إعـــــــلان

Collapse

.

,
See more
See less

جينا عملت حادثه تانيه فى خلال شهر ... يالهوى يانى يابا

Collapse
X
 
  • Filter
  • الوقت
  • Show
Clear All
new posts

  • جينا عملت حادثه تانيه فى خلال شهر ... يالهوى يانى يابا

    والأن سيداتى انساتى سادتى وزى ماعودتكم معايا هتلاقوا كل ماهو جديد فى عالم الحوادث .... تاتاتاااااااااا
    فى تالت يوم العيد كان ميعادى مع الحادثه التانيه لجينا (لسه مكملتش شهر من ساعه مااستلمت العربيه من بعد الحادثه الأولى) ... نازل من بييتنا لا بيا ولا عليا والعربيه مركونه بقالها يومين تحت البيت محاذيه للرصيف وانا جاى اشيل الغطا من الناحيه الشمال الاقى الغطا مقطع قولت الله يخرب بيت الكلاب ولا القطط اللى قطعتلى الغطا وبدات اتنرفز .... المهم شيلت الغطا وساعتها بدأت انهار .... منظر مرعب العربيه واخده عين محترمه .... قصدى خبطه محترمه فى الباب الخلفى شمال دمرت الباب وبالتالى دمرت الزجاج بتاعه والرفرف اتبهدل ... انا شوفت المنظر حسيت انى كان هيغمى عليا .... ده غير كمان ان نتيجه قوه الخبطه العربيه حكت من الناحيه التانيه من الرصيف فجابت البابين والعتب .... وطبعا الجانى مجهول .... الخلاصه شكل اللى خبطنى عربيه نقل اولا لأن كان فى عربيات نقل كتير موجوده فى المكان وكانت راكنه علشان الشغل واقف فى العيد ثانيا مفيش اى حاجه تانيه ممكن تخبط الباب وتكسر الأزاز بالمنظر ده ..... اللى يهلك من الضحك ويجيب الضغط والسكر فى نفس الوقت ان كان فى عربيه 132 راكنه قدامى صاحبها سايبها سبيل بقالوا 10 سنين تقريبا مبيجيش ناحيتها وكان برضه فى عربيه 128 ورايا ربنا يبارك لصاحبها فيها ... واللى اكتر من كده ان انا ليا مكان معتبر فوق الرصيف وتحت شجره بس للأسف ولأول مره مطلع الرصيف كان مسدود بعربيات النقل ودى اول مره اركن فى المكان ده مع العلم ان الشارع واسع جدا وعمر ماحصلت فيه اى حوادث ولا حتى عربيه اتحكت ..... المهم قررت ابطل حنتفه وروحت اشتريت باب استعمال ب1000 جنيه بعد الفصال وبوس رجل البياع علشان ينزل 600 جنيه وقولتلوا ربنا يجعله فى ميزان حسناتك انا هتجوز بعد عشرين يوم المهم صعبت على الراجل ورضى يديهونى بالف جنيه.. وروحت على التوكيل قالى العمليه هتتكلف 1500جندى غير الضريبه واهى الأخت دلوقتى مشرفه فى التوكيل بفكر اعمل معاهم اشتراك زى بتاع الأتوبيسات علشان الحوادث اللى جايه وخصوصا بتاعه قبل الجواز بخمس ايام انا حاسس انها جايه جايه ..... وزى ماعودتكم فى الحوادث السابقه الأن هنطلع بالدروس المستفاده
    1- ماتركنش فى اى شارع فيه اى عربيه نقل راكنه
    2- حاول تعمل نوبات حراسه لعربيتك باستخدام البودى جاردات او حتى قوات من الجيش مع عمل حفر كبيره حوالين العربيه لمنع وصول اى سياره اليها حتى لو معرفتش تطلع بعربيتك بعد كده بس اهم حاجه انها متتخبطش.
    3- خللى بالك من عربيتك اوى وخاصه انك هتتجوز بعد 20 يوم ولسه قبل متعرف موضوع الحادثه بتفكر هتستلف من مين علشان تجيب بدله الفرح بدل متروح فرحك ببيجامه كستور (وشكله ده اللى هيحصل بعد الحادثه ماحصلت ده ان مضطريتش انى ابيع البيجاما ذات نفسها)
    4- اللى يعمل حادثه تانيه وهو لسه مااخدتش من التأمين ال 14200 جندى بتوع الحادثه الأولانيه ... يستاهل كل اللى يجراله
    5- تعاطفك لوحده مش كفايه ... اتبرعلى ولو بجنيه ولك الثواب والأجر عند الله ..وزى مافى مستشفى 57357 دلوقتى انا عملت جينا 58358 اظن مالكمش حجه دلوقتى

    وللى ماتابعش الحادثه القديمه ده اللينك بتاعها علشان تتابع المأساه من اولها
    http://www.nilemotors.net/Nile/88429-a.html






  • #2
    لا حول ولا قوه الا بالله
    حاجه تضايق فعلا بس للاسف مش فادر امسك نفسي من الضحك ههههههههههههههههههه من طريقه حضرتك في الكتابه وربنا يتمملك يارب علي خير انشاء الله وتبعد عنك اي حاجه تانيه
    سبحان الله وبحمده سبحان الله العظيم

    Comment


    • #3
      سلام عليكم

      ايمن عادل من القاهره

      اتبرع لاسلام بمصروفى الشخصى بتاع يومين وهو 10 جنيه + 2 شبشب شاطىء (احمر و برتقالى)

      وكمان فى شنطه هدوم قديمه كنا مجهزنها لجمعيه - رساله - يلا مش خساره فيك يا حبيبى (عشان تعرف مش حارمك من حاجه اهوو)

      ----

      مع ان المفروض ادخل اواسييك والكلام دا ... بس كل ماقرا كلامك واسلوبك ... اضحـــك




      مش عارف والله يابنى انت المفروض تبطل تركب العربيه دى وتركنها

      او انا لو منك ... تديها لايمـــن دا اللى معاكم فى نايل موتورز ... هــديـــه

      ----

      لا جد بقى شوبه ... مش عارف اقولك ايه

      قدر الله وماشاء فعل ... وربنا يحفظلك العربيه يارب ويكفيك شر الطريق

      .
      .

      كفـــايه جد بقــى

      وانا كلمتلك م/امـــر ... على اشتراك التوكيل ... واول ماقولتله اسمك عرفك والله والله على طول (مانت عارف)

      ----

      كان معكم ... ايمــن عادل

      مدينه نصر

      القاهـــــره



      [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
      -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
      --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

      [aldl]http://img825.imageshack.us/img825/7055/3333333388333335555.gif[/aldl]

      [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

      [/CENTER]

      Comment


      • #4
        خير ...قدر الله وماشاء فعل
        هو لازم على فكرة قبل الجواز يحصل حاجة....او بعده....على حسب ظروفك
        بس انا رأيى لا تركنها ولا تمشى بيها الفترة دى .....خليها فى التوكيل لبعد الجواز...وتبقى فى الامان
        أهم حاجة حاول تحافظ على البيجامة ....لان هى الامل الوحيد دلوقتى

        ولا يهمك.....خير ان شاء الله
        [CENTER][CENTER][COLOR=Blue][B][FONT=&quot]لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين[/FONT][/B][/COLOR][/CENTER]
        [/CENTER]

        Comment


        • #5
          المشاركة الأصلية كتبت بواسطة مصطفى_صديق مشاهدة المشاركة
          خير ...قدر الله وماشاء فعل
          هو لازم على فكرة قبل الجواز يحصل حاجة....او بعده....على حسب ظروفك
          بس انا رأيى لا تركنها ولا تمشى بيها الفترة دى .....خليها فى التوكيل لبعد الجواز...وتبقى فى الامان
          أهم حاجة حاول تحافظ على البيجامة ....لان هى الامل الوحيد دلوقتى

          ولا يهمك.....خير ان شاء الله
          عندك حق
          [CENTER]:018::018:[/CENTER]

          Comment


          • #6
            الحمدالله على السلامه انشاالله ترجع زى الاول واحسن وربنا يرحمنا من الهم ده الواحد مش ملاحق على البلد ده والاستهتار المتفشى على اخره وربنا يكرمك وتتجوز على خير
            احنا كده لازم نعمل صندوق لمتضررى من الحسد والعين الى عاوزه تفلق جين2 الجميله
            ربنا يوفق
            [SIZE=4][COLOR=teal]سبحان الذى سخر لنا هذا وماكنا له مقرنين وانا الى ربنا لمنقلبون[/COLOR][/SIZE]
            [SIGPIC][/SIGPIC]
            KH.Hamdy
            [CENTER][COLOR="Magenta"][B][U]هتلر[/U][/B][/COLOR]
            [COLOR="magenta"]كنت قادرا على ابادة يهود العالم ولكني تركت بعضهم [/COLOR][COLOR="magenta"]لتعرفوا [/COLOR][COLOR="magenta"]لماذا أبدتهم [/COLOR][/CENTER]

            Comment


            • #7
              و الله العظيم المفروض ندي لاسلام لقب "رجل الحوادث" اه يا ابني دا حدثة لكل مواطن ولا اه دا انت اخد عين لولبية مخترقة
              [CENTER][SIZE=5][COLOR=Green][B]DA ANA BA3D EL TA3DEL
              [/B][/COLOR][/SIZE][aldl]http://khirn.weebly.com/uploads/2/1/9/5/2195681/9709014_orig.jpg[/aldl]
              [/CENTER]

              Comment


              • #8
                قدر الله و ما شاء فعل

                يا استاذ اسلام دا قضاء الله و الحمد لله على كل
                شىء
                و يا ريت تركنها زي ما ااباشا اقلك لبعد الجواز
                انت عارف بقى المشكلة في ايه؟؟؟؟؟؟؟؟؟؟؟؟؟؟
                المشكلة ان روكبي بتخبط علي الجيران من الخوف و مش عايز اقولك مشاوير الحمام اد ايه
                اييييييي انا لسه ماجبتش العربية و خايف طحننننننننن اجيبها عشان موضوع العين ده و ناوي ادبح حاجه قبل ما اروح ارخص اساسا بس بردوه خايف مووووووت
                جينا غصب عن عين اي واحد بتخطف الانظار
                و الواحد مش عارف لما يجبها يحطها فين اساسا .........انا بفكر نشترك مع بعض و نعمل جراج خاص بينا كلنا
                بس ارجع و اقولك ممكن ناخد عين مركزة جمعاءءءءءءءءء و يتهد الجراج على كل العربيات يبقى زي المثل اللي بيقول ....(وجنت على نفسها براكش)
                والله انا فعلا خايف وكمان انا حاتجوز قريب زيك تمامممم فا خايف اكتر
                وكل ما تجيب سيرة الجواز بتنيل و اخش الحمام فا pleaseeeeeeeeeee
                ابس ايدك و دوافر عينيك اركنها بقه و استعملها بعد الجواز
                [SIZE=4][COLOR=DarkOrange]اللهم صل على محمد وعلى آله وصحبه أجمعين

                [/COLOR][/SIZE]

                Comment


                • #9
                  قدر اللة وما شاء فعل يا اسلام باشا وانشاء اللة الجواز يتكم على خير وبالنسبة للركنة فى الشركة انا ححافظلك عليها متقلقش
                  وجارى العمل باسيارة
                  وربنا يحفظك وتتم الجوازة على خير يارب
                  [B][justify]work like u don't need the money, love like u've never been hurt, dance like nobody's watching........"[/justify][/B]

                  Comment


                  • #10
                    لا حول ولا قوة الا بالله !!

                    دانتا لسه مالحقتش تتهني بيها...

                    يالا المهم انك بخير يا باشا
                    [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


                    You 're beautiful , Its true


                    [/CENTER]

                    Comment


                    • #11
                      قدر الله و ما شاء فعل
                      حاول تطلع صدقة او حاجة زي كده

                      [CENTER]<img src='http://www.nileup.com/uploads/images/domain-58a889af5a.jpg'>[/CENTER]

                      Comment


                      • #12
                        طبعا قدر الله وماشاء فعل , أنا طبعا مقدر حالتك رغم الضحك والهزار بس بردو مش هقدر أخبي كم الغيظ والنرفزة اللي جوايا من الحادثة دي أصل لما تركن عربيتك تحت بيتك وتنزل تاني يوم تلاقي فيها كل ده دا أنا ممكن أتجنن , .... أصل أنا ممكن أعمل حادثة وأنا سايق دا وارد وقدر ممكن يحصل وساعتها حتى لو مش غلطان مش هزعل أوي وهقول الحمد لله .....بس كدا صعب أوي .....بجد ربنا معاك
                        بس في سؤال معلش , هو عربينك مافيهاش إنذار وهل الإنذار ما ضربش ؟ وهل حضرتك ما سمعتش أي حاجة خالص , أصل حسب ما بتحكي دي مش ترييحة ولا نقرة , دا العربية إترزعت والإزاز إتكسر والجنب التاني حتى إتضر ....غريبة بجد , بجد الله يكون في عونك وإن شاء الله تصلحها وترجع زي ما كانت
                        [CENTER] [/CENTER]

                        Comment


                        • #13
                          الحمد لله ياباشا انها جت على قد كده قدر الله وماشاء فعل

                          اهم حاجه دلوقتى تحافظ على البيجاما الكاستور وتشيلها فمكان امين عشان هى اللى فضلالك دلوقتى ويستحسن تحطها فجراج كمان..

                          نتكلم بجد ياباشا حاول بجد تشوف جراج كويس تحط فيه عربيتك عشان حرام تركنها فالشارع منتا عارف ولاد الحلال كتير اللى يخبطها ويجرى واللى يخربشها وهو ماشى بمفتاح ولا حاجه فايده واللى بيهزر مع صاحبه ويعتبروها ساحت قتال والعيال الصغيره وانتفاضه الطوب اللى بيعملوها
                          وانا رايي تعمل محضر باللى حصل وتروح جرى على شركه التامين وتعمل مشكله هناك بقى وتاخد فلوسك ال 14 الف وفلوس تصليح المرادى كمان عشان انتا هتبقى محتاج كل قرش فالفتره دى عشان الجواز وكده ولو ماطلوك او كده روح حمايه المستهلك هناك ناس محترميين جدا وهيهتموا بالموضوع
                          ربنا يوفقك ياباشا وتتصلح بسرعه وتاخد فلوسك
                          وربنا يتمملك الجواز على خير يااااااااااااااااااارب

                          Comment


                          • #14
                            لا حول ولا قوه اله بالله

                            انا شايف اننا فعلا نعمل " صندوق متضررى الخبطات و التخاييش لاصحاب سيارات بروتون " .

                            Comment


                            • #15
                              قدر الله وما شاء فعل

                              مش عارف أقول ايه والله .. غير ان ربنا يعينك ويصبرك

                              أنا عارف أن ميعاد فرحك خلاص .. قرب .. وعربيتك فى التوكيل دلوقتى

                              لو عوزتنى بعربيتى فى أى مشوار يخص تحضيرات الفرح .. أو تجهيز الشقة أنا تحت أمرك يا بشمهندس

                              والله بتكلم بجد ..

                              والحمد لله على كل شئ
                              [CENTER][RIGHT][CENTER][SIGPIC][/SIGPIC]
                              [/CENTER]
                              [CENTER][RIGHT][FONT=Comic Sans MS][SIZE=4][URL="http://www.nilemotors.net/Nile/110461-a.html"][/URL][/SIZE][/FONT]

                              [/RIGHT]
                              [FONT=Comic Sans MS][SIZE=4][URL="http://www.nilemotors.net/Nile/110461-a.html"][U] شاهد شاف كل حاجة .. الصور لا تكذب أبداً[/U][/URL][/SIZE][/FONT]
                              [/CENTER]
                              [/RIGHT]
                              [/CENTER]

                              Comment

                              Working...
                              X