لية الجن 2 سمعتها وحشة .....؟

[mark_milad_95]

لية العربية سمعتها وحشة كدة , الموضوع دا قالقنى و مخوفنى اوى .

انا مافيش واحد سألته على العربية و قاللى انها حلوة , كل الناس بتحزر منها .

صحيح الناس بتحب تتكلم و هى مش فاهمة , م كله بيقول اى كلام .

محدش مجرب العربية , اللى يقوللك كانت مع واحد صحبى او قريبى .

لكن برده مافيش عربية سمعتها كدة , كل العربيات ناس تقول حلوة و ناس تقول وحشة و هما برده مش فاهمين . لكن فى اراء مختلفة .

انا متابع المنتدى من فترة كبيرة و عرفت معظم الحاحجات عن العربية بمميزاتها و عيبها و بعرف ارد على الناس دى , لكن الكلام الكتير دا مقلق مقلق .

انا و اعتقد ناس كتير تانى بدون المنتدى عمرى ما كنت هفكرولا اقتنع بالعربية .

ميعاد الاستلام قرب , و الواحد مش عايز يندم , و القلق بيزيد .

لييييييييه سمعتها كدة ؟؟؟

[m.3abdel3al]

معظم الناس الي بتتكلم دي بتتكلم علشان العربية ماليزي لسة فاكرين انهم عايشين ايام الثورة الصناعية في اوروبا و لسة فاكرين ان الماتور الياياني عفي و الامريكي حديد و نادي السكة الحديد واخد كاس مصر انا عايز اقولك حاجة الناس دي بتفكر تفكير "جدي وهو في ريعان شبابة " متقلقش ما احنا كلنا معانة العربية

[a7mode]

رغم انى معيش جين 2 .. بس العربيه دى جميله جدآ ما شاء الله عليها .. هيا مع صحبى وانا سوقتها اكتر من مرتين وجميله جدآ بجد ومريحه
ربنا ما يجيب ندم يا جميل العربيه تحفه وطبعآ انت عارف ان مفيش عربيه تخلو من العيوب يعنى دا شيئ طبيعى

[mark_milad_95]

معظم الناس الي بتتكلم دي بتتكلم علشان العربية ماليزي لسة فاكرين انهم عايشين ايام الثورة الصناعية في اوروبا و لسة فاكرين ان الماتور الياياني عفي و الامريكي حديد و نادي السكة الحديد واخد كاس مصر انا عايز اقولك حاجة الناس دي بتفكر تفكير "جدي وهو في ريعان شبابة " متقلقش ما احنا كلنا معانة العربية

صح صدقنى بس الكلام دا لما يزيد بيخوف و بحس ان انا بعند مع الناس و بمشى اللى فى دماغى .

وانا صدقنى ما فى حاجة مطمنانى غيركو .

[mahmoud_magdy]

متقلقش من العربيه خالص
اقرأ المواضيع المهمه هنا في المنتدى
واطلع على المشاركات بتاعت الاعضاء
وانت هتقدر تبني رأي خاص بيك
العربيه ما شاء الله منتشره انتشار مناسب جدااا
كلام الناس بدون وعي خالص وبدون تجربه ولا حتى اطلاع

انا سألت زيك (واحد في المبيعات ) قلتو رأيك فيها ايه (مبيعات هيونداي )
رد علطول وقالي وحشه
وبعد كدا برر كلامو ان قطع الغيار غاليه ومش موجوده الا في التوكيل
والكلام هنا في المنتدى بينفى الكلام اللي قالو
انا بقى مردتش عليه وسيبتو على عماه
انا فاهم وهو مش فاهم
واللي فيه الخير يقدمو ربنا

[ahmedfathy77]

طبعا اي حد بيشتري عربيه بيبقي مقلق و خاصة لما يسمع كلام كتير مش ايجابي انما انت لو سالت نفسك انت حضرتك فين دلوقتي هتلاقي نفسك في منتدي فيه ملاك العربيه نفسها بتجاربهم و معلوماتهم و المشاكل و الحلول مش اعلان عن التوكيل او العربيه او ناس شغاله في التوكيل عشان كده اي حد هيكون ادامه فرصه عظيمه لتجارب حقيقيه بدون تجميل وبعيده عن الفتوي بدون علم صعب تلاقيها في مكان تاني
اقرا كتير عن العربيه و اسال و توكل علي الله
سلامي للجميع

[viper911s]

مارك باشا لو على السمعة اغلب العيوب الى بتقابل الناس كانت عيوب تقفيل لكن كعفشة وموتور وفيتيس محدش اشتكى منة وعيوب التقفيل دى كمان اتحل 90% منها فى موديلات 2009 وبعدين بقية اعض

[eslam_wega]

متقلقش لسبب بسيط لان 85 % من الناس فكرتها على العربية انها باربع عجلات فقط لا غير
وهقولك مثال على كدا
انا لما كان معيا الديهاتسوا ميرا وكانت 1000 سى سى بس كانت صغيرة جدا
كانت لما بقول لحد انا بجرى معا عربيات 1600 سى سى ومش بيطلعوا منى غير بعد ال 140 مكنش حد بيصدق
بس لما كانت اقوله طب تعال اوريك بنفسك ويعقد جبنى ويشوف سحبها كان يستغرب ويسالنى السبب اية دى 1000 سى سى بس ؟
كانت بقول كل حاجة نسبة وتناسب
يعنى انت شايف العربية صغيرة اد اية وخفيفة جدا ازى
فهى بالنسبة لها 1000 دة زى 1600 على العربيات التانية الى اتقل منها
لكان لو جيبت نفس المتور ال 1000 على عربية زى الانسر مثلا هتلقيها ماشية زى السحلفا ودة عشان فرق الوزن
فعشان كدا بقولك متخدش بكلام الناس لان هتلقى ناس بتحكم على الحاجة من غير ولا تجربة ولا بتنجان الى يقولك لا اصلى دى ماليزى لا اصل دى 1000 سى سى وخد عندك على هذة الامثلة كتير من الناس الى بتكلم وهى مش فاهمة
تسلتم على خير ان شاء الله والحاجة الوحيدة الى ممكن تقلق منها فى العربية هى ( الانتشار)
واسف على الاطالة

[أبــوحبيبه ونور]

لية العربية سمعتها وحشة كدة , الموضوع دا قالقنى و مخوفنى اوى .

انا مافيش واحد سألته على العربية و قاللى انها حلوة , كل الناس بتحزر منها .

صحيح الناس بتحب تتكلم و هى مش فاهمة , م كله بيقول اى كلام .

محدش مجرب العربية , اللى يقوللك كانت مع واحد صحبى او قريبى .

لكن برده مافيش عربية سمعتها كدة , كل العربيات ناس تقول حلوة و ناس تقول وحشة و هما برده مش فاهمين . لكن فى اراء مختلفة .

انا متابع المنتدى من فترة كبيرة و عرفت معظم الحاحجات عن العربية بمميزاتها و عيبها و بعرف ارد على الناس دى , لكن الكلام الكتير دا مقلق مقلق .

انا و اعتقد ناس كتير تانى بدون المنتدى عمرى ما كنت هفكرولا اقتنع بالعربية .

ميعاد الاستلام قرب , و الواحد مش عايز يندم , و القلق بيزيد .

لييييييييه سمعتها كدة ؟؟؟

على فكرة انا قررت انى اجيب جـــــن تــــــــــــو من فترة كبيرة وبصراحة مفيش ولا واحد قال انها مش كويسيه واول ما قراة العنوان شدنى اوى وحبيت اقول اللى سمعته برضة ومعى اكتر من واحد معهم جين2 وكلهم بيشكرو فيها

[مصطفى_صديق]

أنا معايا العربية......ماشاء الله ....زى الفل...سيبك من كلام الناس...ده غير ان العربية سمعتها أخر حلاوة....ونسبة اللى بيشكرو فيها اكتر بكتير من اللى مش عاجباهم (من ملاكها طبعا)

[MohabSaeed]

سيبك من كلام الناس .... كلام كتير ... تقليد اعمى ... منطقيه فى التفكير صفر .

+ ان لكل عريبه مميزاتها و عيوبها " و عيوب بتختلف من عيوب بسيطه .. لمتوسطه .. لقاتله " .... و طبعا اهم حاجه فى العربيه ان العيوب تبقى ضمن حيز العيوب البسيطه ...لان العيب القاتل فى عريبه ممكن يكلف ارواح .

+ حاجه كمان ان العربيه كسلعه اكيد لازم يختلف عليها الاراء مابين مؤيد و معارض ....

[أبــوحبيبه ونور]

سيبك من كلام الناس .... كلام كتير ... تقليد اعمى ... منطقيه فى التفكير صفر .

+ ان لكل عريبه مميزاتها و عيوبها " و عيوب بتختلف من عيوب بسيطه .. لمتوسطه .. لقاتله " .... و طبعا اهم حاجه فى العربيه ان العيوب تبقى ضمن حيز العيوب البسيطه ...لان العيب القاتل فى عريبه ممكن يكلف ارواح .

+ حاجه كمان ان العربيه كسلعه اكيد لازم يختلف عليها الاراء مابين مؤيد و معارض ....

[mark_milad_95]

لا تعليق ...

انا فعلا المطمنى ان فى ناس فاهمة هنا كتير معاها العربية .

متشكر جدا على الردود الجامدة دى .

و انشاء الله نستلم على خير و ميطلعش فى حتى عيوب تقفيل , و ساعتها هروح اثبت لكل الناس اللى حزرتنى منها انهم جهلة .

و بجد متشكر للمنتدى كله كمان مرة عشان بجد منغيرة كان زمانى لغيت الحجز من زمان و بفكر فى حاجة تانية.

[as01241]

لية العربية سمعتها وحشة كدة , الموضوع دا قالقنى و مخوفنى اوى .

انا مافيش واحد سألته على العربية و قاللى انها حلوة , كل الناس بتحزر منها .

صحيح الناس بتحب تتكلم و هى مش فاهمة , م كله بيقول اى كلام .

محدش مجرب العربية , اللى يقوللك كانت مع واحد صحبى او قريبى .

لكن برده مافيش عربية سمعتها كدة , كل العربيات ناس تقول حلوة و ناس تقول وحشة و هما برده مش فاهمين . لكن فى اراء مختلفة .

انا متابع المنتدى من فترة كبيرة و عرفت معظم الحاحجات عن العربية بمميزاتها و عيبها و بعرف ارد على الناس دى , لكن الكلام الكتير دا مقلق مقلق .

انا و اعتقد ناس كتير تانى بدون المنتدى عمرى ما كنت هفكرولا اقتنع بالعربية .

ميعاد الاستلام قرب , و الواحد مش عايز يندم , و القلق بيزيد .

لييييييييه سمعتها كدة ؟؟؟

بص أنا شايف إن مافيش أي داعي للقلق لسببين:
أولا مافيش حاجة غامضة قدامك , كل حاجة بتتقال وماحدش بيخبي حاجة وبعدين الناس هنا في المنتدى بتتكلم عن عيوب العربية قبل مزاياها وكمان أسعار قطع الغيار موجودة وتقدر تقارنها بغيرها من العربيات وإنت بنفسك تحكم هل الفرق يخليك تغير رأيك أو إنه ما فيش فرق أساسا !!! وبعدين ميزة المنتدى إنك بتعرف التجربة من صاحب العربية نفسه مش حد يقولك دي كانت مع واحد أخو واحد بن عم واحد صاحب أخويا وقال إن العربية مش كويسة ....طب دا كلام
ثانيا وده الأهم إن حالة القلق اللي إنت فيها دي مش هتخليك تستمتع بالعربية وتضيع عليك فرحة العربية الجديدة لإنك هتبقى طول الوقت في خوف وقلق إن يحصل حاجة أو إنك تسمع صوت هنا أو يحصل حاجة هنا أو هناك بس صدقني دا وارد يحصل وف أي عربية أي أن كان نوعها .... وبتتحل مع الصيانة الدورية وبتنتهي .....وأنا عن تجربة مع البرسونا 3 شهور لحد دلوقتي بقولك بمنتهى الأمانة ماشاء الله عربية ممتازة
ربنا يوفقك إن شاء الله للخير

[emadhamdy]

انا بس نفسي اعرف مين هما اللي بيقولوا العربيه وحشه
او علي عنوان حضرتك اللي معرفش بردوا مكنش المفروض ينزل بالشكل ده كان ممكن يتكتب داخل الموضوع نفسه عن طريق استفسار بنفس العنوان عموما انا هريحك وارد عليك رد غير اللي الاخوه
ردوا بيه عليك
عنوان حضرتك هو من ضمن اسباب سؤء سمعه العربيه دي
كتابه بعض الافاقين واصحاب وهميين للعربيه يدخلوا ويقولوا العربيه فيها وفيها سبب بردوا لتسؤيئ سمعه العربيه
اعضاء بيعملوا اشتراك مخصوص ويكونوا معاهم عربيه بتنافسها الجين.2 يدخلوا باسم مختلف ويقولوا العربيه فيها كذا وكذا وكذا
مش هطول اكتر من كده وهقولك النصيحه اللي ممكن افيدك بيها
متسمعش كلام حد غير لما تشوفه بعينك معاه العربيه دي
وبكده تسمع منه
لانه ركبها وساقها وعمل بيها صيانه وجري بيها يشوف ثباتها وقوه متورها وخلافه الخ الخ الخ
اعتقد كلام محدش يختلف عليه
وانا عن نفسي هقول رائيي المتواضع
انا معايا جين.2 من اخر 2007 ومقتنع بعربيتي جدا جدا جداااااااااا
كمان معنديش عيوب تقفيل في العربيه واتحدي اي حد
اخيرا العربيه انت لسه مستلمتهاش لو مش مقتنع بيها ومقتنع بكلام
ناس اصلا متفهمش في غير في البطيخ او حاقدين علي العربيه اللي اثبتت نفسها بدون حمله دعائيه واحده ممكن تعملها شركه هيونداي او سكودا او اي شركه تانيه
بلاش تجيبها خالص
ودور علي عربيه الكل يشكرلك فيها
للاسف مش هتلاقي
تحياتي ليك وللجميع


جينتاوي وافتخر