المقص الخلفى اتعوج

[ghoneim]

السلام عليكم ورحمة الله وبركاته
النهارده الظهر كنت راجع مارشدير وكان فيه سلم خارج حوالى 80 سم فى السارع وللاسف ماشفتوش وهووووووووووووب سمعت صوت خبطه محترمه انا قلت الاكصدام راح فى الكازوزه
بس اللى حصل ان المقص الخلفى اتعوج نتيجه للخبطه
المهم وديت العربيه مركز الصيانه اللى فى المنصوره وقالو لى انهم هيسألوا على المقص ده فى عز العرب يوم الاحد انا عندى سؤالين
اللى حصل ده طبيعى؟؟ على فكره انا كنت ماشى ببطء لانى كنت لسه ببتدى اتحرك
يا ترى يا هل ترى تفتكرو سعر المقص الخلفى كام ؟؟ وعلى فكره برضه هما قطعتين عاملين زاويه قايمه ولازم يتغيروا مع بعض
والحمد لله قدر الله وما شاء فعل

[Ayman_52]

قدر الله وماشاء فعل ... وربنا يحفظهالك ويكفيك شر الطريق

مش هقدر افيدك فى استفســـاراتك ... البروتوناويه اكيد هيردوا على استفســـارات حضرتك

تحيــــــــــــــاتــــــى

[mimo3000]

الحمد لله انها جت على قد كده قدر الله وماشاء فعل

معلش ياباشا نصيبك هتعمل ايه وربنا يسهلها يارب وتطلع المقصات رخيصه وتتظبط على طول

[ghoneim]

شكرا ليكم على مشاعركم وامنياتكم الطيبه
بس انا سؤالى هل خبطه فى كاوتش العربيه ممكن تعوج المقص
وهل ده عيب فى العربيه ولا عيب فى السواق
وبالنسبه للسعراشترو جنب العفشه الخلفى شمال كامل من غير السره والمساعد بـ 1500 جنيه استيراد

[as01241]

شكرا ليكم على مشاعركم وامنياتكم الطيبه
بس انا سؤالى هل خبطه فى كاوتش العربيه ممكن تعوج المقص
وهل ده عيب فى العربيه ولا عيب فى السواق
وبالنسبه للسعراشترو جنب العفشه الخلفى شمال كامل من غير السره والمساعد بـ 1500 جنيه استيراد

هو سؤال حضرتك في محله وطبعا نظريا خبطة ما تعوجش المقص لكن الخبطة كانت إزاي لإن حضرتك ممكن تحس إنها كانت خفيفة لإنك كنت بتبتدي تتحرك لكن ممكن يكون العزم كان جامد وإنت بتطلع وفي إحتمال تاني إن كان في خبطة قبلها وإنت ما لاحظتهاش ودي كانت الخبطة التانية ....إحتمال لكن أنا أستبعد إن ده يبقى عيب من العربية لإنك أكيد كنت هتحس بيه
وعلى فكرة مش عيب سواق هي في حاجات بتحصل كده بتبقى أقدار بس .... أنا عندي شرخ في البربريز الأمامي وإكتشفته بالصدفة ومعرفش من إيه بس حطيت إحتمال إنها طوبة طارت من تريلا وشرخت الإزاز .... معلش قدر الله وما شاء فعل
بس كان عندي إستفسار هو حضرتك غيرت الجنب الشمال في التوكيل ولا بره , وهل التوكيل بيغير إستيراد ؟؟؟ ولو بره التوكيل مش كده العربية تخرج من الضمان ؟

[ghoneim]

اخى العزيز
انا صلحت فى مركز الصيانه اللى فى المنصوره، وهما ناس محترمين جدا فى نفس اليوم بعتوا جابو قطع الغيار من القاهره وسهرو لحد الساعه 3 فجر الجمعه لحد ما خلصوا العربيه، وعلى فكره انا قابلت عندهم ناس من القاهره جايه تعمل صيانه عندهم علشان ما فيش حجز عند عز العرب
طبعا انا ما فصلتش معاهم فى ثمن قطع الغيار لانى معنديش فكره عن اتمان الحاجات بتاعت العفشه
بس فاصلت معاهم فى المصنعيه اديتهم 100 جنيه للمركز و 20 جنيه للصنايعيه
متهيألى معقول ، ولا ايه رأيكم؟؟

[أبومعاذ]

ياريت حضرتك تقولنا قطع الغيار تمنها كام

[ghoneim]

اخى ابو مريم
قطع الغيار هى جني العفش الخلفى شمال كامل ما عدا السره والمساعد
تمنها 1500 جنيه ومركز الصيانه هو اللى اشترى بعت مندوب للقاهره بعربيتهم
وبرضه ما حدش جاوبنى وقال لى السعر ده كويس ولا ايه