنا المهندس امر وسالناه على r3 قال لنا تفاصيله هتنزل بعد العيد ان شاء الله وكل حاجه عنه هتبان

انا عملت الموضوع زى ما وعدتكم انقل لكم تجربة الجين 2 خطوه بخطوه عشان اى حد بعد كده عاوز يشتريها ميحترش كتير ويلاقى تفاصيل لمعظم اللى هييجى فى باله وان شاء الله الموضوع القادم فى السلسله هى الاستلام باءذن الله بكل تفاصيله ولو امكن هصور الموضوع ان شاء الله عشان تعم الفائده للكل وفاضل كده موضوعين فى تجربتى لشراء الجين وهم موضوع عن جميع المواضيع اللى اتكلمت عن عيوب ومميزات الجين وموضوع الاستلام وبكده ان شاء الله اكون خلصت اللى وعدتكم بيه وعلى امل انه يتثبت هديه منى لكل وافد جديد يرغب فى شراء الجين 2 بشكل خاص وبروتون بشكل عام . وكل عام وانتم بخير

سلامى للجميع

[MohabSaeed]

الف مبروك مقدماً يا أ احمد و مبروك الكبيره لما تستلم الجين 2 على خير ان شاء الله .

كل سنه و انتا طيب عيد سعيد عليك و علينا جميعا ان شاء الله .

[ahmedfathy77]

الف مبروك مقدماً يا أ احمد و مبروك الكبيره لما تستلم الجين 2 على خير ان شاء الله .

كل سنه و انتا طيب عيد سعيد عليك و علينا جميعا ان شاء الله .

وحضرتك طيب يا باشا وانا والله مستنى الكبيره دى على نار بس خلاص بدا العد التنازلى وكله بميعاد ان شاء الله

عيد مبارك عليك وعلى الاسره كلها

سلامى للجميع

[mm123]

مبرووك مقدما وان شاء الله ربنا يديك خيرها ويكفيك شرها..............كنت عايز اسال اذا كانت البرسونا هتنزل 2010؟؟؟

[eslam_wega]

تسلم والله يا بوحميد على التوبيك الجميل
اتمنى يا رب ان الخصم يكون كويس عشان انا ان شاء الله هشترى على اخر فبراير
بس كل الى قلقان منه موضوع الانتشار دة
انا متابع معك و فى انتظر الخطوة السابعة ان شاء الله

[kareem_aljamal]

هو حضرتك هتستلم في الدفعة الجاية ؟؟؟؟ اللي وصلت دي يعني ولا اللي بعدها
و مبرووك مقدما

[Ayman_52]

مبروك يا كبيــــر .... وعقبال ماتستلم على خير ان شاء الله

بس ماتنسى يوم الاستلام ... عاوز :-

1 كانز كولا + 2 شيكولاته جالاكسى ساده

-----

مبـــــــــــــــــروك ....

تحيــــــــــــــــــاتـــــــــــى

[jisso82]

1000 مبروك يا أحمد لو إن العربية دى لما تيجى هتبقى السبب فى إنى ما استمتعش بالحديث بتاعنا اللى بعد كل خروجة بس برده هى أريحلك. 1000 مبروووووووووووووووووووك يا باشا و نصيحة ليك و للمدام الجين أسود أو ميتال جراى و طبعا دى مساعةد على الماشى و لولا اختلاف النظر .....................

[kareem_aljamal]

هو حضرتك هتستلم في الدفعة الجاية ؟؟؟؟ اللي وصلت دي يعني ولا اللي بعدها
و مبرووك مقدما

+++++++++++++++

[مصطفى_صديق]

الف مبروووووووك ....وتستلمها على خير ان شاء الله وربنا يديك خيرها ويكفيك شرها

[ahmedfathy77]

مبرووك مقدما وان شاء الله ربنا يديك خيرها ويكفيك شرها..............كنت عايز اسال اذا كانت البرسونا هتنزل 2010؟؟؟

الله يبارك فيك يا باشا ويكرمك

بالنسبه للبرسونا ان شاء الله تنزل وايه المشكله . البيرسونا اخت الجين ومحدش قال انها مش نازله ده حتى كانوا عاملين عنها اعلان قريب مع الواجا بريميوم فى اخبار اليوم الاسبوع اللى فات صحيح مقالوش 2010 بس خلاص كل سنه وانت طيب الجين 2 2010 الناس هتستلمها بعد العيد بفتره بسيطه اوى .

سلامى للجميع

[ahmedfathy77]

تسلم والله يا بوحميد على التوبيك الجميل
اتمنى يا رب ان الخصم يكون كويس عشان انا ان شاء الله هشترى على اخر فبراير
بس كل الى قلقان منه موضوع الانتشار دة
انا متابع معك و فى انتظر الخطوة السابعة ان شاء الله

السلام عليكم ورحمة الله وبركاته

ادعى ان شاء الله يكون الخصم معقول وايمن متابع معاه برضه الموضوع ده وان شاء الله نستفيد كلنا فى الاخر

بالنسبه للانتشار انا معاك ان الواحد لما يركب عربيه مميزه مش منتشره بتدى احساس مختلف بس زى ما كل حاجه فى الدنيا ليها مزايا فى عيوب يعنى العربيه لما تنتشر وهى على فكره فى اماكن فى القاهره منتشره جدا زى مدينة نصر مثلا والاسكندريه الكل هيستفيد من الانتشار ده برضه ازاى . قطع الغيار بتاعتها هتلاقيها مرميه فى كل حته وخاصة بعد الموضوع اللى ناويين يعملوه فى اول السنه الجايه ان مصر هتكون مركز رئيسى لتوزيع قطع الغيار فى الشرق الاوسط حسب كلام مهندس امر فى المقابله فده هينشر قطع الغيار واكيد هيرخصها ده غير انتشار الميكانيكيه اللى هيفهموا فيها لما يلاقوها انتشرت وقطع الاكسيسوريز المناسبه ليها يعنى مش هتبقى محتاج تسافر لاخر الدنيا عشان تشترى حاجه بمبلغ بسيط بس هتسافرله اخر الدنيا .

وان شاء الله الخطوه السابعه انى اجمع المواضيع دى كلها بعد الاستلام فى موضوع واحد ان شاء الله عشان اكيد هيوفر كتير اوى للناس بعديه

سلامى للجميع

[ahmedfathy77]

هو حضرتك هتستلم في الدفعة الجاية ؟؟؟؟ اللي وصلت دي يعني ولا اللي بعدها
و مبرووك مقدما

السلام عليكم ورحمة الله وبركاته

لا طبعا يا باشا الدفعه اللى جايه محجوزه من زمان ان شاء الله بعدها وشكرا يا باشا

سلامى للجميع

[ahmedfathy77]

مبروك يا كبيــــر .... وعقبال ماتستلم على خير ان شاء الله

بس ماتنسى يوم الاستلام ... عاوز :-

1 كانز كولا + 2 شيكولاته جالاكسى ساده

-----

مبـــــــــــــــــروك ....

تحيــــــــــــــــــاتـــــــــــى

السلام عليكم ورحمة الله وبركاته

يا باشا كارتونه كامله انت جيت فى جمل والشيكولاته كمان ده غير ورق العنب انت نسيته ولا ايه يا عم ايمن انت جمايلك مغرقانا كفايه مجيتك معايا وتعبك معايا الله يكرمك يا ايمن انت بجد اخ مش صديق وربنا يديم المعروف بينا يا رب

كل سنه وانت طيب

[ahmedfathy77]

1000 مبروك يا أحمد لو إن العربية دى لما تيجى هتبقى السبب فى إنى ما استمتعش بالحديث بتاعنا اللى بعد كل خروجة بس برده هى أريحلك. 1000 مبروووووووووووووووووووك يا باشا و نصيحة ليك و للمدام الجين أسود أو ميتال جراى و طبعا دى مساعةد على الماشى و لولا اختلاف النظر .....................

السلام عليكم ورحمة الله وبركاته

والله انا اللى فعلا بستمتع بالكلام معاك يا باشا صحيح مش هنتكلم واحنا مروحين بس بص للجانب المليان لما تبقى فيه عربيه اكيد هنقدر نتقابل اكتر ونتكلم اكتر ومش هبقى حامل هم حاجه و مش هبقى محدود بالزمان والمكان اوى زى دلوقت انت عارف انا عشان اجى فى اى مقابله ببذل مجهود فظيع فى المرواح و المجى للشغل تانى يوم ببقى ميت بس لجل الورد باه ولولا انى متاكد انى بكون سعيد جدا وانا بقابل ناس زى حضراتكم عمرى ما كنت تعبت كده.

اللوم بقه يا باشا احنا فى مباحثات لغاية دلوقتى والوان 2010 لو فيها جديد ممكن تحسم المساله وعلى فكره انا من انصار الاسود جدا بس ايمن عمال يقنعنى من زمان بلاش الاسود عشان التراب والبهدله بتاعة الشوارع وادينى بفكر وهنشوف ان شاء الله

سلامى للجميع